lala212
18-11-2005, 11:48 PM
طبعا الكل شاف فانلة مصر الجديدة
فيه اللى قال حلوة
وفيه اللى قال وحشة
وفيه اللى قال مش مهم الفانلة .. المهم الفوز
بس المعظم اجمع على انها زفت
طب ايه حكايتها
دى فانلة غريبة
وشكلها عجيب جدا
ولما شفناها الأول افتكرنا مصر اللى لابسة ابيض بفانلتها الأديداس القديمة بس للأسف طلعت تونس
طب ايه حكاية الفانلة دى ..........
الحكاية ياخوانا تبدأ من أواخر شهر مارس عندما نجح اتحاد الكرة برئاسة سمير باشا زاهر .. كان ساعتها المنتخب منيل بستين نيلة ومالوش شكل ولالون ولاطعم... (ياله.. الله يجازيه بقى اللى كان السبب أهو غار لبلاده) .. المهم ان سمير وشركاه شوبير ومجدى والشلة دى قالوا ان الفانلة بتاعة بوما وحشة وزى الزفت وهى وش النحس علينا من ساعة ما تعاقدنا معاها طلعنا من نهائيات افريقيا 2000,2002, والخيبة التقيلة فى 2004 لأ وايه كانت ساعتها بوما عاملة فانلة جامدة اوى ... ولا طلعنا من كاس العالم 2002 ,لأ وهنطلع 2006 ( الكلام ده وقت ما مسكوا الاتحاد , وزى ماقلت المنتخب كان ببساطة لسة خردة).
المهم راح سمير موقع عقد مع اديداس على توريد فانلات المنتخب .. وطلعت بالشكل القديم اللى احنا شفناه .. وكان مش بطال والله
المهم كسبنا بالفانلة الجديدة ليبيا وكانت فاتحة خير وبعدها اتغلبنا من كوتديفوار وغلبنا بنين واتعادلنا مع الكاميرون غير شوية ماتشات ودية كانوا نتايجهم كويسة اوى
جت بقى اديداس واعلنت انها هتغير تصميم الفانلات بتاعتها قبل كأس العالم وتحديدا بعد ما الفرق تتحدد وهتقوم بثورة تصحيح لكل منتخباتها.. زى ماكل الشركات التانية هتعمل ...
وطلعت تصميمات الفانلات الجديدة للمنتخبات روعة
شوفوا انجلترا
وآدى ايطاليا
وآآدى اسبانيا
وادىفرنسا
ياجمال المانيا...
ودى الأرجنتين .. وكمان مين قطر تخيلوا
ولا اليابان .... اقول ايه بس ...
ده حتى غانا والسعودية ...
المهم ان كل المنتخبات غيرت تصميماتها وطبعا مصر منهم
بس لسبب غير معروف لغاية دلوقتى
أرسلت شركة أديداس خطاب بيقول ان الفانلات الجديدة جاية مصر يوم الجمعة ... يعنى بعد ماتش تونس
طب ليه؟؟؟؟؟
هو الاتفاق مش كان قبل الماتش يكونوا جاهزين ؟؟؟؟؟
قالت الشركة انها مشغولة اليومين دول لأن فى منتخبات تانية زى المانيا وفرنسا واسبانيا واليابان والأرجنتين عايزة التصميمات الجديدة بسرعة ولازم يأخرونا شوية
فالمهم كعادته يعنى راح زاهر رامى كلمتين دبش ليهم وبعتهم فى خطاب...
ومجدى عبد الغنى برضه بصوته وزعيقه المشهور هاج شوية وبعدين محمود بكر هداه وقاله خلاص ياحج مافيش هنا صحفيين .. اهدى بقى
وعرف الوزير الحكاية ماعرفش يعمل ايه فى المواقف اللى ذى دى ... اصله معذور ياخوانا والله اول مرة يتحط فى موقف زى ده
المهم الوزير أوكل العملية دى للاتحاد برئاسة زاهر وقاله ( اتصرف ياسمير باشا ... انا هترشح فى المجلس ... اصل والله العظيم اوديكوا ورا الشمس) ... أخينا زاهر مع الكلام ده من الوزير وقال (تحت أمرك ياباشا .. كل شئ هيبقى تمام انشاء الله ).. وهو بيقول فى سره ( بس يا بقو).
