اثبتت الدراسات ان البنت احسن من الولد

[صقر تعز]

:31::31::31:
اثبتت الدراسات ان البنت احسن من الولد

البنت أحسن من الولد
بعض التدقيق والتدوير والتنقيب
اثبتت التحريات ان البنت احسن من الولد والاسباب :

تتكلم براحتها في التليفون وابوها او جوزها اللي هيدفع
>الفاتوره

البنت مش ملزمه تجهز نفسها ابوها او خطيبها اللي هيدفعو دم
>قلبهم

مفيش حد بيبص علي بدله العريس
كله بيركز في فستان العروسه

لو واحده عملت مخالفه مرور تعيط شويه للظابط وهو يعديها لو
راجل
هياخد علي دماغه
البنت مش ملزمه تدفع ضرايب ابوها او جوزها بيدفعوها
لو واحده مدتش لقرايبها عديه مفيش حد هيتكلم ولا يقول ياه
دا
راجل
تبت وبخيل

لو واحده متاخره علي المحاضره ممكن الدكاتره يدخلوها لو
ولد
يقولوله
روح
يا بابا كمل بره في الشمس

لو حصل زعل بين البنت وباباها مش هيطردها بره البيت بس هي
يدوب
دتخل
الاوده وتعيط شويه وبابا يروح يصالحها أما الولد فيدوب يلحق
مكان
ينام فيه جنب البواب

دلع البنات
ياختي قميله ) سنتين)
يا عسوله (5 سنين)> يا عروسه (12سنه
يا قمر (18سنة)
يا هانم (40سنه)
يا ست الكل (50سنه)
يا أم العيال (60سنه)

دلع الأولاد:
انت ياد (10 سنين)
انت يا شحط انت بقيت طول الباب اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز منخيرك اد الكوز (60سن بس بصراحة رأي أنا إن ارجل مشمحتاج الكلام ده صح ولا لا:31:

[super00000]

ليه بس هتقلب علينا المواجع ما احنا عارفين وساكتين

وعايزك تضيف كمان لما خطيبتك متتصلش يبقى رصيدها خلص ولازم تشحنلها
بس لما رصيدك انت يخلص ومتتصلش يبقى مبتعبرهاش ومش بتحبها

وغير دا كتيييييييييييييييييير

[كريستانا]

ولسه في حاجات تانية كتيرة : أنا مش مجبرة أنزل أرمي الزبالة لما الزبال ميجيش أخويا بقى يصحى غصب عنه من سابع نومة يرميها ويطلع...
أنا مش مضطرة أجري ورا بتاع الأنابيب أخويا هو اللي نفسه هيتقطع لحد ما يوصلوا...
مش مجبرة أنزل أشتري فول قبل الفجر عشان اتسحر أخويا هو اللي هينزل طبعا حتى لو مكنش هيتسحر....
مش هتضرب على قفايا لما اتأخر على الطابور لكن طبعا أخويا بيتضرب بالبلغة_في أحسن الظروف_ لو اتأخر على الطابور:slap:
شفتوا بقى ان احنا مرتاحين أوي:na:

[basta_6]

موضوع جامد اوي اووووووووووووووووووووووووووووووووووووووووووووووووو ووووي

[super00000]

ولسه في حاجات تانية كتيرة : أنا مش مجبرة أنزل أرمي الزبالة لما الزبال ميجيش أخويا بقى يصحى غصب عنه من سابع نومة يرميها ويطلع...
أنا مش مضطرة أجري ورا بتاع الأنابيب أخويا هو اللي نفسه هيتقطع لحد ما يوصلوا...
مش مجبرة أنزل أشتري فول قبل الفجر عشان اتسحر أخويا هو اللي هينزل طبعا حتى لو مكنش هيتسحر....
مش هتضرب على قفايا لما اتأخر على الطابور لكن طبعا أخويا بيتضرب بالبلغة_في أحسن الظروف_ لو اتأخر على الطابور:slap:
شفتوا بقى ان احنا مرتاحين أوي:na:

الحاجات اللى انتى بتقوليها دى يا كريستانا مش من الرجوله ان البنات تعملها وفى شباب فى البيت

الانابيب
ولا الفول بتاع الفجر للسحور
ولا الزباله

وبعدين انا مش متخيل اصلا منظر بنت بتجرى ورا عربيه الانابيب ولا بتركب الانبوبه
خليكو انتو فى الحاجات بتاعتكو اللى تجيب نقطه
مونيكير وشعر ورغى فى التليفون وبابا اللى يدفع الفاتوره طبعا

