جميع الاجراءات القانونية لتأسيس الشركات و الأنشطة التجارية

[misho5210]

السلاموا عليكم اى استفسارات عن الاوراق القانونية لأقامة شركة تحت امركم ميشو5210

[m_elmogy]

واضح من ردودك السابقة إنك أستاذ تأسيس شركات
ربنا يوفقكك في تقديم يد العون لجميع الأعضاء ونحن معك

[crush]

يا باشا انا عيز اعرف ازاى اسس شركة و اية هى المستندات المطلوبة

[misho5210]

تحت امرك يا باشا
اولا انا عند كام سؤال انت هتفتح الشركة لوحدك ولا معاك شركاء ولو فى شركاء فى حد منهم قاصر ونوع النشاط اية بتاع الشركة يارت نرد عليا عشان اديك الاجرات المظبوطة

[crush]

الشركة لا يوجد بها شركاء نوع نشاط الشركة التوزيع
و كيف يمكن ان اسجل منتج للشركة (يعنى اسم منج )

[misho5210]

اولا: لو انت مالك للمكان لازم تشهر عقد التمليك ولكن نصحتى ليكانك لو مالك تعمل عقد ايجار صورى بينك وبين المالك الى اشتريت منة .
ثانيا: تعمل اثبات تاريخ لعقد الايجار فى الشهر العقارى التابع لية الشركة
ثالثا:تذهب الى مأمورية الضرائب الى تابع لية الشركة وتفتح ملف وتاخد معاك
1 عقد الايجار مثبت تاريخة
2 ايصال نور او مياة او تيلفون
3 صورة البطاقة الشخصية
رابعا: الضرائب بتعمل معاينة للمكان وبعد ذلك تأخذ جواب الى من يهمة الامر حتى تستخرج البطاقة الضريبية
خامسا: تاخذ الجواب الى من يهمة الامر والبطاقة الشخصية ةعقد الايجار وايصال نور او مياة او تيلفون وتذهب الى الغرفة التجارية التابع لها مقر الشركة وتأخذ من الغرفة شهادة مزاولة النشاط
سادسا : تأخذ شهادة مزاولة النشاط وتروح السجل التجارى وتقدم شهادة مزاولة النشاط هيطلعولك السجل التجارى
سابعا : بالنسبة لتسجيل اسم الشركة واسم المنتج بتعمل رسم كروكى للشعار بتاع الشركةوتأخذة وتذهب الى وزارة التجارة والتموين هتروح الى توثيق الاسماء التجارية فى الوزاره بس دى بتاخد وقت كبير جدا
وانا تحت الامر ولو فى شىء استجد ابعتلى

[crush]

ممكب اعرف عنوانك و تليفوناتك ابعتهملي elwatnya2000@yahoo.com

[misho5210]

i send my mobil nambr to ur mail

[m_elmogy]

ممكن تقولله الاجراءات دي حتاخد وقت قد إيه ؟؟

[misho5210]

حوالى 15 يوم ماعادا البطاقة الضريبية والعلامة التجارية هتاخد وقت اطول من شهرين الى 3 شهور البطاقة الضريبية اما بالنسبة العلامة التجارية هتاخد من 8 شهور الى سنة

[crush]

ماشى ازاى اضمن ان مفيش شركة تانية تاخد الاسم (اسم المنتج)و تسجلو باسمها
طبعن انت عارف الموظفين المصرين

[misho5210]

خلال فترة استخراج شهادة بتكون فترة بحث اذا كان فى شركة اخرى لها نفس اسم المنتج ونفس الشعار من عدمة وهذا يطبق بالتالى على ماهو مستجد من يوم التقديم فى وزارة التموين والتجارة انت المفروض بتاخد ايصال بميعاد التقديم

[misho5210]

لو كنت اون لاين كلمنى على الياهو لو فى حاجة مهمة misho5210@yahoo.com

[crush]

مش ممكن تلعب شركة تانية مع الموظف و تقول ان المنتجات دى بتاعت شركة

[misho5210]

هنا بتكون بالاسبقية مين المستخدم للشعار او اسم المنتج الاول وبعدين انت قلق لية هو انت بدأت تعمل اى منتج

[m_elmogy]