طبعا انا ماجبتش سيرة عن النجم اللامع شوبير الكاتب الصحفى والمعلق والمذيع الكروى وكمان نائب رئيس الاتحاد ولأ وايه هيبقى نائب فى مجلس الشعب( ياله دنيا) لأنه كان مشغول لشوشته فى طنطا بيحضر لمجلس الشعب..
راح زاهر عامل اجتماع يحضره الكل علشان يشوفوا المنتخب هيلبس ايه .. بعد ماخلصت الفانلات القديمة .. وحتى الفاضل منها خدها شوية ناس فى أتحاد الكورة لعيالهم وأولادهم .. وحبايبهم وجيرانهم ......
المهم بعد ما جتمع المجلس قال زاهر : دلوقتى لازم تقولولى هنحل المشكلة دى ازاى ومفيش فانلات اديداس قديمة , ولا جديدة , ولا حتى فانلات بوما بتاعة ايام تارديللى , ممكن ياحضرات تقولولى هنعمل ايه؟؟
راح مجدى عبد الغنى قايل : ممكن نجيب فانلات للمنتخب من المحلات اللى بره اهى موجودة وكتيرة
فرد محمود بكر : كتيرة ايه يا مجدى .. ده هى شوية بسيطة وكلهم رقمين رقم 9 ,22 ميدو وأبو تريكة .. هو المنتخب كله هيبقى 9,22 ؟؟!! ماتقول كلام معقول يامجدى..
راح رادد علطول : خلاص نبعت نجيب فانلات بنفيكا من غير ارقام ونحط احنا ارقامهم .. وأهى بنفيكا برضه بتلبس احمر وشورت ابيض .. وبعدين انا اعرف هناك وزير الرياضة البرتغالى ,ده كان صاحبى وقت لما احترفت فى البرتغال , وكمان..... فأحس زاهر ان مجدى بدأ يهزى ويشتغلهم فرد عليه بسرعة : بس يامجدى والنبى .. فزعل مجدى من زاهر لأنه عرف ان محدش مصدقه ..فراح قايل فى سره وأنا مالى (تتفلقوا كلكوا ).
راح طالع لينا ايمن يونس برأى غريب: ياجماعة المشكلة بسيطة جدا .. ومش محتاجة كل الدوشة دى .. احنا ممكن ناخد فانلات الزمالك جميع الأرقام .. اهى بتلبس ابيض , زى لبس المنتخب القديم وتتحل المشكلة .. ويادار ما دخلك شر..
بسرعة راح رادد عليه مدير العلاقات العامة مدحت شلبى : يا سلام .. طب والخطين الحمر بتوع الزمالك هنخفيهم ازاى.. الأحسن نجيب لبس الأهلى أهو فريق محترم وبطل افريقيا .. وفانلة الكل فى مصر بيتفائل بيها ..
فنظر الكل لشوبير علشان يقول رأيه وكان مشغولا بمكالمة على تليفونه المحمول , راح قافله بسرعة وقال : بصوا يا جماعة احنا علشان منزعلش حد مننا لا أهلى ولا زمالك ... انا شايف ان احنا نجيب لكوا فانلات نادى طنطا .. ولاد بلدى .. وحبايبى .. علشان نمنع القيل والقال .. ونقول ان هو ده التصميم الجديد
فنظر له محمود بكر بخبث وقال فى عقله : يابن الايه ... عايز تلعبها صح ياشوبير!!
فرد زاهر : ااااه .. طب وانت يابكر ايه رأيك ؟
راحح رادد بكر : فانلة حرس الحدود حلوة والله وشبه فانلة روما وفى شركة كبيرة متعاقدة معاها مش فاكر اسمها ايه(يقصد ديادورا) لكن ممكن نلبسها وأهى لونها احمر برضه ولا ايه ..!
