طلب من مشرف المنتدى

[dyskey]

السلام عليكم


لو سمحت انا بطلب من حضرتك اى لينكات لكتب سى شارب 2005 بيتا 2

ولو امكن كماه كتب للsql server 2005 كمان

لانى هعمل بيهم مشروع التخرج بتاعى واكون شاكر ليك جدا لو ساعدتنى فى الطلب ده


:clap0000:

[alahlawy]

بسم الله الرحمن الرحيم
اولا احب اقولك ان كلها كام يوم و النسخه اصلا بتاعت ال beta2 تنتهى و تتقفل خالص

ثانيا و ده الاهم ان ال release version اللى هتنزل قالوا هيشيلوا منها حاجات من اللى كانت موجوده فى beta2 و هيضيفوا حاجات و يكفى اقولك ع الاختلافات الكبيرة اللى كانت بين beta1 و Beta2 مثلا كان فى controls انا استخدمتها فى beta 1 دلوقتى مالهاش وجود فى beta2
و بالنسبة ل beta 2 فى حاجات قالوا هتتشال منها خالص فمتستعجلش و تعمل مشروع بيهم
و كمان فى حاجه
بقولك ان الحاجات دى هتتغير فانت متوقع ان يكون نزل فيها كتب :)
اكيد لأ
بالنسبة لل sql2005 هو نزله شرح من ميكروسوفت بس نزله Moc يعنى لكن لسه مافيش فيه اى كتاب لانه لسه الناس بتجرب فيه :)
فأنا اوعدك مجرد ما احصل ع ال Pdf ده هجيبهولك ان شاء الله و انت حاول توفق امورك هتقدر تستنى لحد اما ال visual studio 2005 ينزل ولا تشتغل بال 2003 و خلاص
انا معاك ال 2005 مغرى خالص و فى حاجات جامده بس ماتنساش حوار الوقت و حوار ان فى حاجات هتتشال فعلا من ال beta 2 فربنا يسهل و الاختيار ليك

[Tymyah]

أخ dyskey يوجد بالفعل شرح مفصل لل C#.NET 2.0 وكامل وأيضا لجميع مكونات ال Visual Studio 2005 و ال SQL 2005 والشرح مزود ب Presentations و شرح بالصور وبالصوت وبجميع أشكال المالتي ميديا خطوة بخطوة لتجعلك تبدأ بالإستخدام بل وتقوم ببناء برامج كبيرة بإستخدام الأدوات المتاحة لديك في النسخة البيتا.

الشرح يوجد على 7.5 جيجابايت تم وضعة من قبل ميكروسوفت نفسها وهو الدليل التام والشامل للمطورين لتعلم كيفية بناء التطبيقات بإستخدام Visual Studio 2005 وهو مخزن على DVD Dual Layer قامت ميكروسوفت بإنزالة كهدية مرافقة للثلاثة إسطوانات الموجودة في ال The Beta Experience إسم الإسطوانة هو wefly 247.net وهي موجودة داخل الطرد الخاص بال Beta Experience وبالمجان.

لا يوجد أي تعديلات كبيرة قامت بها ميكروسوفت في النسخة الجديدة التي ستلي البيتا 2 ولكن الإهتمام كان كل هذة الفترة هي علاج المشاكل التي واجهت المبرمجين أثناء عمل التطبيقات فالبيتا 2 هي النسخة النهائية ولكن لا يضمنون لك أنها تعمل 100% وليس بها عيوب لذلك يقوموا بإنزالها على المطورين بالمجان لإكتشاف العيوب لتي بها ولا يوجد أي نقص ولا أي زيادة ستلحق عليها إلا تعديل الأخطاء بها طبعا وجعلها أكثر ثباتا وتحملا.

وإذا أرتد أي سؤال في ال C#.NET 2.0 فأهلا وسهلا بإستفساراتك فلقد أصبحت على خبرة لا بأس بها فيه وقمت بإكتشاف 134 Bug حتى الآن وقامت ميكروسوفت بإرسال رسالة شكر لي وجعلتني عضو دائم في مجتمع الـ Beta Testers لديها كمكافأة لذلك أنا أرحب بإستفساراتك وأنصحك بالمضي قدما في عمل المشروع بالـ VS 2005 لأنه به ميزات لاتحصر ولاتعد.

