من هو افضل محامى مصرى من وجهه نظرك [الأرشيف] - موقع الدي في دي العربي

m_elmogy

15-11-2005, 10:15 AM

أنا مع ميشو ... الأستاذ / سمير الموجي فعلا مترافع ممتاز أمام الجنايات والنقض والدستورية العليا ..له إسلوب خطابي شيق يلفت الانتباه و يسترق الآذان ، ويستخدم قصص ووقائع مشابهة للواقعة للإقناع والإثارة ...ولا يقبل أي جناية بسهولة ، يكفي أنه بفضل الله جميع الجنايات التي باشرها كانت النتيجة براءة ما عدا جناية واحدة حصل فيها المتهم على سنة مع إيقاف التنفيذ يعني بمثابة براءة ..
أنا عن نفسي ،وبدون تحيز والله، أجده من أفضل محامي مصرنا الحبيبة ...

weswes1000

15-11-2005, 10:38 AM

اعتقد مع ان رأى مخالف
هو الاستاذ : سمير صبرى
هو من اقوى المحامين فى مصر
وايضا الاستاذ رجائى عطية واتفق معك يا سمسم
فى ان الاستاذ رجائى عطية لا يصلح للنقابة
الاستاذ سامح عاشور خير من يمثلنا نقابيا

m_elmogy

15-11-2005, 11:28 AM

أ/ رجائي لا يصلح للنقابة في كل الأحوال ... لكن على حد علمي د/سمير صبري راجل محترم وشغال كويس أوي في القاهرة والاسكندرية ..
لكن في اسكندرية أنا مشفتش المحامين اللى معا غير في جنح شيكات فقط وعمري ما شفته بيترافع أو قريت له مذكرة جامدة

ziezo2010

13-01-2006, 09:52 PM

انا بصراحه معاكو فى ان اقوى محامى فى نصر هو الاستاذ رجائى عطيه وبعدة فى المرتبه علاطول الاستاذ فريد الديب

Sherif3600

13-01-2006, 10:07 PM

فى القانون المدنى

المستشار - مصطفى الفقى
المستشار - عبدالمنعم الشربينى
المستشار - كمال عبدالعزيز

فى القانون الجنائى

المستشار - احمد سعيد عبدالخالق
الاستاذ - رجائى عطيه
الأستاذ - فريدالديب

elbarshomy

14-01-2006, 12:35 PM

الحقيقة من وجه نظرى ان رجائى عطية هو افضل محامى اما بالنسبة لسامح عاشور كنقيب للمحامين لم يقدم شىء حتى الان

weswes1000

14-01-2006, 06:26 PM

الحقيقة من وجه نظرى ان رجائى عطية هو افضل محامى اما بالنسبة لسامح عاشور كنقيب للمحامين لم يقدم شىء حتى الان

ازاى سامح عاشور كنقيب للمحامين
ولم يقدم شيئا حتى الان
فى عهد سامح عاشور لمعلوماتك زاد معاش المحامى الى
1500 جنيه مصرى يعنى افضل من ضباط الجيش او مثلهم
وايضا مدينة للمحامين ونادى للمحامين بالمعادى
ورحلات مدعمه كثيرة انا ذهبت فى بعضها
وحاجات كتير جدا فيعنى اعتقد انه قد جانبك الصواب

m_elmogy

15-01-2006, 10:32 AM

أشاركك الرأي .... سامح عاشور متوازن تماما والأمور النقابية ماشية بشكل أفضل يوم بعد يوم
لكن إية حكاية مدينة المحامين دي ... يعني مكانها فين وبكام وإيه نظامها ؟؟؟!!
وكمان النادي ده فين وإيه ظروفه ؟؟؟
ياريت لو معلومات كامله

amrkenzo

27-01-2006, 05:06 AM

النادي ده لسة ماتعملش والمدينة لسة برضه والمبني اللي كان هيبنيه زى بتاع الصحفيين من 2003 لسة مع انه في يوم تكريم المحامي قال انه جمع 20 مليون وفاضل زيهم ولحد دلوقتي مفيش طوبة اتحطت وبعدين اسالوا علي اجراءات الحصول علي المعاش وانتوا تعرفوا مدى صعوبتها وبعدين اللي بيدخل للنقابة بتاعتنا مش قليل احنا اغني نقابة في مصر ولا انتوا ايه رايكم ميصحش ان مبني نقابة الصحفيين يبقي مخلينا زى الاقزام ولا ايه.
فيه ايه بقي عمله سامح عاشور ياريت حد يقولي.

m_elmogy

30-01-2006, 01:42 PM

والله أنا شايف إن الراجل بيحاول ، لكن ربنا يقدره على لم شمل أعضاء المجلس وحل الخلافات الداخلية ثم الانتباه إلى أحوال النقابة

zero00_last00

16-03-2006, 01:21 AM

انا رايى ان احسن محامى جنائى فى مصر الاستاذ / احمد شوقىالخطيب ثم الاستاذ / رجائى عطيه وفريد الديب ويحيى الجمل

m_elmogy

21-03-2006, 11:43 PM

شكرا على المشاركة يا zero00

metalman

26-03-2006, 10:59 AM

انا فى رئى احسن محامى فى مصر هو الاستاذ / احمد الخواجه

mady600

26-03-2006, 11:53 AM

مرتضى منصور كويس تقريبا
انا مش عارف محامين كتير غير مرتضى منصور و فريد الديب

kishoo

26-03-2006, 12:13 PM

مرتضي منصووووووووووووووووووووووووووور

m_elmogy

27-03-2006, 04:41 AM

أشكر الجميع على المشاركة

businessteam86

03-04-2006, 07:32 AM

مرتضي منصور علي يدي نصاب والله علي نا اقول شهيد وممكن المشرف يكون معترض علي رأيي بس مينفعش اسكت لأن ديه امانه وعلشان محدش تاني يتنصب عليه

sniper80s

03-04-2006, 02:58 PM

انا فى طبعا مليش في المحاماة لكن في رأيي كمحاسب مالي أن افضل محامي في مصر مش الاسماء اللي قلتوها وانما هو المحامي " بدر النوساني " بتاع فيلم محامي خلع  ولا أيه رأيكو خلعها بدون متحس
محمد

m_elmogy

04-04-2006, 01:00 AM

مرتضي منصور علي يدي نصاب والله علي نا اقول شهيد وممكن المشرف يكون معترض علي رأيي بس مينفعش اسكت لأن ديه امانه وعلشان محدش تاني يتنصب عليه