فراح جاى من وراهم عم عتمان جايبلهم الشاى وسمع طراطيش الكلام ده .. وعم عتمان ده يعنى راجل اصيل فى اتحاد الكرة , اشتغل مع عبد المنعم عمارة , والوحش , وزاهر , والدهشورى , وعصام عبد المنعم كمان يعنى راجل خبرة .. وبيعاملوه كأنه منهم ...المهم راح طالع وقايل أنا ليه رأى يا سمير باشا
فقاله زاهر : اتفضل ياعتمان
فرد عتمان : انا شايف ان دى مش مشكلة خالص .. المهم نلعب كويس .. ونلعب للفوز ... والباقى كله تفاهات ... لكن لو انتوا شايفين ان دى مشكلة فتبقى فانلة المنتخب العسكرى هى احسن حاجة.... اهى اسمها فانلة مصر .. وكفاية انه خد بيها كاس العالم
فلمعت عينى زاهر ببريق شديد وقاله : صح ..صح .. انت صح .....برافو ياعتمان .. برافو والله
واتفق الجميع مع وزارة الدفاع والجيش على توريد دفعة من فانلات المنتخب العسكرى لحين توريد فانلات أديداس الجديدة يوم الجمعة
وانصرف الجميع كل واحد على شغله :-
زاهر راح على الغردقة بيباشر الأرض الجديدة اللى اشتراها هناك بعد ما مسك الاتحاد بشهر واحد!!
مجدى راح على معرض السيارات الخاص بيه فى مدينة نصر واللى خد ترخيصه برضه بعد انتخابات الاتحاد !!
ايمن يونس راح لمدينة الانتاج الاعلامى يباشر آخر تطورات القناة الفضائية اللى مشارك فيها مع رجل أعمال كبير .. يونس شارك رجل الأعمال بعد شهرين فقط منانتخابات اتحاد الكرة!!
مدحت شلبى راح على استديوهات الأوربت .. وبعدها على الايه ار تى ..لتحليل بعض الماتشات!!
شوبير جرى بسرعةعلى طنطا لتكثيف حملته الانتخابية والتى أكد له شخص مهم جدا انه فائز بالانتخابات .. فقط عليه ان يرشح نفسه !!
أما محمود بكر فقد ذهب الى برج الحمام الجديد الذى شيده بعض الانتخابات فوق سطح منزله بالعمرانية!!
وبدأ الماتش فى ميعاده .. وكان كل شئ تمام ....
وظهرت الفانلة بالشكل الجامد ده ...واااااوو
وربنا يخليلنا عم عتمان.....ويجعله عامر!
فيه اللى قال حلوة
وفيه اللى قال وحشة
وفيه اللى قال مش مهم الفانلة .. المهم الفوز
بس المعظم اجمع على انها زفت
طب ايه حكايتها
دى فانلة غريبة
وشكلها عجيب جدا
ولما شفناها الأول افتكرنا مصر اللى لابسة ابيض بفانلتها الأديداس القديمة بس للأسف طلعت تونس
طب ايه حكاية الفانلة دى ..........
الحكاية ياخوانا تبدأ من أواخر شهر مارس عندما نجح اتحاد الكرة برئاسة سمير باشا زاهر .. كان ساعتها المنتخب منيل بستين نيلة ومالوش شكل ولالون ولاطعم... (ياله.. الله يجازيه بقى اللى كان السبب أهو غار لبلاده) .. المهم ان سمير وشركاه شوبير ومجدى والشلة دى قالوا ان الفانلة بتاعة بوما وحشة وزى الزفت وهى وش النحس علينا من ساعة ما تعاقدنا معاها طلعنا من نهائيات افريقيا 2000,2002, والخيبة التقيلة فى 2004 لأ وايه كانت ساعتها بوما عاملة فانلة جامدة اوى ... ولا طلعنا من كاس العالم 2002 ,لأ وهنطلع 2006 ( الكلام ده وقت ما مسكوا الاتحاد , وزى ماقلت المنتخب كان ببساطة لسة خردة).
المهم راح سمير موقع عقد مع اديداس على توريد فانلات المنتخب .. وطلعت بالشكل القديم اللى احنا شفناه .. وكان مش بطال والله
المهم كسبنا بالفانلة الجديدة ليبيا وكانت فاتحة خير وبعدها اتغلبنا من كوتديفوار وغلبنا بنين واتعادلنا مع الكاميرون غير شوية ماتشات ودية كانوا نتايجهم كويسة اوى
جت بقى اديداس واعلنت انها هتغير تصميم الفانلات بتاعتها قبل كأس العالم وتحديدا بعد ما الفرق تتحدد وهتقوم بثورة تصحيح لكل منتخباتها.. زى ماكل الشركات التانية هتعمل ...