والله أعلى وأعلم

[dyskey]

شكر جدا جدا جدا جدا ليكم على الاهتمام بطلبى

ويا ريت يا اخ تيميه ان امكن يعنى انك تجيب اللينك بتاع الريجستر فى اسطوانات ميكروسوفت

وبكده اكون شاكر ليكم جدا ومجهوداتكم

[Ayman Xp]

للأسف أنتهى منذ زمن

[alahlawy]

بسم الله الرحمن الرحيم
اول حاجه الطلبات بتاعت ال beta 2 اتقفلت خلاص زى ما الاخ ايمن قال
ثانيا ازاى مافيش تعديلات يا اخ تيميه و انا منزل beta 2 express نسخة ال frame work اللى معاها غير النسخه اللى نازله مع ال beta 2 و ال version بتاعتها v2.0.50727 و بتاعت beta2 كانت v2.0.50215
و بعدين حوار انك عضو فى ال beta testers ده اصلا انت مجرد مابتطلب الاسطوانات اللى كانت نازله ببلاش بيخلوك عضو فى ال beta testers يعنى ماهياش حاجه جديده و كمان حوار ال Bugs ده انت اى bug معاك فى البرنامج اللى انت بتعمله بال beta2 بيقولك send يعنى حتى لو ماهياش Bug فى ال visual studio نفسه
ثانيا احب اوضح حاجه
انا مع احترامى الكامل ليك يا اخ تيميه انا ماقولتش ان مافيش شرح ليه
انا كل اللى قولته ان مافيش كتب ليه و فعلا ده صحيح
اللى موجود Moc بس ميكروسوفت منزلاه و moc دى انت ممكن تعتبرها كتب فعلا لكن الاخ كان بيسأل عن كتب بصفه عامه و انا قولتله ان فى pdf ميكروسوفت منزلاه
مش هقوله هات ال we fly يعنى هو اكيد الراجل لو كان عنده ال we fly ماكنش سأل اصلا :)
بص يا اخ dyskey ده ال installer بتاع ال 2005 express beta 2 تقدر تنزل منه اللغات اللى انت عايزها بس زى مابقولك النسخه دى فاضلها حوالى اسبوع و تتقفل
هيا اول مابتنزل بتقعد شهر بس انا منزلها بقالى مدة
فخده اهو ربنا يوفقك
ثانيا احب اوضح حاجه فى حوار الbug انت مش المشكله تلاقى Bug المهم ازاى تعالجها
و بعدين مع احترامى الكامل لو انت لقيت 134 bug يبقى ازاى النسخه دى هيا اللى هتنزل فعلا :)
يعنى معقولة طلاما انت لوحدك لقيت 134 Bug و فى ناس تانيه كتير لقوا bugs معقولة ميكروسوفت هتنزلها كده؟؟
و لو عدلت فيها هتبقى تعديلات طفيفه طب ازاى :)
صدقنى فى حاجات كتير اختلفت عن ال beta2 و النسخه ال express اللى نزلت كمان
مابالك بال release version
و لو عايز مثال ع ال bugs اللى اكتشفتها و عالجتها كمان تحت امرك لكن انا مابحبش اتكلم
"ان الله لا يحب كل مختال فخور" صدق الله العظيم
عندك مثلا ال dataadapter لو جيت تخليه يعمل fill ل table فيه اكتر من 1000 column هيضرب منك
و حلها روحت عامل data adapter بايدى و مش بيضرب و شغال زى الفل :)
بس والله انا مش بحب اتكلم عن نفسى

و على فكرة يا اخ تيميه انا مش زعلان ولا حاجه انا بس بوضحلك رأيى و هو ان ال pdf ده مايعتبرش كتاب بمعنى كتاب ده شرح ميكروسوفت منزلاه لل beta2 الراجل كان بيسأل عن كتب يعنى مثلا حاجه زى ماتقول windows programing in c sharp كده يعنى
كتاب كتاب
و على العموم انا وضحت رأيى و اهلا بيك ماحصلش حاجه :)
انا بحب روح المنافسه بس مابحبش سوء التفاهم
visual c sharp express version beta2 (http://www.megaupload.com/?d=K3IPVMSG)

