المساعد الشخصي الرقمي

مشاهدة النسخة كاملة : استفتسار عن كيفية الحفاظ على الزرع الطبيعى ؟؟؟

moe_22
12-11-2005, 11:27 PM
السلام عليكم و رحمة الله

انا انهاردة بالصدفة لاقيت مشتل عندة زرع احواض سمك و اشتريت منة كمية حلوة

من نوع الالوديا و الامازون و نوع تانى بصراحة ناسى اسمة بس هوة افرع طويلة كدة و شكلة بيبقى حلو فى الحوض

المهم بعد ما حطيت الزرع لاقيت السمك الفانتيل اللى عندى نازلين اكل فى الزرع مع انى كنت لسة مأكلهم كتير

و مش راضين يبطلوا مع العلم انى عندى اكتر من 10 انواع سمك تانية مش بيكلوة و نادرا ما تلاقى واحدة
مولى تنقر شوية فى الزرع

بس هوة الفانتيل طاحن نفسة اكل

فيا ريت يا جماعة الرد سريعا اعمل اية

علشان لو بالطريقة انا متوقع على بكرة يكون الزرع خلص

و شكرا
مسترموسى
13-11-2005, 09:49 AM
بص ياmoe_22 ا لجولد بجميع انواعة سمك أكول واحد مصادر غذائه هو النباتات وعلشان كدة مفيش أمل في الزرع إلا انك تشيل الجولد من الحوض اما المولى فهو كمان بياكل الزرع بس مش شره زى الجولد وكمان مفيد شويه للزرع لانه (بينقر)بياكل الورق الميت او المريض يعنى بيقلم الزرع وممكن تحط للمولى او الجولد نباتات خضراء ينقر فيها كوجبه من وقت للتانى زى الخس او السبانخ المقطعة جيدا ولو عندك (بليكوستوماس) او (الجاايتر) ممكن تحط قطعة خيار او قطعه جزر مسلوقة نص سلقة.

فى الغالب هو دة النبات اللى عند ك ومش عارف اسمه......
http://img454.imageshack.us/img454/8686/spiralis13fg.jpg
اسمه فالسناريا
GODA_6
13-11-2005, 10:03 AM
يا ريت يا ياmoe_22 لو تقولى على مكان المشتل ده علشان عايز اجيب منه لانى بجد بدور على شىء كويس
واكون شاكر ليك جدا ..ولو مش هينفع تكتبه هنا فى المنتدى انا ممكن اديلك ايميلى تبعتلى عليه او تبعتلى على الرسائل الخاصة
وياريت ترد عليا ضرورى



:bye10000: :bye10000:
moe_22
13-11-2005, 10:38 AM
اخى مستر موسى اشكرك على الاهتمام و الرد السريع و هوة انا بصراحة لما لاقيتهم حيخلصوا على الزرع رحت

شايل الزرع و حطيتة فى الحوض التانى و الحمد لله مفيش مشاكل لحد دلوقتى و الجولد بقة حبقى اجيب فى الحوض دة

زرع صناعى لانى بصراحة بحب الجولد اوى و مش حقدر استغنى عنهم فى الحوض و شكرا اخى مستر موسى

الاخ Goda_6

فى الحقيقة انا من اسكندرية مش عارف انت منين على العموم ابقى رد عليا وقولى لو انت من اسكندرية حوصفلك بالظبط مكانة وانشاء الله افيدك بس انت رد عليا و انا اقولك


و شكرا
مسترموسى
13-11-2005, 12:28 PM
العفو يا اخى العزيز.
هممممممم انت من اسكندريه؟؟ انا باا اللى عاوز اعرف مكان المشتل دة دلوقتى علشان اروح اجيب منه امازون هههههههه
يا ترى هو المشتل اللى بين جناكليس وشوتس؟؟؟
moe_22
13-11-2005, 07:04 PM
الاخ مستر موسى

ايوة هوة المشتل اللى بين شوتس و الرمل الميرى بقة مش جناكليس بس على فكرة هوة الامازون بيبقى عندة بالصدف

يعنى انا امبارح لاقيت حتة امازون صغيرة بس اخدتها برضة قلت حتكبر عندى انشاء الله

و فرصة سعيدة اوى يا باشا
مسترموسى
13-11-2005, 07:19 PM
يا سيدى العفو و انا اسعد ومتشكر ليك، ن ع صاحبى انا حاروحله دلوقتى وابوب عليه لغايت مايطلعلى امازونايه من الفساقى اصلى محتاجها ضرورى وحابقى اقوللك عملت ايه......
مسترموسى
13-11-2005, 07:21 PM
يا سيدى العفو و انا اسعد ومتشكر ليك، ن ع (صاحب المشتل) صاحبى انا حاروحله دلوقتى وابوب عليه لغايت مايطلعلى واحدة من الفساقى اصلى محتاجها ضرورى وحابقى اقوللك عملت ايه......
moe_22
13-11-2005, 10:55 PM
انشاء الله حتلاقى عندة و بصراحة هيا زرعة رائعة و بالمناسبة ما تعرفش حد من بتوع الاسماك ياخد منى 4 اوسكار حجم صغير علشان انا مش عارف اطلعهم من عندى علشان عايز اغير نوع السمك اللى فى الحوض التانى بتاعى

و شكرا يا باشا و فى انتظار ردك
spictor
29-11-2005, 04:59 AM
ممكن تقولولي المشتل فين بالظبط علشان اجيب انا كمان لو سمحتوا
moe_22
30-11-2005, 01:17 AM
اخى سبيكتور حقولك انت عارف محطة ترام شوتش لو انت اديت ظهرك للمحطة حتلاقى فية شارع قدامك الشارع دة اللى رايح الرمل الميرى امشى فى الشارع دة شوية حتلاقى المشتل على يمينك اظن ما فيش توضيح احسن من كدة
tamerfouad
07-12-2005, 03:25 AM
بس فعلا مشعارف تقريبا نسبة كبيرة من ممارسى هذة الغية من اسكندرية تفتكر لية عشان البحر يعنى
ينزلو يجيبو سمكتين ويطلعو ههههههههههههههه
على النباتات انا افضل وضع النباتات الصناعية عشان فى بعض المراض بتصيب النبات وبتنتشر البكترية والمكروبات دة رئى الشخصى وليس العلمى
spictor
12-12-2005, 02:39 PM
لا يا اخ تامر هي حاجة كده تقدر تقول تعود علي السمك و احساس بالألفه مش اكتر
و ياريت البحر عندنا فيه سمك زي البحر الاحمر كده كانت بقت 100 فل