وطلعت تصميمات الفانلات الجديدة للمنتخبات روعة
شوفوا انجلترا
وآدى ايطاليا
وآآدى اسبانيا
وادىفرنسا
ياجمال المانيا...
ودى الأرجنتين .. وكمان مين قطر تخيلوا
ولا اليابان .... اقول ايه بس ...
ده حتى غانا والسعودية ...
المهم ان كل المنتخبات غيرت تصميماتها وطبعا مصر منهم
بس لسبب غير معروف لغاية دلوقتى
أرسلت شركة أديداس خطاب بيقول ان الفانلات الجديدة جاية مصر يوم الجمعة ... يعنى بعد ماتش تونس
طب ليه؟؟؟؟؟
هو الاتفاق مش كان قبل الماتش يكونوا جاهزين ؟؟؟؟؟
قالت الشركة انها مشغولة اليومين دول لأن فى منتخبات تانية زى المانيا وفرنسا واسبانيا واليابان والأرجنتين عايزة التصميمات الجديدة بسرعة ولازم يأخرونا شوية
فالمهم كعادته يعنى راح زاهر رامى كلمتين دبش ليهم وبعتهم فى خطاب...
ومجدى عبد الغنى برضه بصوته وزعيقه المشهور هاج شوية وبعدين محمود بكر هداه وقاله خلاص ياحج مافيش هنا صحفيين .. اهدى بقى
وعرف الوزير الحكاية ماعرفش يعمل ايه فى المواقف اللى ذى دى ... اصله معذور ياخوانا والله اول مرة يتحط فى موقف زى ده
المهم الوزير أوكل العملية دى للاتحاد برئاسة زاهر وقاله ( اتصرف ياسمير باشا ... انا هترشح فى المجلس ... اصل والله العظيم اوديكوا ورا الشمس) ... أخينا زاهر مع الكلام ده من الوزير وقال (تحت أمرك ياباشا .. كل شئ هيبقى تمام انشاء الله ).. وهو بيقول فى سره ( بس يا بقو).
طبعا انا ماجبتش سيرة عن النجم اللامع شوبير الكاتب الصحفى والمعلق والمذيع الكروى وكمان نائب رئيس الاتحاد ولأ وايه هيبقى نائب فى مجلس الشعب( ياله دنيا) لأنه كان مشغول لشوشته فى طنطا بيحضر لمجلس الشعب..
راح زاهر عامل اجتماع يحضره الكل علشان يشوفوا المنتخب هيلبس ايه .. بعد ماخلصت الفانلات القديمة .. وحتى الفاضل منها خدها شوية ناس فى أتحاد الكورة لعيالهم وأولادهم .. وحبايبهم وجيرانهم ......
المهم بعد ما جتمع المجلس قال زاهر : دلوقتى لازم تقولولى هنحل المشكلة دى ازاى ومفيش فانلات اديداس قديمة , ولا جديدة , ولا حتى فانلات بوما بتاعة ايام تارديللى , ممكن ياحضرات تقولولى هنعمل ايه؟؟
راح مجدى عبد الغنى قايل : ممكن نجيب فانلات للمنتخب من المحلات اللى بره اهى موجودة وكتيرة
فرد محمود بكر : كتيرة ايه يا مجدى .. ده هى شوية بسيطة وكلهم رقمين رقم 9 ,22 ميدو وأبو تريكة .. هو المنتخب كله هيبقى 9,22 ؟؟!! ماتقول كلام معقول يامجدى..
راح رادد علطول : خلاص نبعت نجيب فانلات بنفيكا من غير ارقام ونحط احنا ارقامهم .. وأهى بنفيكا برضه بتلبس احمر وشورت ابيض .. وبعدين انا اعرف هناك وزير الرياضة البرتغالى ,ده كان صاحبى وقت لما احترفت فى البرتغال , وكمان..... فأحس زاهر ان مجدى بدأ يهزى ويشتغلهم فرد عليه بسرعة : بس يامجدى والنبى .. فزعل مجدى من زاهر لأنه عرف ان محدش مصدقه ..فراح قايل فى سره وأنا مالى (تتفلقوا كلكوا ).