[Ī Ṡ Ĺ Д Ḿ]

ليه بس هتقلب علينا المواجع ما احنا عارفين وساكتين

وعايزك تضيف كمان لما خطيبتك متتصلش يبقى رصيدها خلص ولازم تشحنلها
بس لما رصيدك انت يخلص ومتتصلش يبقى مبتعبرهاش ومش بتحبها

وغير دا كتيييييييييييييييييير

ولسه في حاجات تانية كتيرة : أنا مش مجبرة أنزل أرمي الزبالة لما الزبال ميجيش أخويا بقى يصحى غصب عنه من سابع نومة يرميها ويطلع...
أنا مش مضطرة أجري ورا بتاع الأنابيب أخويا هو اللي نفسه هيتقطع لحد ما يوصلوا...
مش مجبرة أنزل أشتري فول قبل الفجر عشان اتسحر أخويا هو اللي هينزل طبعا حتى لو مكنش هيتسحر....
مش هتضرب على قفايا لما اتأخر على الطابور لكن طبعا أخويا بيتضرب بالبلغة_في أحسن الظروف_ لو اتأخر على الطابور
شفتوا بقى ان احنا مرتاحين أوي

هههههههههههههههههههههه

عشان تعرفوا إن إحنا شايلين وساكتين

[كريستانا]

يا مساكين!!!!!! كلوا بيطلع على عينا بعد الجواز خلينا ندلعلنا يومين قبل ما نترحل

[robin_Hod44]

والله موضوع عسل ، وعمالين يقولوا عايزين ياخدوا حقوق المرأة
ولا شفناش واحد نادى بـ حقوق الرجل " المظلوم والمتبهدل والمتنيل على عينه وساكت "

يا عينى علينا :glasses::2:

[kelshazly]

موضوع خفيف الدم
والله محتاجينه علشان نطلع شويه من جو الخلافات والمعارك الذى ساد مؤخرا
تحياتى لكل من يرسم البسمة على وجوه
ارهقها الواقع المجنون
شكرا
اللهم بلغنا رمضان

[طوفــان]

ولسه في حاجات تانية كتيرة : أنا مش مجبرة أنزل أرمي الزبالة لما الزبال ميجيش أخويا بقى يصحى غصب عنه من سابع نومة يرميها ويطلع...
أنا مش مضطرة أجري ورا بتاع الأنابيب أخويا هو اللي نفسه هيتقطع لحد ما يوصلوا...
مش مجبرة أنزل أشتري فول قبل الفجر عشان اتسحر أخويا هو اللي هينزل طبعا حتى لو مكنش هيتسحر....
مش هتضرب على قفايا لما اتأخر على الطابور لكن طبعا أخويا بيتضرب بالبلغة_في أحسن الظروف_ لو اتأخر على الطابور:slap:
شفتوا بقى ان احنا مرتاحين أوي:na:

ربنا يريحكم علي طول:oh:
فهماني طبعا:boulay:

[طوفــان]

أعتقد مفهمتكش!!!!!

اقصد ما دمتم عاوزين الراحه فالموت راحه
دعابه ياعني ما تخدي الكلام بجد:glasses:

[كريستانا]

:he:أعتقد مفهمتكش!!!!!

[طوفــان]

معلش أصلي كلت على الفطار فول والغدا كشري والعشا فول!!!
الموضوع هياخد وقت على مايظبط معايا:jap:

الف هناوصحه ياختي
ومعلش لو كانت المشاركة وصلة لك غلط

[كريستانا]

معلش أصلي كلت على الفطار فول والغدا كشري والعشا فول!!!
الموضوع هياخد وقت على مايظبط معايا:jap:

[Ī Ṡ Ĺ Д Ḿ]

يا مساكين!!!!!! كلوا بيطلع على عينا بعد الجواز خلينا ندلعلنا يومين قبل ما نترحل


طب أحمدوا ربنا انكوا بتتجوزا من اساسوا

لنا الله .. مظلومين قبل الجواز وبعده

[theangry]

والله حرام عليكم..الكلام دة مبقاش يحصل لا قبل الجواز ولا بعد الطلاق هه!!
دة كان زمان..والله احنا اللى غلابة ومظلومين ومحدش مقدر..
وكمان يااختى ياكريستانا فالحة اوى!!ايه الفضايح دى ان شاء الله
مش كفاية كلامهم عنّا كمان انتى بتكمليلهم!!!:42:
وجايبهالهم مقشرة وعلى هوااهم اوى!!
اعمل فيكى ايه دلوقت؟؟!!