المجال مفتوح للجميع لإبداء الرأي ، و إعتراضي أو عدم إعتراضي هو أيضا رأي أحاسب عليه وقابل للنقاش والنقد لكن ومن باب الفضول ، لو عندك معلومات شيقة بخصوص شخصية مشهورة زي مرتضى منصور فلا بأس أن تطرحها بدون ذكر أسماء أصحاب القصة والجميع سيقوم بالتعليق عليها

® Ronaldinho

21-04-2006, 04:30 AM

احسن محامى من وجهه نظرى
اولا رجائى عطيه
ثانيا والدى
المستشار/ صلاح الدين سلامة طه
على فكره بقاله 30 سنه فى المهنه
وانا شغال معاه من 8 سنين
وانا دلوقتى فى 4 حقوق عين شمس
وشكرا

annasyd

21-04-2006, 06:36 AM

يا جماعة انا من رأيي ان مش كل واحد مشهور يبقي احسن محامي انا اعرف محامي بسم الله ما شاء الله عليه راجل بيعمل اللي عليه كويس اوي اوي اوي و شغال في كل حاجة و خاصة الجنائي و المدني و ينفعك اوي اوي اوي في الاحوال الشخصية لان انا بعد اما عررفت اخي عليه جابله قضية احوال و اخي بعد اما خلصت القضية راح يوزع نمرته علي كل اصحابه علي فكرة من معلوماتي كمان ان هو رفع قضية كبيرة جداجداجدا و اتكتبت في الجرايد كلها رفعها علي وزارة الداخلية وكسبها و اعطت له شهرة كبيرة جدا هو راجل يا جماعة تمام جداجداجدا لان مافيش قضية جيبتهالوه و خذلني فيها انا مهما اتكلمت عليه مش عارف ممكن اكتب صفحات مش سطور و علي العموم اهي نمرته علشان اللي عايزه في اي حاجه:

أ/ احمد محمود سامي بالاسئناف العالي و مجلس الدولة و المحاكم العسكرية العليا ت ع :2718681

ومش هتندموااااااااااااااااا

m_elmogy

28-04-2006, 01:56 AM

لو كل واحد إتعامل مع محامي كسب له القضية يبقى هو أحسن محامي في مصر يبقى كل محامين مصر هم الأفضل لأن أكيد كل محامي كسب قضية ولو لمرة واحدة في حياته
الغرض من هذا الموضوع هو مين أفضل محامي في مصر من حيث الشكل والمظهر والمضمون والعلم والملكة القانونية والذكاء والقدرة على إقناع المحكمة مع الترافع الجيد (full pakage)

omarynoo

16-05-2006, 07:47 PM

انا من وجهة نظرى فريد الديب - واحمد نصر

m_elmogy

17-05-2006, 05:35 AM

فريد الديب ممتاز
لكن أنا ماعرفش الأستاذ / أحمد نصر

Neo424

30-07-2006, 06:42 AM

انا معجب بالأستاذ معوض لبيب
جدا

wezaezz

30-07-2006, 08:57 AM

احسن محامى فى مصر هو المستشار /مرتضى منصور

m_elmogy

31-07-2006, 01:41 AM

على الرغم من إسلوب أ/ منصور إلا إني أنا كمان معجب بيه

lovemyworld

04-08-2006, 04:57 PM

الصراحه انا معجب بتلاته بعتبرهم فعلا محترفين جنايات

اتنين قاهرين واحد مش قاهرى بحكم الاقامه هما

سعيد عبد الخالق

و فريد الديب

والتالت اقتنعت بانه استاذ ومتمكن من انه كان في مرافعات بالقاهرة وفعلا كان رهيب

متمكن ولما سالت عرفت انه نقيب الدقهليه الاستاذ نبيل الجمل

بجد التلاته بعتبرهم قمه

alfastar

07-08-2006, 12:32 PM

سامح عاشوووووووووور .........
جايز......... لكنه لو كان قدم زي ما حضرتك قولت
فهو قدم للكبار اللي علي المعاش
و فظل ادارته للنقابة لم تهان المخهنة مثلما اهينت من قبل
اي محامي الان لا يتباهي بمهنته .......... بل بالعكس ينكرها ...... و انا عاصرتله مشكلة عن نفسي في محكمة حلوان لانه سمع بودنه عن وكيل نيابة مكتوب اسمه بقلم رصاص انه ( هايديله بالجزمه ) و الرجل لم يحرك ساكن ...... و قال انه اكيد يقصد انسان تاني .....اي نقيب هذا
مش مهم لكن موضوعنا هو من افضل محامي ؟؟؟؟؟ الافضل هو المخلص لمهنته رجائي لما خسر الانخابات اشار للمحامين خصومه ( علي الجزمة ) يعني مش الافضل لان الافضل هو القدوة .... ولو عايزين محامين كتير يعد كل منهم هو الافضل ...... ابعدوا عن المشهورين و اعرفوا المغمورين وهم دول الافضل من وجهة نظري المتواضعة ........... الفا

