صدق أولا تصدق .. طن الخشب أثقل وزنا من طن الحديد , و بالإثبات العلمي

[mkozae88]

يا إخواني لا تعجبوا!!

الموضوع علمي تماما و فعلا وزن طن الخشب أكثر من وزن طن الحديد و إليكم التفسير....

هل تسمعون عن قاعدة أرشميدس؟!

(( قوة الدفع المؤثره علي جسم مغمور في مائع تساوي وزن السائل المزاح ))

و المائع ليست مقصوره علي السوائل , بل تشمل أيضا الغازات , فكل جسم موجود في الهواء يفقد من وزنه مقدارا يساوي وزن الهواء الذي يزيحه بالضبط كما لو كان في الماء!!( أنظر الصوره )

http://up.dvd4arab.com/up/others/Archimides.JPG

فبالطبع , طن الخشب و طن الحديد يفقدان جزءا من وزنهما في الهواء , كل منهم يفقد جزء من وزنه يساوي مقدار الهواء الذي يزيحه (بعني أدق مقدار الهواء الذي يشغل نفس حجمه )

و لكي نحسب و زنيهما الحقيقيينيجب إضافة المقدار الفاقد من الوزن بسبب دفع الهواء لهما , لنجد أن :

الوزن الحقيقي للخشب = طن + وزن الهواء الذي يزيحه.

الوزن الحقيقي للحديد = طن + وزن الهواء الذي يزيحه.

و لكن طن الخشب يشغل حيزا أكبرمن الذي يشغله طن الحديد ب 15 مره.

و لذلك فإن الوزن الحقيقي لطن الخشب ( لو تم وزنه في الفراغ أي بدون هواء) أكبر من الوزن الحقيقي للحديد (لو وزن في الفراغ ) .

و إذا أردنا التعبير الدقيق وجب علينا القول بأن الوزن الحقيقي للخشب الذي يزن طنا في الهواء , اكبر من الوزن الحقيقي للحديد الذي يزن طنا واحدا في الهواء أيضا!!

و بما أن طن الحديد يشغل حجما قدره 1\8 متر مكعب , بينما يشغل طن ال الخشب حوالي 2 متر مكعب ,
ولذلك نجد أن الفرق بين وزني الهواء المزاح في الحالتين يساوي 2.5 كجم تقريبا ,,

و هكذا يكون الوزن الحقيقي لطن الخشب أكبر من لوزن الحقيقي لطن الحديد بمقدار 2.5 كجم!!!

حد فاهم حاجه؟! :D

[Mohammed Lotfy]

تصدق يا باشا أن الكلام ده مظبوط فعلا من الناحية العلمية و لكن لا أعرف بالنسبة للعاملية...
و لكن ألف شكر لتنبيهى بهذا الموضوع الهام
ألف شكر

[ninja911]

شكراً على الموضوع ياباشا

[elsawy1985]

فعلاً ..

أنا فاكر حاجة كدة من أيام الفيزيا الله يرحمها

[ابوها]

ده فى الفراغ

[ahmed_mahmoud]

thankkkkkkkkkkkkkkkkkkkkkkkkkkkkkkkks

[mkozae88]

ده فى الفراغ
نعم , وزنهم في الهواء واحد , ولكنه مختلف في الفراغ

[الدرع الذهبى]

شكراا يا باشا على المعلومه


طب ومش مثلا لو ضغطنا طن الخشب لغايه ما يبقى فى حجم طن الحديد مش كده هايبقى الاتنين زى بعض فى الوزن الحقيقى

لانه الموضوع يتمثل فى ان الخشب اقل كثافه من الحديد علشان كده بيبقى حجمه اكبر

[رقيقه]

فعلا معلومه مفيده علميا
شكرا ليك

[.:GOGO:.]

أول حاجه أنا بشكرك علي الموضوع ده :

بس أنت إعتمدت علي الشكل الهندسي للماده ...