راح طالع لينا ايمن يونس برأى غريب: ياجماعة المشكلة بسيطة جدا .. ومش محتاجة كل الدوشة دى .. احنا ممكن ناخد فانلات الزمالك جميع الأرقام .. اهى بتلبس ابيض , زى لبس المنتخب القديم وتتحل المشكلة .. ويادار ما دخلك شر..
بسرعة راح رادد عليه مدير العلاقات العامة مدحت شلبى : يا سلام .. طب والخطين الحمر بتوع الزمالك هنخفيهم ازاى.. الأحسن نجيب لبس الأهلى أهو فريق محترم وبطل افريقيا .. وفانلة الكل فى مصر بيتفائل بيها ..
فنظر الكل لشوبير علشان يقول رأيه وكان مشغولا بمكالمة على تليفونه المحمول , راح قافله بسرعة وقال : بصوا يا جماعة احنا علشان منزعلش حد مننا لا أهلى ولا زمالك ... انا شايف ان احنا نجيب لكوا فانلات نادى طنطا .. ولاد بلدى .. وحبايبى .. علشان نمنع القيل والقال .. ونقول ان هو ده التصميم الجديد
فنظر له محمود بكر بخبث وقال فى عقله : يابن الايه ... عايز تلعبها صح ياشوبير!!
فرد زاهر : ااااه .. طب وانت يابكر ايه رأيك ؟
راحح رادد بكر : فانلة حرس الحدود حلوة والله وشبه فانلة روما وفى شركة كبيرة متعاقدة معاها مش فاكر اسمها ايه(يقصد ديادورا) لكن ممكن نلبسها وأهى لونها احمر برضه ولا ايه ..!
فراح جاى من وراهم عم عتمان جايبلهم الشاى وسمع طراطيش الكلام ده .. وعم عتمان ده يعنى راجل اصيل فى اتحاد الكرة , اشتغل مع عبد المنعم عمارة , والوحش , وزاهر , والدهشورى , وعصام عبد المنعم كمان يعنى راجل خبرة .. وبيعاملوه كأنه منهم ...المهم راح طالع وقايل أنا ليه رأى يا سمير باشا
فقاله زاهر : اتفضل ياعتمان
فرد عتمان : انا شايف ان دى مش مشكلة خالص .. المهم نلعب كويس .. ونلعب للفوز ... والباقى كله تفاهات ... لكن لو انتوا شايفين ان دى مشكلة فتبقى فانلة المنتخب العسكرى هى احسن حاجة.... اهى اسمها فانلة مصر .. وكفاية انه خد بيها كاس العالم
فلمعت عينى زاهر ببريق شديد وقاله : صح ..صح .. انت صح .....برافو ياعتمان .. برافو والله
واتفق الجميع مع وزارة الدفاع والجيش على توريد دفعة من فانلات المنتخب العسكرى لحين توريد فانلات أديداس الجديدة يوم الجمعة
وانصرف الجميع كل واحد على شغله :-
زاهر راح على الغردقة بيباشر الأرض الجديدة اللى اشتراها هناك بعد ما مسك الاتحاد بشهر واحد!!
مجدى راح على معرض السيارات الخاص بيه فى مدينة نصر واللى خد ترخيصه برضه بعد انتخابات الاتحاد !!
ايمن يونس راح لمدينة الانتاج الاعلامى يباشر آخر تطورات القناة الفضائية اللى مشارك فيها مع رجل أعمال كبير .. يونس شارك رجل الأعمال بعد شهرين فقط منانتخابات اتحاد الكرة!!
مدحت شلبى راح على استديوهات الأوربت .. وبعدها على الايه ار تى ..لتحليل بعض الماتشات!!
شوبير جرى بسرعةعلى طنطا لتكثيف حملته الانتخابية والتى أكد له شخص مهم جدا انه فائز بالانتخابات .. فقط عليه ان يرشح نفسه !!
أما محمود بكر فقد ذهب الى برج الحمام الجديد الذى شيده بعض الانتخابات فوق سطح منزله بالعمرانية!!
وبدأ الماتش فى ميعاده .. وكان كل شئ تمام ....
وظهرت الفانلة بالشكل الجامد ده ...واااااوو
وربنا يخليلنا عم عتمان.....ويجعله عامر!