free_egypt

07-08-2006, 08:32 PM

طبعا أستاذنا سمير صبري

و حاليا ممكن فريد الديب و إيهاب الخولي و

انا رأي أيمن نـــور أيام العز

و النقيب سامح عاشور

محمد شوقى محمد

08-08-2006, 12:33 AM

انا بس ربنا يسهل هههههههههههههههههه

mostafa samir a

08-08-2006, 05:21 AM

على الرغم انى مبحبوش
بس الراجل اثبت كفأه
مشى مرتين ورجع غصب عن التخين
وابو ودان
الاستاذ \مرتضى منصور

m_aboeldahab

08-08-2006, 10:09 AM

انا من رائ ان احسن محامي في مصر مع اني متعاملتش معاه

هو شادي سمير الموجي......

والله ولي التوفيق

m_elmogy

09-08-2006, 04:50 AM

وان كمان أشجع شادي الموجي وعلى فكرة انا إتعاملت معاه

mostafa samir a

09-08-2006, 07:23 PM

]اسف المشكله بره

m_elmogy

15-08-2006, 03:52 AM

]اسف المشكله بره

فين المشكلة ؟؟؟

moody010

07-09-2006, 06:28 AM

انتو بتتكلموا فى اية الحكاية محسومة مفيش زى الاستاذ/ايمن ابرهيم بركة وهو من الدقى وافضل محامى على الاطلاق

body87

07-09-2006, 12:55 PM

وانا شايف ان عادل رمزي عشرة علي عشرة في الجنائي

M7MAD3LY

17-09-2006, 09:19 AM

ياجماعة اللي بيقولوا ان سمير صبري احسن محامي عايز اعرف ليه ؟
على فكرة نسبة كبير جدا من القضايا اللي عنده عبارة عن شيكات وايصالات امانة فقط ..!!!!

اما بالنسبة لاحسن محامي من وجهة نظري هو الاستاذ / محترم
استاذ على مسمى بيحترم الناس من كبيرهم لصغيرهم وبيشتغل بضمير وبيقدر المسئولية وثقة موكلينه
دوروا عليه يمكن تلاقوه ؟
طبعا استاذ / محترم شخصية خيالية بتمنى انها تكون شخصية كل المحامين ....

المحامى الشهير

23-09-2006, 08:02 PM

أ / محمد عامر درويش

المحامى بالنقض

معلمى

وهذا الذى اعرفه

اما غيره

فالاستاذ / سامح عاشور

النقيب

وشكرا

mody010

09-10-2006, 07:43 AM

و انتو ايه رايكو يا جماعه فى الحج فاروق المحلاوى

بجد يعنى ايه رايكو راجل مش بيخسر ولا قضيه بس طرقه ملتويه و كل حاجه ممكن تتوقعها منه من الاخر حلنجى دا الى

اعرفو عنو بس المشكله انه بيكسب القضايا !!!

حد يعرف عنو حاجه ؟ ؟ ؟؟ ؟

m_elmogy

09-10-2006, 03:17 PM

والله أنا مسمعتش عن الحاج المحلاوي ... وبعدين إزاي حاج وطرقه ملتوية

mody010

09-10-2006, 05:27 PM

والله هو مش حج حج بس انا بلقبه بالحاج لانه مش بيخسر حاجه

و ممكن يعمل اي حاجه عشان قضيتو تكسب بقولك حلنجىىىىىىىىىى

killer way

12-10-2006, 12:35 PM

انا عن راى الاستاذ/عبد العزيز انور
المحامى بالنقض والدستورية العليا من المحامين الممتازين

m_elmogy

12-10-2006, 03:07 PM

أ/ عبد العزيز أنور .... من القاهرة أم الاسكندرية

killer way

12-10-2006, 10:19 PM

القاهرة الكبرى بالتفصيل شارع الجيش

m_elmogy

16-10-2006, 02:27 PM

بالنسبة لهذا الموضوع ... المفروض نحط إسم أفضل محامي في مصر من وجهة نظر كل مشارك ، لكن من الضرورى أن يكون هذا المحامي على درجة من الشهرة بحيث يعرفه باقي الأعضاء

mody010

21-10-2006, 08:05 PM

فااروق المحلاوى

misho_hh

22-10-2006, 07:21 PM

مرتضى منصور رغم انى مبحبوش الا انه وحش المحاكم بدون منازع

اما اللى بيقولو عن فريد الديب مش هو ده محامى الجاسوس عزام عزام ؟؟ ؟؟

body87

22-10-2006, 08:28 PM

وكمان مكتب البارودي للمحاماة

m_elmogy

23-10-2006, 12:45 PM

بغض النظر عن مواقفه السياسية وتوجهاته
من وجهة نظر مهنة بشكل بحت أ/ فريد الديب محامي أكثر من رائع بهدوئه ورزانته ولغته السلسة الواضحة

BEKO2M

21-11-2006, 04:06 PM

من وجهة نظري المتواضعة انا شايف ان استاذ شكري سرور

افضل المحاميين علي الاطلاق في القانون المدني

m_elmogy

22-11-2006, 10:43 AM

أ /شكري سرور في القاهرة ؟!