يعني إحنا ممكن نشكل الحديد ألـ وزنه 2طن
نخليه 2طن برضه بس في خروم كبيره و شكله مبعجر ... و بكده هيشغل حيز أكبر في الفراغ

و يبقي وزنه أكبر .....
و بعدين لما نيجي نقيس وزن أي مادتين .... لازم يكونوا الإتنين في نفس الوسط
أنت عملت الخشب في الفراغ و الحديد في الهواء .... و هذا غير مقبول في علم الفيزيا

وفي حاجه كمان آخر سطر أنت كتبنه ...
الحاله ده لو كان وزن طن الحديد = وزن طن الخشب في الهواء
حتي لو كانو بيساوا بعض في حاله الهواء وده إستحاله

تفتكر إن الفرق بين وزن طن الحديد و وزن طن الخشب 2.5 كجم !!!!!!!

يبعني ألـ 2.5 كجم عمرهم ما هيغطوا الفرق بين طن الحديد و طن الخشب في الفراغ

مره تانيه شكراا علي الموضوع يا أخ mkozae88 ...

[mkozae88]

أول حاجه أنا بشكرك علي الموضوع ده :

بس أنت إعتمدت علي الشكل الهندسي للماده ...

يعني إحنا ممكن نشكل الحديد ألـ وزنه 2طن
نخليه 2طن برضه بس في خروم كبيره و شكله مبعجر ... و بكده هيشغل حيز أكبر في الفراغ

و يبقي وزنه أكبر .....
و بعدين لما نيجي نقيس وزن أي مادتين .... لازم يكونوا الإتنين في نفس الوسط
أنت عملت الخشب في الفراغ و الحديد في الهواء .... و هذا غير مقبول في علم الفيزيا

وفي حاجه كمان آخر سطر أنت كتبنه ...
الحاله ده لو كان وزن طن الحديد = وزن طن الخشب في الهواء
حتي لو كانو بيساوا بعض في حاله الهواء وده إستحاله

تفتكر إن الفرق بين وزن طن الحديد و وزن طن الخشب 2.5 كجم !!!!!!!

يبعني ألـ 2.5 كجم عمرهم ما هيغطوا الفرق بين طن الحديد و طن الخشب في الفراغ

مره تانيه شكراا علي الموضوع يا أخ mkozae88 ...

أنا قلت : وزنهم في الهواء واحد

وزنهم في الفراغ مختلف ,

و إحنا لو جعلنا ثقوبا في الحديد , فإنه سيزيح نفس القدر من الهواء!! , لأن هذه الثقوب سيملأها الهواء , وبالتالي فإن الهواء المزاح هو هو...

و لكان قصدك إنه يكون مجوف , فإن وزن الهواء في التجويفات سيضاف للوزن الكلي...

و هذه ليست نظريتي و إنما قرأته في أحد الكتب ثم قمت بصياغنها ...

و شكرا لمرورك...

[.:GOGO:.]

العفو يا باشا ..... أصل أنا بحب أتناقش في الحاجات ده لا وعلي فكره أنت عندك حق في حكايه الخروم ده ... أنا كنت غلطان :shiny000:

بس برضه مصمم إن وزن طن الحديد أتقل من طن الخشب حتي في الفراغ :icon1366:

و شكرااا بجد علي المواضيع الجميله ده ألـ زي صحابها ....

[-=kimo=-]

(( قوة الدفع المؤثره علي جسم مغمور في مائع تساوي وزن السائل المزاح ))

تعديل
حجم الجسم المغمور في مائع تساوي حجم السائل المزاح

لكن الوزن ملوش دعوه
الوزن عباره عن الكتله مضروبه في عجله الجاذبيه الارضيه

وعجله الجاذبيه الارضيه ثابته لنفس المكان
يبقى اللعب في الكتله

والكتله وحداتها الكيلو جرام
والطن = 1000 كيلو جرام

متقوليش بقا 1000 كيلو خشب اكتر من 1000 كيلو حديد
طيب اكتر بكام كيلو ؟؟

على فكره انا مفهمتش حاجه من كلامك هههههههههههههه

[Ma7moudBadr]

فعلا انت فعلا رجعتنا لايام ثانوي بس عندك حق
كلام منطقي وسليم

وانا كنت فاكر انها خدعة بس طلعت اثباتات

اشكرك جدا جدا

[AMOOOR_EL_KING]

سبحان الله مع انى مش فاهم حاجه

[lion_drak]

مشكور على المعلومه المفيده ..

