لانسر 2005 [الأرشيف] - موقع الدي في دي العربي

bmya

06-12-2005, 05:57 PM

لو سمحت يا جماعه لليهم خبره جامده انا معايا لانسر 99 glx وعايز اجيب لانسر جديده 2005 بس عايز اعرف رأيكم فيها ايه وياريت لو حد يعرف مواصفاتها يقولي يعني بتجيب ال100 كم في اد ايه والثبات بتاعها اخباروه ايه وياريت كمان تكون لل 1600 سي سي وكمان 1300 سي سي عشان نعرف نختار
وليكم جزيل الشكر ومستني الردود بسرعه لو سمح

bmya

07-12-2005, 12:35 AM

ايه يا جماعه فين الردود الموضوع مستعجل
فين اهل الخبره

bisooo318

07-12-2005, 09:35 AM

بص يا برينجل هى عربية ناعمة يعنى جراية
على فكرة هى مع أبويا و معاه بردو سيتروين اكسارا
بيقولى عفشة الستروين أحسن من اللنسر بكتير
الثبات بعد 140كم بيبتدى يهزى
بس طبعا لو أنت قررت تشتريها يبقى ال1600

bmya

07-12-2005, 02:58 PM

شكرا يا bisoooooooooo بس انا عايز اعرف كل حاجه عن العربيه دي
يعني التوب سبيد بتاعها كام وبتجيب ال100 كم في اد ايه وبعدين انت ماحددتش انت بتكلم علي ال1300 سي سي ولا ال1600 سي سي
طيب وفي رأيك هي ولا التويوتا كرولا 2004 او 2005
مستني الردود لو سمحت

najieb5000

09-12-2005, 06:35 AM

شوف يا سيد
العربيه الانسر 1300 ليها حوالى 90 حصان ممكن تجيب ال100 كيلو فى 12 13 ثانيه بس مش متاكد
الانسر 1600 ليها 124 حصان هى افضل بكتير من ال1300 فى السرعه والكفائه وراحه المتور
الثبات للاتنين واحد وهم احسن من الكورولا بمراحل فى حكايه الثبات دى وخصوصا فى السرعات العاليه
بالنسبه للاسعار اظن معروفه
1300 كامله مانيوال ب 96 الف
1300 كامله اتوماتك ب 102 الف
1600 كامله مانيوال ب 108 الف
1600 base line ب 125 الف
1600 hugh line ب 136 الف

اما الكورولا فيها ب96 الف و 105 الف و 117 الف
بس الانسر احسن بكتير
بيبان ده قى اعاده البيع وقطع الغيار

hanyelkady

02-01-2006, 07:27 PM

انصحك بالكورولا لانها سيارة غنية عن التعريف و صالونها مريح و عربية ناعمة جدا و مريحة انما اللانسر الصالون بتاعها مش مناسف مع امكنياتها و فلوسها و بالتوفييييق

bmya

03-01-2006, 05:41 PM

هههههههههههههههههه
الاخ hanyelkady
شكرا ليك طبعا ولردك بس الكرولا دي مع العتزار ليك عربيه زبااااااله من اول الشكل الجديد عربيه منفوخه علي الفاضي وعلي فكره الكلام ده مش من هواا لان انا ركبتها وجربتها
العربيه بامانه مريحه وواسعه من جوه لكن علي الطريق خفيفه جدااااااااا ومفيش فيها اي امان وواحد صاحبي عمل بيها حادثه بسبب انها خفيفه جدا
كان واخد ملف بيها 120 عادي يعني العربيه اتقلبت بيه؟؟؟
انما الانسر انا ركبتها وكمان ال 1300 ماشاء الله كنت ماشي بيها 160 والعربيه تماام معايا
وعلي فكره الانسر بردوه غنيه اوي اوي عن التعريف وكفايه انها بتاخد بطولات في الراليات علي طول
وعلي فكره بردوه انا معايا لانسر 99 من الاخر برقبة التويوتا كرولااااااا
شكرا

hanyelkady

04-01-2006, 02:25 PM

يا باشا اى حد داخل بالسرعة الكبيييييييييرة دى لازم تتقلب بيه الملف لازم يكون على سرعة هادية لكن بامانة الكورولا عربية فخمة و مريحة و واسعة انما اللانسر واطية اوى على الارض و ده رايى و انت براحتك لو عاوز تجيب لانسر او كورولا و شكرااا

