المساعد الشخصي الرقمي

مشاهدة النسخة كاملة : سمكتي ذيها مقطوع..ده من ايه ده؟؟؟؟؟؟؟؟؟؟؟؟:((

wardaya128
04-11-2005, 12:43 AM
السلام عليكم ورحمة الله وبركاته


ياريت ماتزعلوش مني...
وياريت يا باشمهندس نينجا ماتزعلش مني انا عارفه اني مزعجه
بس انا متدايقه جدا ومخضوضه عشان ماكنتش اتوقع حاجه زي دي تحصل :icon1366:
انا بحط الاكل للسمك كل يوم وبقالي كام يوم كده او تقدر تقول اسبوع مابقيتش اتفرج على السمكات
من 5 دقايق بالظبط...ببص عليهم
اتخضيت...
لاقيت واحده ذيلها متاكل خالص...
انا مش عارفه ايه ده؟؟
ده مرض؟؟ولا حد عضها في ذيلها عضه جامده شويه؟؟
بس انا اسماكي مش مفترسين :icon1366:
انا روحت اخدت الكاميرا وصورتها بس الصور طلعت وحشه عشان كنت مقربه جامد منها عشان كنت متدايقه ومخضوضه..
http://www.hehya.com/forum/up/upload/IMG_3675.jpg

http://www.hehya.com/forum/up/upload/IMG_3682.jpg

http://www.hehya.com/forum/up/upload/IMG_3685.jpg

كلهم لنفس السمكه...بس كذا صوره عشان لو مش واضح في واحده يبقى باين في التانيين..(واعتذر على سوء الصور عشان ااتسرعت جامد)

دلوقتي اعمل ايه؟
ولو ده مرض يبقى من ان الدنيا برد؟؟(ماعنديش سخان)
طيب...لو استنيت يومين كمان ممكن يحصلها حاجه؟؟؟؟؟ممكن تموت؟؟؟
اصل مافيش حد فاتح دلوقتي :icon1366:
وهو اي دواء ساليكس من عند اي بائع او محل..يبقى كويس ويجيب نتيجه؟
طيب واعرف ازاي اذا كان ده مرض اصلا ولا لا؟
وهل افصلها عن باقي اخواتها وهي تحت العلاج؟
ولو ماطلعش مرض...وحد هاجمها...افصلها بردو؟؟؟؟؟؟؟؟؟؟

واسفه على الازعااااااااااااااااااااااج :icon1366:
ninja911
04-11-2005, 04:16 AM
متقلقيش يا ورداية

ده مش تأكل زعانف ده حد كل ديلها

قوليلى السمك اللى عندك فى الحوض نوعه إيه وأنا أقولك مين الجانى

عموماً زيادة إحتياط حطى فى الحوض 20 نقطة ساليكس وعشرين نقطة سوبر ساليكس كأمان مش أكتر

ومعلقتين ملح كبار فى الحوض
wardaya128
04-11-2005, 06:11 AM
بجد والله العظييييييييييييييم؟؟؟؟؟؟؟؟؟؟؟؟؟
انا مش عارفه افرح ولا ازعل

افرح انها مش عاينه ولا ازعل لما اعرف انهم بياكلوا بعض :icon1366:

انا سمكاتي مسالمين خالص

في واحده زيها
وواحده تانيه كوي koi صغيره مش كبيره يعني دي قد الصباع
وتلاته فانتيل متوسطين ...يعني ممكن يكونوا اقرب للصغير من كونهم كبار
واتنين صغيرين
واتنين من اللي بيمسحوا الازاز...اللي بيلزقوا ببقهم دول
واتنين انجيل كبار...بخاف منهم عشان بحس انهم اذكياء..يعني مش طيبين زي التانيين

وواحده جوبي مسكينه ومغلوب على امرها...


شوفت...دول صغيرين وطيبين مافيش حد فيهم مفتري... :sadwalk0:
wardaya128
04-11-2005, 06:13 AM
طيب هو ديلها ممكن يطلع تاني؟؟
ولا هاتفضل طول عمرها كده؟؟؟؟ :schmoll0:
اصل شكلها يقطع القلب اوي :sadwalk0:
ninja911
04-11-2005, 01:49 PM
كل اللى عندك دول كويسين يعنى إحتمال يكون ديلها شبك فى حاجة وإتقطع وحاولى تخاوى الكوى والجوبى عشان الوحدة بتخلى الأعصاب مشدودة فى السمك :busted_r:

ومتقلقيش ديلها هيطلع تانى
wardaya128
05-11-2005, 02:53 AM
طيب هي السمك المقطوم ديلها دي...اصلا نوعها ايه؟؟؟؟؟؟؟؟؟؟؟؟؟؟؟؟؟؟؟؟؟
ninja911
05-11-2005, 01:27 PM
دى شبنكين

نوع من أنواع (الفانتيل) زى ما بيقولوا
wardaya128
07-11-2005, 02:42 PM
السمكه على مايبدو...مريضه:(
انا حطيت النقط والملح زي ماحضرتك قلتلي..
هل يتوجب عليا نقلها في دورق او حوض لوحدها؟؟؟؟؟؟
انا قرأت في الموضوع بتاع الامراض انه لازم ارفع درجة حرارة السخان...يعني هل ده جالها نتيجة لعدم وجود السخان؟؟
يعني لازم اجيب واحد؟؟
طاب ولو جيبت سمك جديد..لازم اغير المايه كلها عشان ماحدش يتأذي؟؟

شكرا اوي على اهتمام ح
ninja911
07-11-2005, 10:57 PM
[=wardaya128]السمكه على مايبدو...مريضه:(
انا حطيت النقط والملح زي ماحضرتك قلتلي..
هل يتوجب عليا نقلها في دورق او حوض لوحدها؟؟؟؟؟؟


