بفكر اشتري تلسكوب من زمان ,,, بس عاوز مساعدتكم

[:: العجيب ::]

السلام عليكم ورحمة الله

اخواني انا من زمان كنت بحلم اني امتلك تلسكوب لكن المشكلة اني منعنديش اي خبرة في المجال ده وعاوز مساعدتكم

ايه افضل نوع يكون ممتاز للمبتدئين

ولو في واحد يكون للمستوى المتوسط بس ما يكنش معقد وقطع غياره صعبه المنال

وعاوز اعرف ايه ابسبط الانواع وايه الانواع اللي ممكن اشوف بيها القمر او الكواكب

وعاوز اعرف فين المكان المناسب اللي احطه فيه عشان اراقب السما يعني في البلكونة ولا في السطح

ولا فين بازبط

وياريت اي حد عنده معلومة ما يبخلش عليا

سلام

[:: العجيب ::]

محدش عنده خبره في المجال ده ولا ايه ؟؟ :S:S

فين رواد القسم ده ؟

[el rayk]

لازم تعرف الاول انواع التلسكوبات وتحدد الهدف من التلسكوب إل انت عاوزه عشان متشتريش تلسكوب وتعقد عليه آمال كبيرة وفي الآخ يخيب املك فيه "زي ما حصل معايا":whistle:

وانصحك بعد ماتعمل إل فوق وتحدد هدفك من التلسكوب تدخل على موقع شركة صناعة التلسكوبات إل في طنطا وتشوف التلسكوب إل عجبك وإل هيحققلك هدفك وبعدن تتصل بالشركة إل في طنطا وتقولهم عليه وتسألهم عليه وكده والسعر وما إلى ذلك وتتفقوا
دي نصيحتي قبل ما تتسرع وتعقد آمال كبيرة:thumbdown:


وأخيرا وبعد ماتشتري التلسكوب عاوز تشوف بيه صح فعلا تروح الصحرا بعيد عن اضواء المدينة إل بتخليك تشوف ال2مليار نجمة في السما كأنها عشر نجوم لا غير:31:
وهقولك على نوع انصحك بيه للمبتدئين وهو vr60-700 وده تلسكوب كاسر

وده كتاب حلو وهيفيدك جدااااااااااااااااااااا يكفي بس إنك تقرأه وتتعرف على التلسكوبات وتحدد إل انت عاوزه ومتخفشالكتاب مش ممل يعني في صور للتلسكوبات والحاجات دي

حمله من هنا (http://www.4shared.com/file/57508632/886a459e/el_rayk.html)
والكتاب هيقولك حسنات وسيئات كل نوع ونصائح للتركيب والفلك ويعرفك على كل نوع يعني من الآخر كتاب مفيد جدا

اتمنى إنك تسمع نصيحتي ومتتسرعش عشان تفرحبالتلسكوب وتستمتع بيه:2:
وإن كنت مش هتقدر تروح الصحرا يبقى السطح احسن من البلكونة:glasses:

[:: العجيب ::]

انا عمري ما تسرعت في شراء اي حاجة خصوصا اني في الكويت دلوقتي

ولو ح اشتري ح اشتري في نص السنة على شهر 2 يعني ح اقعد مدة ادور واسال وان شاء الله اجيب حاجة ممتازة

وتسلم على انصيحة والكتاب الرائع حملته وبقراه دلوقتي


شكرا جزيلا

[kebomix]

ياريت يا باشا ترفع الكتاب تانى