حمرااااااااااااااااا

[shamlolawe]

السلام عليكم ورحمة الله وبركاته
فلنبدأ بس الأول نعرف أمتي نقول
حمراااااااااااااااا :2:

http://bp1.blogger.com/_zz0y55s53eg/Rw0d5cLtGOI/AAAAAAAAAS4/MipEC6ZkoEI/s400/ist2_221017_stop1.JPG

لما تلاقي البنت هي اللي بتشتغل وبمرتب عالي ولما تسأل ليه يقولك واجهة شركة
تبقي حمرااااااااااااااااا

لما تلاقي سواق ميكروباص يقولك خلاص قدام ياباشا وتلاقيه يركب بنت جنبه وهي ساكته
تبقي حمرااااااااااااااااا

لما تلاقي إن البنت السكرتيرة بتأخد 3 أضعاف مرتبك يابشمهندس والمرتب علي قد التعب :whistle:
تبقي حمرااااااااااااااااا

لما تلاقي حبيبتك تقولك جالي عريس لازم تيجي تتقدم بس وتحطك في خانة اليك وخلاص بقت قديمة الحكاية دي
تبقي حمرااااااااااااااااا

لما تلاقي إعلان الحديد يتوسط المباراة ويقولك إبني بيتك يامواطن هدية طن حديد مننا وطن الحديد ب 8100 جنيه
تبقي حمرااااااااااااااااا

لما تلاقي إن قانون المرور الجديد يطبق وتاني يوم متلاقيش ميكروباص تركبه
تبقي حمرااااااااااااااااا

لما تلبس مثلث وشنطة إسعافات لأنهم غير مطابقين للمواصفات
تبقي حمرااااااااااااااااا

لما تلاقي إن الميكروباصات زي ماهي مخالفة وماشيه عكس الطريق والأجرة زادت وخط السير إتقسم أجزاء بسبب القانون الجديد
تبقي حمرااااااااااااااااا

لما تلاقي شاب لسه في كلية الشرطة وما تخرجش يتنطط عليك مع إنك أكبر منه واللي ينجدك من الحوار ده صاحبك الظابط
تبقي حمرااااااااااااااااا

لما تلاقي كل خطوة في مشوار ورق الجيش بفلوس
تبقي حمرااااااااااااااااا

لما شيخ الحارة يقولك كل سنة وإنت طيب مش عشان تقوله وإنت طيب لأ عشان تطلع له فلوس عشان يمضي علي الفيش
تبقي حمرااااااااااااااااا

لما تلاقي مندوب التجنيد يقولك روح إختم الورقة دي من القسم كذا عشان الظابط مجاش
تبقي حمرااااااااااااااااا

ترجع لمندوب التجنيد بعد ما تختم الورقة يقولك خد دي بقي أختمها من نفس القسم اللي كنت فيه
تبقي حمرااااااااااااااااا

لما يقولك خد بقي الورق ده دبسه إنت والدباسه في أيده
تبقي حمرااااااااااااااااا

لما تروح لواحد علي مكتب جنب مندوب التجنيد تقوله ممكن أدبس يقولك مفيش دباسة والدباسة قدامه علي المكتب
تبقي حمرااااااااااااااااا

لما كيلو اللبن يوصل ل 5 جنيه قبل رمضان
تبقي حمرااااااااااااااااا

لما كيلو الكنافة يوصل ل 8 جنيه قبل رمضان
تبقي حمرااااااااااااااااا

لما كيلو اللحمة يوصل ل 45 جنيه قبل رمضان
تبقي حمرااااااااااااااااا

لما كيلو الفول يوصل ل 12 جنيه قبل رمضان
تبقي حمرااااااااااااااااا

لما تتفرج علي أولمبياد بكين وتشوف المنتخب ماكسبش خشبة
تبقي حمرااااااااااااااااا

بس تروح ل BTM بتاع الهدوم تلاقيه كاتب " تألقت البعثة المصرية ببكين بملابس BTM"
تبقي حمرااااااااااااااااا

لما تروح تعمل فصيلة دم في مستشفي تلاقيها ب 16 جنيه
تبقي حمرااااااااااااااااا

وبعد ما تعمل فصيلة دم الساعة 9 الصبح تقولك الساعة 2 الظهر عشان الختم بييجي الساعة 1 الظهر
تبقي حمرااااااااااااااااا

ييجي الورق بتاع الفصيله مختوم وتديه لواحده وماتديكش الورقة غير لما تأخد الحلاوة
تبقي حمرااااااااااااااااا

لما تقعد 6 ساعات قدام مندوب التجنيد في القسم وتلاقي وسايط داخله قدامك في عشر دقايق تكون مخلصة ورقها
تبقي حمرااااااااااااااااا

وبعد ال 6 ساعات يقولك تعالي بكره
تبقي حمرااااااااااااااااا

لما تلاقيه بيناديك يقولك تعالي هنا شيل الأسياخ الحديد دي وإنت شيل الباب ده ونضفوا كده قدام الشباك
تبقي حمرااااااااااااااااا

لما تلاقي إن الشغل بالتوريث يعني مفيش شغل غير لأبناء العاملين
تبقي حمرااااااااااااااااا

لما تخش شركة بترول تقولهم عايز أتدرب تقولك ببجاحة لازم يكون لك قريب في الشركة
تبقي حمرااااااااااااااااا

لما تقدم علي دورة تدريبية في شركة كبيرة وإنت مستوفي الشروط بس بن واحد دخل مكانك
تبقي حمرااااااااااااااااا

لما تلاقي بن الدكتور بيجيب إمتياز وهو مش بيحضر أصلا المحاضرات
تبقي حمرااااااااااااااااا

لما تلاقي بن الدكتور جاب إمتياز وإنت جايب مقبول مع إنك جايب درجات أعلي منه
تبقي حمرااااااااااااااااا

لما تلاقي الدكتور ده يسقط 80% من الدفعة في المادة بتاعته عشان خاطر طريقة الحل مختلفه عن طريقته لأنه كان في المستشفي والمعيد هو اللي بيشرح
تبقي حمرااااااااااااااااا

لما تلاقي جمعية خيرية ترفع مثال تبرع وأكفل يتيم وتروح تلاقي المتطوعين رايحين عشان يس يصاحبوا حريم
تبقي حمرااااااااااااااااا

لما تكلم الجمعية دي علي ناس محتاجة ومش لاقية تأكل وينفضوا لك وتكلمهم أكثر من مره وبرضه ينفضولك
تبقي حمرااااااااااااااااا

لما تلاقي بن الباشا لازم يكون باشا وبن البواب لازم يكون بواب
تبقي حمرااااااااااااااااا

لما تلاقي بنات مصر الجديدة مايتجوزوش غير من مصر الجديدة أو المعادي أو مدينة نصر
تبقي حمرااااااااااااااااا

لما تلاقي إن الفقير مايفكرش في الأغني منه وممنوع يقرب لها
تبقي حمرااااااااااااااااا

لما تلاقي شهر رمضان بيبقي فيه حوالي 30 مسلسل
تبقي حمرااااااااااااااااا

لما تلاقي بعد الفطار يحدفوك بفوازير لراقصة مشهورة
تبقي حمرااااااااااااااااا

لما تلاقي نفسك بتتفرج علي كليبات كلهم فيها واحد بسبب السيليكون
تبقي حمرااااااااااااااااا

لما تلاقي إن بوستر الفنانه لازم يبان فيه الحمالة بتاعة الصدر عشان تبين التعب
تبقي حمرااااااااااااااااا

لما تلاقي برنامج علي قناة الحياة بتقدمه مغنية وبتطلع فيه بفساتين طويله أوي ولا يوجد له أي مغزي أو حتي به أي شيئ من المتعة
تبقي حمرااااااااااااااااا

لما تلاقي العربي بيعاملك كيهودي جاي تحتل أرضه
تبقي حمرااااااااااااااااا

لما تلاقي إن أرض عربيه هي اللي أخرجت الذخيرة من قواعد عسكرية للعدو الصديق علي أرضها عشان تتضرب بيها دولة شقيقة
تبقي حمرااااااااااااااااا

لما تلاقي الشعب بيستلف وبيجري عشان يشتري موبايل ب 5000 جنيه وهو مش بيستخدم ربع إمكانياته
تبقي حمرااااااااااااااااا

لما تقعد علي قهوة بلدي وتطلب واحد ليمون وواحد مانجو وتدفع 10 جنيه
تبقي حمرااااااااااااااااا

لما تلاقي إن كل دول العالم فيها GPS وإنت لأ مع إن المفروض يكون عندك لأن الموبايلات والعربيات الحديثة مجهزة له
تبقي حمرااااااااااااااااا

لما تلاقي عربيات ثمنها فوق ال 2 مليون جنيه مليا البلد وبكثرة ويقولك البلد مفيهاش فلوس
تبقي حمرااااااااااااااااا

لما تلاقي الشباب قاعد علي ستار بكس اليهودي ويقولك قاطعوا إسرائيل
تبقي حمرااااااااااااااااا

لما تلاقي الناس غرقانه بيبسي وكوكاكولا ويقولك قاطعوا إسرائيل
تبقي حمرااااااااااااااااا

لما تلاقي الأب واقف جنب بنته وهي شبه عريانه والشباب بيعاكسوها ويقولك مصيف
تبقي حمرااااااااااااااااا

لما تلاقي البنت لابسه مايوه مجسد جسمها وكمان شفاف وكل حاجة باينه ويقولك مصيف
تبقي حمرااااااااااااااااا

لما تلاقي عربية صيني ب 140 ألف جنيه وهي ماتستحقش 30 جنيه لأنها لم تحرز أي نقاط في إختبار السلامة
تبقي حمرااااااااااااااااا

لما تلاقي قمة التطور في الصناعة المصرية هي السيارة 128
تبقي حمرااااااااااااااااا

لما تلاقي العربيات بتزيد مش بتقل وعربيات بقالها 40 سنة شغاله
تبقي حمرااااااااااااااااا

لما تلاقي هوا مصر عمال يسود ويزداد سوء ودبي هواها بينضف وإسألوا مهندسين التكييف
تبقي حمرااااااااااااااااا

لما تلاقوا شوية المصريين المريلين راجعين من الغربة بعربية ويقعدوا يتمنظروا بيها وينسوا أصلهم
تبقي حمرااااااااااااااااا

لما تلاقي العرب جايين مصر وتلاقي أسعار الشقق ولعت
تبقي حمرااااااااااااااااا

لما تلاقي المساجد كثير في مصر يعني كل بيت تحته مسجد عشان العوايد ( أهو دلوقت في ضرائب عقارية )
تبقي حمرااااااااااااااااا

لما تتقدم لواحده وأهلها يطلبوا شبكة 90 جرام
تبقي حمرااااااااااااااااا

والمهم يقولولك دي ماديات وإحنا بنشتري راجل
تبقي حمرااااااااااااااااا

لما تلاقي دكتورة تقولك لازم نلغي حديث صحيح لأنه غير لائق
تبقي حمرااااااااااااااااا

لما تلاقي برنامج ديني معمول كل فتوي بتطلع منه تثير مشاكل
تبقي حمرااااااااااااااااا

لما تلاقي واحد يقعد ويقولك بيفسر الأحلام وبعد شهر نلاقيه جاب شقة في المهندسين تبقي دي البيضة والحجر
تبقي حمرااااااااااااااااا

لما تلاقي اللي شغال في محلات اللانجيري راجل
تبقي حمرااااااااااااااااا

لما تلاقي الكوافير الحريمي راجل
تبقي حمرااااااااااااااااا

لما تلاقيه الواحد كان إمبارح صاحبك وأول ما يعلي كأنه ولا يعرفك
تبقي حمرااااااااااااااااا

لما تلاقي واحد كان عضو وأول ما يبقي مشرف يبدأ حب السلطة والنفوذ وينسي الأصل
تبقي حمرااااااااااااااااا

لما تلاقي الإرتباط بالشخص وليس بالقضية
تبقي حمرااااااااااااااااا

لما تلاقي الشعب بيكره بعضه عشان أهلاوي ولا زملكاوي
تبقي حمرااااااااااااااااا

لما تلاقي واحد يقولك دياباوي ولا منيراوي
تبقي حمرااااااااااااااااا

لما تلاقي الشغف كله بالكابتن ممدوح
تبقي حمرااااااااااااااااا

لما تلاقي مسلسل تركي يحصل عشانه كل ده
تبقي حمرااااااااااااااااا

وماحصلش ربع الإنتفاضه دي عشان غزه
تبقي حمرااااااااااااااااا

لما تلاقي برنامج علي أو تي في إسمه أووووووووه علي البحر
كله بالكيني كأننا مش في مصر
أو في دولة عاهرات

تبقي حمرااااااااااااااااا

لما تلاقي اللي بتتكلم في الجنس واحده ست وبتتكلم في أدق تفاصيل الجنس لأ وماتقدرش تتفرج عليه غير لوحدك
تبقي حمرااااااااااااااااا


طبعا لازم تبقي حمرا يعني هتفضل إشارتنا حمرا
ومش هنتحرك مادام عارفين المشكله وبنأوح ونفضل نناقش في الغلط ونضيع وقتنا
وعمرها ما هتبقي خضرا
غير لما نفوق ونوعي لنفسنا
من النمور الأسيوية لا تملك سوي القنبلة النووية والرماد التي خلفته وراءها
الأن تنافس أمريكا في حكم العالم
وللحمرااااااا بقية
قصدي
وللحديث بقية

[mostafaarfas]

ههههههههههههه

حبى شملول

هيا حمرا حمرا الصراحه

مش عارف امتا هتبقا خضرا

بالرغم انهم غنوا من زمان
عاوزينها تبقا خضرا

مستنى بقيه الحمرا
قصدى الموضوع

[hossam_mekr]

يا ابنى دة انا على ما خلصت الحمراااااااااااا بتاعتك كان فى واحد رد على الموضوع بتاعك قبلى المهم

وعايز اقولك حاجة حمراااااااااااااااااااااااااااااا لا اعتراض على قضاء الله ودة حالنا واللى عايز يصلح البلد يصلح نفسة بس

وبلاش التشائم دة وخليك عادى الكلام كل الحمرااااااااااا اللى انتا قولتها دى وانا متاكد انك تعبت من الكتابة لا تساوى 1 من مليون حاجة المفروض نقولها حمراااااااااا فى بلدنا لكن كل المطلوب نصلح نفسنا لان كل الناس الفاسدة اللى جيبت سيرتهم فى الموضوع هما عمى وخالك وصاحب ابوك وجوز خالتك وابن عمتى وانا متاكد من الكلام دة كل واسال اى حد موظف قريبك وبلاش قريبك عشان لو كان ليك قرايب مكنت اتبدهدلت فى ورق الجيش وفكر كمان انتا عملت كام حاجة حمراااااااااااا حتى لو كانت بسيطة هاتلاقى انك عملت حجاااات حمراااااااااااا كتير

[Ī Ṡ Ĺ Д Ḿ]

لا حمرا حمرا يعنى

[DrRaShEdSaLaH]

ههههههههههههههههههههههههههههه
تسلم ايدك يا باشا
مش عارف ارد اقولك ايه
بس فعلا البلد حوالينا كلها حمرااااااااا
مستني بقية الحمرااااااا

[yasser_x]

منور يا محمد القسم

وبجد كلامك في السليم , ولو حد مش عاجبة كلامك يبقي حمرااااا

وموضوعك دة يستحق التثبيت لانة لو متثبتش يبقي حمرااااا

وعشان البلد دي تبقي خضراء بجد لازم التغيير يبقي أحمررررر

ونهر النيل يبقي لونة احمرررررر

يا اما هتفضل طول عمرها حمراااا

متزعلش يا حمام , دي بلد لا تستحق الاحترام

عارف لية , عشان حمراااااا

ومش للاسف كمان ..

[طوفــان]

دي بلدنا طلعت حمرااا:jap: يارجل
والله ياشملولي ياخوي انت وجعت بطني
انت كل الي قولته لا يدعو للتفاؤل

اقولك ايه انا محشوش وقرفان ومش قادر
اتكلم في السلبيات لاننا كلنا لمسنها
والحال علي الجميع ولكن !! يبقي الوضع كما
هو عليه الي ان يتغير الباطل

[™Hessein]

يا خساره طلعت الطماطم

كنت فاكرها حاجه تانيه :he:

[طوفــان]

متزعلش يا حمام , دي بلد لا تستحق الاحترام


البلد فوق الجبين ياياسر وان حدث فيها شوية مخالفات
او فساد فلا نلوم البلد والوطن ولكن سيتغير الباطل بالحق قريبا
وتعود مصر كما كانت وكما عاهدناها

يا مصر أنتى كوكبة العصر.
وكتيبة النصر.
وإيوان القصر.

[shamlolawe]

ههههههههههههه

حبى شملول

هيا حمرا حمرا الصراحه

مش عارف امتا هتبقا خضرا

بالرغم انهم غنوا من زمان
عاوزينها تبقا خضرا

مستنى بقيه الحمرا
قصدى الموضوع
والله ياباشا أنا بسمع عايزنها تبقي خضرا من أيام ماكانت في صباح الخير يامصر لماكنت في إعدادي ولا إبتدائي
بس إطمن البلد بقت بني من كثر الحشيش

يا ابنى دة انا على ما خلصت الحمراااااااااااا بتاعتك كان فى واحد رد على الموضوع بتاعك قبلى المهم

وعايز اقولك حاجة حمراااااااااااااااااااااااااااااا لا اعتراض على قضاء الله ودة حالنا واللى عايز يصلح البلد يصلح نفسة بس

وبلاش التشائم دة وخليك عادى الكلام كل الحمرااااااااااا اللى انتا قولتها دى وانا متاكد انك تعبت من الكتابة لا تساوى 1 من مليون حاجة المفروض نقولها حمراااااااااا فى بلدنا لكن كل المطلوب نصلح نفسنا لان كل الناس الفاسدة اللى جيبت سيرتهم فى الموضوع هما عمى وخالك وصاحب ابوك وجوز خالتك وابن عمتى وانا متاكد من الكلام دة كل واسال اى حد موظف قريبك وبلاش قريبك عشان لو كان ليك قرايب مكنت اتبدهدلت فى ورق الجيش وفكر كمان انتا عملت كام حاجة حمراااااااااااا حتى لو كانت بسيطة هاتلاقى انك عملت حجاااات حمراااااااااااا كتير
طيب نصلح ميكانيكا ولا كهرباء ولا عفشة
ماهو الكلام ده بيتقال بس مش شايفين حاجة خالص ومش عارفين نبدأ منين
وياباشا صدقني أنا علي كده متفائل وأتمني من الله أن أخرج من هذه البلد سالما ولا أعود إليها أبدا

لا حمرا حمرا يعنى

هي مش حمرا للدرجة دي يعني يا إسلام

ههههههههههههههههههههههههههههه
تسلم ايدك يا باشا
مش عارف ارد اقولك ايه
بس فعلا البلد حوالينا كلها حمرااااااااا
مستني بقية الحمرااااااا
الدنيا بدل ما تبقي وردي
بقت حمرااااااااا

منور يا محمد القسم

وبجد كلامك في السليم , ولو حد مش عاجبة كلامك يبقي حمرااااا

وموضوعك دة يستحق التثبيت لانة لو متثبتش يبقي حمرااااا

وعشان البلد دي تبقي خضراء بجد لازم التغيير يبقي أحمررررر

ونهر النيل يبقي لونة احمرررررر

يا اما هتفضل طول عمرها حمراااا

متزعلش يا حمام , دي بلد لا تستحق الاحترام

عارف لية , عشان حمراااااا

ومش للاسف كمان ..

ربنا ما يجيب أقسام ياياسر قسم كفاية البهدله اللي أنا فيها واللي خلت حب الوطن في قلبي يزيد :31:
وصدقني ياباشا نهر النيل أينعم أحمر عشان الكوسا اللي فيه وياريته مكفي
أما عن كلمتك أنها بلد لا تستحق الإحترام فأنا ضدك
فمصر بلد الحضارة والحجارة
بلد بكار أبو كف رقيق وصغير
بلد ال 60 مليون شاب
بلد كيلو الموز أبو 12 جنيه
بلد راحت الأولمبياد فسحة
وتيجي تقولي لا تستحق الإحترام يبقي معلش إسمح لي أقول

Ana 7akan A3tared

دي بلدنا طلعت حمرااا:jap: يارجل
والله ياشملولي ياخوي انت وجعت بطني
انت كل الي قولته لا يدعو للتفاؤل

اقولك ايه انا محشوش وقرفان ومش قادر
اتكلم في السلبيات لاننا كلنا لمسنها
والحال علي الجميع ولكن !! يبقي الوضع كما
هو عليه الي ان يتغير الباطل
إمتي بقي ياطوفي يا أخويا علي العموم بإذن الله خلاص

يا خساره طلعت الطماطم

كنت فاكرها حاجه تانيه :he:


لا أرجوك ماتفهمنيش صح يا حسين بس أنا مش قصدي علي الطماطم كمان
شوف بس نهاية الموضوع

البلد فوق الجبين ياياسر وان حدث فيها شوية مخالفات
او فساد فلا نلوم البلد والوطن ولكن سيتغير الباطل بالحق قريبا
وتعود مصر كما كانت وكما عاهدناها

يا مصر أنتى كوكبة العصر.
وكتيبة النصر.
وإيوان القصر.
بلاش كلام الأناشيد ياطوفي خلاص بطل والله
والكلام مابيغيرش

[super00000]

بصراحه انا تعبت من البلد دى وقرفت منها وعايو اسيبها
بس والله يا جماعه بحبها
مش عارف لحد امتى هنفضل كده نحبها وتدوس علينا

[shamlolawe]

بص ياباشا مفيش حد مش عايز يسيبها
بس قول يارب نخرج منها علي خير

[hti_2002]

بلدنا فوق رسنا بس ظروفها هى اللى صعبة و عندك حق فى كل اللى قولته شاملولاوى وانا بضم صوتى لصوتك

حمرااااااااااااااااااااااااااااااااااااااااااااااا ااااااااااااااااااااا


ربنا معانا

[elbasosyeng]

عندك حق فى كل اللى قولتة

[زميل زمالك]

والله العظيم أنت فارس وتسلم يا غالى على الموضوع الأكتر من رائع ده

[shamlolawe]

بلدنا فوق رسنا بس ظروفها هى اللى صعبة و عندك حق فى كل اللى قولته شاملولاوى وانا بضم صوتى لصوتك

حمرااااااااااااااااااااااااااااااااااااااااااااااا ااااااااااااااااااااا
ضم يا خويا وماله أهو الشتا جاي وندفي بعض
بس ياريت لو حد يقدر يفدني إني أهاجر مايسكتش يفيد أخوه

ربنا معانا

عندك حق فى كل اللى قولتة

الله ياخليك ياعمي

[om mohmmad]

شكر لهذا الموضوع الاحمر

[shamlolawe]

الله يخليكي بس معنديش ألوان تانية والله
هو ده اللي عندي دلوقت