[nan_eg]

شكرا علي المعلومة

[gdi2000]

سبحان الله

[hassanabu2000]

كلامك مظبوط طبعا و منطقي و واضح
الخلط اللي حاصل عند اغلب الناس سببه انهم دايما متلخبطين بين الوزن(وحدته نيوتن) و الكتلة(وحدتها كيلو جرام)

[-=kimo=-]

كلامك مظبوط طبعا و منطقي و واضح
الخلط اللي حاصل عند اغلب الناس سببه انهم دايما متلخبطين بين الوزن(وحدته نيوتن) و الكتلة(وحدتها كيلو جرام)
طيب فهمني كلامه مضبوط ازاي

عاوز معادلات
اللي انا اعرفه ان الوزن يساوي الكتله في العجله

ايه علاقه الهوا والفراغ اللي هو بيقول عليهم

عامه الوزن على كوكب الارض يساوي عجله الجاذبيه الارضيه مضروبا في الكتله
والكتله بالكيلو جارم لا خلاف عليها
اذن المتغير هو العجله
يا ريت تفسير واضح وعلمي

[TheXman]

انا مليش دعوة بالحاجات دي يا عم
نيوتن ايه ومنقريوس ايه
انا مليش دعوة

[saYcoStuDiOz]

مشكور على المعلومة يا باشا وتفضل على طوول منورنا :d

[amr_emad85]

بص يا باشا انا هقول حاجة ممكن تكون صح وممكن تكون غلط

انتا بتقول ان الهواء هوة المشكلة

اللي انتا بتقولو ده لو في حالة ان الهواء ده ليه مقاومة هلى الخشب اصلا او الحديد

واللي انا اعرفو ان المقاومة بتاعت الهواء دي بتبقى موجودة في حالة ان الجسم ده بيتحرك لانها بتتناسب طرديا مع مربع السرعة

وبكدة يبقى الهواء اساسا ملوش دعوة بالموضوع خالص وبعدين القانون بيقولك انو وزن المائع المزاح من الاناء مش من كل حتة

[محمود خالد رشدى]

على فكرة فى قانون خدناة فى المعهد ممكن يفيدكم
اى فعل لة رد فعل مساوى لة فى المقدار والقوة
انا مش فاهم حاجة ياريت حد يفهمنى
وشكرا على المعلومات الغريبة دى

[mashakel]

موضوع جميل جدااا و تستاهل عليه التحية اخي العزيز

و اضاف الى معلوماتي الكثير

مشكوور و بالتوفيق دائما

[i_spy_1985_eg]

شكرا على المعلومه

[Ta-mir]

ايوه على مواضيعك يا عم mkozae88

إنت بتجيب حاجات غريبة و أسرار حلوة أوي

ألف شكر ليك يا باشا على مواضيعك اللي أنا لسه

مكتشفها بالصدفة من توقيعك

مية مية

[kim0o0]

هو الف شكر ع المجهود وكل حاجة
بس انت كده بتحاولل تثبت زي اللي قال ان
1+1 ممكن يساوي 3
وده استحالة حتى لو امكن بالتحايل الرياضي

لما اسألك سؤال""كيلو حديد وكيلو قطن...رمناهم من مسافة واحدة مثلا 10 ادوار
ميييين فيهم يوصل للأرض الاول.....ممكن الواحد ذهنه يسرح في حاجة زي كده
لكن الحقيقة انهم بيوصلو مع بعض

بالنسبة لموضوعك بقى ده طن وده طن
وزن ده عمره مهيختلف عن وزن ده

مقاومة الهواء كوسط لأي جسم ثابت تكون مهملة

انا بحترم وجهة نظرك ومجهودك
لكن الكلام غير مقنع نهائيا

[shuma]

thxxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxxxxxxxx

[mkozae88]

