الحقونى يا جماعة السمك بيموت

[hero2004_5]

عندى مشكله ظهرت عندى من يوم السبت

لقيت سمكه جوبى لونها بدا يتغير ؟؟؟؟؟

يعنى لقيت ان زعانف السمكه لونها بدا يكون ابيض اللون البيض ده بدا من عند مكان اتصال الزعانف بالسمكه و بعد كده لقيت الزعانف لونها ابيض خالص و تانى يوم لقيت السمكه كلها لونها ابيض و بعدها بساعتين ماتت :icon2800:
قلت مش مشكله يمكن حاله عرضيه و خلاص بس انهارده لقيت بقيت السمك الجوبى بدا يعمل زيها و واحده تانيه ماتت من 10 دقائق :icon2800: :icon2800: :icon2800: انا مش عارف اعمل ايه :schmoll0: :no000000:

و الحوض نظيف و فيه فلتر و سخان و درجه الحراره 27 -28

و الحوض فيه جوبى و سولتير و تيجر و واحده بلاك استوماس و 2 كات فيش

ياريت تقولى الحل بسرعه قبل ما اجى بكره و الاقيهم خلصووووو :bye10000:

[ninja911]

ده فطر ياباشا أصاب الحوض كله والمفروض تنقل السمك كله فى مياه أخرى نظيفة (طبعاً بالطريقة المعروفة لنقل السمك وهى وضع السمك فى كيس كبير ووضعه فى المياه الجديدة المزال منها الكلور ثم وضع بعض من المياه الجديدة فى كيس السمك مرة كل 5 دقائق 3 مرات إلى أن يعتاد السمك المياه الجديدة ويجب مراعاة الحرص فى هذه العمليه الخطيرة)

ولو مفيش حوض إحتياطى ممكن وعاء كبير وعميق مع وضع الأكسجين فى الماء ومراعاة عدم إطعام السمك فى يوم النقل

ثم تصفية مياه الحوض وغسله بالملح المركز مع الجرش عدة مرات وياريت لو بماء ساخن إلى حد ما

ثم ملىء الحوض فيما بعد وتركه يوم ونصف بعد إضافة بعض الملح للحوض وترك موتورالأكسجين يعمل مع مراعاة ألا يكون الأكسجين قوى حتى لا يدوخ السمك فى تلك المساحة القليلة من الماء

وفى مثل تلك الحالات لا يوجد حل غير ما قلته لك للأسف لأن ظهور الفطر بهذه القوة معناه توغله فى الجرش ولا يصلح أى علاج أو وقاية للسمك وستجد خسائر كل فترة حتى لو وضعت أدوية أو أضفت ملح

[hero2004_5]

شكرا يا نينجا على اهتمامك بالموضوع و الله انا مش عارف اودى جمايلك دى فين

بس انا مش عارف الفطر ده جالى منين لانى مركب فلتر و بنظفه كل اسبوعين و بغير الماء و ماجبتش سمك جديد للحوض من حوالى 3 اسابيع

ممكن يكون ايه السبب علشان اتجنبه بعد كده وشكرا على الاهتمام

[ninja911]

أهم الأسباب على الإطلاق هو : ترك الدوود مدة طويلة فى الدوادة وتعفن الدوود الساقط من الدوداة والموجود أسفل الجرش بصفة خاصة

وتحلل بواقى الأكل وسط الجرش بصفة عامة

باقى الأسباب :

أو إصابة السمك الجديد على الحوض بالفطر ونقل العدوى للسمك القديم

أو إختلاط ماء السمك الجديد (الذى ربما يكون به المرض من حوض البائع أو التاجر) بماء الحوض الخاص بك

[hero2004_5]

يبقى المشكله فعلا هى تعفن الدوود الساقط من الدوداة

مش عارف اعمل ايه فى الدود لانى مره عملت زى ما نت قلت انى احطه فى طبق عميق و احطه فى الحوض بس كانت المشكله اكبر لان البلاك استوماس دخلت جوه الطبق و لما جت تخرج منه خرجت الدود كله و ملى الحوض و بعد كده بقيت احطه فى الدواده زى الاول ياريت لو فيه طريقه تانيه لوضع الدود لانى مش عايز احطلهم دود مجفف

[ninja911]

هيه فعلاً البلاكستومس بتسبب المشكلة دى

ممكن تجيب إزازة بيبسى بلاستيك وتقطع الجزء الأعلى منها وتثبتها كويس فى الحوض وتحط فيها الدوود ودى هتبقى عميقة شوية بالنسبة لخروج الدوود منها بعد نرفزة البلاكستومس وهيا خارجة

أو حل أسهل وهو إنك تحبس البلاكستومس فى الشبكة أثناء وضع الدوود فى الإناء العميق لغاية ما السمك يخلص الوجبة وممكن تبقى تحط شوية صغيرين جداً للبلاكستومس بحيث تكله فى مرة واحدة

[hero2004_5]

فكره حلوه و الله يا برنس و انشاء الله هاعملها قريب
و شكرا جدا على الاهتمام

[أنس النور]

معلومات واله روعة ومفيدة جدا جدا جدا لاى واحد عايز يربي سمك

وبما انى هربى سمك ان شاء اله هبقى اخذ المعلومات دى عندى ع البيت

شكرا ليكم


النور

[tamerfouad]

تمام تمام الواحد فعلا عاجز عن الشكر فعلا انا ئبلتنى المشكلة دية بس لحقتها من اول يوم لان الباع تحتى مباشرتا فسهل عليةانى اجيبة يبص وشكرا ليك يننجا على المجهود