bmya

05-01-2006, 06:56 PM

الاخ Hanyelkady
انا بجد مبسوط اوي باهتمامك بالرد عليا
اولا انا فعلا بعترف بان التويوتا فعلا عربيه فخمه وواسعه من جوه بسسسسسسسسسسسس
لكن غير كده فهي صفررررررررر
وان قولت بنفسك فعلا اللانسر واطيه علي الارض وده مديها ثبات اكبر في السرعات العاليه وفي المنحنيات الجامده
اما التويوتا فهي عاليه اوي زياده عن اللزوم لدرجه ان انا بحس انها زي الجيب في العلو بتاعها طبعا مع الاعتزار للجيب؟!!!
ممكن فعلا تكون اوسع من اللانسر
وعلي فكره 120 مش سرعه كبييييييييييييره اوي وانا بقولك انا معايا لانسر 99 وباخد بردوه ملفات الكوررنيش في اسكندريه لو تعرفها ملفات جامده وباخدوها 110 عادي
وعلي فكره انا مش بكره التويوتا كلها لكن بكره الشكل الجديد اللي منفوخ علي الفاضي
لكن بامانه الشكل القديم منها وخصوصا 93-95
جاااااااااامد واحسن 10000000000 من الشكل الجديد وثابت علي الطريق كمان عنها لانها مش عاليه اوي زي الجديده
وفي الاخر انا بشكروك مره تانيه

hanyelkady

06-01-2006, 12:17 PM

العفو يا باشا لكن ممكن اعرف انت هتجيب لانسر مانيوال و لا اتوماتيك

hanyelkady

06-01-2006, 12:18 PM

و تقريبا ميزنيتك كام عشان ممكن اقولك عربية حلوة اوى

bmya

06-01-2006, 11:07 PM

والله ياباشا انا بصراحه اتعودت علي الاتوماتيك لان اللانسر اللي معايا 99 اتوماتيك فبصراحه وفي الغالب هجيب ان شاء الله اتوماتيك
لانه اريح في السواقه في الزحمه وجوه البلد
ولا انت رأيك ايه؟؟
وبالنسبه للمزانيه ممكن لحد 100000 لان عايز اجيبها ان شاء الله فول اوبشن سبورت
ويا تري ايه العربيه اللي هتكون احي من اللانسررررررررررررر؟
ياريت ترود عليا

hanyelkady

07-01-2006, 09:05 AM

لا للاسف اللى معاك دول يجيبوا كورولا او لانسر بس و طبعا الاتوماتيك احسن

bmya

07-01-2006, 06:00 PM

هههههههههههههههه
ايه ياباشا انت كنت ناوي تخليني اجيب بورش 911 ولا ايه؟؟!!!!
طيب بس انت ما قولتش بردوه ايه هي العربيه دي ياريت تقولي ممكن ازود شويه لو العربيه تشتاهل بس ياريت ماتقولش رينو ميجان لان انا مابحبهاش وكمان انا عايز عربيه صغيره علي ادي كده حاجه شبابي يعني
مستني ردك ياباشا

hanyelkady

07-01-2006, 07:23 PM

يا باشا انا فعلا كنت هقولك الميجان لكن هى ب 130 الف جنيه مصرى و بعدين انضف عربيات فى مصر هى الميجان و البيجو 406 و محدش يقول لاء عليهم و دول شبابى اوى

hanyelkady

07-01-2006, 07:26 PM

و انا منصحكش بالاوكتافيا (عن تجربة) (لو بتفكر فيها )

herohok

07-01-2006, 07:38 PM

ياعم انت مع احترامي لكل الموجودين بتسال ناس قاعده فاضيه ومش فاهمه حاجه الي حد كبير انت لو عايز تشتري عربيه لازم تقعد مع مهندس سيارات خريج ع شمس يكون عنده خبره وهو يفيدك اكتر ولو عايز تبيع اللانسر اللي معاك قوللي وانا اخدها منك بس اكرمني فيها ع الاخر وده ايميلي فكر وقوللي
moh_goneem398@hotmail.com