هو الف شكر ع المجهود وكل حاجة
بس انت كده بتحاولل تثبت زي اللي قال ان
1+1 ممكن يساوي 3
وده استحالة حتى لو امكن بالتحايل الرياضي

لما اسألك سؤال""كيلو حديد وكيلو قطن...رمناهم من مسافة واحدة مثلا 10 ادوار
ميييين فيهم يوصل للأرض الاول.....ممكن الواحد ذهنه يسرح في حاجة زي كده
لكن الحقيقة انهم بيوصلو مع بعض

بالنسبة لموضوعك بقى ده طن وده طن
وزن ده عمره مهيختلف عن وزن ده

مقاومة الهواء كوسط لأي جسم ثابت تكون مهملة

انا بحترم وجهة نظرك ومجهودك
لكن الكلام غير مقنع نهائيا

يا أخي العزيز الموضوع ليس موضوع تحايل علمي , وكذلك ليس وجهة نظري , والكلام من الناحيه العلميه صحيح 100%....

الموضوع كله قائم علي أنك تقوم بوزن الحديد والخشب و نحن في الهواء لكن إذا وزنتهم في وسط مفرغ من الهواء فستجد أن وزنهم يختلف...

موضوع كيلو الحديد و كيلو القطن :يوصلوا للإرض في نفس الوقت إذا أهملنا مقاومة الهواء...

[avsf]

eh 3elaket el nazareya bel mo3adleten el enta katebhom weba3den ma7adesh ye3eraf yesbet en 1+1=3
ye law 3ereft ektebha wana hatla3lak el3'alta fen

[mkozae88]

أولا ما حدش يقول إن الموضوع تحايل علمي ! , لو أنت فاهم نظرية أرشميدس كويس هتفهم إزاي طن الخشب أثقل !

[medo30886]

ممكـــــــــــــــــــــن!

[مزجنجى]

على كده وزن الورق اتقل منهم هما الاتنين

[(The Whale)]

مشكور يا غالى على المعلومات المفيدة دى بس ليا سؤال بسيط او مش سؤال هوا تعجب لو جينا نقارن بين اى حاجة فى الدنيا وأخرى بين الوزن فى الفراغ اكيد هايطلع فى اختلافات وعجائب كثيرة والله اعلم

[moodyelgamal]

السلام عليكم و رحمة الله و بركاته

أعتقد أن كلامك صحيح أخى العزيز ... فالموضوع يعتمد أولا و أخيرا على مقاومة الهواء للجسم الموزون و هى عادة ما تكون مهملة

فإذا نظرنا إلى مثالك السابق نجد أن حجم الهواء المزاح فى حالة طن الخشب هو 2 متر مكعب .. و فى حالة الحديد 0.125 متر مكعب

إذا ضربنا حجم الهواء فى الكثافة المتوسطة للهواء ( حوالى 1.2 كجم / م.مكعب ) نجد أن الكتلة المزاحة فى الحالتين هى ( 2.4 كجم و 0.15 كجم على الترتيب )

و بالتالى إذا لم نهمل مقاومة الهواء تكون كتلة الخشب هى 1002.4 كجم و كتلة الحديد 1000.15

و الفارق يمكن إهماله كما هو واضح

شكرا أخى العزيز على الموضوع الجميل

[Dr_silver2003]

يا جدعان ده الواحد ما صدق يخلص من الثانوية العامة عشان الفيزيا تفكروه بيها تاني وشكرا على الموضوع على المناقشة المثمرة

[ahmedalsid20]

ات نسيت حاجة مهمة جداً

الكثافة الفيزيقية

طيب و ايه رأئيك فى طن الريش

طيب مهو انا لو اسقطته على دماغك مش حتحس بحاجة

لأن الكثافة متباعدة

لكن لو وزنته حتلاقيه طن برضه

طيب و أيه رأيك بقى لو حبيت اطبق الكلام الى انا قلته ده على طن الحديد ( على دماغك )

حتقول يا رحمن يا رحيم

المسئلة مش مسئلة اوزان

المسئلة فى الخدعة الفيزيقية

سبحان الله

[walied]

ويا تري في الفراغ بس ولا في انعدام الجازبيه كمان.