[Tymyah]

مع إحترامي الشديد ليك يا أخ أهلاوي هذه ليست طريقة لإبداء وجهة النظر فأنا لم أقل أني نبي والعياذ بالله فالإنسان سمي من النسيان والخطأ وارد لأي شخص ولا يخلو أحد أيا كان منه فإن وجدتني على خطأ في أمر ما فدلني عليه بأسلوب هادئ ولا تأخذ دائما كلام أي أحد على أنه إهانه موجهة إليك شخصيا فأنا أبدي رأيي وغيري يعدل عليه هذة هي طبيعة المشاركة في أي منتدى عام أما الإستهزاء بالغير وإساءة الظن بهم فهو ليس هدف المشاركة بالرأي والإفادة الجماعية.

أما بالنسبة لردودك على كلامي فمن الواضح أنك فهمت عكس ما أقصد

أولا بالنسبة للتعديلات أنا لم أقل أنه لا يوجد تعديلات أنا قلت لا يوجد تعديلات جذرية كما قلت أنت في مشاركتك أي بمعنى لا يوجد تغيير في IDE أو في Controls أو الأشياء الأساسية والذين على خبرة بعادة ميكروسوفت فهي دائما تقوم بإنزال نسختين بيتا 1 و2 والثانية دائما هي النهائية أي آخر شكل للبرنامج أيا كان ولكن يقومون بإنزالها ليقوموا أخطاء تهم ثبات البرنامج أي بمعنى آخر هي ليس إلى Quality Management for the software هدفهم الأساسي هو زيادة الثبات والجودة للبرنامج المعلن لذلك يطرحونها قبيل توزيع البرنامج بشهور قلائل فهذة البرامج يتم تطويرها في سنين وليس شهور أنا معك أن البيتا الأولى يتم التعديل فيها تعديلات جذرية ولكن الثانية لا يوجد لها وقت للتعديل فيها جذريا فمعنى ذلك أنهم يهدمون ما عملوا فالتعديل الجذري ليس بالشيء السهل وعلى ما أعتقد أنك عندك خبرة في الـ Software Engineering وتعرف هذه المعلومة.

أما بالنسبة لحوار الـ Beta Testerفأنا أعتقد أنه إلتبس عليك الأمر فأنت ياسيدي الفاضل حين التسجيل في طلب النسخة تكون ضمن الـ Beta Experience وليس الـ Beta Tester Society وعلى العموم أنا لست في صدد الدفاع عن نفسي ولن أعطي الموضوع أكثر مما يستحق ولكن قال الله تعالى " إذا جاءكم فاسق بنبأ فتبينوا عسى أن تصيبوا قوما بجهالة فتصبحوا على مافعلتم نادمين " وده مش حوار وأنا بعتذر أن أنا ذكرت الموضوع ده أصلا وإعتبر أني لم أذكرة من الأصل وكذلك حوار الـ Bugs أنا أيضا لم أرسلها بالـ Send Bug Report الخاص بالـ IDE للـ Visual Studio 2005 أنا قمت بإكتشاف عيوب خطيرة في الـ C#.NET 2.0 تتعلق بالـ DirectShow والـ GDI+ والـ Graphics Programming Using CsOpengl Library وهذا هو إختصاصي في عملي وأرسلتها بالبريد الإلكتروني على هيئة Bug report به الـ Auctions Taken والـ Results والـ Notes كما في أي Bug Report.

أما بالنسبة لموضوع للكتب والـ PDF فأنا ذكرت سلفا أن الـ we fly يحتوي على كل أشكال ومصادر التعليم سواء PDFs أو Presentations even sound and vedio presentations وهذا لك الأجزاء الخاصة بالـ Visual Studio 2005 وهذا يؤكد كلامي في أن النسخة البيتا نزلت لتبقى وإذا فما الغرض من عمل كل هذة المواد العلمية ثم تغييرها لأنه تم عمل تغييرات جذرية في الـ Software شيء غير منطقي.

