طريقة تشغيل world of warcraft يالتفصيل + افضل السيرفرات

[hitman47]

http://image.com.com/gamespot/images/bigboxshots/4/534914_front.jpg
انا متهيالى ان فيه ناس كتير لسه متعرفش طريقة تشغيل لعبة World of WarCraft

اللى واخدة المركز الاول فى الالعاب اللى بنظام ال Role Playing

و كانت واخدة المركز الاول فى الترتيب العام لكل الالعاب لمدة طويلة

و اللعبة حتى الان واخدة تقدير 9.5 من موقع gamespot

و عشان الناس كلها تلعب اللعبة دى اللى مش هقدر اقول عليها غير انها تحفة فنية قدمتها لينا Blizzard

و اى حد تقابله مشكل فى تشغيل اللعبة او مشاكل فى اللعبة نفسها ممكن يسالنى ....

خطوات تشغيل اللعبة :

1- لازم يكون عندك ال 4 cd بتوع اللعبة , او ال setup بتاع اللعبة بس كفاية .

2- لازم يكون معاك ال patch اللى بيطلبه السيرفر اللى بتلعب فيه , و غالبا بيكون 1.8

3 - و دى اهم خطوة ......
بعد ما تعمل setup للعبة تفتح ملف realmlistرنامج ال notepad
و تمسح كل الكلام المكتوب قبل realmlist الصورة
http://img345.imageshack.us/img345/8347/12cm.jpg

و الكلام اللى بتكتبه بعد realmlist بيحدد السيرفر اللى انت عايز تلعب عليه ...

طبعا فى سيرفرات كتير اوى على النت ... و كل سيرفر بيختلف عن التانى فى حاجات كتير

الفروق بين كل سيرفر :

1- Population >>> و ده اللى بيحدد عدد الناس اللى بيلعبا على السيرفر
طبعا كل ما كان عدد الناس اكتر ده كان احسن

2- Latency>>>> وده اللى بيحدد سرعة السيرفر و كل ما كان ال latency اقل بتكون اللعبة اسرع

3- Quests and skills >>> كل سيرفر بيختلف عن التانى فى عدد ال quests &skills اللى بيدهيالك السيرفر

4- Exp >>> و دى بتحدد نسبة ال exp اللى بتاخدها عند قتل الوحوش ... و دى متخلهاش تاثر فى قرارك فى اختيار السيرفر لان ال exp العالية زى ما ليها مميزات ليها عيوب .

5 - Online %>>> و دى بتحدد نسبة وجود السيرفر اونلاين كل ما النسبة تبقى عالية يكون احسن طبعا


نيجى بقى للسيرفرات الموجودة على النت ... الموقع ده بيديك كل السيرفرات المتاحة على النت
موقع السيرفرات (http://www.wowstatus.net/serverlist.php) مع مقارنة بين كل سيرفر ... طبعا احسن السيرفرات هى اللى واخدة تقدير Blizzlike

بس بدل ما تتعب نفسك و تجرب سيرفرات كتير عشان تشوف احسن واحد ( ملحوظة لو لعبت فى سيرفر مينفعش تنقل الشخصية اللى بتلعب بيها لسيرفر تانى ... لازم تبدا من الاول )

انا جربت سيرفرات كتير و طلعت بالنتيجة دى

1- لو عايز تلعب مع ناس كتير بس سرعة السيرفر متوسطة يبقى تنزل ال file ده من هنا (http://rapidshare.de/files/8186620/realmlist.rar.html) و تسجل اسمك فى السايت ده من هنا (http://www.medalistonline.com:8080/)

2- لو انت يهمك اكتر سرعة السيرفر و مش مهم عدد الناس اوى يبقى تنزل ال file ده من هنا (http://rapidshare.de/files/8186764/realmlist.rar.html) و تسجل اسمك فى السايت ده من هنا (http://212.116.136.130:8080)

3- لو عايز تلعب مع ناس عرب و سرعة السيرفر كمان كويسة بس عدد الناس مش كتير يبقى تنزل ال file ده من هنا (http://rapidshare.de/files/8186929/realmlist.rar.html) و تسجل فى الموقع من هنا من هنا (http://almasiya.ath.cx:8080/)

4- و لو انت عايز عدد ناس معقول + سيرفر سريع و ده يعتبر احسن سيرفر يبقى تنزل ال file ده
من هنا (http://rapidshare.de/files/8187047/realmlist.rar.html) و تسجل فى الموق من هنا من هنا (http://thedarkworld.ath.cx:8080/)
بس السيرفر ده فيه عيب ... السيرفر للاسف وقف اى اشتراكات جديدة لمدة غير محددة
عشان كده محدش هيقدر يسجل فيه دلوقتى ... بس اول ما يفتح يا ريت تجربوه

و انا عن نفسى دلوقتى بلعب فى التلات سيرفرات كل واحدة بشخصية مختلفة .. بس معظم الوقت بلعب
فى السيرفر الاولانى عشان بستمتع اكتر لما بلعب مع ناس كتير

ملحوظات مهمة :

1- اللى هينزل الملفات اللى انا رفعتها مش هيحتاج يغير حاجة فى ملف ال realmlist فقط هينزل ملف ال realmlist الجديد و يستبدله مكان القديم