[i_saad2002]

shokran :)

[ENG/AhmedSabry]

يا اخى العزيز ..
اولا هذا المضووع رائع جدا جدا جدا
وجميل للغاية .
لكن انه كما تعلم انه يوجد بعض الاعضاء الذين يحاولون ان يثبتو عكس هذا الاثبات العلمى ..
لذلك ارجو منك بعد ذلك ان تضع مصدر ذات صلة بالموضوع حتى لا يتهكمو علي الموضوع ..
واخيرا ..
شكرا لك

[Cairo]

هل تسمعون عن قاعدة أرشميدس؟!

(( قوة الدفع المؤثره علي جسم مغمور في مائع تساوي وزن السائل المزاح ))

و المائع ليست مقصوره علي السوائل , بل تشمل أيضا الغازات , فكل جسم موجود في الهواء يفقد من وزنه مقدارا يساوي وزن الهواء الذي يزيحه بالضبط كما لو كان في الماء!!

الحقيقه كلام كيمو مظبوط تمام وكمان حاجه تانيه ان ارشميدس لم يحسبها علي الهواء ولكن حسبها علي الماء او الموائع الهيدروليك ( الغير قابله للانضغاط لانه مش هاينفع تقارن احجام هواء مع بعض بسهوله لان الهواء قابل للانضغاط وبيتغير في الكثافه والحجم مع تغير درجات الحراره والضغط !!!

حجم الجسم المغمور في مائع تساوي حجم السائل المزاح

لكن الوزن ملوش دعوه
الوزن عباره عن الكتله مضروبه في عجله الجاذبيه الارضيه

لا الوزن عباره عن الحجم في الكثافه في عجلة الجاذبيه

أعتقد أن كلامك صحيح أخى العزيز ... فالموضوع يعتمد أولا و أخيرا على مقاومة الهواء للجسم الموزون و هى عادة ما تكون مهمل

هي المقاومه لا علاقة لها بالامر من قريب او بعيد لان مقاومة الهواء علي الاحسام الثابته لا نستطيع ان نقول معدومه ولكن تهمل وتحسب بالصفر
ولكن العمليه فعلا محتاجه بحث شويه للتاكد من العمليه

لكن ياباشا اعتقد ان الاكتشاف اللي انت وصلتله انه الخشب بيشغل حجم اكبر من الحديد في الهواء لان موضوع الوزن ده موضوع كبير شويه لانك ماحطيتش في الاعتبار فعلا الكثافه الفيزيقيه

ات نسيت حاجة مهمة جداً

الكثافة الفيزيقية

طيب و ايه رأئيك فى طن الريش

طيب مهو انا لو اسقطته على دماغك مش حتحس بحاجة

لأن الكثافة متباعدة

لكن لو وزنته حتلاقيه طن برضه

طيب و أيه رأيك بقى لو حبيت اطبق الكلام الى انا قلته ده على طن الحديد ( على دماغك )

حتقول يا رحمن يا رحيم

المسئلة مش مسئلة اوزان

المسئلة فى الخدعة الفيزيقية

سبحان الله
علي كل الف شكر علي الموضوع الجميل والمناقشه الممتعه

[mohamedabduon]

على راى جحا اللى فاهم يفهم اللى مش فاهم هههههههههههههههههههه

[love_for_all]

شكرا أخى على الموضوع لكن فية شوية حاجات أولا قوانين الفراغ مختلفة تماما فى قونين الفراغ الهواء له وزن لكن فى القوانين العادية الهواء ملوش وزن فرق كبيييييييييييييييييييييييييييير

[Mr_Dx]

أشكـــــــرك

[islamkhair75]

انا مش فاهم حاجة و لكن على العموم شكرا على المعلومة

[hamedsallam]

شكراااااااااااا جداااااااااااااا على المعلومه

[جمالي الخلاب]

شكرا على الموضوع

يعطيك العافية

[romanza]

اه يعني ممكن تقول فهمت
بس أنا قبل ماأقرأ الموضوع قلت يمكن من الرطوبة؟؟
كلامي غير علمي بالمرة ههههه ما علينا
شكرا على المعلومة المفيدة دي.