يفضل لو يوجد حوض تنقل ولكن لو دورق فهو ضيق على الفانتيل

انا قرأت في الموضوع بتاع الامراض انه لازم ارفع درجة حرارة السخان...يعني هل ده جالها نتيجة لعدم وجود السخان؟؟

هو مش السبب فى المرض بس من المفضل وجود سخان لضبط درجة الحرارة وده ميمنعش إن فيه أمراض بتيجى بسبب درجة الحرارة المنخفضة جداً أو المرتفعة جداً

يعني لازم اجيب واحد؟؟
طاب ولو جيبت سمك جديد..لازم اغير المايه كلها عشان ماحدش يتأذي؟؟


المفروض يبقى فيه سخان وخصوصاً إن الشتاء قادم ويفضل للحوض ال 60 سخان 50 وهكذا

ولو جبتى سمك جديد مش لازم تغيرى الميه بس أهم حاجة متضيفيش المياه فى الكيس على مياه الحوض لمنع إنتشار الأمراض

وغيرى كل أسبوع ربع المياه من الحوض أو كل أسبوعين ثلث المياه

شكرا اوي على اهتمام ح[

إلعفوا وأى خدمة
خالد الجندى
14-11-2005, 01:28 PM
شكرا على المعلومات الجامده
wardaya128
29-11-2005, 07:39 AM
الوضع بقى خطير جدا على مايبدو....
وشايفه ان الامل في العلاج ضعيف...
وبجد مخنوقه جدا...
انا فصلت المسكه وكنت بعملها العلاج اللي حضرتك قولتلي عليه...
بس للاسف اصيبت بمرض اخر...
انا مش عارفه اعمل فيها ايه...
تقريبا عامله زي المنظر ده
http://www.fishdoc.co.uk/photos/Saprolegnia_01.JPG
بس المنطقه اللي فيها البقعه دي كبيره عن دي بكتيير...
ومنظرها مش رخو كده...

وابتدت تبقى لونها ابيض...
انا بجد منظرها مخليني خلاص مش طايقه نفسي...

وعارفه انها كده كده هاتموت...
برغم اني عماله اديها في ساليكس ...
واغرقها بيه...

بس بجد بجد...جالي اكتئاب وحاسه انها هاتموت....
هل ممكن تخف؟؟
ولا مافيش امل؟
طيب لو مافيش امل ازاي اخليها ماتتعذبش كتير؟؟
هل ابعدها عن مرأى عيني...لمدة 3 ايام كده...لغاية ما الاقيها ماتت ...؟؟
بجد بجد..كل ما اشوفها قدامي...ببقى مش طايقه اي حاجه ومتدايقه جدا...




اعمل ايه؟
ninja911
29-11-2005, 09:16 AM
دى إصابة بالفطر يا ورداية وده راجع لترك الدوود فى الدوادة زيادة عن اللزوم مما يخرج ميكروبات معدته فى الماء

لو الحوض من 40 إلى 60 سم زودى ربع كيس ملح على المياه زائد 20 نقطة ساليكس و20 نقطة سوبر ساليكس

ونقطى على السمكة نفسها من نفس الأدوية

ثم ضعى ملعقة ملح كبيرة على لتر ماء (من نفس ماء الحوض) فى (حلة مثلاً) وضعى السمكة به لمدة 10 ثوانى وأخرجيها مرتين يومياً

وأخبرينى بالنتائج بعد يومين
tamerfouad
07-12-2005, 03:28 AM
داة فطر وش انا جالى بردة مرة فى سمكة الفنتيل بس متخلتيش الامور سعات بتحصل من هجمات بعض السمك على الاخر حسب نوع السمك
wardaya128
11-12-2005, 02:26 AM
ازيكم...ماعليش اني اتأخرت بس زي ماتقولوا ...جاتلي حالة احباط..
السمكه ماتت في نفس اليوم..
وبعد ماحطيت عليها الدواء وكل الحاجات عملتها...

بس محبطه...

كش لاقيالهم دود او قشر مستورد..جيبت جمبري مجفف..وعاملين اضراب فظيع ومش بيرضوا يقربوا منه..
اعمل ايه؟؟مش عارفه
محببببببببببطه
ninja911
11-12-2005, 03:13 PM
عادى يا ورداية أى هواية فيها تربية أرواح لازم يبقى فيها خسائر وده حتى للخبراء والمحترفين

والجمبرى المجفف للأسف مش هيقبلوا عليه لأنه غالباً بيبقى معظمه قشر زائد إنه بيكون غير صالح للإستهلاك الأدمى ولا السمكى حتى قبل تصنيعه

أنصحك بالقشر المستورد وهتلاقيه فى سوق التونسى (وفى موضوع هنا عن مكانه وكيفية الوصول إليه) والدوود برضه مرة فى الأسبوع
tamerfouad
11-12-2005, 10:52 PM
بصى انتى ممكن تاكليهم نوع اسمة هتلقية عند الباع اسمة
انصحك بهاذا النوع لانة بيحتوى على حديد وبرتين وحجات مفيدة للسمك وكمان مبيوسخش الحوض وبيطفو فوق الماء
هو جيد جدا بس فية عيب خطير ودة حال كل الطعام المستورد انة لا يصلح للبية التزاوج يعنى لو عيزة خلفة يباء دود
هذة صور للمنتج هو اسمة yo-yo fish food
على فكرة هو رخيص مش غالى الكيس الكبير ب 9 جنية ودة كبير اوى فى المتوسط ب 6 وفى الصغير ب 2

http://www.kwzone.com/products/new%20product/blue%20ocean.jpg

http://www.kwzone.com/products/fish%20food/yoyo%20blue%20ocean.jpg
وسلامى للجميع على فكرة انا مجربة