من فضلك يا متر أتدخل برأي ....
أولا : لابد من التفريق ما بين السجل التجاري الذي يعد بمثابة البطاقة الشخصية للنشاط التجاري ووارد فيه إستخدام نفس الاسم لشركتين مختلفتين ، والعلامة التجارية للنشاط وهي إجراء يستحيل معه الازدواج في الاسم أو العلامة ..
في الحالة الأولى من المفترض أن الغرفة التجارية تصدر شهادة بمزاولة النشاط للشركة وعلى الغرفة أن تتحرى الازدواج ، لكن نظرا لوجود شركات كثيرة و إختلاف الغرف التجارية من القاهرة والاسكندرية وغيرهما فتجد أنه يمكن الازدواج ..
ثانيا : في حالة تسمية النشاط إسما تجاريا معينا ثم فوجئت بآخرين يستخدمون ذات الاسم تقوم برفع دعوى أمام المحكمة التجارية لشطب الاسم الجديد وتطلب تعويض والمحكمة بدورها تحيل الدعوى إلى الخبير المختص لإستبيان أي السجلين التجاريين أسبق وبناء عليه تحكم لك أو ترفض الدعوى ..
ثالثا : إذا كان النشاط كبيرا ومميزا ويستوجب تسجيل العلامة التجارية فعليك بذلك مع العلم أنه يأخذ وقت لا يقل عن سنتين بأي حال من الأحوال نظرا لأن تسجيل العلامة التجارية يكون تسجيلا عالميا حتى لا تستطيع أي شركة في العالم إستخدام علامتك التجارية ..
بالاضافة إلى أن تكلفة رسومه عالية ولا يتحملها أي نشاط ... حتى يصبح نشاطك ماركة مسجلة مثل كوكاكولا ونايكي وماكدونالدز وغيرها من العلامات الشهيرة ..
إذن فالسؤال الذي تسأله لنفسك هو : هل نشاط شركتي يستوجب أن أسجل العلامة التجارية خوفا من سرقتها أم لا ؟؟!!

والله الموفق ..

[misho5210]

شكرا على الراى السديد وياريت تكون معانا دائما

[semsm]

استمتعت بما فى هذا الموضوع من مناقشات رائعه شكرا لكم جميعا

[m_elmogy]

وأنا أيضا إستمتعت جدا ... والأستاذ / ميشو باين عليه كويس في موضوع الشركات وتأسيسها

[misho5210]

شكرا جدا على الردود الجميلة وانا تحت امر المنتدى والاعضاء والمشرفين

[m_elmogy]

مشكور أخ ميشو

[ano3]

[ شكرااا ياا متر انا محمد الديب محامى من اسكندرية
وشكرا على المجهود الكبير دة

[ano3]

العمليةالقانونية للتاسيس لاتعنبر مجرد اجراء يتخذ وبة ينتهى التاسيس
بل ان هناك اجراءت كثيرة متتابعة
وقد تحتم المصلحة ان يتخذ اجراء قبل اجراء


وانا تحت امركم فى اى حاجة بخصوص الشركات والتاسيس

[m_elmogy]

أهلا يا محمد بك ... سعداء بتواجدك معانا .. ونرجو ان تظل معنا وتفتح موضوعات جديدة وترد بإستشارات سديدة وتدخل مع باقي الزملاء في مساجلات ومناقشات قانونية لخدة باقي أعضاء المنتدى ..
من فضلك إدخل قسم تيجوا نتعرف وعرفنا بنفسك أكتر ..وها هو الرابط
http://www.dvd4arab.com/forums/showthread.php?t=138086

[misho5210]

مفيش حد بيقتح شركات ولا اة

[m_elmogy]

البلد حالها واقف .... ربنا يسهل للناس جميعا

[misho5210]

عايزين بعد اذن المشرفين نثبت الموضوع دة عشان فى ناس بتدور علية

[m_elmogy]

أولا يا أستاذ ميشو أنا سعيد جدا بعودتك للقسم ومشاركاتك الممتازة اللى حرمتنا منها ، وبالنسبة لتثبيت الموضوع ده ، أوعدك أن يثبت بإذن الله قريبا جدا بس شد حيلك معانا وزود مشاركاتك وخدماتك الجميلة ...

[theblackpirate]

لو سمحت انا ليا سوال بخصوص فسخ عقد شركه تضامن
هى شركه متكونه من تلت افراد
واحد منهم عايز يفسخ عقد الشركه والاتنين التانين مش موفقين
ايه الاجراءات اللى مفروض يخدها عشان يفسخ العقد
وياريت لو فى طريق غير المحاكم ووجع الدماغ ده نعرفه
وشكرا

[m_elmogy]

ده وفقا لعقد الشركة أساسا
إذا كان منصوص فيه على ألا يتخارج أي من الشركاء إلا بموافقة باقي الشركاء فلابد من موافقة الباقين
يعني بص على العقد وقوللى عشان أعرف أفيدك

[theblackpirate]

العقد قايلين فيه انه ما ينفعش حد يخرح من الشركة الا بموافقة الباقى .
يا ترى فى طريقة نفض بيها الشركة

[ahmed_m_m]

السلام عليكم ورحمه الله
لوعايز اسس شركه بيع اجهزه كمبيوتر ومستلزماتها ومعى شريك واحد ماذا على ان افعل
ولكم جزيل الشكر

[ahmed_m_m]

السلام عليكم ورحمه الله
لوعايز اسس شركه لبيع اجهزه كمبيوتر ومستلزماتها ومعى شريك واحد ماذا على ان افعل ومكان الشركه مؤجر
ولكم جزيل الشكر

[m_elmogy]

إتفضل أسس شركة مع شريكك الوحيد


http://www.dvd4arab.com/forums/showthread.php?t=82048

مع تحياتي

[momfawzy]

لو سمحت يا جماعة انا عاوز أأسس عقد شركة طبقا لقانون الاستثمار أرجو الافادة

[crush]

يا باشا انا عايز اعرف المنتج الواحد بينسجل بكام

[crush]

و ياريت تقلى مكتبك فين

[m_elmogy]

مش فاهم حكاية المنتج الواحد بيتسجل بكام دي ؟؟
إيه المنتج الواحد ؟؟؟ وبيتسجل فين ؟؟

أرجو التوضيح

[hosam2000004]

شكرااااااااااااااااااااااااااااااااااااااااااااااا اااااا ياباشا

[hosam2000004]

thanks mesho

[m_elmogy]

و ياريت تقلى مكتبك فين


m_elmogy@hotmail.com

[M7MAD3LY]

عايز اعرف ايه حدود الشريك الاجنبي في شركة التوصية البسيطة

[timoo317]

اولا شكرا على الموضوع الجامد دا
ثانيا بص يا متر
لو مكان مؤجر بعقد قانون قديم
هل ممكن اعمل عقد صوري ما بيني و بين المالك الاصلي ؟؟
و لو ينفع حكايه التسجيل في الشهر العقاري دي هتكون عادي
لما الوضع يرجع لاصلو ؟؟
يعني حكاية العقد الصوري دي مش هتأثر بعد كدا لا في عدادا الكهربا لما يتحول تجاري و كدا
و شكرا

[m_elmogy]

اولا شكرا على الموضوع الجامد دا
ثانيا بص يا متر
لو مكان مؤجر بعقد قانون قديم
هل ممكن اعمل عقد صوري ما بيني و بين المالك الاصلي ؟؟
و لو ينفع حكايه التسجيل في الشهر العقاري دي هتكون عادي
لما الوضع يرجع لاصلو ؟؟
يعني حكاية العقد الصوري دي مش هتأثر بعد كدا لا في عدادا الكهربا لما يتحول تجاري و كدا
و شكرا

آسف ... طالما انت مستأجر من المالك حتعمل عقد صوري بإيه ؟؟
وطالما هو عقد ايجار ... حتسجله ازاي في الشهر العقاري ؟؟!!
أرجو الايضاح حتى يتسنى لنا الرد

[notminenotnow]

يوجد لدى مصنع و أضفت مؤخرا نشاط الاستيراد و التصدير للبطاقة الضريبية و عملت بطاقة استيرادية خلاص

ما هى الخطوات لاستيراد منتج من الخارج؟

[walid126]

هو فين الموضوع

[amrkenzo]

طيب يا استاذي انا عايز ااسس شركة لواحد
هو عايز يبقي هو المدير لوحده مش عايز اي شركاء وبعدين هوه عايز يستفيد من اي اعفاء ضريبي للمدن الصناعية الجديدة لانه عنده مكان في الشروق فهل تعتبر مدن صناعية جديدة وايه الاعفاء بتاعتها من الضرائب
وبعدين هو راس مال الشركة هيبقي جزء علي الورق وجزء فعلي 50000 جنيه مصري
نوع النشاط استشارات فنية وهندسية في مجال هندسة الاتصالات وهندسة المعلومات وعمل مواقع استضافة علي الانترنت
ياريت تقدر تقولي اعمل ايه وايه الاجراءات

[m_elmogy]

طيب يا استاذي انا عايز ااسس شركة لواحد
هو عايز يبقي هو المدير لوحده مش عايز اي شركاء وبعدين هوه عايز يستفيد من اي اعفاء ضريبي للمدن الصناعية الجديدة لانه عنده مكان في الشروق فهل تعتبر مدن صناعية جديدة وايه الاعفاء بتاعتها من الضرائب
وبعدين هو راس مال الشركة هيبقي جزء علي الورق وجزء فعلي 50000 جنيه مصري
نوع النشاط استشارات فنية وهندسية في مجال هندسة الاتصالات وهندسة المعلومات وعمل مواقع استضافة علي الانترنت
ياريت تقدر تقولي اعمل ايه وايه الاجراءات

ده نشاط فردي وليس شركة ، والشروق لا تعتبر مدينة صناعية ، كذلك هذا النوع من النشاط ليس له ثمة إعفاءات ضريبية

[sherifer921]

انا كان ليا استفسار بسيط يا اساتذه
دلوقتى انا عاوز افتح مكتب دعايه واعلان ومفيش معايا شركاء هل ينفع المكتب كده يتسجل على انه شركه ولا ميفنعش
وتانى استفسار بعد اذنكم هو عن المده اللى بتستغرقها اجراءات السجل التجارى والبطاقه الضريبيه والحد الادنى لراس المال للمكتب واذا كان فيه فرصه اخد اعفاء
واسف للاطاله وشكرا

[ayman44]

Thankssssssssssssssssssssss