[acamedo]

الكلام اللي انت بتقول عليه ده يا باشا صحيح في الفراغ فقط
لكن في العادي وزنهم واحد
هذا والله أعلم

[تساهيل]

عفوا اخوتي ممكن ابين لكم معلومه بسيطه

الطن من القطن او الخشب هو نفس وزن الطن من الحديد - لانه وزن والوزن في حالتك ثابت الا وهو الطن .

ممكن تقول ان طن الخشب اكبر حجم من طن الحديد , ولكن طن اثقل من طن هذي ما تدخل العقل البشري لو فكر فيها مزبوط .

ممكن تقول لتر الزئبق اثقل من لتر الماء , لكن مش ممكن تقول كيلو الزئبق اثقل من كيلو الماء لانه في النايه وزن ثابت - كيلو - .

اتمنى اني وصلت المعلومه بشكل جيد ووضحت ملابسات القصه.

ودائما تقاس اوزان الماده في الفراغ حتى نتخلص من مشكله الضغط الجوي بحذافيره .

[حنين2002]

والله ماني فاهم حاجة بس انا اعترض على (قاعدة أرشميدس*اهي قاعدة ارخميدس يابو الشباب) المهم

مشكور على دي المعلومات

[Biggerboy]

جزاك الله كل خير

[titoegy]

الكلام ده مظبوط فعلا واخدناه في الفيزياء في الثانوية العامه مشكوووووووور يا باشا

[challengeloay]

فعلا .... أنا الآن أدرس قاعدة أرشميدس في ثالثة ثانوي -أنتم السابقون ونحن اللاحقون- في الفيزياء والكلام ده
فعلا صحيح من الناحية النظرية :)
لكن من الناحية العملية.....الله أعلم

[tatotow]

مشكوووووووووووووووووووووووووور

[chem_mohamed777]

ألف شكر يا جميل

[lovely_moon_198]

شكرا يا باشا على المعلومة الجميلة دى
طيب إدا وزنا طن خشب و طن حديد فى الفراغ و بعدين وزناهم فى الهواء هنلاقى إن وزن الخشب قل بمقدار = كثافة الهاء *حجم الخشب*عجلة الجاذبية الأرضية و الحديد برضه وزنه هيقل بنفس الكيفية

[thegrayfox]

tab ma tab3an
enta 3aiez tesaawy tenn 7adeed b tenn 5ashab!!!!!danta 3'areeb 2awy ya a5y

[jamica.7]

الف شكر يا باشا علي الموضوع الجميل ده بجدو علي اساس كلامك ممكن بقي نجيب قطعه فيل حجمها اكبر من حجم قطعه الخشب اللي انت بتقول عليها و يشغل مساحه اكبر منها و بالتالي هاتكون اتقل من الخشب فاماظنش يعني ان الفيل هايكون اتقل من الخشب و الف شكر يا باشا علي موضوعك الجميل

[jamica.7]

عفوا اخوتي ممكن ابين لكم معلومه بسيطه

الطن من القطن او الخشب هو نفس وزن الطن من الحديد - لانه وزن والوزن في حالتك ثابت الا وهو الطن .

ممكن تقول ان طن الخشب اكبر حجم من طن الحديد , ولكن طن اثقل من طن هذي ما تدخل العقل البشري لو فكر فيها مزبوط .

ممكن تقول لتر الزئبق اثقل من لتر الماء , لكن مش ممكن تقول كيلو الزئبق اثقل من كيلو الماء لانه في النايه وزن ثابت - كيلو - .

اتمنى اني وصلت المعلومه بشكل جيد ووضحت ملابسات القصه.