[theangry]

:31::31::31:
اثبتت الدراسات ان البنت احسن من الولد

البنت أحسن من الولد
بعض التدقيق والتدوير والتنقيب
اثبتت التحريات ان البنت احسن من الولد والاسباب :

تتكلم براحتها في التليفون وابوها او جوزها اللي هيدفع
>الفاتوره
هى هىهيييه!!! مين اللى قال كدة..وانت الصادق..والدى قرر ان الفاتورة تتقسم على انا واخواتى وطبعا انت عارف الولاد فى النقطة دى بيتصرفوا ازاى-مانت بتعمل كدة برده-بتقعدوا تقولوا..
معلش يااختى اصلى معيش و عايز اجيب آا.. وا...مش دة اللى بيحصل برده!!!البنت مش ملزمه تجهز نفسها ابوها او خطيبها اللي هيدفعو دم
>قلبهم
مين اللى قال ..ماحنا طالع عينا فى الكلية لا ومن دلوقتى خطيبى بيشوف اخد تخصص ايه يجيب فلوس اكتر!!
مفيش حد بيبص علي بدله العريس
كله بيركز في فستان العروسه
مابقى يتأجر خلاااص هو فى حد بقى يشترى
ناقص كمان تقول نأجر الشبكة ااه ماهى طالبة!!لو واحده عملت مخالفه مرور تعيط شويه للظابط وهو يعديها لو
راجل
هياخد علي دماغه
البنت مش ملزمه تدفع ضرايب ابوها او جوزها بيدفعوها
لاياعم بنتخانق مع الضابط -الاحف-اللى مابيفهمش غير انت او انتى ولاد مين ولد بقى بنت مش فــارقة نــوهااائىلو واحده مدتش لقرايبها عديه مفيش حد هيتكلم ولا يقول ياه
دا
راجل
تبت وبخيل
لالالالا..طب دة ولاد اختى بيستنونى كل شهر مش كل عيد..يعنى فلوس الدرس لازم ليهم اتاوة دة غير اخوية الصغير..هه!! خلى بالك اخوية مش اختى..هه!! يعنى واد..اقصدى ولد يعنى
هو كمان بياخد نسبة على مايقطن فى جيبى المسكين

لو واحده متاخره علي المحاضره ممكن الدكاتره يدخلوها لو
ههه1!!محدش اتطرد ادى..دة المفروض اخد الاوسكار..ولد
يقولوله
روح
يا بابا كمل بره في الشمس

لو حصل زعل بين البنت وباباها مش هيطردها بره البيت بس هي
يدوب
دتخل
الاوده وتعيط شويه وبابا يروح يصالحها أما الولد فيدوب يلحق
مكان
ينام فيه جنب البواب
لا هو بصراحة لسة ابوية ماوصلش لمرحلة الطرد..لسة فى الشبشب..بس اكيد حيوصلهادلع البنات
ياختي قميله ) سنتين)
يا عسوله (5 سنين)> يا عروسه (12سنه
يا قمر (18سنة)
يا هانم (40سنه)
يا ست الكل (50سنه)
يا أم العيال (60سنه)

جبر خواطر بقى..ومش فى كل الاحوال..ده ناادرااا...يعنى فى الغالب والدتى مثلا تقولى انتى يامدهولة ..دة فى احسن الاحوال..مش حقول بقى والدى بيقول ايه..احم احم..كله تماام:whistle:دلع الأولاد:
انت ياد (10 سنين)
انت يا شحط انت بقيت طول الباب اهوه (18 سنه)
يا راجل (40 سنه)
يا عم الحج (50 سنه)
يا راجل يا عجوز منخيرك اد الكوز (60سن بس بصراحة رأي أنا إن ارجل مشمحتاج الكلام ده صح ولا لا:31:

هو فى احلى من كدة دلع للولاد..دة اخر جماال امال يعنى عايز مناخيرك تبقى منمنمة ومسمسمة..ماعلينا!!
ظلم بين...:detective2:

[Ī Ṡ Ĺ Д Ḿ]

أهو ده بقي اللى إحنا فالحين فيه

نقول البنات مظلومين

ومش لاقيين وحالتهم ماعرفش إيه

والغلبان الشقيان الراجل يطلع عينه

وفى الآخر مايتشكرش

لنا الله

جهاز إيه بس اللى بتجهزوه

هو كل واحدة جابت ستارة وكوبايتين تقول أنا إشتركت فى الجهاز

وفاتورة التليفون بتيجي كبيرة البنت بتتسهوك على أبوها وتقوله يابابا

دا أخويا أحمد هو اللى طول النهار بيشيت مع البنات على النت

وأتارى أحمد الغلبان أساسا كان بيشيش مع إصحابه على القهوة ماكنش على النت ولا حاجة

والبت هى اللى قاعدة طول الليل

وتشوف البت بقي فى الجامعة

تقعد فى الكافتيريا ترغي وتلوك لوك فى سيرة اللى رايح واللى جاى

وهات ياغيبة ويانميمة وأكل على قفا الغلابة ( الرجالة )

