استفسارات عن ولدة الجووووووبي:))

[wardaya128]

كح كح...معلش يا اولادي اعذروني.. :in_love0: كتبت الاستفسارات دي..في موضوع...واتطلب مني اعملها في موضوع جديد.. :blushing:

وأدي اوله..
http://www.aqualandpetsplus.com/Livebe70.jpg

(((انا لاحظت في الصوره اللي فوق...وجود زي ماسوره في الحوض...هل ده عشان الجوبي تولد جواه ولا ايه؟؟..مش عارفه ايه الي خلاني اتوقع كده بس سؤال مش اكتر
وماحدش يتريق يعني

المهم انا كانت عندي سمكايه جوبي وحطيتها في حضانه لما لاحظت انها انتفخت اوي...
الحضانه دي بلاستيك وبتتحط في الحوض نفسه...
المهم خلفت بتاع 11 سمكايه صغنتتين..
كل يوم الاقيهم يقلوا...
يقللوا :crazy000:

يقللوا :crazy000:

وانا مش عارفه ايه سبب
ومش بلاقي اي اثار لأي جريمه :detectiv:
ولا بلاقي حتى الجثه :sadwalk0:

فاستغربت اوي... :dunno000:
وفمره كنت قاعده براقب الحوض كالعاده...وبتامل في كل سمكايه... :fish0000:
فجأه......لاقيت حاجه صغيوره ماشيه في المايه :5shocking
ايه ده؟؟؟طلعت برا الحضانه ازاي دي..................................!!!
وباأت كل محاولات لأخراج المتهوره من الحوض....وعلى ما طلعت السمك الكبير كله...كانت في خبر كان..


وكانوا ساعتها بقوا :sadwalk0: 5

قمت مطلعاهم من الحضانه اللي في الحوض...وحطتهم في حوض صغير اوي على قدهم
وتوالت الحوادث...وماتت واحده..
ومن كام يوم ماتت واحده..بطريقه غريبه..لاقيتها في قعر الحوض...وبطنها فيها نقطه كبيره لونها احمر..
ما علينا...
بس انا كان عندي سمكه جوبي منفوخه اوي بطنها....وكنت حطاها في حضانه وكانت خلاص...على وشك الولاده...مافيش ساعتين ماتت... :icon1366:

دلوقتي اسئلتي بالتحديد...
هل ممكن ان السمكه الجوبي تولد في الحوض عادي من غير حضانه بس يبقى في حاجه يستخبى فيها الاطفال؟؟ولا مابينفعش والسمك بيوصلهم؟؟
هل ممكن الاطفال يخرجوا برا الحضانه بطريقة ما؟؟يعني عندهم القدره على القفز؟؟
ولا بيخروجوا من الفتحات اللي بتسمح بدخول الماء...؟؟مع صغر الفتحات دي....؟؟
وهل ممكن السمكه ماتعرفش تولد يعني ولادتها تبقى متعسره وتموت؟؟وازاي ممكن اساعدها لو حسيت انها مش عارفه تولد؟؟

والاطفال اللي عندي دلوقتي بقوا :sadwalk0: 3 بس عندهم 6 شهور...وصغيرين اوي...يعني بالعافيه بيتشافوا..عشان في واحده فيهم لونت وطلعلها زعانف...هل ممكن يكلو دود؟؟وحطهولهم ازاي ده؟؟
ولو مالقيتش دود متوفر ياكلوا القشر العادي وخلاص؟؟طيب ماهم بياكلوه ومش مأثر عليهم في حاجه... :sad:
ممممممممممم
هي اسئلتي ملهاش علاقه بالموضوع؟؟؟
انقلهم موضوع تاني ولا ايه؟؟ )))

يادي الاحرااااج...نقلته اهو :blushing: :blushing:

[ninja911]

يسعدنى دائماً الرد على الأسئلة يا ورداية وبالذات عندما تختلط بخفة الدم :shiny000:



[=wardaya128]كح كح...معلش يا اولادي اعذروني.. :in_love0: كتبت الاستفسارات دي..في موضوع...واتطلب مني اعملها في موضوع جديد.. :blushing:

وأدي اوله..
http://www.aqualandpetsplus.com/Livebe70.jpg

(((انا لاحظت في الصوره اللي فوق...وجود زي ماسوره في الحوض...هل ده عشان الجوبي تولد جواه ولا ايه؟؟..مش عارفه ايه الي خلاني اتوقع كده بس سؤال مش اكتر
وماحدش يتريق يعني


بالنسبة لمكان الإختباء للسمكة حين الولادة فده بيحسسها بالأمان ولازم يبقى موجود شىء مماثل (بيت - ماسورة - زرع كثيف - لعبة) وبالذات لو يوجد سمك آخر فى الحوض