bmya

07-01-2006, 08:46 PM

الاخ hanyelkady
مش عارف كنت حاسس انك هتقولي علي الميجان بص بصراحه هي عربيه تحفه طبعا بس انا مش بحبها وكمان دي عربيه كبير ه هي والبيجو 406
بس شكرا علي اهتمامك وردك عليا

bmya

07-01-2006, 08:49 PM

طبعا الاوكتافيا عربيه تمااااام ومع واحد صاحبي وميه ميه وبيقول 180 بتكون ثابته
وطبعا دي الماني بس غاليه هو ده عيبها بس سعرها
لكن ممكن تقولي ايه اللي مش عاجبك في الاوكتافيا

hippo

07-01-2006, 09:15 PM

انا عندي لا نسر 96 و بالفعل اللانسر افضل سيارة حاليا و لكن عيبها من وجهة نظري انها اصبحت منتشرة بطريقة غريبة للغاية واعتقد ان سعرها سوف ينزل الايام القادمة

bmya

08-01-2006, 03:39 AM

طبعا ياباشا اللانسر عربيه ماشاء الله جامده موت
وانتشارها ده اكبر دليل علي انها جامده موووووووت

najieb5000

08-01-2006, 04:23 AM

شوف يا سيد bmya
انت بتقول معاك 100000 ده رقم تمام اوى انت ممكن تجيب عربيه لانسر
بس المطلوب منك انك تزود كمان 7 تلاف جنيه علشان تجيب الى هقولك عليها دى
لانسر 2006 1600 سى سى
كامله اتوماتك G L S
جنوط اعتاب للعربيه اسبويلر خلفى
فرامل ABS اير باج للسائق
طاره الدركسيون جلد طبيعى خشب ابانوس للطبلوه
بص من الاخر العربيه حكايه
الانسر دلوقتى اعلى مبيعات فى مصر
سيبكو من الاوكتافيه العربيه حلوه اى بس غاليه
الميجان عربيه تمام اوى بس دى عربيه اوربى مش لمصر وشوارع مصر وشعب مصر
البيجو عربيه خلاص عفا عليها الزمن عربيه شكلها ده ثابت من سنه 1994 ولحد دلوقتى بتتصنع فى مصر بس خلاص راحت عليها
وكان هة ب 220 الف بالزمه ده حلال طيب مجيب الباسات اوتوماتك ب225 الف وشكل فضائى للباسات
اسمع نصحتى وخليك فى الانسر
اه نسيت الكورولا
عربيه كلبه بكل ما تعنيه الكلمه من معنى
واحد اعرفه مقلوب بيها وهو ماشى على ال80
ومش عاوز اعلق اكتر من كده
سلام

snake_snake

08-01-2006, 05:35 AM

انا بفضل ياباشا انك تجيب هوندا سيفيك ... أنا جربت وسقت سيارات كتيييره ... جربت الانسر والسيفيك والماجنا والكورولا والفووورويل land cruiser و الصني و كامري و الكيـا و اكوورد والالتيما و .........

والصراحه شفت انو انو السيفيك اروع سياره من حيث الثباااات والقوووه والسرعه والانطلاق حتى شكل السياره الخارجي رهيييييب وفظيييييييع ولعلمك انو السيفيك تعتبر اكثر سياره في العالم بتشيل زينه .. ومن ناحية الماكينه مصممه بحيث انها تتظبط بسهوله

والسيفيك محركها نوعين
النوع الاول LXI بيعطيك 1500 سي سي مع قدره حصانيه بـ 127 حصااان ... ومن الصفر للــ 80 في 9 ثواني
النوع التاني VTEC بيعيط 1700 سي سي مع قدره حصانيه بـ 150 حصان ... ومن الصفر للــ 80 في 7 ثواني وربما أقل