2- بعض المواقع اللى انا حطيتها ممكن متفتحش معاك علطول و ده بسبب الضغط ع الموقع
فاصبر شوية و هو هيفتح

3- اللى معجبوش اى سيرفر من دول يقدر يدخل على الموقع اللى بيجيبلك كل السيرفرات و يختار سيرفر منهم و بعدين يسجل فيه و بعدين يحط اسم الموقع اللى سجل فيه بعد جملة realmlist set

[bshipl]

يسعدنى ان اكون اول من يرد فى هذا الموضوع الوافىوالمكتمل
شرح اكثر من وافى و لازم يتثبت
اللعبه دى جامده اوى وياريت لو نتعرف على بعضنا جوه اللعبه عشا ن تبقى احلى وياريت ياخ hitman47
ان تتبنى هذا الموضوع.
وشكر ليك مره تانيه
حفظك الله لنا وابقاك للديفيدى.

[GENNI]

موضوع جميل و الجهد المبذول فيه واضح ...

تم نقله إلى حيث ينتمي : قسم مشاكل تشغيل الألعاب

و تم ترك مسألة تثبيته للأخ الغالي ShakShak للنظر فيها ...

تحياتي ... و شكرا على المجهود ...

سلام ...

[™MIDO]

شكرا على الشرح الجميل ياباشا

[hitman47]

يسعدنى ان اكون اول من يرد فى هذا الموضوع الوافىوالمكتمل
شرح اكثر من وافى و لازم يتثبت
اللعبه دى جامده اوى وياريت لو نتعرف على بعضنا جوه اللعبه عشا ن تبقى احلى وياريت ياخ hitman47
ان تتبنى هذا الموضوع.
وشكر ليك مره تانيه
حفظك الله لنا وابقاك للديفيدى.

شكرا يا مان على ردك الجميل المشجع

و مستنيك فى اللعبة ان شاء الله

[hitman47]

موضوع جميل و الجهد المبذول فيه واضح ...

تم نقله إلى حيث ينتمي : قسم مشاكل تشغيل الألعاب

و تم ترك مسألة تثبيته للأخ الغالي ShakShak للنظر فيها ...

تحياتي ... و شكرا على المجهود ...

سلام ...

شكرا يا رامى على ردك

و مسالة التثبيت دى حاجة ترجع للمشرف

[™MαFiα]

مجهود كبير وشرح جميل يا hitman47 باشا تشكر عليه ..
والشرح سلس وسهل ... وننتظر المزيد من التألق اخى العزيز ..
تحيتى للجميع ..

[hitman47]

يا شباب فيه خبر حلو اوى

السيرفر العربى عمل reset لكل الناس

و كل اللى بيلعبوا بداوا من الاول

يعنى لو دخلت و سجلت هتلاقى الناس كلها فى مستويات قريبة

بسرعة ادخلوا و الحقوا :clap0000:

[hitman47]

مجهود كبير وشرح جميل يا hitman47 باشا تشكر عليه ..
والشرح سلس وسهل ... وننتظر المزيد من التألق اخى العزيز ..
تحيتى للجميع ..

مرسى يا مصطفى على ردك الجميل

[kikoooo]

مشكور اخى انا لدى النسخه الاصليه ولكنت حبيت اهنيك .... تحيتى لك

[bassemnagy]

ممكن الباتش المذكور علشان انا نزلت اللعبة بس كان معاه باتش 140 ومعرفتش أشغلها

[SHAKSHAK]

و الله مجهود جميل .. تسلم يا غالى :clap0000:
الموضوع رائع
و أنا نفسى قابلتنى مشكلة كبيرة أثناء تشغيلها
الطريقة جميلة و موضحة
و الموضوع سيتم تثبيتة لمدة أسبوع و سيوضع فى قائمة تشغيل الألعاب المثبتة دائماً :icon2600:
تسلم و الى الأماما دوماً
أخوك محمد

[hitman47]

مشكور اخى انا لدى النسخه الاصليه ولكنت حبيت اهنيك .... تحيتى لك

شكرا يا كيكو على تشجيعك :msn-wink:

انا كان نفسى اجيب اللعبة الاصلية انا كمان بس المشكلة بالنسبة لى كانت فى الاشتراك :no000000:

فقلت مفيش مفر من ال private servers

عشان كده احتمال اجيب guild wars بس فى الاجازة ان شاء الله عشان مفيهاش اشتراك dumbbells

[hitman47]

ممكن الباتش المذكور علشان انا نزلت اللعبة بس كان معاه باتش 140 ومعرفتش أشغلها

انت ممكن تلعب بالباتش اللى عندك ...ز زى ما قلت السيرفر اللى انت عايز تلعب عليه بيقلك هو محتاج

انهى باتش

و هتلاقى فى gamespot كل الباتشات بتاعت اللعبة

و انا عن نفسى انصحك تنزل الباتش 1.8 لان معظم السيرفرات الكويسة بتشتغل بيه

و ده مساحته 252 ميجا

و ادى لينك الباتشات كلها عشان متدورش كتير هنا (http://www.gamespot.com/pc/rpg/worldofwarcraft/downloads.html)