وتطلع على المحاضرة بعد ما تبدأ بساعة وتلاقي الشباب

راجعين قفاهم يقمر عيش

تقولهم تعالوا الدكتور ده حبيبي

وتخش على الدكتور ( الراجل ) المسكين وتبربشله

وتعملوا فيها البت الخايفة على درجات أعمال السنة

وتعدى العيال واحد ورا التانى من وراها

والدكتور طبعاً مركز ف البربشة

وتقولولى مظلومين

أهو ده اللى ناقص

شوية تقولوا المفروض الرجالة تقعد تربي العيال

والست هى اللى تصرف

مش إحنا فى عصر المساواة بردك ....

لنا الله ..

[صقر تعز]

شكراا علي المعركة التي إقيمت هنا بس الحمد لله إنو مافي قتلى ولا جرح وشكرا على الردود

[nassar nassar]

موضوع جميل جدا

[ahmedsmsm]

ههههههههههههه والله انت زى العسل وموضوع زى العسل

ربنا قادر طبعا انه يجبلنا حقنا من العالم المفتريه دى ... يا راجل ده احنا بيتعمل فينا حاجات مش ممكن بجد :oh:

وكله كوم ولو انت مثلا عاوز تتفرج على ماتش واختك بتتفرج على المسلسل ... يا سنه سوخة !!! بتبقى ليلة طين على دماغك ... وفى الاخر الكلام اللى بيتقال ... يا ابنى انت طول اليوم خارج بره وقاعد على النت .. سيب اخواتك البنات يتفرجوا على المسلسل متبقاش رخم بقى !!! :31: ... استغفر الله العظيم ؟!؟؟

ولما بتبقى واقف فى طابور مثلا وتلاقى الست هانم اللى نازله تتندجل من بيتها جايه تقف ادامك فى الطابور عادى جدا وكأنك كيس جوافه واقف !!! لأ وتفضل تتنقل من مكانها وتقف ادام الكل لغايه لما توصل لاول الطابور ... واه ومليون اه لو فكرت بس ... مجرد تفكير انك تعترض ... ايه يا بنى ادم انت !!! انت معندكش اخلاق معندكش مروه معندكش اخوات بنات .. انت فعلا جلياط !!!!


طيب وهنروح بعيد ليه ... والله العظيم انا مره داخل على استاذ فى الجامعه فى مكتبه علشان اسلمه الشيتات بتاعت السيكشن بتاعى ... خبطت على الباب ودخلت فوجأت بالاستاذ الموقر بيبصلى من فوق لتحت كده وبيقولى انت ايه اللى جابك هنا ؟؟؟ امشى اطلع بره ومتجيش غير لما ... ولسه بيكمل الجمله لقيت مره واحده وشه نور وحسيت بريحه الورود ونسيم الربيع ... اتارى فى واحده زميلتى كانت واقفه ورايا ولسه داخله حالا !!! والاستاذ العظيم بيقولها انتى واقفه ليه ... اتفضلى خشى ؟!؟!؟!؟!؟ :31:


الصبر من عندك يا رب

[كريستانا]

والله حرام عليكم..الكلام دة مبقاش يحصل لا قبل الجواز ولا بعد الطلاق هه!!
دة كان زمان..والله احنا اللى غلابة ومظلومين ومحدش مقدر..
وكمان يااختى ياكريستانا فالحة اوى!!ايه الفضايح دى ان شاء الله
مش كفاية كلامهم عنّا كمان انتى بتكمليلهم!!!:42:
وجايبهالهم مقشرة وعلى هوااهم اوى!!
اعمل فيكى ايه دلوقت؟؟!!
:ange:مش للدرجادي يعني مهو في جانب مشرق في الموضوع مش عتمة اوي كده ....
احنا مقهورين ومظلومين وغلبانين ومساكين في حاجات:dunno: بس برده جبارين في حاجات :bad:
ولا ايه رأيك؟

[صقر تعز]

بصراحة انا أشوف الرجال مضلومين الهمة يا رجال المنتدى دافع عن حقك