تحيااااااااااااااااااااااااتي

hanyelkady

08-01-2006, 11:06 AM

الاوكتافيا هى مع خالى بيقولى انها ناشفة و مش ناعمة و تقيلة على الارض و انا لما ركبتها حسيت كدة

bmya

10-01-2006, 10:42 PM

شكرا ليك يا اخ najieb
وان شاء الله هي اللانسر وبالنسبه للتويوتا فعلا هي عربيه كلبه زي مابتقول وفعلا في واحد صحبي اتقلب بيها بردوه

bmya

10-01-2006, 10:46 PM

الاخ snake_snake
انت باين عليك ياباشا عندك اجنس سيارات عشان تركب كل ده
وطبعا الهوندا عربيه مش محتاجه كلام اجمد واحلي عربيه ياباني بس سعرها غالي شويه

bmya

10-01-2006, 10:48 PM

الاخ hanyelkady ا
انا حاسس ان انا تقلت عليك
كل سنه وانت طيب الاول
بالنسبه للاوكتافيا A5
العربيه دي فعلا باشااااااا وثبات وتقل مفيش بعد كده علي الطريق 180 دي حاجه عاديه بيها
وفعلا هي العافشه بتاعتها ناشفه بس ده احسن عشان الطرق بتاعتنا في مصر ماشاء الله كلها مكسره وانا عن نفسي العفشه عندي لازم كل شهرين تتظبط

thehawk

11-01-2006, 04:40 AM

يا باشا نصيحة منى ليك هى الانسر دى عربية جميلة جدااااا انا لسة جيبها فى رمضان 1600 سى سى مانيوال الصراحة عربية ممتازة جداااااااا فى كل حاجة قطع الغيار وفى بيعهاا وشكلهااا جامد وانسيابى الكورولا شكلها وحش الناس بتركبها عشان اسمها اركب الانسر وشوف 122 حصان هيعملوا اية معاك على الطريق هى دلوقتى بتعتبر عربية ممتازة اما الفرنساوى الميجان والستروين والبيجو انا واحد صحبى معاة ميجان هى فخمة فى كل حاجة الصراحة لكن قطع غيارهاا غالية نار وخلى بالك ان الميجلا بتشتغل با الكارت الضوءى ودى مشكلة لان الكارت لو جرالة حاجة العربية مش هتمشى من مكانهااااا وبلاش الاكتوفيا انا ركبتهاا جريها مش جامد زر الانسر يكفى انها اقوى هورس بور هى والهوندا هما اعلى عربيتين فى الهورس بور اركب الانسر 2005 وواللة ما هتغيرهاااااااااااااااااا

bmya

11-01-2006, 05:08 AM

شكرا ليك يا استاذ thehawk
لكن بما انك معاك لانسر 1600 ممكن تقولي هي بتجيب الميه في كام ثانيه وايه اخبار الثبات معاك ولا انت مش من هوات الجري ولا ايه
بس بصراحه عربيه زي اللانسر وكمان 122 وماتجريش بيها يبقي حرام انك تجبها
وعلي فكره انا معايا لانسر موديل 99 1300 اتوماتيك GLX
بس ماشاء الله عليها
ياريت ترود عليا لو سمحت
شكرا

hanyelkady

11-01-2006, 11:02 AM

و انت طيب يا باشااا و ايه تقلت عليك دى ده اسمه كلام و مبروك عليك اللانسر و ربنا يديك خيرها و يكفيك شرها و المرة اللى بعديها بقى عاوز مرسيدس

ههههههههههههههههههههههههههههه

bmya

11-01-2006, 05:55 PM

ههههههههههههههههههههههه
الله يكرمك ياباشا والله يا hany
لو عليا انا نفسي اجيب BMW M3
بس بخاف من المستعمل اوي الزيرو بردوه حاو وبعدين الواحد يربي العربيه علي ايدوه احسن
وشكرا ليك ياباشا

hanyelkady

11-01-2006, 06:38 PM

انت بتنشكرنى ليه

ممكن ايميلك يا باشا

thehawk

11-01-2006, 07:06 PM

بص يا باشا هى بتجيب من 0 الى 100 فى 11 ثانية فى ناس قلتلى قليل عليها انا بقول كدة بردة لان ابويا بيركبها وينيم مطورها انما الثبات واللة جميلة جدا انا بجيب بيها 170 وانا مستريح والعربية موزونة على الطريق مبحسش بحاجة وعلى فكرة سحبها حلو جداااا انا بعد شهر لما جبتهاااا واللة واللة رفعت على التناى 120 كيلو واللة زى ما بقولك وعلى فكرة سحبها عالى جدا انا شديت مع نوبيرا ورينو ميجان موديل 2000 العربية الوحيدة اللى مقدرتش عليها هى الهوندا سيفيك 2005 دى مطورها جبااااااااااااار الصراحة حططت علية حطة وحشة قوى اما لاستهلاك البنزين فهى جةو البلد بتعمل 200 كيلو فى الصفيحة وعلى فكرة انت لما تركب الانسر الجديدة هتحس ان عربيتك القديمة عبارة عن 128 وانا قولتلك قبل كدة ان الانسر والهوندا اعلى هورس بور فى الجديد يعنى انت لو مشعاوز تجرى هى هتجرى من نفسهااااا وعلى فكرة انا العربية دى كانت بتجننى اول ما جبتها لانها وهى دايرة او ماشية ملهاش صوت وكنت بستغرب لانى كنت راكب قبلها لادااا 2105
لو هتشترى اتكل على اللة وخلص فيهااا مفيش احسن منها دلوقتى كفاية انك هتركب 122 حصاااااااااااااااااااااان