[hitman47]

و الله مجهود جميل .. تسلم يا غالى :clap0000:
الموضوع رائع
و أنا نفسى قابلتنى مشكلة كبيرة أثناء تشغيلها
الطريقة جميلة و موضحة
و الموضوع سيتم تثبيتة لمدة أسبوع و سيوضع فى قائمة تشغيل الألعاب المثبتة دائماً :icon2600:
تسلم و الى الأماما دوماً
أخوك محمد

محمد باشا :bye10000:

انا كنت بحسبك مش هتبقى فاضى للمنتدى عشان امتحاناتنا هتبدا 24\11 :msn-wink:

شكرا يا مان ع الرد و التثبيت :shiny000:

[bassemnagy]

ألف شكر يا باشا على الموضوع الممتاز وعلى الرد وسوف أقوم بالتجربة وإفادتكم بالنتيجة وعلى فكرة الموضوع يستحق التثبيت

[hopico]

شكرا شكرا شكرا

[الحيدر]

اللله اتصدق انا كنت ابي اعرف كيف اشغلها !!!
مشكوووور وان شاء الله يستفيدون الاعضاء اكثر و اكثر

[hitman47]

ألف شكر يا باشا على الموضوع الممتاز وعلى الرد وسوف أقوم بالتجربة وإفادتكم بالنتيجة وعلى فكرة الموضوع يستحق التثبيت

شكرا يا باسم على ردك الجميل

و ان شاء الله اقابلك فى اللعبة قريب :msn-wink: :msn-wink:

[hitman47]

شكرا شكرا شكرا

عفوا عفوا عفوا :shiny000:

[hitman47]

اللله اتصدق انا كنت ابي اعرف كيف اشغلها !!!
مشكوووور وان شاء الله يستفيدون الاعضاء اكثر و اكثر

العفو يا حيدر و عايزين نشوفك معانا فى اللعبة ان شاء الله :msn-wink:

[InterBoy]

please help us i cant play game evry time name and pasword ???help

can u take picture how we can play ?? after we install it please??

when i want register say need Enter your Authentication Key into the fields below: ??

i dont have key number please give me the key ??

[courser]

عرف لما شوفت موضوعك اضايقت جدا وفرحت جدا

فرحت انو موضوع جميل جدا زيك

واضايقت عشان واحد غتت في منتدي تاني بعد ما نزلت اللعبه وعملت ليها موضوع جامد

قالي ( والله اخي ها اللعبه ما تشتغل الا بالاسطوانات الاصليه وقالي ان مينفعش تشغلها خالص ) وخلاني مسحتها

حسبي الله ونعم الوكيل .

بس انت ايه رأيك انزلها من اول وجديد تستاهل يعني وغير كده انا عندي Adsl 512 هتشتغل كويس ولا هتبقي بطيئه
وشكرا ليك علي الموضوع اولا وعلي ردك عليا مقدما

[hitman47]

please help us i cant play game evry time name and pasword ???help

can u take picture how we can play ?? after we install it please??

when i want register say need Enter your Authentication Key into the fields below: ??

i dont have key number please give me the key ??

بص يا مان ... انت اكيد مقرتش الموضوع كويس

لان هو بيطلب منك ال Authentication Key لانك بتحاول تلعب على ال official server

لكن فيه دلوقتى حاجة اسمها private servers ... اقرا الموضوع تانى و مستنى ردك :msn-wink:

[hitman47]

عرف لما شوفت موضوعك اضايقت جدا وفرحت جدا

فرحت انو موضوع جميل جدا زيك

واضايقت عشان واحد غتت في منتدي تاني بعد ما نزلت اللعبه وعملت ليها موضوع جامد

قالي ( والله اخي ها اللعبه ما تشتغل الا بالاسطوانات الاصليه وقالي ان مينفعش تشغلها خالص ) وخلاني مسحتها

حسبي الله ونعم الوكيل .

بس انت ايه رأيك انزلها من اول وجديد تستاهل يعني وغير كده انا عندي Adsl 512 هتشتغل كويس ولا هتبقي بطيئه
وشكرا ليك علي الموضوع اولا وعلي ردك عليا مقدما

هههههههه والله انت دمك زى العسل يا مان :evil_lol:

بص بقى بالنسبة للعبة فهى تستاهل جدا ... بس عيبها حاجة واحدة ... :no000000:

انها عايزة واحد عنده وقت كتيرررررررررر فاضى :bigsmile:

لانها بتسحب الوقت بطريقة رهيبة ... اللعبة جميلة جدا بدرجة مش معقولة و ليهم حق يعملوا لها اشتراك

شهرى و تدفع دم قلبك عشان تلعبها ...انت عارف انك فى اللعبة ممكن تصطاد سمك مثلا و تقعد تاكل فيه

او بعد ما تقتل وحش تسلخه و تاخد جلده و تعمله درع ....ده غير حاجات كتير فى اللعبة هتبهرك فعلا

و مش هتخليك تسيبها ... ده كفاية الجرافيك بتاعها يا راجل... :shiny000:

اما بالنسبة لسرعه النت عندك فمش هتفرق خالص ... حتى لو دخلت بال dial up

لان سرعة اللعبة بتعتمد على ال ping بتاع النت ... يعنى لو مثلا انت شغال ب انترنت 256kb

لوحدك هتكون اسرع من لو انت شغال بانترنت 1 ميجا و معاك 15 مثلا فاتحين فى نفس الوقت اللى

بتلعب فيه و بيعملوا download ... عشان كده لو معاك ناس كتير و بيعملوا download كتير

هتاثر معاك فى السرعة اما لو كنت لوحدك او العدد صغير فهتبقى اللعبة سريعة جدا و مش مشكلة سرعة النت عندك :msn-wink: :msn-wink:

و معلش اتاخرت عليك فى الرد بسبب ظروف الامتحانات :no000000:

[waterhammer]

مشكوووووووووووووووووووور

وليه سؤال

لو السرفر محتاج الفيرجن 1.8 مثلا هل هحتاج أستب ال updates لحد 1.8
يعني 1.4 و1.5 و 1.6 و 1.7 ؟؟؟؟؟؟؟؟؟؟؟؟؟؟؟؟
مستني ردك يا جميل

[JimmY12]

شرح فعلا ممتاز ويستحق التثبيت
بس فين الباتش اللى انت قلت عليه 1.8 ??????????

[wael_nassar2005]

شكرا على موضوعك الجميل بس ممكن تقولى انزل اللعبه منين وايه امكانيات الجهاز اللى تحتجها علشان تشتغل كويس واكون كتشكر ليك اوى

[HackerS-MasteR]

السلام عليكم
اخي الفاضل hitman47 انا اشتريت النسخة الاصلية للعبة وهي خمس اسطوانات مش اربعة ولا اعرف كيف اشغلها من الاساس مش عارف اذا تقدر تعلمني طريقة تشغيل اللعبة اساسا كيف اكون جدددددددا شاكر لك حبيبي..
بانتضارك

[hitman47]

مشكوووووووووووووووووووور

وليه سؤال

لو السرفر محتاج الفيرجن 1.8 مثلا هل هحتاج أستب ال updates لحد 1.8
يعني 1.4 و1.5 و 1.6 و 1.7 ؟؟؟؟؟؟؟؟؟؟؟؟؟؟؟؟
مستني ردك يا جميل

انت ممكن تنزل اخر باتش اللى هو 1.8 علطول و ده مساحته 252 ميجا

و ممكن برضه تنزل بالترتيب و ده براحتك لو انت عايز تنزل مساحات صغيرة

بس انا افضل انك تنزل الباتش الاخير على بعضه احسن ...

[hitman47]

شرح فعلا ممتاز ويستحق التثبيت
بس فين الباتش اللى انت قلت عليه 1.8 ??????????

شكرا يا مان على ردك و تشجيعك و بالنسبة للباتش انا قلت قبل كده انك ممكن تجيبه من gamespot

و ادى اللينك يا سيدى عشان متتعبش نفسك اضغط هنا (http://www.gamespot.com/pc/rpg/worldofwarcraft/downloads.html)

[hitman47]

شرح فعلا ممتاز ويستحق التثبيت
بس فين الباتش اللى انت قلت عليه 1.8 ??????????

شكرا يا مان على ردك و تشجيعك و بالنسبة للباتش انا قلت قبل كده انك ممكن تجيبه من gamespot

و ادى اللينك يا سيدى عشان متتعبش نفسك اضغط هنا (http://www.gamespot.com/pc/rpg/worldofwarcraft/downloads.html)

[hitman47]

شكرا على موضوعك الجميل بس ممكن تقولى انزل اللعبه منين وايه امكانيات الجهاز اللى تحتجها علشان تشتغل كويس واكون كتشكر ليك اوى

شكرا يا مان على ردك واللعبة ممكن تشتغل عادى على كارت شاشة 32 بس هتقلل الجرافيك شوية

واما تنزلها منين ... فاحسن طريقة هى التورنت

[hitman47]

السلام عليكم
اخي الفاضل hitman47 انا اشتريت النسخة الاصلية للعبة وهي خمس اسطوانات مش اربعة ولا اعرف كيف اشغلها من الاساس مش عارف اذا تقدر تعلمني طريقة تشغيل اللعبة اساسا كيف اكون جدددددددا شاكر لك حبيبي..
بانتضارك

اولا يا حبى هما 4 اسطوانات مش خمسة :shiny000:

ع العموم مش دى مشكلتنا

لو انت عندك الاسطوانات الاصلية يبقى تقدر تلعب لمدة شهر على ما اعتقد على ال official server

بس بعد ما تعمل account و بعد ما الشهر ده يخلص لازم تدفع اشتراك شهري ب 15 دولار

على ما اتذكر ...اما لو مكنتش عايز تدفع الاشتراك الشهرى فتيجى بقى تلعب معانا على ال private server :msn-wink:

[HackerS-MasteR]

أخي hitman47
انا اقوووولك واللله خمس اسطوانات وشوف هذي الصورة

وكيف ادخل على الاوفيشال سيرفر (معليش احتمل الغشيم متلي)