ولكنها تلد لو لم يوجد ولكنها تنزل لقاع الحوض لتلد وسط الجرش

وغالباً ما تؤكل كل الولدة حين تصعد لأعلى الحوض للتنفس ولمىء الحوصلة الهوائية بالهواء أول مرة


المهم انا كانت عندي سمكايه جوبي وحطيتها في حضانه لما لاحظت انها انتفخت اوي...
الحضانه دي بلاستيك وبتتحط في الحوض نفسه...
المهم خلفت بتاع 11 سمكايه صغنتتين..
كل يوم الاقيهم يقلوا...
يقللوا :crazy000:

يقللوا :crazy000:

وانا مش عارفه ايه سبب
ومش بلاقي اي اثار لأي جريمه :detectiv:
ولا بلاقي حتى الجثه :sadwalk0:
فاستغربت اوي... :dunno000:


هل فصلت الأم بعد الولادة أم تركتيها فى الحضانة معهم؟ لو تركتيها فهى من ألتهمهم....ولو فصلتيها عنهم إذاً فالسمك الأخر فى الحوض إلتهمهم من فتحات الحضانة عن طريق شفطهم



وفمره كنت قاعده براقب الحوض كالعاده...وبتامل في كل سمكايه... :fish0000:
فجأه......لاقيت حاجه صغيوره ماشيه في المايه :5shocking
ايه ده؟؟؟طلعت برا الحضانه ازاي دي..................................!!!
وباأت كل محاولات لأخراج المتهوره من الحوض....وعلى ما طلعت السمك الكبير كله...كانت في خبر كان..


المفروض منعاً لذلك

تلصقى شريط سوليتيت على مدار أسفل الحضانة لتغلقى نصف الفتحات السفلى

مزيد من التوضيح :

الولدة غالباً فى أول أيام ولادتها تستقر فى قاع الحضانة ولذلك تأتى الأسماك الكبيرة لتشفطها من خلال فتحات الحضانة الجانبية

فلذلك يوضع شريط لاصق بعرض أالجزء السفلى من الفتحات على جانبى الحضانة ويراعى عدم غلق الفتحات كلياً كي يمر الماء بين الجانبين أيضاً ويتجدد ولا تتعفن المياه بداخل الحضانة فتموت الولدة

وكانوا ساعتها بقوا :sadwalk0: 5


قمت مطلعاهم من الحضانه اللي في الحوض...وحطتهم في حوض صغير اوي على قدهم
وتوالت الحوادث...وماتت واحده..

نقل الولدة من وسط لوسط يؤدى لموت معظمها نتيجة لضعفها وعدم إحتمالها لتغيير المياه من إختلاف قلوية ودرجة حرارة وملوحة

ومن كام يوم ماتت واحده..بطريقه غريبه..لاقيتها في قعر الحوض...وبطنها فيها نقطه كبيره لونها احمر..

النقطة الحمراء دى معناها أن الولدة هاجمت ولدة أخرى وحاولت إفتراسها من البطن أو أن الولدة هوجمت من أسماك أخرى ونجت من الإفتراس ولكنها لم تنجوا من الموت

ما علينا...
بس انا كان عندي سمكه جوبي منفوخه اوي بطنها....وكنت حطاها في حضانه وكانت خلاص...على وشك الولاده...مافيش ساعتين ماتت... :icon1366:


من المفروض تنظيف الحضانة بماء ساخن بعد كل ولادة لسمكة


دلوقتي اسئلتي بالتحديد...
هل ممكن ان السمكه الجوبي تولد في الحوض عادي من غير حضانه بس يبقى في حاجه يستخبى فيها الاطفال؟؟ولا مابينفعش والسمك بيوصلهم؟؟



ممكن طبعاً ويوجد بلاطات زرع صناعى عبارة عن قطع بلاستيكية كثيفة الزرع يختبىء بها السمك الصغير

لكن ده ينفع لو الأم لوحدها فى الحوض أو لو سيتم نقل الولده بعد أسبوع من الولادة

لكن لو يوجد سمك أخر حين الولادة فحتى لو يوجد زرع ستُفترس الولدة حين تصعد لأعلى الحوض لملىء حوصلتها بالهواء



هل ممكن الاطفال يخرجوا برا الحضانه بطريقة ما؟؟يعني عندهم القدره على القفز؟؟
ولا بيخروجوا من الفتحات اللي بتسمح بدخول الماء...؟؟مع صغر الفتحات دي....؟؟


من الفتحات بالفعل

وهل ممكن السمكه ماتعرفش تولد يعني ولادتها تبقى متعسره وتموت؟؟وازاي ممكن اساعدها لو حسيت انها مش عارفه تولد؟؟

ممكن لو سنها كبير وظهرها مقوس تموت فى الولادة ولا توجد طريقة لمساعدتها إلا تأكيلها دود حى لزيادة قوة الجسد