bmya

11-01-2006, 10:11 PM

لاخ hanyelkady
شكرا ليك ياباشا والايميل بتاعي هو
sherifaborgela@hotmail.com

bmya

11-01-2006, 10:15 PM

الاخ الجميل thehawk
انت فعلا شوئتني للعربيه دي فعلا وان شاء الله هجيبها بس انا مش فاهم يعني ازاي 120 علي التاني صعبه اوي ياريت ترود عليا وتفهمني
وبعدين انا بردوه بعربيتي ال128 اقصد اللانسر 99 بفك بردوه من نوبيرا لانها مش عربيه اصلا يتشد معاها وعشان انا ركبت النوبيرا وموتورها اي كلام
بس حكايه 120 انا مش فاهم اقصدك انك جبت 120 علي التاني ولا 120 علي الاول وبعدين ادتها التاني ياريت تفهمني؟؟؟!!!!!
بس حتي لو كده اكيد انت حرقت اوي علي الموتور

thehawk

12-01-2006, 01:03 AM

بص يا باشاانا كنت عايز اعرف التانى بتاعها بيجيب كام وقفت وانطلقت وعند التانى قرصت فضلت تجيب معايا سرعة وعشان تبقى عارف العربية مفصلتش معايا لكن الار بى ام كان على سبعة اتكل عاى اللة وخلص فى العربية دى وانت مش هتفكر تغيرهااا

hanyelkady

12-01-2006, 01:08 PM

بقولك يا باشا لو تزود 10 الاف تانى عندك صنى او استرا موديل 2006 طلقة و اله

bmya

12-01-2006, 03:56 PM

بصراحه يا hany
انا سمعت كلام مش ولابد عن الصني وبعدين الاوبل طبعا باشا وعلي فكره انا كان معايا فيكترا 95 قبل اللانسر
بس بصراحه الواحد اتعود علي الياباني وكمان انا عايز عربيه روشه كده وشبابي وده مش موجود في الاوبل ولا الصني
وبعدين كده بقي هبقي رخم كل شويه ازود فلوس ابويا هيحلف مانا مغيرها
هههههههههه
علي فكره انت ايميلك ايه؟؟؟

hanyelkady

12-01-2006, 04:50 PM

على فكرة هانى القادى ده اسم مش بتاعى ده بتاع واحد صاحبى و انا بدخل بيه عشان انا مكسل اسجل فى المنتديات

ههههههههههههههه

و انا اسمى الحقيقى احمد

و ده ايميلى

mysteryman198@hotmail.com

على فكر انا ضفتك عندى

و برضه عاوز اقولك حاجة الاوبل طبعا عربية روشة جدا و هايلة و جامدة و بعدين انت ركبت المانى و يابانى خلاص الاوبل المانى و اوعى وشك

mawad_hawk

15-01-2006, 08:59 AM

هو فى احسن من اللنسر كسياره شبابيه وسعرها معقول ... كمان يا ريت لو نويت تبيع عربيتك ابقى قولى علشان انا شوفتها فى موضوع تانى ليك وبصراحه تحفه وانا بدور على لنسر تبقى ريحتنى والله - لدى الجديه فى الشراء - وشكرا
*
*
*
*
*
mawad9999@yahoo.com
a_9999_m@hotmail.com