ثم انا جت مع اللعبة هذي الي اشتريتها كرت عشر ايام مش شهر ومكتوب عليه من ورا يوروب سيرفرز اونلي
واللله يخليك قولي الزاي اعمل اكاونت لانو يوقف معايا على الخطوة الي فيها البطاقات الدفع ومش عارف اكمل بعد ما اختار ودحة منها

ثم انا كيف اقدر ادخل معك على private server وانا مش مسوي اكاونت الى الحين رُد عليا وشكرا ليك\
بانتضارك

[HackerS-MasteR]

وعلى فكرة شوف الصورة المرفقة دخلتها انا لك من خلال الاسكانر سحبتا من الكفر الخلفي للعبة عندي
ايش تعني هالكلام هذا

[JimmY12]

شكرا على الباتش انا فعلا اول ما كتبت ردى على الموضوع نزلت الباتش من gamespot
انا بلعب دلوقتى وفى lv11
بس عندى سؤال
هل كل السيرفرات فيها نفس الـmap
او لكل هيرو map مختلفه عن الهيرو الاخر
واخر سؤال
هل اللعبه كلها quest`s يعنى مفيش battle انزل العب فيها زى warcraft3

[HackerS-MasteR]

يا هووووووو وين الناس

[hitman47]

أخي hitman47
انا اقوووولك واللله خمس اسطوانات وشوف هذي الصورة

وكيف ادخل على الاوفيشال سيرفر (معليش احتمل الغشيم متلي)

ثم انا جت مع اللعبة هذي الي اشتريتها كرت عشر ايام مش شهر ومكتوب عليه من ورا يوروب سيرفرز اونلي
واللله يخليك قولي الزاي اعمل اكاونت لانو يوقف معايا على الخطوة الي فيها البطاقات الدفع ومش عارف اكمل بعد ما اختار ودحة منها

ثم انا كيف اقدر ادخل معك على private server وانا مش مسوي اكاونت الى الحين رُد عليا وشكرا ليك\
بانتضارك

كده وضحت الرؤيا :shiny000:

انت عندك النسخة الاوروبى و انا عندى النسخة الامريكى عشان كده انت عندك 5 اسطوانات و انا عندى 4
المهم فعلا الاسطوانات الاصلية بتديك 10 ايام تجرب فيهم اللعبة و بتديك اتنين سريال

و بعد العشر ايام لازم عشان تستمر فى لعب اللعبة على سيرفر blizzard تدفع اشتراك شهرى

و لو مكنتش تقدر تدفع اشتراك شهرى يبقى تلعب على سيرفرات خاصة

و اسف ع التاخير

[hitman47]

شكرا على الباتش انا فعلا اول ما كتبت ردى على الموضوع نزلت الباتش من gamespot
انا بلعب دلوقتى وفى lv11
بس عندى سؤال
هل كل السيرفرات فيها نفس الـmap
او لكل هيرو map مختلفه عن الهيرو الاخر
واخر سؤال
هل اللعبه كلها quest`s يعنى مفيش battle انزل العب فيها زى warcraft3

كل السيرفرات فيها نفس ال maps بس بتختلف فى عدد الوحوش اللى فى المناطق و عدد ال quests
و اضافات تانية زى ال honor system مثلا

اما لكل hero فكل race فى اللعبة بينزل فى منطقة مختلفة عن اى race تانى

لكن ده ميمنعش ان كل ال races بيتقابلوا و بيتحاربوا ...
طبعا انت مينفعش تحارب غيرالجيش العدو سواء horde او alliance
و كل جيش ليه عاصمة ام بيتقابل فيه كل الناس

فلو انت بتلعب بال alliance تبقى العاصمة الام هى stormwind و لو كنت بتلعب بال horde يبقى العاصمة الام هى orgrimmer

ده غير كمان ان فيه مراكب و طيارات و نسور و خفافيش و حاجات تانية كتير ممكن تركبها

عشان تنقلك لاى مكان بسهولة

و اسف جدا ع التاخير

[yousefalbanna]

شكرا يا باشا بجد

[yousefalbanna]

ممكن سؤال يا باشا ؟؟
اللعبه دي او اللي زيها ... مينفعش تتلعب مش اونلاين ؟؟
على اساس ان الواحد نزلها كلها عنده في الجهاز
يعني ملعاش كراك او حاجه كده ؟؟
تاني سؤال يا باشا
انا دخلت ولعب فيها بس فصلت مني على اساس ان السرفر اللي فصلني ولما جيت ادخل تاني منفعش مع العلم اني مأكتف اشتاركي في موقع السرفرات وفي موقع السرفر يعني في السرفر
المهم انا بصراحه مش عايز ابدأ من اول وجديد بعد موصلت لحد كبير في اللعبه
فلو سمحت عايز اعرف العيب منين علشان ميتكررش وابدأ من الاول تاني وانا مش خايف
وشكرا

[ابو شووق]

السلام عليكم ورحمة الله وبركاتة

يااخوان اخوكم جديد علي اللعبة الموضوع بأختصار حملت اللعبة عن طريق التورنت وكان حجم اللعبة كبير 2.5 غيقا وهو عباره عن اربع سيديات ومعها الباتش World of Warcraft 1.4.0 enUS Patch.exe

