الرجاء المساعدة مشكلة في اعدادات المزر بورد عاجل جدا

[حمكشة]

ظهرت عندي مشكلة وهي انه في كل مرة افتح فيها الجهاز تظهر هذه الرسالة
floppy disk(s) fail (40

CMOS check sum error _ Defaults loaded

Warning! CPU has been changed

please enter CPU speed CMOS setup & remeber to save before exit!

وهذه الرسالة تعني وجود خطأ فى الفلوبي ديسك وهو بالفعل تالف عندي ولا استعمله.

المهم قمت بالدخول على اعدادات ال cpu وجعلت first boot من ال hard0 وليس من الفلوبي كما كان موجودا

وقمت ايضا بالغاء وجود الفلوبي كاحد مكونات الجهاز وفصلت عنه كابل الباور ايضا
.
المشكلة الان اننى استطيع الدخول على الجهاز بعدها لمرة واحدة فقط ثم اضطر لاعادة هذه العملية فى كل مرة ادخل فيها..

على الرغم من اننى حفظت الاعدادات بالضغط على مفتاح F10 قبل الخروج من اعدادات المزر.

لكن في كل مرة افاجأ بالرسالة السابقة مرة اخري فاقوم بالضغط على delete وادخل اعدادات المزر لاجد ما قمت بحفظه من قبل قد تغير وعاد الفلوبي كفيرست بووت على الرغم انه مفصول عنه الباور ..

واجده عاد ك drive A على الرغم من انى الغيت وجوده سابقا وقمت بعمل خروج مع حفظ exit and save

لا اعرف السبب فى هذه المشكلة جزاكم الله خيرا ساعدوني.. وعذرا للاطالة..

[fanto40]

جرب الطريقتين دول
أولا جرب ترجع البرودة للوضع الإفتراضى الأول
default values
وبعدين غير ترتيب البوت ... وإفصل الفلوبى خالص
....
أو ممكن تفصل البطارية بتاعة البوردة ... و تركبها تانى
كأنك عملت ريستارت للبوردة
و شف البوت برضه و لو كان الفلوبى الأول إبقى غيره تانى

[حمكشة]

الف شكر ع الرد يا باشا
حجرب ان شاء الله واقلك
بس عايز اعرف السبب فى كده ايه
محدش عنده تفسير يا جماعة؟؟؟؟؟؟؟؟؟؟

[حمكشة]

يا جماعة المشكلة مستمرة معايا
واحد قالى ان المشكلة في البطارية غيرها.
لكن التوقيت بتاع الويندوز شغال مضبوط ...يعنى اعتقد ان ده معناه ان البطارية شغالة
حد يساعدنى يا شباب

[fanto40]

طب ما تجرب تفصل الفلوبى خالص من الجهاز .... يعنى شيل كابل الداتا و الباور
ممكن كمان تشيل بطارية البوردة وتحطها تانى كأنك عملت ريستارت للبوردة ... عشان تمسح أى تظبيتات خاطئة و بعد كده إيقى إعمل الـ Default value

[aimen007]

اخى
غير الفانة وهات فانة سريعة شوية
واعمل بعد كده
save load defualt
وقولى بعدها حصل ايه يا مان
وهاتتحل ان شاء الله

[elsayed seleim]

بص يا با شا نفس المشكلة دى حصلت معايا وهى كالتالى

يتغير بوت البوردة من الهارد الى الفلوبى مع ان الجهاز مفيهوش أصلا فلوبى وكمان انا مظبط البوردى على الهارد ومظبط كل حاجة

وكان بظهر ان البوت من الفلوب ولازم يتغير وكدة يعنى

ولما بدخل على السيتم ألاقى الديب فريز مضروب يعنى علية علامة اكس

وكان الحل كاالتالى

لما دخلت على البوردة لقيت أن الباص وورد اللى وضعها للبوردة انشالت وعمول عليها ديسابل

وكمان التاريخ متغير وراجع الى 2002 وكمان الوقت الزمنى

مع انى منزل ويندوز جديد ومظبط الجهاز

واللى جنن ان الجهاز يكون تمام لو الفيشة بتعت الجهاز فى الكهربا ولو انشالت الفيشة ترجع العملية كما زكرت لازم يكون فية تيار فى البوردة

وأن اللى بيغزى البوردة ( البطارية ) مش ليها فايدة

والحل كان كالتالى

والحل أكيد أكيد فى بطارية البوردة أكيد كفائتها قلت ولازم تتغير

طبعا لازم تتغير

هذا والله أعلم

وتحياتى لكم وتحياتى لكل من ساهم بتقديم أى حل

أخيك السيد سليم


اللهم إلهمنى من علمك وإلهم المسلمين من علمك سبحانك لا علم لنا إلا ما علمتنا إنك انت السميع العليم

[حمكشة]

شكرا يا جماعة على الاهتمام
fanto40

انا فعلا شلت الفلوبي تماما كابل داتا وباور والمشكلة زى ما هيا..
بس لسه مشلتش البطارية حجرب ان شاء الله بس الواحد قلقان يبوظ حاجة..
شكرا ليك

aimen007
الفانة مالهاش علاقة بالحكاية دى خالص على ما اعتقد.
ده احنا ف عز الشتا يا راجل الجهاز بردان لوحده
شكرا لاهتمامك يا باشا

elsayed seleim
الله ينور عليك يا باشا
انا برضه بميل للاحتمال ده ان البطارية هى السبب
نفس الحكاية عندى برضه الجهاز تمام طول ما الفيشة في الكهرباء لو شلت الفيشة ميرضاش يسيف..
بما انك لك خبرة فى الموضوع ده يا ترى البطارية الجديدة بكام وتركيبها سهل ولا صعب؟؟
وايه اللى ممكن يحصل لو استمريت ادخل على الجهاز بتعديل الاعدادات كل مرة؟؟؟
هل ممكن جهازي تحصله مضاعفات؟؟ ميرضتش يفتح مثلا؟؟ ولا اللى بيحصل ده اخر حاجة ممكن تحصل لما تكون البطارية بايظة؟؟
والف شكر يا باشا على اهتمامك.

[fanto40]

يا باشا شيل البطارية و تركيبها مش قضيه .. وماتخفش دى حاجه سهلة خالص
هتلاقى عندك شفه " حافة "صغيرة كده عن مكان البطارية عشان تعرف تشيلها لازم تضغط الحافة دى لبرة
هتلاقى البطاريه طلعت لواحدها
المهم كل شيء يتم بهدوء
واى خدمه