وبالنسبة لحوار الـBugs التي قمت بإكتشافها والتي تستشهد بها أنت على أن النسخة يجب تعديلها فورا لما قمت أنا بإكتشافة فأنت لم تعرف ما هيتها لتحكم عليها فكلها عبارة عن Incompatability Bugs وهي كلها مشاكل عدم توافق فقط.

وأخيرا لى تعليق بسيط


و على العموم انا وضحت رأيى و اهلا بيك ماحصلش حاجه :)
انا بحب روح المنافسه بس مابحبش سوء التفاهم

يأخى سامحك الله لا يوجد اى سوء تفاهم و الحمد لله مجرد نقاش عادى
والاختلاف لا يفسد للود قضيه وانا تحت امرك فى اى إستفسار
وجزاك الله خيرا على تذكيرك لعيوبى
لكن نصيحة منى أن تحسن الظن بالغير
(بأيها الذين أمنو إجتنبوا كثيرا من الظن إن بعض الظن إثم)
ولك منى كل تحيه و تقدير
والسلام عليكم ورحمه الله

[mansatan]

You See What You Did Dyskey
It's All Bec. Of You!! :)
Just Kidding

[alahlawy]

بسم الله الرحمن الرحيم
تيميه باشا
زى ما انت فهمتنى غلط فى الاول انا فهمتك غلط فى ردك برضه :)
صدقنى انا ماكنتش اقصد التهجم عليك او حاجه نظرا لانى بشوف مشاركاتك و مقدر تعبك فى المنتدى و واحد صاحبى قالى كمان عليك شخصيا و عرفت اد ايه انت انسان محترم
لكن صدقنى كلامى ماكنش فيه اى اساءة ليك
كلامى كان غرضه اوضح نقطة نظرى و اتناقش معاك فى كلامك بس انت عارف احسن حاجه اما يبقى فيه زى لبس فى الموضوع ان الرد يكون مش هقولك جامد شوية بس يكون موجه
يعنى انت المرة دى اخدتها بقفش برضه بس زى ماقولتلك العمليه فى بيتها احنا غرضنا المصلحه العامه و الا ماكناش ردينا ع الموضوع اصله و صدقنى انا طريقتى ماكنتش اقصد بيه انى اقلل منك او كده بس انا بحب فى الكلام العملى يبقى كلامنا بخصوص الشغل و بس من غير زواق ولا تجميل يبقى كلام موجه و مباشر فى النقط اللى احنا عايزين نتكلم فيها
زى ما انت بالظبط قولت لا فى كتب و انا ماكنش قصدى ان مافيش pdf or moc نزل فيه انا كان قصدى زى ماشرحتهولك بالظبط
عارف
اى حد يقراها يفهم كأنك بتقول سيبك من الكلام اللى الراجل ده قاله :) ده بيشتغلك يا عم :)
والله ماحصلش حاجه و اتمنى ان انت ماتكونش زعلان
انا معاك طريقتى كانت جامده شوية بس من منطلق ان انت راجل عملى مايهمكش غير المعلومه اللى عايز اوصلها و متهيألى ده كان غرضك من الرد الاولانى و أعتذر عن سوء الفهم سواء منى او منك
و ان شاء الله دى تكون بداية تعاون مابينا غرضه فى النهاية النفع العام
و زى ما انت قولت الاختلاف فى الرأى لايفسد للود قضيه
و ادينى اهو ياعم ماردتش على اى حاجه من رسالتك الاخيرة ولا وضحت ولا حاجه :) الموضوع كله مش مستاهل اصلا
ولا ايه رأيك :)
السلام عليكم و رحمة الله و بركاته

[Tymyah]

ولا يهمك يا باشا وإن شاء الله نتعاون في الإفادة زي ما أنت قولت وأنا مش زعلان ولا حاجة وياريت أنت ما تكونش زعلان

وعلى فكرة أنا أهلاوي قديم بس للأسف إتسد نفسي من الكورة لما شوفت حالها هنا في مصر وطنشت الكورة خلاص (:

المهم سيبك من الكورة وخلينا في الكومبيوتر ..........

والسلام عليكم ورحمة الله وبركاته