المهم بالبداية طلعلي خانة حط اسمك والباسوورد وبعدها طلعتلي الصوره المرفقة واعتقد انها لتحميل الباتش الجديد ولكن حجمها كبير

استفساري عن الصوره هذي شنو بالضبط ... وليش 325 ميقا وياليت تعطوني رابط مباشر للملف لان احتمال افرمت الجهاز ومابي احملة مره ثانية .... واي معلومات او نصائح للي مثل حالتي جديد



مع اني اريد ان العب مع الجهاز وليس علي النت

وهذي الصوره

http://up4.w6w.net/upload/09-03-2006/w6w_20060309141725b08c36e9.JPG

http://img80.imageshack.us/img80/2782/ww4gg.jpg

[tatoabdo]

شكرا علي هذا الشرح الجميل فى طريقة تشغيل wow ولكن فى رأيى أن السيرفر الأصلي هو ألافضل على الأطلاق

[figovirus]

والله يا باشا أنا مش عارف أشكرك أزاى
أنا بقالى يومين منزل اللعبة و قاعد أدور على طريقة تشغيلها و مش عارف
و أنا شايف أن الموضوع لازم يتثبت لأن فى ناس كتير متعرفش طريقة تشغيل اللعبة
و شكرا مرة تانية

[hitman47]

ممكن سؤال يا باشا ؟؟
اللعبه دي او اللي زيها ... مينفعش تتلعب مش اونلاين ؟؟
على اساس ان الواحد نزلها كلها عنده في الجهاز
يعني ملعاش كراك او حاجه كده ؟؟
تاني سؤال يا باشا
انا دخلت ولعب فيها بس فصلت مني على اساس ان السرفر اللي فصلني ولما جيت ادخل تاني منفعش مع العلم اني مأكتف اشتاركي في موقع السرفرات وفي موقع السرفر يعني في السرفر
المهم انا بصراحه مش عايز ابدأ من اول وجديد بعد موصلت لحد كبير في اللعبه
فلو سمحت عايز اعرف العيب منين علشان ميتكررش وابدأ من الاول تاني وانا مش خايف
وشكرا

اولا اسف على تاخدرى فى الرد ....

بالنسبة للسؤال الاول ... فممكن تلعبها على جهازك بانك تعمل سيرفر و تلعب عليه لوحدك او مع ناس اصحابك (و هيكون جهازك هو السيرفر ).. بس الطريقة مش فاكرها بالظبط ...


و بالنسبة للسؤال التانى ... فده عيب من عيوب ال private severs الكتيرة ... ان السيرفر بيهمل disconnect كتير ..
بس لما تحاول مرة تانية بعدين هتلاقيه دخل معاك ان شاء الله

[hitman47]

السلام عليكم ورحمة الله وبركاتة

يااخوان اخوكم جديد علي اللعبة الموضوع بأختصار حملت اللعبة عن طريق التورنت وكان حجم اللعبة كبير 2.5 غيقا وهو عباره عن اربع سيديات ومعها الباتش World of Warcraft 1.4.0 enUS Patch.exe

المهم بالبداية طلعلي خانة حط اسمك والباسوورد وبعدها طلعتلي الصوره المرفقة واعتقد انها لتحميل الباتش الجديد ولكن حجمها كبير

استفساري عن الصوره هذي شنو بالضبط ... وليش 325 ميقا وياليت تعطوني رابط مباشر للملف لان احتمال افرمت الجهاز ومابي احملة مره ثانية .... واي معلومات او نصائح للي مثل حالتي جديد



مع اني اريد ان العب مع الجهاز وليس علي النت

وهذي الصوره

http://up4.w6w.net/upload/09-03-2006/w6w_20060309141725b08c36e9.JPG

http://img80.imageshack.us/img80/2782/ww4gg.jpg

الباتش ده اساسى انك تنزله عشان بيضيف حاجات جديدة للعبة ... و كل الالعاب الاونلاين كده ... كل فترة بينزل باتش بتضيفه للعبة بس اول باتش بس هو اللى بيبقى كبير بعد كده الباتشات بتبقى صغيرة .....
و ممكن تحمل الباتش مباشرة من النت من موقع gamespot

[hitman47]

شكرا علي هذا الشرح الجميل فى طريقة تشغيل wow ولكن فى رأيى أن السيرفر الأصلي هو ألافضل على الأطلاق

اتفق معاك 100%..... مفيش وجه مقارنة بين سيرفرات Blizzard و بين ال Private servers

[hitman47]

والله يا باشا أنا مش عارف أشكرك أزاى
أنا بقالى يومين منزل اللعبة و قاعد أدور على طريقة تشغيلها و مش عارف
و أنا شايف أن الموضوع لازم يتثبت لأن فى ناس كتير متعرفش طريقة تشغيل اللعبة
و شكرا مرة تانية

شكرا يا مان على ردك المشجع :bye10000:

[yousefalbanna]