BEKO2M

22-11-2006, 06:45 PM

ايوة صح في القاهرة

اية رايك حضرتك فية

ahmedthapit

28-11-2006, 07:52 AM

مرتضى منصور بس لازم تكون زملكاوى

ronan_tin_tin

28-11-2006, 08:56 AM

الاستاذ رجائي عطية طبعا

eshenawy

03-01-2007, 03:53 AM

أرى أن الاستاذ/عماد محمد حلمى
هو أحسن محامى فى مصر
ولديه عقليه قانونيه جبارة

amin010

03-01-2007, 06:04 PM

احسن محامى مصر المكتب الفنى للمحاماه بالاسكندريه سعيد ممدوح عبد المقصود

kadem_elsaher

03-01-2007, 07:47 PM

رجائي عطية بدون منازع

mohamedalmaz

04-01-2007, 02:13 AM

اني اري استاذ / محمد بدوي هو افضل محامي في مصر
رقم تليفونه 0106806337
موجود في اسكندرية

amin010

05-01-2007, 09:59 PM

أحسن محامى في مصر بلا منازع هو الأستاذ / سعيد ممدوح عبد المقصود أمانه ونزاهه و صاحب موقف وتيلفونه /0101930333

ali refaat

06-01-2007, 01:01 AM

احسن محامى مات الله يرحمه

كان بترافع على طول طول حياته

ببلاش

هو فى كده

اكيد يبقى احسن واحد مع العلم ان القضياه كلها كان بيكسبها

dr_dalia

20-01-2007, 12:46 AM

احسن محامى فى الدقهلية هو
الدكتور/ احمد رزق شلبى
وبيكسب اى قضية مهما كانت وخاصة قضايا الاحوال الشخصية
فهو موسوعة فى اقانون ولة اسلوبه الخاص
ت/0102349094

m_elmogy

23-01-2007, 11:15 AM

يبدو إن مفيش حاجة إسمها أحسن محامي في مصر
لأن ماشاء الله عدد المحامين الممتازين كتير
وربنا يكتر الناس المتميزة لرفعة المهنة وعلو شأنها

أشكر جميع المشاركين

totti55555

21-03-2007, 05:37 PM

El Mazagangy

21-03-2007, 08:05 PM

والله اللى أنا أعرفهم وشايف أنهم الأشهر
مرضى منصور
رجائى عطية
كمال يونس
فريد الديب
لكن الله أعلم هل هم الأفضل ولا لأ
أصل أنا ماتعملتش مع محاميين كتير
وبصراحة مفيش محامى أتعاملت معاه ألا مخلانى كرهت المهنة ديه قوى من اللى بشوفه
أكيد أنا حظى وحش ومش كل المحامين ناس وحشة
بس الخوف يكونوا أكثرية

dvdfourarab

22-03-2007, 02:06 AM

اشهر محامى واحسن محامى بقالة 40 سنة فى مجال المحاماة

لبيب احمد عطارة فضل
بجد والله يا جماعة الراجل دة من اشهر المحامين
اولا : فية قوانين كتيرة جدااااااا جداا صادرة باسمة منها
قانون الجنسية
التفرقة بين العامل والفلاح
دة غير انة خد جوايز كتير على رؤسهم القضية الى كان رافعها بتاعت المحاربين القدماء والى ادالة الجايزة وزير الدفاع
الراجل دة انا شفتة فى مجلس الدولة اما بينزل
الدنيا بتتقلب بجد والله والمستشارين بتخاف منة الكلام دة اودامى مش حد قلهولى
دة غير المؤلفات بتاعتة
وهو كمان الوقتى بقى مستشار شركة المقاولون العرب على مستوى جمهورية مصر العربية

وبجد هو بدون منافس
ومعاة توكيلات اتقل ناس فى البلد منهم
المستشار مرتضى منصور
واخر حاجة كانت معاة القضية بتاعت نادى الزمالك بتاعة النادى
هو من المنصورة
ولية 6 مكاتب فى المنصورة والاسماعلية والاسكندرية ومصر والشرقية ومش فاكر الباقى
بس اى محامى فى جمهورية مصر عارفة وعشان تتاكدوا من كلامى اسئلوا علية اى محامى او مستشار او ضباط
او اى حد الراجل دة انا مابجملوش بالكلام بس هو جدير بالكلام دة بجد
واجمل حاجة فية انة متواضع جدا جدا جدا ودى الى محببة الناس فية

ومهما اقول عنة والله لان الراجل دة انا بحبة اوى

بالنسبة للاخ totti 55555
انا معك لبيب احمد عطارة من اشهر المحامين الموجود فى جمهورية مصر العربية بدون منافس

وكل من

مرتضى منصور
رجائى عطية
كمال يونس
فريد الديب
يعرفونة جيدا جداا
والناس دى كمان لما بيكون فى قضايا مستعصية بيخدوا راية فيها لانة فى الحقيقة رصيد ضخم من المؤلفات القانونية والقوانين صادرة باسمة وهو طبعا غنى عن التعريف وكمان اغلب قضايا اعضاء مجلس الشعب معاة

وانا واحد من الناس انى بفخر ان الراجل دة من المنصورة

وهو الحقيقة من اسباب شهرتة القضية الى حضرتك ذكرتها القضية بتاعة المحاربين القدماء انا والدى واحد من المحاربين الى حاربوا فى 73 وانا بخش اى نادى حكومى بالكارنية بتاع المحاربين بتاع والدى وبركب القطر بردة بالكارنية دة وبيسهل حجات كتيرة وهو فعلا القانون طالع باسمة وشكرا انك زكرتة
وبشكر كل الناس الحلوة الى فى المنتدى

m_elmogy

25-03-2007, 01:05 PM

واضح إنه محام متميز .... لازم نقرأ مؤلفاته قريبا إن شاء الله

hamada100uk

08-04-2007, 05:14 PM

يا جماعة لا نسطيع أن ننكر دور سامح عاشور و ما قدمه لنقابة المحامين ولكن نريد المزيد خصوصا ونحن من أكبر النقابات فى مصر و أعرقها نبحث عن من يأخذ بيد المحامين ليعود بهم لعصر المحامين الذهبى و هذا لن يتأتى إلا إذا أصلحنا من أنفسنا و حافظنا على الباقى المتبقى من سمعة المحامين ثم بعد ذلك نطلب ما نريد حتى نستحق ما هو حق لنا
[محمد نبيه محمد
المحامى بالإستئناف العالى

