ما هو NCC Software Engineering

[eraser505]

اخواني الاعزاء لقد حصلت على منحه دراسيه في Software Engneering ولكني في الحقيقه لم اجد من يفيدني في معرفة ما هي هذه الدراسه بالتحديد علما بان محتويات هذه الدوره كالتالي:

The Concepts of Systems Engineering
Software Requierments Engineering
Introduction to Database Concepts and Design

Oracle Designer :first class
Oracle Designer :systems modeling
Oracle Designer :Serve Designer and Generation
Oracle 9i Designer :Forms Design & Generation
NCC Software Engineering Methods
NCC Software Engineering Management

Object-Oriented Software Engineering using UML
A New content Management Paradigm usin XML

و شهادات هذه المنحه ستكون من شركة NCC في الSoftware Engineering

ارجو من يعلم شيء عن هذا المو ضوع و مستقبل هذه الدراسه ان يكتب لي و جزاكم الله خيراً

[alahlawy]

بسم الله الرحمن الرحيم
ال software engineering هيا تعتبر قسم فى ال system engineering و هيا بتهتم بنظريات البرمجه بصفه عامه و تقريبا كل كلامها نظرى لكن واضح من الكورس انهم هيقوموا بتطبيقها على ال oracle 9i و هيا ماتخافش منها هيا كمادة مافيهاش حاجه انا بدرسها اهو فى الكليه بس هيا مادة نظرية بس ماتقلقش منها فيها فهم برضه و اسئلتها بتبقى فى الحاجات اللى تتفهم و كده بس هيا بتهتم بنظريات الكمبيوتر و طرق البرمجه و ازاى تحل المشاكل اللى تقابلك فى البرمجه و طرق توزيع العمل و تقسيمه اما تكون شغال فى مشروع مع جروب مثلا و كده
ماتقلقش منها و على بركة الله و على فكرة انت لو بتعرف برمجه بس عادى بتبقى جامد فى شغلك لكن مع احترافك لل software engineering فهمك الجيد ليها بتتحول من واحد جامد فى البرمجه الى واحد محترف و بيبقى شغلك على اسس علمية و هيا مهمه بس فاهم اللى هو زى المطرب ممكن يغنى و يبقى جامد اوى من غير مايتعلم الغناء لكن اما يتعلمه بيبقى بيغنى بحرفيه :)
مع اختلاف المثل طبعا

[Tymyah]

أخ eraser505 هذة فرصة جميلة جدا أنصحك ألا تدعها تفوتك فأنت فعلا محظوظ لأن الكورس قوي ودراسة الـ Software Engineering عموما دراسة جميلة وممتعة وأتمنى لك التوفيق.

وبالنسبة لسؤالك عن علم الـ Software Engineering هو علم من أقوى العلوم في مجال الكومبيوتر وله ثقل في الخارج إلى أبعد الحدود.
علم الـ Software Engineering هو علم تصميم وبناء برامج الكومبيوتر وهذا العلم بني في الأساس على خبرة العاملين في هذا المجال طويلا وليس علما منطقيا أو بحثيا أو رياضيا هو علم يوضح لك إستراتيجيات لكيفية تصميم ووتحليل وبناء وإختبار وصيانة البرامج الخاصة بالشركات الكبرى أو بمعنى آخر بالبلدي البرامج المتفصلة على الشركة.

ستدرس فيه إن شاء الله المراحل التي يمر بها البرنامج من كونة مجرد فكرة إلى طرق إصلاحة وصيانتة من الأعطال ووضع إستراجيات لجميع هذة المراحل وخطط وبناء هيكلي على ورق و و و... الأمر فعلا شبيه بالهندسة المعمارية والمدنية إلى حد كبير فأنا كنت أعمل مع والدي في مجال المقاولات والتشابه كبير جدا.
فأنت في بداية الأمر تحدد أهداف ومتطلعات المشروع ودراسة لجدوى المشروع ثم تحليل وتصميم ثم بناء ثم إختبار ثم تطبيق وأخيرا صيانة وأيضا Quality Managment ليتوافق مع قوانين ولوائح منظمة الـ ISO العالمية لأنها صناعة شبيهة بأي صناعة أخرى.
وهذة المراحل تأخذ وقتا طويلا قد يمتد لعدة سنوات فهو ليس بالأمر السهل.

أرجو أن أكون أفدتك ببعض المعلومات وأتمنى لك التوفيق والنجاح والله الموفق.