ودائما تقاس اوزان الماده في الفراغ حتى نتخلص من مشكله الضغط الجوي بحذافيره .


تسلم يا باشا ... انت فعلا جبتها في محلها ....... انت جبتها من الاخر و تسلم دماغك يا كبير :icon30:
و الف شكر يا باشا علي الموضوع

[M e M o]

شكرا علي المعلومه مع اني مش فاهمها

[el fares]

انا فاهم
والمعلومه جميله ومفيده
شكرااااااااااااااااااااااااااا

[blue2]

وانتا عامل ايه دلوقت

[محمود مشالى]

مشكور يا خى

[mheshow2008]

شكرا على المعلومات ولكن رايى من رائى كيمو

[thecobra]

بأن الوزن الحقيقي للخشب الذي يزن طنا في الهواء , اكبر من الوزن الحقيقي للحديد الذي يزن طنا واحدا في الهواء أيضا
هو ده الملخص المفيد
بس باماناة معلومة جامدة والف شكر يا باشا

[thegrayfox]

thanx alot

[confused2]

دى فيزيا مش كده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا حول ولا قوه الا بالله
عموما هوا خير ان شاء الله

[medoooo]

الاخ تساهيل جابها من الاخر فعلا ماينفعش طن مايساويش طن علشان دول نفس وحده القياس والموضوع كله ان فرق الحجم بين طن الحديد وطن الخشب اتعوض بفرق الكثافه بين الحديد والخشب لكن الطن هو الطن مافيش فرق احنا غيرنا في متغير واحد حاجه تقل يبقي حاجه تزيد مع ثبات الكميه الي هي الوزن حتي لو في الفراغ او في الهواء

[HOSAM181]

thankssssssssssssssssssssssssss

[kh_3afroto]

طبعا انت تشكر انك فكرت في حاجة زي دي ده نوعا ما ابداع بس الاساس اللي انت قايم عليه غلط وهو ان قانون ارشميدس هو ( قوة الدفع المؤثره علي جسم مغمور في مائع تساوي وزن السائل المزاح ) السائل المزاح مش الغاز المزاح ماينفعش القانون يطبق الا علي سائل وطبعا لو طبقنا فكرتك علي السائل هاتلاقي حاجة طبيعيه ان حجم طن الخشب الكبير هايطفو هايدي نفس حجم السائل المزاح من الحديد اللي هايغوص فكر فيها بس كدة هاتلاقيها صح

[سارة كامل]

شكرا على الموضوع والمجهود بتاعك الرائع

ومزيد من التالق

[انوشاك]

يا جماعة اشك ان المعلومة صح لان كثافة الحديد اكبر من كثافة الخشب بمعنى ان الجزيئات الموجودة فى جرام واحد من الحديد اكتر من الجزيثات الموجودة فى جرام واحد من الخشب اذن الخشب هيعوضها بجزيئات هواء وهيتساوى الوزن وان كنت بتتكلم على الكتله وهى ما يشغله الجسم من فراغ فليست هى المعبرة عن الوزن لانك لو جبت كيلو حديد وكيلو ريش هيطلعوا اد بعض فى الوزن مع اختلاف الحيز الذى يشغله كل منهما

[msaber9146]

شكرا على المعلومه

[ramyhhh]

مشكور أخي على الفكرة بس أنا شايف أنو طن حديد ممكن يكون أتقل وممكن يكون خشب

الشي راجع لمساحة السطح لأنو كلما كبرت مساحة السطح زاد حجم العمود الهوائي فوق الجسم

[elnmsstar]

لا يا باشا فية حاجة غلط وهسالك مستر الفزيا بتاعى

بس انا متاكد فى حاجة غلط اصل دى فزيا مش هنخترع فيها دى روخرة

وانت ممكن يكون قصدك على قوة دفع المية للجسم المغمور فيها والجسم العائم

[عصام وبس]

يا راجل قول كلام غير ده

بس فعلا الكلام ده مظبوط

[3dxp]