h_me

21-04-2007, 06:12 PM

لفت نظري اثناء الحوار ....... في الموضوع الخطا في اسم المرحوم أ/فاروق المحلاوي وبأن شخص اتهمة بانة حلنجي والتاني بيقول انا مبعرفش الحلنجية للايضا بس ا/فاروق كان البوب بتاع المنوفية اكثر من 40 سنة قبل ان يلقي ربه منذ حوالي شهر وهو جهبز في القانون واسال عنة المحامين التقال زي فريد الديب و رجائي عطية وهما يقولوك مين فاروق المحلاوي ........

يا أخي الفاضل .... قد يكون السادة المشاركين على غير معرفة بالمرحوم الأستاذ / فاروق المحلاوي فلا داعي للهجوم عليهم ... ومن باب أولى عرفهم مين هو وترك إيه من سيرة عطرة ...
شكرا للجميع

elmostashar

12-05-2007, 08:41 PM

السلام عليكم
موضوع جميل عن اشهر المحاميين

بس عاوز اوضح شيئ يا اخوانى

انتوا بتقولوا ان كل من

مرتضى منصور
رجائى عطية
كمال يونس
فريد الديب

ونسيتوا الاصل انة فى :ا\لبيب احمد عطارة فضل
كل المحاميين التانيين دول تقال بس لبيب احمد عطارة دة بقى اتقل واحد وممنوع مقارنتة باى محامى اخر مع احترامى الشديد لهم كلهم ومش انا بس الى بقول كدة لا اسئلوا اى محامى يكون عارفة وهو يكلم عنةالكلام دة مش جاى من الهوا دة جاى من مستندات ووقائع لان مؤلفاتة - قوانينة - احكامة - الخ . تفرض علية ان احنا نقول الكلام دة وهو تاريخ كبير جداا ومع ذلك الناس التقال بس الى فى البلد هما الى يعرفوة وممكن يكون اغلب الناس الجدد مش عارفينة . تحياتى لكم

m_elmogy

13-05-2007, 04:26 PM

إخواني ... أرجو من المشاركين في الموضوع وضع إسم المحامي و ما هو متاح من سيرته الذاتية فقط دون التجريح في محام آخر ... لأنه - كما تعلمون - كل منا له وجهة نظره ورؤيته في تحديد إختياراته

شكرا لجميع المشاركين

mmsa0974

19-05-2007, 04:18 AM

انا اعتقد انه افضل محامى بس هو فى صعيد مصر يوسف الحناوى

m_elmogy

23-05-2007, 04:04 PM

انا اعتقد انه افضل محامى بس هو فى صعيد مصر يوسف الحناوى

أرجو الرجوع إلى المشاركة رقم 78 في نفس الموضوع
مع الشكر

sermonize

08-06-2007, 07:54 PM

السلام عليكم ورحمة الله وبركاتة

اسمحوا لي ان اذكر رجل عاش طيلة حياتة للدفاع عن الحقوق المسلوبة
واسمحوا لي ان اذكر رجل وهب كل مالة من اجل الفقراء والمحتاجين
واسمحوا لي ان اذكر رجل لم يكن يتقاضي اتعاب علي اي قضية عمالية
واسمحوا لي ان اذكر رجل لقب بقديسيين المحامين العرب
واسمحوا لي ان اذكر رجل ما كان يدخل قاعه محكمة الا واكبر قاضي بها يهم بالوقوف لسلام علية ومصافحتة
واسمحوا لي ان اذكر لكم رجل ترك كل شىء وتفرغ للدفاع عن كل رجل تم سجنة او اعتقالة بسبب كلمة قالها وبدون اي مقابل
واسمحوا لي ان اذكركم بهذا الرجل الذي لم يخسر اي قضية طيلة حياتة
واسمحوا لي ان اذكركم بهذا الرجل الذي فتح مكتبة بوسط البلد لتبني الشباب المتحمس من المحاميين الجدد
واسمحوا لي ان اذكركم بالرجل الذي حينما مات خرجت مصر كلها لتشييع جنازتة
واسمحوا لي ان اذكركم بالرجل الذي تم القبض علية وهو في داخل قفص الاتهام لبس روب المحاماة وقام بالدفاع عن نفسة وزملائة
واسمحوا لي ان الكل لابد وان يتفق معي انة افضل محامي عرفتة مصر والوطن العربي اجمع لان الملكة القانونية يمتلكها محاميين كثيريين ولكن من يدافع عن شرف المهنة مثل هذا الرجل فلا يوجد غيرة

انة قديس المحامين العرب
انة هلال مصر
انة المحامي / احمد نبيل الهلالي

اتتورني50

14-06-2007, 07:03 PM

بصراحة السؤال ده عجييييييب جدا 000يعني ايه احسن محامي في مصر ؟؟؟؟ ياجماعة خللينا موضوعيين ده مش لاعييب كورة او مطرب شعبي 000دي مهنة حرة تعتمد علي الابداع والمهارة 00مش بس كده - ايضا ان يكون للمحامي شخصية مقبولة امام منصة القضاء 00الكاريزما يعني 00واظن حرام ان نطلق احد المحامين من ضمن اكثر من 300الف محامي انه الاوحد والاعظم000وقديما قالوا حكماء القانون القضية هي التي تعمل محامي وليس لالمحامي بيعمل قضية00فاخونا وبلديتنا الاستاذ مرتضي منصور مفيش خلاف عليه 00ومع ذلك هو نفسه اخد سنة سجن في موضوع تافه 00وبكل المقاييس وبشهادة حهابزة القانون الحكم مبالغ فيه0000لا لالالالالالالالالالالالالالا مافيش حاجة اسمها احسن محامي فيظل المحامي له ابداعاته واسقاطاته00فيه محامون نقض لاتعرف تكتب عريضة استئناف 000وبنشوف بلاوي في المحكمة 00وانا منهم اذا ماجهلت نقطة او فكرة

DR_BANAT

16-06-2007, 10:23 AM

انا رأى ان اللى يجاوب على السؤال ده لازم يكون واحد يعرف كل محامين مصر
علشان منظلمش حد

hamada100uk

16-06-2007, 04:44 PM

من و جهة نظرى أفضل محامى بالأسكندرية الأستاذ / هانى محمود سليمان ..... محامى شاب ..... ساهر على خدمة المحامين و المحاماه من أجل السمو بها و الإرتقاء بمهنتنا التى هى من أقدس المهن التى عرفها الإنسان على مر العصور ...... و ده رقم تليفونه : 0124014642

hamada100uk

16-06-2007, 04:47 PM

ndo2003

23-06-2007, 01:01 PM

محمود السقا والدكتور محمد سليم العوا

hagag1

23-06-2007, 10:37 PM

بسم الله
الأخوة الزملاء أعضاء المنتدى , قد يستعصي على الملائمة والتوفيق القول بأن أحدا من هؤلاء أو هؤلاء هو أفضل محام في مصر لكن ما يمكن قوله هو أن هذا أو ذاك من النخبة أو الصفوة إذا جاز التعبير
أما عن رأيي في أفضل محام في مصر فقد ترددت كثيرا قبل الإجابة إلا أنني أختصرها في شخص له على مصر وكل المصريين فضل لا ينسى إنه الدكتور/ وحيد رأفت الذي دافع عن قضية طابا أمام المحاكم الدولية وعاد مظفرا بفضل الله
كذلك أ.د/ نبيل مدحت سالم , العملاق العملاق العملاق - جهبذ القانون الجنائي وموسوعته الفياضة في مصر بلامنازع
ولكم منا ارق التحية.............. وللحديث دائما بقية
والسلام

hagag1

23-06-2007, 10:43 PM

السلام عليكم
الأخوة الأعزاء أعضاء المنتدى , أعتقد بأن القول بأن هذا المحامي أو ذاك هو أفضل محامي مصر هو قول يستعصي على الملائمة والتوفيق لما فيه من اجحاف بحقوق الآخرين ومنازلهم ومقاديرهم, أضف إلى ذلك أنني لاحظت أن أغلب الآراء التي ذكرت اعتمدت في بنيتها وتحليلها على رؤية شخصية لا تمت للموضوعية بصلة
لهذا السبب فلا يمكن أن أقول أن من سآتي على ذكر أسمائهم لاحقا في هذه المشاركة المتواضعة هم أفضل محامي مصر بل أقول أنهم صفوة الصفوة ونخبة النخبة
الدكتور وحيد رأفت
رجل حمل لواء الدفاع عن أرض مصر أمام المحاكم الدولية حتى عاد مظفرا منتصرا في قضية طابا بارك الله له
الدكتور نبيل مدحت سالم
أستاذ ورئيس قسم القانون الجنائي بجامعة عين شمس وأحد الأعلام الوارفة في سماء مصر القانونية وبحر خضم في أصول المرافعات وفنونها

هذا ولكم مني أرق تحية............ ودائما للحديث بقية
والسلام

m_elmogy

25-06-2007, 02:02 PM

شكرا على المشاركة ... وأضم صوتي إلى صوتك في هذا الاختيار

m_elmogy

25-06-2007, 02:02 PM

شكرا على المشاركة ... وأضم صوتي إلى صوتك في هذا الاختيار

hagag1

26-06-2007, 05:26 PM

شرف لي والله يا استاذ محمد انه يقع اختياري مصادفا لاختيارك وإلى المام قدما

ashraf A_Z

28-07-2007, 01:04 AM

في محامي اسمه / ممدوح ابراهيم عطيت الله اوعى حد يروح له [ لانه مش هيكسب القضية بتاعته

~*~ CaSPeR~*~

28-07-2007, 03:50 AM

سامح عاشور

arabicsheref

29-07-2007, 08:28 AM

انا مقدرش احكم عالجميع بس من وجهة نظرى المحدوده .. عيد نايل ..

sakr84

14-08-2007, 03:25 PM

ازاى سامح عاشور كنقيب للمحامين
ولم يقدم شيئا حتى الان
فى عهد سامح عاشور لمعلوماتك زاد معاش المحامى الى
1500 جنيه مصرى يعنى افضل من ضباط الجيش او مثلهم
وايضا مدينة للمحامين ونادى للمحامين بالمعادى
ورحلات مدعمه كثيرة انا ذهبت فى بعضها
وحاجات كتير جدا فيعنى اعتقد انه قد جانبك الصواب

نقيبنا العظيم سامح عاشور معملش اى حاجه للنقابه ولو كنت متابع كويس لبرنامجه ايام انتخاباته قال كلام كتير اوى اوى اوى ومعملش منه اى حاجه ومش معنى انه بيطلع رحله ولا مصيف مدعم انه بيدفع من جيبه ده حق كل محامى وحقنا كمان اكتر من كده بكتير وكمان عيب لما يسلم رؤس المحامين لوزاره الماليه اقصد بموضوع البطاقه الضريبيه اللى اتحشرت فى كل حاجه يا اساتذى الفاضل انا عايزك تسئل معهد المحاماه بيصرف كام كل سنه والفلوس بتروح فين ودى كانت من ابسط الفضايح اللى اتكشفت وعايزك تسئل عن الكلام اللى النقيب ومعملوش ايام الانتخبات يعنى فرقعه انتخابات ومنها استبدال المعاش والمستشفى وغيره كتير كفايه كلام بقى الاستاذ سامح عاشور مش مهتم بالنقابه وكل اهتمامه رايح ناحيه الحزب الناصرى اللى هدفه الوحيد حاليا انه يكون اكبر راس فيه واسف على الاطاله

sakr84

14-08-2007, 03:32 PM

يا جماعه انا ليا رأى فى موضوع احسن محامى ده مفيش حاجه اسمها احسن محامى فى مصر ولا فى العالم وده لسبب بسيط جدا ان المحاماه بحورها واسعه جدا جدا ولايمكن يكون فى محامى ملم بكل كبيره وصغيره ومهما كان اسمه ولازم تلاقى انه فى حاجه ميعرفهاش وفى محامى اصغر منه بكتير يعرفها وده مش معناه انه مبيفهمش لا ده معناه ان كل يوم فى جديد اللى ممكن محامى صغير يعرفه والكبير ميعرفوش كمان عايز اقول ان فى محامين كباااااااار جدا جدا وميعرفوش اى حاجه عن الشغل الادارى اللى بيقوم بيه محامى عنده فى المكتب وانا شايف ان المحامى علشان يكون كويس لازم يكون كويس فى الادارى اللى ناس كتير بتستهيفه ومشكوووووووووورين

dou313

13-09-2007, 08:47 PM

ممكن عنوان مكتب الاستاذ سعيد ممدوح في الاسكندرية و تليفون المكتب و مواعيد العمل بة

sadon

20-09-2007, 05:51 AM

انا با جماعه مع الاساتذه الي بتقول ان مفيش حاجه اسمها احسن محامي هما ممكن نقول مين اشهر محامي انا والله مبهاجمش حد ولكن اغلب الااساتذه الكبلر المشهورين بدون ذكر اسامب مش ملميين ببعض الجوانب القانونيه لانها مبتجبلهمش فلوس فلا يترافع عنها وكمان انا مع الراي اليبيقول ان مفيش حاجه اسمها تخصص لابد ان يكون المحامي ملم بكل االنواحي حتي النواحي الادبيه ومع ذلك فان راي ان فريد الدييب محامي شاطر جدا وكمان اعرف محامي لم يخسر اي قضيه تعويضات في حياته صدقوني لانه كاان موكل الخصم في قضيتي وكسب قضيه استحاله ااواذكر اسممه حتي الا الاستاذ خالد بكيرررر مالوش حل وانا اسف للتطويل وشكرا علي الموضوع الجميل

m_elmogy

20-09-2007, 11:23 AM

أهلا بكل المشاركين بالرأي ... وأنا فعلا مع التخصص لأنه بيضيف حرفية ومهارة أكثر في الجزء المتخصص فيه
لكن في ذات الوقت لابد أن يكون المحامي ملما بكافة أفرع القانون حتى يتمكن من إبداء الرأي في كل المواضيع القانونية وإن لم يكن متخصصا فيها.

body87

12-10-2007, 03:20 PM

لبيب معوض تقريبا اكبر محامي في مصر وانشاء اله اعملكم تقرير شامل عنه

لكنطبعا في حاجات كتيرة مش كويسة ليه زي مثلا تفرده في الدفاع عن العاهرات والقوادين وده تقريبا اشطر واحدفي القذارة دي

n_islam

22-10-2007, 11:46 PM

السلام عليكم فيه محامى مش كويس خالص
اسمه وليد من مدينة الاسكندرية
زوجى دفع له وهو احضر ناس عملو اصالات امانةعلية :31:
وطعنت بالتزوير لكن اخذت براءة بدون اجراءات الخبير
لانهم قدمو الصور واختفو والنيابة اعلنتهم وملهمش اثر
ودلوقتى ارفع تعويض ولابلاغ كاذب ولااى مسمى قانونى انا مش عرفة
ولا كفاية البراءة ..وايش ياخد الريح من البلاط واصل العنوان مش حقيقى يا مدام....ملحوظة دول اربع اصالات بمبالغ كبيرة مجمموعة 250 الف جنية..كان عاوز يسجنى 12سنة لو كان نجح انها تطلع امركانى :thumbdown:

samy_samer23

06-12-2007, 05:34 PM

اكيد ان احسن محامى فى مصر هو من ينصف المظلوم ويقطع يد الظالم[/

أفندينا الأول

07-12-2007, 12:50 PM

تابعت كل اللى انتوا اتكلمتوا فيه عن أحسن محامى فى مصر

ولكن الموضع مش بيتحسب احسن محامى لأن انتوا عندكم مثلا اسم رجائى عطية أو مثلا فريد الديب أو يسرى أبو زيد أو احمد سعيد عبد الخالق أو فؤاد الفقى أو سمير صبرى أو وبهاء الدين أبو شقة الموضوع بيتحسب على اساس الخبرة وبعدين الناس دى كلها ناس جامدة اتحداك لو قدرت تخرج منهم نمرة واحد من وجهة نظرى مينفعش نصنف احسن محامى فى مصر لأن عندنا تقايل

altiar111

10-12-2007, 02:38 AM

بصراحه افضل حاجه في السؤال ده ان اجابنه عرفتنا علي محامين كثر لم نكن نعرفهم او نسمع عنهم من قبل

masay

10-12-2007, 03:01 AM

ياجماعه انتوا بتاخدوا بالشهرة وبس ولا ايه الاستاذ رجائي طبعامحامي عملاق وكونه وكيل عائلة السادات افاده كتير
بس انتوا سمعتوا عن الدكتور محمود السقا؟
علم من اعلام كلية الحقوق جامعة القاهرة والمحامي والوفدي المعروف
داعملاق في الجنائي