والاطفال اللي عندي دلوقتي بقوا :sadwalk0: 3 بس عندهم 6 شهور...وصغيرين اوي...يعني بالعافيه بيتشافوا..عشان في واحده فيهم لونت وطلعلها زعانف...هل ممكن يكلو دود؟؟وحطهولهم ازاي ده؟؟
ولو مالقيتش دود متوفر ياكلوا القشر العادي وخلاص؟؟طيب ماهم بياكلوه ومش مأثر عليهم في حاجه... :sad:


ده بسبب الأكل الضعيف للولده....ممكن تأكليهم قشر مستورد مطحون عشان صعب تلاقى فقس بيض الجمبرى

بس يُطحن لغاية ما يبقى بودرة ناعمه جداً ويوضع للولدة مع مراعاة عدم وضع الكثير منه حتى لا يتعفن فى قاع الحضانة

زائد تنظيف قاع الحضانة من رواسب الأكل يومياً

ولما الولده تتم أسبوع

ممكن تفرمى بعض الدوود فى الخلاط بس خلى بالك من وقت الفرم ميبقاش طويل عشان الدوود (مش هتلاقيه) وهتلاقى مياه حمراء

ثم تصفى الدوود بمصفاه وتوضعى لهم القطع الصغيرة فى المياه وسيأكلوها

وللعلم

الدوود الحى أساس فى نمو الولدة ويضاعف سرعة نموها لعشرة أضعاف

[wardaya128]

شكررررراااااااااااااااااااااااااااااااااااا

ده انا كنت قربت افقد الامل في الرد اصلااااااااااااااا.. :no000000:

بس انا واثقه في الرد عشان واثقه في حضرتك اوي :flex0000:



لا هو انا كنت فصلت الام عنهم بعد يوم تقريبا...
وباعدين ايه السمك المفتري ده :mad: .....مش مكفيهم الاكل ولا ايه؟؟ :eek:
بياكلوا وينكروا المجرمييين..... :busted_r: :busted_r: :busted_r:

يلا ما علينا...


مممم...انا يوم مانقلت النونوهات الصغيرين...اخدت من نفسي ماية الحوض اللي كانوا فيه وحضتهم في بتاعة صغيره كده مش عارفه بيسموها اي ...هي زجاج ومدوره...
عشان على قدهم واعرف الاقيلهم مكان في البيت..


وباعدين هم لغاية دلوقتي لوحدهم....معقوله بيهاجموا لعض....!! :crazy000:

هم يهاجموا بعض ويعيشوا حياتهم وانا اتدايق عشانهم وازعل... :tears000:
:sadwalk0:

شكرا جدا جدا جدا جدا جدا جدا جداااااااااااااااااااااااا

وجزاك الله افضل الثواب والخير.. :icon_flow

[ninja911]

مممم...انا يوم مانقلت النونوهات الصغيرين...اخدت من نفسي ماية الحوض اللي كانوا فيه وحضتهم في بتاعة صغيره كده مش عارفه بيسموها اي ...هي زجاج ومدوره...
عشان على قدهم واعرف الاقيلهم مكان في البيت..

إسمها بولة أو دورق

وده أكبر سبب لموتهم لأن الدورق مش هيحتفظ بدرجة الحرارة فباليل هيبردوا ويموتوا

عموماً الجايات كتير وولدة الجوبى مفيش أكتر منها المهم إنك بتاخدى خبرة



شكرا جدا جدا جدا جدا جدا جدا جداااااااااااااااااااااااا

وجزاك الله افضل الثواب والخير.. :icon_flow


إلعفوا وأى خدمة وشكراً على الدعاء الجميل

[مسترموسى]

عندى أضافه على البولة أو الدورق, برده من عيوبه ان المربى ممكن يملا المياه للاخر وده بيقلل مساحه سطح الماء وبالتالى نسبه الاكسجين الزائب فى الماء واختناق الولدة وموتهم ويا سلام لو فيه شويه اكل زيادة معفنين فى الارضيه!!
واعتقد ان افضل طريقة لتفريخ السمك الولاد بجميع انواعه (جوبى-سورد-بلاتى-مولى) هى حضانه من 30 الى 60 سم مفروشه حصوه ناعمه (لزوم الزرع) ومزروع كويس علشان الولده تستخبى وانصح بنبات الفالسناريه.

[ninja911]

شكراً على الإضافة الجميلة يا مستر موسى والتى تنم عن خبرة

[مسترموسى]

عفوا" وجزاك الله خيرا"

[pureabdo]

من الواضح انك خبير جدا بهذه الامور يا استاذ نينجا وبعد اذنك اردت فقط ان اضيف ان هناك اكل للولده من خليط من كثير من المواد ويقدم هذا الاكل للولده لمدة شهر بعد الولاده ثم بعد ذلك يقدم لهم الدود والاكل هذا متوفر فى الاسواق