thehawk

15-01-2006, 08:00 PM

يا عم اتكل على اللة وهات الانسر بقولك اية نا واحد صحبى عندة لانسر 98 وعايز يقلبها ميراج يجيب حاجتها منين اللى هى الفوانيس والشنطة وشبكة الميراج ةتعريض الاكصدامات الحاجات دى يجبها منين ولك منى جزيل الشكر ارجو الرد فى هذا الموضوع اة ويا ريت تقولى اية هو مقاس الجنط المناسب ليها

bmya

15-01-2006, 11:46 PM

بوص يا سيد thehawk
هو الحاجات دي موجوده كتييره اوي في بورسعيد في منطقه تقريبا اسمها الحرفيين هناك ممك تعمل اي حاجه تخطر علي بالك
وبالنسبهه للجنوط هي تاخد لحد 16 بس هو الحلو 15 عشان لو ناوي تسقط العربيه مثلا وكمان عشان العفشه بتاعتك والمطبات هتبان اكتر فيها

thehawk

16-01-2006, 03:13 AM

طب صاحبى دة عايش فى القاهرة يلاقى الحاجات دى فين ممكن تقولى ولول سمحت قولى اسعرهم كام والف شكر يا ريس

bmya

16-01-2006, 05:17 AM

بوص ياباشا بصراحه انا مش عارف اماكن في القاهره بس ان شاء الله هسأل ناس اصحابي واقولك

thehawk

16-01-2006, 05:48 PM

ماشى انا متشكر لاهتمامك ويلا بقى هات الانسر

bmya

17-01-2006, 01:07 AM

ماشي ياباشا ان شاء الله وهقولك

hanyelkady

29-01-2006, 12:10 AM

جبت اللانسر يا عم انت و لا لهتفضل تضيع وقت

bmya

29-01-2006, 04:46 AM

لسه ياباشا بس في وحده قدامي فول اوبشن اتوماتيك و سبورت ب 94000 بس انا مستاغليها
ايه رأيك؟؟

hanyelkady

29-01-2006, 08:39 PM

موديل كام يا باشا و صحيح انت مش على الايميل ليه

bmya

03-02-2006, 02:56 AM

موديل 2005 سبورت فول اوبشن اتوماتيك وعفشه رياضيه و فتحه سقف كمان ولسه بالضمان وماشيه 5000 وانا جربتها لسه بحالتها فعلا

hanyelkady

04-02-2006, 06:25 PM

زى ما قولتلك على الايميل و القرار ليك

bmya

05-02-2006, 06:07 PM

ربنا يسهل ان شاء الله

دريم بارك

17-04-2006, 03:12 PM

طب ياجماعة انا بس عايز آخد رأيكو فى العربية اللى معايا
انا معايا تيوتا كورولا عيون مانيول موديل 2000 , 1300 سى سى
يعنى بقلها معايا 6 سنين
سؤالى بقى هل العربية دى كويسة عشان انا مقدرش احكم عليها لآن انا مجربتش عربية غيرها خالص
وانا كمان قريت من مشاركتكم فى الموضوع ان الكورولا عربية كلبة
فهل دة ينطبق على الموديل اللى معايا
شكرا

hofo

17-04-2006, 04:22 PM

زود حبة فلوس كتير وجيب عربية مرسيدس S500 عربية حلوة وحتحس فيها راحة
هه ههه ه ه ه ه ه

snake_snake

18-04-2006, 03:37 PM

انا شتريت لانسر 2004 ... الصراحه والله سياره جميله وفوق هيك سريعه مع المحرك الجديد والجير مابيبدل لانو التقنيه الجديده في المحرك وغيار الجير
انا تسابقت فيها مع هوندا سيفيك ... الانسر طلعت عنها بمسافه كبيره والله لدرجه اللي قدامي اتفاجا ... سحبها شديد واللي اروع من كده انو الثبات رائع جدا جدا
انا اخر مره جبت فيها 181 والحمدالله السياره ماتهزتش ... المهم ياترى اشتريت ولا هتستنى اللي يقنعك كمان وكمان

انا قبل كده حكيتلك عن السيفيك ... بس في الوقت الحالي من بعد ماشتريت الانسر عدلت عن رايي تماما وبقولك اتوكل على الله وكل الناس اللي حوليه بيقولو انو محرك الانسر بيعيش لمده طويله جدا من غير ما يتضرر وفوق هيك قطع الغيار ارخص ومتوفره

قولي رايك بقى !؟!؟!؟؟