أنت بتتكلم صح بس بلاش سيرة الحديد

أحسن الحج (( عز )) يزعل منك و أنت عارف زعل الحزب الوطنى شكلة اية


بس برضو ألف شكر على المعلومة الهايلة دى

[mrcapeg]

جــــــــــ("!")ــــــــــــــامــــــــــــ("!")ـ ـــــــــــــد

[jefoo]

فعلا غريبة انا اعرف ان عظام الانسان اثقل من الحديد

لكن الخشب اول مرة اسمع عنها

تشكر ياباشا على المعلومة

[mezo1983]

شكرااااااااااااااااااااً

[amr000000]

انا مش فاهم حاجة خالص

[3mech]

سيدى الفاضل لو انت بتقول أن طن الخشب أثقل من طن الحديد ده خطأ فيزيائى شنيع و لو كنت فى كلية هندسه زى حالاتى و كتبت كده فى أى أمتحان حتاخد الصفر المتين فى الأمتحان كله لأن الطن= 1000 كجم و 1000 كجم حديد =1000 كجم خشب
الوزن= الكتله فى عجلة الجاذبيه الأرضيه
الكتله=الكثافه فى الحجم
ففى حالة الخشب تكون كثافته أقل من الحديد و لكنه يشغل حيز أكبر أى حجمه الطن منه أكبر و فى حالة الحديد تكون كثافته أكبر و لكنه يشغل حيز أقل أى أن اللعب هنا فى الحجم و ليس الوزن و لو أنت كلامك صح قولى الطريقه الحسابيه الى جبت منها ال 2.5 كجم الزياده و قولى مين حيكون أثقل فى الفراغ
و شكرا

[SnH_Kicker]

ياباشا انت بتقول ان حجم الخشب في الفراغ بيساوي الطن من اي ماده فيهم بالاضافه لل الوزن وانت نسيت ان الوزن بيساوي الكتله *العجله*الكثافه ومعروف ان كثافه الحديد اكبر من كثافه الخشب يبقي استحاله بقي ان طن الخشب يبقي اتقل من طن الحديد حتي لو انت قولتلي ان حجم الخشب اكبر من حجم الحديد متنساش ان كثافه الحديد 12700وطن الخشب مايجيش حتي 1700 فتخيل الفرق

[DODE@]

ميرسى على الموضوع

[d0tn3t]

يا شباب الاجابة الصح اهه

من المعروف و من الواضح لدى الجميع أن الكتلة مغايرة تماماً للوزن (الثقل) فالكتلة تعبير عن كمية المادة و الثقل هو عبارة عن القوة الجاذبة التي تؤثر بها الأرض على هذه الكتلة وتساوي حاصل ضرب الكتلة بتسارع الجاذبية الأرضية (9.8 م/ث^2) ..:15:

لكن الجواب الصحيح هو أن طن من الخشب أثقل من طن الحديد و السبب في ذلك هو الضغط الجوي المطبق ، فالضغط الجوي المطبق على الخشب أعلى بحوالي عشرة مرات من الضغط المطبق على الحديد و السبب في ذلك يعود إلى أن كثافة الخشب و كتلته الحجمية أقل من الحديد بسبب اختلاف الحجم وبالتالي فإن الضغط الجوي المطبق على الخشب أعلى من الضغط الجوي المطبق على الحديد و بالتالي طن من الخشب أثقل من طن من الحديد بسبب أضافة وزن الهواء الذي فوق مساحة الخشب و هذا الوزن من الهواء يفوق وزن الهواء الذي فوق الحديد


هذا التفسير موجود في كتاب الفيزياء المسلية للعالم (ياكوف بريلمان)

[mohamed khatab]

شكراااا علي موضوعك بس فعلا انا مش متاكد من المعلومه دي ولكن انت اثبت ذلكك وشكرا مره تانيه

[زميل زمالك]

يلا مشكورررررررررررررررررررررررررررررررررررررررررررررر رررررررررررررررر

[حسام 1992]

ألف شكر يا عم على المعلومة