ممكن يا باشا اسأل سؤال ؟ :)
هو انا ممكن اضع كزا سيرفر في ال realmlist
على اساس اللي يبقى اولين استخدم التاني ؟؟
تاني سؤال
انا حاول انزل اللي انت مرفقه على اساس العب بسرعه حلوه ومع عرب معرفتش
دايما بدخل موقع غريب معرفش اعمل داونلود منين :(
انا اصلا في الليفل ال50 في موقع برازيلي بس علطول بيقطع بس سرعته وهميه
ارجو المساعده
وشكرا

[yousefalbanna]

انا لسه شايف ردك الاولاني دلوقتسي شكرا يا باشا جدا جدا للتوضيح
مع اني معرفتش ازاي بردو اعمل سيرفر لوحدي هههههههههه
المهم اه فعلا بيدخل بعد كده بس بيرجع يقطع تاني
مش مهم عادي
بس انا اصلا اتمنى العب مع عرب وفي سرفر جامد في السرعه
ياريت تدلني ازاي
مع العلم اني حاولت اني انزل اللي انت مرفقه بس مش عارف لان واحد بيديني موقع مش عارف التنزيل منين والتاني بيديني erorr
وشكرا ومنتظر ردك

[yousefalbanna]

اصلا البرازيلين معزبني ولا فهمهم ولا فهميني هههههههههههههه
ومره جي ام حبسني اسبوع علشان مفهمنيش وافتكرني امريكاني ههههههههه
يا ريت تساعدني اوصل اني العب مع ناس عرب وفي سرفر جامد
وياسلام لو نفس السيرفر اللي انت فيه على اساس نبقى صحاب في اللعبه :)

[yousefalbanna]

انت فين يا باشا
انا اصلي سايب الدنيا وشغال على اللعبه دي بس هههههههه
المهم ارجو اني اكون مش متقل عليك
عايز اعرف حاجه مهمه اوي واهم من اللي فات كله
انا غيرت كتير في سيت اب اللعبه المهم دلوقتي في erorr ومش بتشتغل
عملت سيتأب تاني في مكان تاني بس عايز ادخل في نفس السرفر وبنفس الشخصيه وبنفس اللفل
علشان كده انقل ايه من السيتأب القديم ولا الشخصيه بتعتي محفظه عندهم والغي السيتأب القديم من غير ماخد اي حاجه منه وكفايه اني ادخل بس على السيرفر ؟؟؟؟
يا ريت بجد تجاوبني على السؤال المهم ده علشان انا دلوقتي مش بلعب لحد معرف :(

[hitman47]

اولا اسف جدا على تاخرى فى الرد اولا بسبب الامتحانات ثانيا بسبب انى كنت بلعب لعبة اونلاين تانية موجودة فى توقيعى :icon3000:

بالنسبة لاسئلتك ..

انت ممكن تعمل كذا realmist بس فى اكتر من file لما تلاقى سيرفر مش سشغال تاخد copy لل realmist التانى و نحطه و هكذا


بالنسبة لسيرفر العرب اعتقد انه وقع و هما بيحدثوه

بالنسبة لل setup بتاع اللعبة ... فمفيش اى ضرر لو شلت اللعبة و سطبتها تانى لان كل حاجة متسجلة على سيرفرات اللعبة

بس خلى بالك عشان فيه سيرفرات بتمسح اى account مش نشيط لمدة اسبوع :sad_1000:

[yousefalbanna]

شكرا يا غالي على اهتمامك وانا جربت وعرفت ان السرفر بيسجل هه
بالتوفيق انشاء الله في امتحاناتك
ارجو فعلا انك تقولي لما السرفر العربي يشتغل ... لأاني فعلا زهقت من البرازيليين ههه
ولا انا فهمهم ولا هما فهمني هههههه
وشكرا

[hitman47]

شكرا يا غالي على اهتمامك وانا جربت وعرفت ان السرفر بيسجل هه
بالتوفيق انشاء الله في امتحاناتك
ارجو فعلا انك تقولي لما السرفر العربي يشتغل ... لأاني فعلا زهقت من البرازيليين ههه
ولا انا فهمهم ولا هما فهمني هههههه
وشكرا

لا شكر على واجب يا مان

بس انا مبقتش متابع wow دلوقتى

لانى بلعب silkroad ...:msn-wink:

[yousefalbanna]

ازيك يا باشا
انت لعبت لعبه
Guild Wars Factions (PC)
؟؟؟؟؟؟
ايه اللي تعرفه عنها ؟؟
وشكرا

[hitman47]

ازيك يا باشا
انت لعبت لعبه
Guild Wars Factions (PC)
؟؟؟؟؟؟
ايه اللي تعرفه عنها ؟؟
وشكرا

انا اعرف guild wars

وده موقعها

www.guildwars.com

هى دى اللى قصدك عليها ؟

[فتوح]

الف شكر على الشرح

[ooomedoooooo]

مشكووووووووووووووووووووووور.................

[yousefalbanna]

ايوا هي دي اللي قصدي عليها
انت لعبتها يا باشا ؟
ليها طريقه ؟؟
www.guildwars.com

[yousefalbanna]

ايوا هي دي اللي قصدي عليها
لعبتها قبل كده ؟؟؟
ليها طريقه ؟؟؟؟
اصل انا نزلت اللعبه نفسها
:)

[LOuda]

والله جزاك الله خيرا على الشرح الفظيع ده

[hitman47]

ايوا هي دي اللي قصدي عليها
لعبتها قبل كده ؟؟؟
ليها طريقه ؟؟؟؟
اصل انا نزلت اللعبه نفسها
:)

اللعبة جامدة و جميلة بس فيه عيب صغنن اوى :shutup00:

انك لازم تشترى السي دى الاصلى عشان تلعبها

مفيش private servers ليها زى wow :no000000:

انا برضه نزلتها قبل كده بس شيلتها من عندى ....

