هل استخدام صاعق كهرباء للحماية قانونى فى مصر ؟ [الأرشيف] - موقع الدي في دي العربي

مشاهدة النسخة كاملة : هل استخدام صاعق كهرباء للحماية قانونى فى مصر ؟

hi_mostafa

14-10-2005, 04:41 PM

m_elmogy

25-10-2005, 03:26 PM

السلام عليكم ,

أود أن اسئل عن صاعق الكهرباء الذى يستخدم بطارية 9 قولت للعمل , و يمكن تصنيعه لألكترونيا بسهولة .

و سؤالى هنا , هل صناعته قانوني ؟ و هل أستنخدماه لغرض الحماية من الأعتداءات يعرض للمساءلة القانونية ؟

و هل يجب تسجيله كسلاح ؟

و سؤال أخير , هل يباع فى مصر ؟

شكرا جزيلا .

أولا حمل سلاح لأي غرض كان هو عمل غير قانوني على الرغم من أن تصنيعه لم يرد فيه نص في قانون العقوبات و لكن لا يجوز إستخدامه بأي حال من الأحوال في الحماية أو غيرها ..
ثانيا لا توجد جهة قائمة على ترخيص هذا النوع من الأسلحة
ثالثا لا أعرف إن كان يباع في مصر من عدمه
ولكن وجب التنبية أنه في حالة إستخدامك لهذا السلاح قد تتعرض للإتهام بإرتكاب جريمة الضرب ... وتختلف العقوبة فية بل ويختلف التوصيف أيضا طبقا للتقرير الطبي الخاص بالمجني علية إن كان أقل أو أكثر من 21 يوما .. فكن حذرا

misho5210

02-11-2005, 03:26 PM

رد جميل وكمان لو حد شافوا معاك ميش هيفهم اة دة اصلا فا متقلقش عادى طالما انت بتحمى نفسك وشكرا للاستاذ محمد

hi_mostafa

02-11-2005, 03:54 PM

شكرا على الرد ,

و طبعا الغرض هو الحماية لا أكثر .

misho5210

03-11-2005, 07:49 PM

احمى نفسك متخفش من حاجة

alfastar

03-11-2005, 10:12 PM

السلام علي اهل السلام
اما بعد
الاصل في الامور هي ان كل شيء محلل الا بنص يجرم هذا الشيء
ولكن في بلدنا الحبيب كل شيء جديد هو بطبيعته استيراد من الخارج
وبالتالي تنتفي عنا كلنا معرفتنا بهذا الشيء
لانك لو ماشي في الشارع وماسك في ايدك شنطه سودة و معدي علي كمين وكالعادة هاتخاف منهم بالتالي الظابط اللي واقف والبشوات الامناء هاتلاقيهم جايين جري عليك بسرعه وهاتتقفش هاتتقفش يعني هاتروح فين ......وهاتتفتش وهايمسكوا الشنطه اللي في ايدك ويفتحوها ........ وده مش حقهم .......وهايلاقوا فيها كالعاده بنص جنيه جبنه وبنص جنيه لانشون شيكي دودو وخمس ارغه .....اللي هو عشاك اوعشاء البيت يعني..........
المهم ده مش موضوعنا والكلام هايكون علي شيء انت بتقول عليه سلاح لكن هو في الاصل سلاح ام مجرد اداه تستخدم في العمل ...... نحاول نقربها السكين مثلا هل هو مجرد سلاح ام الاصل انه اداه للمطابخ وتسخدم كسلاح في ظروف معينه ؟
بالتالي الصاعق اللي بتقصده ليس سلاح بطبيعته وبالتالي حمله للعمل لا يشكل جريمه ؛ لكن حمله للاستخدام في جريمه بالتالي يكون مجرد احرازه او حيازته يشكل جريمه في حد ذاته ولو لم تتم تلك الجريمه
وطبعا المكان اللي يحتمل فيه الضبط عليه عامل كبير مثلا في الشارع ولا في البيت ولا في جهه العمل .......؟ بتفرق طبعا ............ في الاولي والتانيه بيكون اداه جريمه والتالته بتكون مجرد صاعق يستخدم للعمل يعني مافيش جريمه ..........
بالنسبه لموضوع ترخيصه
لسه لغايه دلوقتي مافيش جهه مختصه بترخيص هذا الصاعق لكن استخدامه عادي اذا لم يتم ضبطه كالعاده

بالنسبه للسؤال التاني وهو عمليه التصنيع .....براحتك يا سيدي .......صنع زي ما انت عايز ومصانع تحت السلم كتير ولا يهمك مافيش ترخيص مافيش رقابه وعلي راي المثل (اكل العيش يحب الخفيه ) وزمنا ده بتاع تفتيح المخ يعني لازم ندهبزه و ندهرزه علشان يحنكش و يبرعش و يبقي اخر طعطعه ........

اجابه السؤال التالت هي نفس السؤال التاني .....يعني هاتلاقي مصانع كتير بتبيعه من تحت السلم طبعا وربنا يخلي لنا العتبه واللي حواليها
وانا اتمني اني اكون رديت الرد اللي انت محتاجه

وانا كالعاده تحت امر الجميع

والسلام ختام

m_elmogy

06-11-2005, 11:19 AM

يعني من الآخر شيل ومايهمكش ولو إتمسكت الأستاذ misho5210 أو الأستاذ alfastar حيطلعوك ..

hi_mostafa

06-11-2005, 01:02 PM

شكرا للجميع لردودكم الجميلة,

و منكم نتسفيد ... شكرا

m_elmogy

14-11-2005, 04:44 PM

عفوا ياباشا ... ومتحرمناش من أسئلتك الجميله

alfastar

15-11-2005, 12:33 PM

يا ريت لو فيه جديد الكل يراسلني وانا تحت امركم جميعا

m_elmogy

15-11-2005, 01:15 PM

نشكرك على إهتمامك يا أ/alfastar ... طبعا محتاجين لك وأرجو أن تعرفنا بنفسك في موضوع :
تيجوا نتعرف
http://www.dvd4arab.com/forums/showthread.php?t=138086