angel a

30-01-2008, 10:11 AM

مفيش غير فاروق المحلاوى نقيب المحامين العرب فى الشرق الاوسط وهو الى مخرج تامر حسنى من السجن

justiesknight

17-05-2008, 02:48 AM

فى الواقع مع أحترامى الكامل لكافة الأراء فيوجد أستاذ فاضل و هو الأستاذ ياسر كمال الدين محامى محى الدين الغريب و ممدوح أسماعيل و انا فى إعتقادى الشخصى أنه من أفضل المحامين فى الوطن العربى ان لم يكن أفضلهم .........مع العلم بأننى لست محامى

hossam shabaan

17-05-2008, 10:43 PM

طبعا مرتضى منصور

islam amer

18-05-2008, 07:58 PM

الاستاذ القدير
محمد حسن المهدي

ahmed_4411

19-05-2008, 01:24 AM

مع احترامي للجميع المحامين بقوا وحشين قوي و من ضمنهم انا يعني مفيش حد في المهنه دي كامل و ده رأيي الشخصي

astal2007

19-05-2008, 05:37 PM

ازاى سامح عاشور كنقيب للمحامين
ولم يقدم شيئا حتى الان
فى عهد سامح عاشور لمعلوماتك زاد معاش المحامى الى
1500 جنيه مصرى يعنى افضل من ضباط الجيش او مثلهم
وايضا مدينة للمحامين ونادى للمحامين بالمعادى
ورحلات مدعمه كثيرة انا ذهبت فى بعضها
وحاجات كتير جدا فيعنى اعتقد انه قد جانبك الصواب

بل انت يا اخى الذى جانبك الصواب ففى عهد سامح عاشور تم حرمان اعداد مهوله من المحامين من العلاج لعدم وجود بطاقه ضريبيه معهم رغم انهم يعملون لدى مكاتب اساذه اخرين وليس لديهم مكاتب حتى يستخرجوا بطاقه ضريبيه بل والالعن من ذلك موضوع زياده دمغه المحاماه بحجه زياده الموارد رغم ان نقابتنا اغنى نقابه لكن فين فلوسها اعتقد لو سالت سامح عاشور ممكن يقولك وياريت متنساش تقوله بالمره فين مكتبه المحامى اللى وعد بيها ايام انتخابه والمميزات الهجص التانيه اللى مابتطلعش غير ايام الانتخابات بس

salah_sllam

19-05-2008, 08:18 PM

من وجهة نظرى ان افضل من قابلت وسأقابل فى حياتى من المحامين من حيث العلم والمرافعه والاسلوب هو المرحوم عادل الاتربى رحمة الله عليه شيخ محامين حلوان وهذا ليس لكونى من نفس دائرته ولكنها شهادة حق فى حق من يستحقها فليترحم عليه الجميع

رحمة الله عليك استاذنا الفاضل
عادل بيك الاتربى

salah_sllam

19-05-2008, 08:26 PM

بل انت يا اخى الذى جانبك الصواب ففى عهد سامح عاشور تم حرمان اعداد مهوله من المحامين من العلاج لعدم وجود بطاقه ضريبيه معهم رغم انهم يعملون لدى مكاتب اساذه اخرين وليس لديهم مكاتب حتى يستخرجوا بطاقه ضريبيه بل والالعن من ذلك موضوع زياده دمغه المحاماه بحجه زياده الموارد رغم ان نقابتنا اغنى نقابه لكن فين فلوسها اعتقد لو سالت سامح عاشور ممكن يقولك وياريت متنساش تقوله بالمره فين مكتبه المحامى اللى وعد بيها ايام انتخابه والمميزات الهجص التانيه اللى مابتطلعش غير ايام الانتخابات بس

اخى الفاضل كيف تتجنى على النقيب:31::53:
النقيب هو من افنى وقته فى اضاعة حقوق المحامييين :31::53:
النقيب هو من اضاع اموالنا بعناده مع الاخوان :31::53:
النقيب هو صاحب شعار لو وعدت يبقا لازم اخلف:31::53:
النقيب هو من فتح النقابه لكل من هب ودب:31::53:
النقيب هو من تلاعب بالقوانين وضرب بأحكام المحاكم عرض الحائط:31::53:
النقيب كما ادعوا عنه فى الانتخابات بكون النقيب هو النقيب :31::53:
:42:وكما قال الشعر العظيم :42:
النقيب النقيب اخضر اسود ينفع فى شتا او صيف هو ايه ترم ترم ترم :17::17::17:

تان تان1

09-07-2008, 03:33 AM

لا أعرف على التحديد من هو أفضل محام فى مصر.
أما بالنسبة للأستاذ دكتور نبيل مدحت سالم والذى ورد أسمه مرة فى المنتدى ويبدو أنها مدفوعة الأجر وله الأية
(وَمِنَ النَّاسِ مَنْ يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَى مَا فِي قَلْبِهِ وَهُوَ أَلَدُّ الْخِصَامِ (204) وَإِذَا تَوَلَّى سَعَى فِي الْأَرْضِ لِيُفْسِدَ فِيهَا وَيُهْلِكَ الْحَرْثَ وَالنَّسْلَ وَاللَّهُ لَا يُحِبُّ الْفَسَادَ (205) وَإِذَا قِيلَ لَهُ اتَّقِ اللَّهَ أَخَذَتْهُ الْعِزَّةُ بِالْإِثْمِ فَحَسْبُهُ جَهَنَّمُ وَلَبِئْسَ الْمِهَادُ (206)
سورة البقرة