[hitman47]

والله جزاك الله خيرا على الشرح الفظيع ده

شكرا يا مان :smoke100:

[midohoney]

تفتكر خلاص World Of Warcraft راحت عليها؟

[cracker]

موضوع رائع تسلم ايدك على المجهود الجميل
للأسف ما خدتش بالى من الموضوع الجميل دا لأنه اللينك بتاعه كان داخل موضوع الموسوعة لصديقي شاشاك
بس الحمد لله عترت فيه والله موضوع محترم

[evil_inside]

ea gma3a ana bl3b all3ba de 3la alserver (blazzrd server) w mfesh 3rb kteer feha bs mmkn as2l fe fr2 been al privet server w blizzrd server?

can aby one tell me how i can download the arab server bcz i cant down load it bcz is expire canany one plz upload it 4 me

thx :)

[bluehammer]

شكرا على الشرح هو انا عملت الموضوع ده من زمان بس قولت مينفعش يبقى الموضوع ده ماليش فيه رد عشان انا واحد من الى استفادو منه

[hitman47]

شكرا على الشرح هو انا عملت الموضوع ده من زمان بس قولت مينفعش يبقى الموضوع ده ماليش فيه رد عشان انا واحد من الى استفادو منه


يااااااه ... ده انا كنت نسيت الموضوع ده يا راجل :he:

شكرا على ردك الجميل ده :happy:

[mar000]

الف شكر على الشرح الجميل للعبة
بس انا عندى مشكلة دايما بتواجهنى وهية الباتشات
كل مدة يغيرو الباتشات وانا دايخ الوقت مش عارف انة باتش المطلوب

[hitman47]

الف شكر على الشرح الجميل للعبة
بس انا عندى مشكلة دايما بتواجهنى وهية الباتشات
كل مدة يغيرو الباتشات وانا دايخ الوقت مش عارف انة باتش المطلوب


هو فعلا كل فترة بيغيروا الباتش عشان ينزلوا تحديثات جديدة ...

بس كل سيرفر خاص و ليه الباتش الخاص بيه ...

شوف السيرفر اللى انت عايز تلعب عليه محتاج انهى باتش و هاته

[mar000]

شكرا على ردك يا باشا
بس انا حاولت اجيب الباتش مش عارف ممكن تضفنى على الاميل
وفى عندى بردو مشاكل تانية انا تعبت خلاص من اللعبة دى
maoom_007@hotmail.com

[MYTH_of_EGYPT]

شكر شرح سهل وبسيط للي ميعرفش اللعبة

[hitman47]

شكرا على ردك يا باشا
بس انا حاولت اجيب الباتش مش عارف ممكن تضفنى على الاميل
وفى عندى بردو مشاكل تانية انا تعبت خلاص من اللعبة دى
maoom_007@hotmail.com



ايميلى موجود فى ملفى الشخصى ....

بس انا للاسف مش بدخل على الايميل الفترة دى بسبب امتحانات التيرم ...

هكون موجود بصفة مستمرة بعد 24 يناير ان شاء الله

[OSAMAID]

shooooookran

[sady_200]

لو سمحت ياباشا
انا عندى مشكله في لعبه warcraft 3
بعد مانزلت اللعبه ايزو ونزلتها بالدايمون تولز وكله تمام
شوف الصور وانت اديني الحل
http://img180.imageshack.us/img180/3575/62729328zu9.jpg

بيطلعلى بقي الرساله دى
http://img509.imageshack.us/img509/760/11111111111111wv5.jpg

دى تبقي مشكلة ايه كراك وللا ايه
وممكن العب اللعبه على الجهاز عندى وللا هي لعبه اون لاين بس
يااااااريت لو ترد عليا بسرعه
والف شكر ليك ياباشا

[hitman47]

لو سمحت ياباشا
انا عندى مشكله في لعبه warcraft 3
بعد مانزلت اللعبه ايزو ونزلتها بالدايمون تولز وكله تمام
شوف الصور وانت اديني الحل
http://img180.imageshack.us/img180/3575/62729328zu9.jpg

بيطلعلى بقي الرساله دى
http://img509.imageshack.us/img509/760/11111111111111wv5.jpg

دى تبقي مشكلة ايه كراك وللا ايه
وممكن العب اللعبه على الجهاز عندى وللا هي لعبه اون لاين بس
يااااااريت لو ترد عليا بسرعه
والف شكر ليك ياباشا



الموضوع ده عن لعبة World Of Warcraft

انما اللى انت جايبها دى Warcraft III ... و دى حاجة تانية خالص ...

ع العموم اعتقد مشكلتك مشكلة كراك ...ادخل قسم مشاكل الالعاب و هبفيدوك اكتر ان شاء الله :whistle: