المساعد الشخصي الرقمي

مشاهدة النسخة كاملة : كيفية علاج الخطوط الحمراء فى ذيول الاسماك ؟؟؟

moe_22
29-10-2005, 01:17 AM
السلام عليكم

عندى سمكة فانتيل مش عارف بقالها كام يوم ذيلها بقة فية خطوط حمراء و الذيل كدة متاكل مش زى الاول

حاولت احط الدواء بتاع تاكل الزعانف و الذيول و لكنة لم يأت بنتيجة و لسة السمكة مريضة مش عارف

اعمل اية هل افصلها عن باقى السمك و لا اية بالظبط يا ريت حد يفدنى فى الموضوع دة

و شكرا
ninja911
29-10-2005, 02:20 AM
أخى العزيز كم درجة حرارة المياه فى الحوض ؟

لو أكثر من 27 أو أقل من 21 فيرجى ضبطها

ويرجى إعطائى مزيد من المعلومات عن الحوض ومساحته ولون المياه به
moe_22
29-10-2005, 02:37 AM
درجة الحرارة فى حدود 27 والحوض 60 فى 40 فى 50 وعندى سخان 50 يعنى مثالى للحوض بس درجة الحرارة عندى الصبح بتبقى عالية شوية علشان الصبح حر اكتر من باليل انت عارف مش عارف كدة عالية بقة و لا اية اما عن لون المياة فطبيعى و انا لسة امبارح منضف الحوض و المية زى الفل بس هيا من قبل تنضيف الحوض و هيا كدة ذيلها فية خطوط حمراء

و شكرا اخى على الاهتمام
ninja911
29-10-2005, 02:44 AM
ممكن تبدل السخان بسخان 40 لأن اللى عندك قوى شوية

والخطوط الحمراء مش خطيرة يعنى كمان يومين بعد تبديل السخان قولى الأخبار وأنا معاك

تحياتى
moe_22
29-10-2005, 03:18 AM
1000 شكر اخى على الاهتمام و ربنا يسهل حبقى اقولك انشاء الله لما اغير السخان
مسترموسى
07-11-2005, 11:25 AM
اعتقد (عن تجربه شخصيه يعنى مش بالضرورة صح) إن وجود خطوط حمراء في ذيول الجولد في الغالب نتيجة تلوث المياه أو قله الأكسجين(قلته من المصدر أو السمك كتير في الحوض).
bodi89
16-01-2006, 02:35 AM
طيب انا عندى سخان ترمستات و مظبط درجه حراره الميه و مع ذلك فى فانتيل فى خطوط جمراء فى ديلها فأعمل ايه؟
و بالنسبه لمستر موسى انا عندى متور بروحين حطه فى الحوض و السمك مش كتير و الحوض 70*30*50 يبقى ايه الحكايه بتاعتها
مسترموسى
16-01-2006, 04:35 AM
ايه اخبار الفلتر طيب ولون المياه وبتغير ثلث المياه كل اد ايه وكام جولدايه وايه احجامهم؟
Bibomk
16-01-2006, 05:52 AM
فعلا اخواني الخطوط الحمراء سببها الرئيسي هو تلوث المياه
اخي العزيز قم بتغيير ربع ماء الحوض يوميا لمدة 10 ايام و بعد ذلك كل اسبوع وانشاء الله السمك يظبط عاندك
wardaya128
16-01-2006, 05:21 PM
طيب انا عندي بردو خطوط حمرا في الذيل...وباعدين جه في جنب السمكه نفسها زي بقعتين حمر...

وكان ماعديش سخان وجيبت...وتقريبا الحوض بتاعي 45 ..قولت للراجل فجابلي سخان 45...ماعرفش هو قال كده..
بلاحظ ان درجة حرارة المياه بتبقى دافيه..فبخاف تكون عاليه عليهم (عشان ماعنديش ترمومتر)..فبفصله كل فتره واحطه شويه..
جيبت ترمومتر...يا اما هو بايظ...يا اما انا اللي مش عارفه استخدمه...
والسمكه الخطوط اللي فيها زادت...وجنب البقعتين الحر...بقى في زي مباديء فطر...
وانا اتعقدت منه عشان علاجه مش بيجيب نتيجه..

اعمل ايه؟
مسترموسى
16-01-2006, 11:11 PM
يا وردايه لازم درجه الحراره تثبت دة اهم حاجه وفصل السخان وتوصيله تانى كل شويه حيموت السمك يعنى عدم وجود سخان ارحم من فصله وتوصيله كل شويه, غيرى ثلث الماء وثبتى درجه الحراره على 25 وشوفى كده ايه الاخبار, اهم حاجه ماتكونش قلبت بفطر؟؟
tamerfouad
17-01-2006, 12:58 AM
المشكلة هنا هى درجة الحرارة بلاشك لازم تراعى حجتين اولا :سبات درجة الحرارة
ثانيا لازم المياة تبا دفية شوية سغيرين يعنى للاخ موى 24 كويس اوى ولازم يكون فى ترمومتر طبعا
دة سبب لظهور الخطوط الحمراء لو بداء الزيل فى التاكل يبا المياة مش سليمة فى حاجة
وعلى العموم خدوها منى حكمة السمك الى بيتصاب بالكلام دة مبيعش كتير بيبا حساس زيادة
عن اللزوم يعنى دة راى شخصى بس لا بد من محاولات سلام للجميع
bodi89
17-01-2006, 01:46 AM
1- عدد 2 فلتر باور
2- لون المياه عادى مفهوش حاجه
3- بغسل الحوض كله على بعضه بالجرش بالفلتر بكله مره كل اسبوعين
4- عندى بتاع 6 فانتيل بس واحده بس كبيره و الباقى صغيرين و الخطوط الحمره على ذيل الفانتيل الكبيره بس اما الباقيين كلهم طبيعين
wardaya128
23-01-2006, 03:00 AM
طيب دلوقتي لاحت حاجه غريبه جدا..!!....
الخطوط الحمره اختفت...!!
والبقع الحمراء قاربت...على الاختفاء...!!
مع اني كنت يائسه تماما من حاجه زي دي...!!

المهم دلوقتي لاقيت مكان بقعه حمرا...اختفت..بس لاقيت قشره من قشر الشمكه..بتبرز...!!...شويه وباقيت بارزه اوي...وشويه وحاسه اكن السمك بقت مخرومه وقشره كبيره من قشرها طلعت..!!..انا مش عارفه ايه ده؟؟
وشكلها مقزز..
هل ده مثلا استسقاء؟
انا خايفه اوي..

جزاكم الله خيرا