ارجو المساعدة :: الهارد بيعمل اصوات غريبة

[Mahmoud_Manson]

المشكلة ان الهارد عندي كان بيعمل صوت في بداية تشغيلي للجهاز وبعدين بقيت بسمع صوت تكات في الهارد وانا بشتغل عليه لما دماغي وجعتني
ومش عارف ايه السبب هل الكهرباء مش واصلة كويس او ضعيفة ولا السبب في الباد سكتور(مع العلم ان عندي بادسيكتور علي السي ولكن حجمه صغير)

وفيه واحد اشار عليا اني اجيب منظم للكهرباء(تقريبا اسمه استوبليزر) ومش عارف اجيبه ولا لأ ولو جيبته هل نص كيلو كفاية ولا ايه بالضبط؟؟

ارجو الافادة

ومشكورين مقدماً

[alertgo]

السلام عليكم الاول
يعني ايه باد سيكتور حجمه صغير دا ممكن جدا يكون باد في الميديا بتاعت الهارد يا باشا عشان كده بيتكتك ويطلع صوت
الحق بقي وابعته لمركز صيانة او ممكن تكون المشكلة في البوردة بتاعة الهارد

[Mahmoud_Manson]

مشكور اخي علي الرد وان شاء الله هبعته لمركز الصيانة

[tatotatotato]

المشكلة ان الهارد عندي كان بيعمل صوت في بداية تشغيلي للجهاز وبعدين بقيت بسمع صوت تكات في الهارد وانا بشتغل عليه لما دماغي وجعتني
ومش عارف ايه السبب هل الكهرباء مش واصلة كويس او ضعيفة ولا السبب في الباد سكتور(مع العلم ان عندي بادسيكتور علي السي ولكن حجمه صغير)

وفيه واحد اشار عليا اني اجيب منظم للكهرباء(تقريبا اسمه استوبليزر) ومش عارف اجيبه ولا لأ ولو جيبته هل نص كيلو كفاية ولا ايه بالضبط؟؟

ارجو الافادة

ومشكورين مقدماً
صوت التكتكة ال بتبقي في الهارد دة ليها سببين
1 - اذا كان كابل الباور مش راكب كويس ممكن الهارد يشتغل بس هايعمل صوت تكتكة وتلاقية بيفصل ويشتغل وحاجات من هذا القبيل
2- انما الهارد بيتكتك علطول واكيد احيانا بيهنج منك لما بتدخل علي ال سي فادة اكيد من الباد سيكتور فالحق لو عندك بيانات مهمة علي الهارد شيلها في اي مكان امن غير الهارد بتاعك علشان ممكن يروح في اي وقت

[ekramy_h]

اخى العزيز
المشكله ليست مشكله كبلات المشكله ان ميديا الهارد دسك تعبت اما تبعته للصيانه او تغيره
وان كانت تقطق معنى كده ميديا
لا تنسونا من صالح الدعاء

[tatotatotato]

اخي العزيز اكرامي مع احترامي الشديد ليك بس انا عايز ااقولك ان هذا الصوت مش شرط هو الميديا بس
انا بيجيلي هاردات كتير داخلة صيانة وبتعمل نفس الصوت والكشف المبدي بيقول ميديا ولما بغير الباور بيشتغل زي الفل

[outforkill]

مع احترامي لأرائكم جميعاً فأنا أضيف انأكيد من الكهرباء بتاعة الهارد فممكن ان انتة توديه لحد صيانه بالهوت اير يكشف علي الباور او يغير السوكيت ذاته وبإذن الل يرجع لحالته الأصلية اما بالنسبة للباد سيكتور فممكن يكون ظاهري يختفي بمجرد fdisk

[ekramy_h]

خى العزيز تاتو مع تغير سوكت الاباور يختفى الصوت لفتره وبعد ذلك يرجع ويكون العيب من الميديا