من لديه معلومات عن هذه الظاهرة؟

[محمد الدرهلي]

السلام عليكم

هناك ظاهرة حدثت في القديم ولا ادري ان حدثت في عصورنا الحديثة ام لا.
هذه الظاهرة هي اصطفاف كوكاب المجموعة الشمسية على استقامة واحدة.
هل حدثت في عصورنا الحديثة؟؟ ومتى حدثت اخر مرة ومتى المرة القادمة؟؟
هل لها تأثير على الحياة في الكرة الارضية؟؟؟
ماذا تسمى هذه الظاهرة باللغة الانجليزية؟؟
من لديه معلومات دقيقة عنها؟؟؟

أرجو أن لا تبخلوا علي بها..

[hamada_fo2ad]

السلام عليكم

هناك ظاهرة حدثت في القديم ولا ادري ان حدثت في عصورنا الحديثة ام لا.
هذه الظاهرة هي اصطفاف كوكاب المجموعة الشمسية على استقامة واحدة.
هل حدثت في عصورنا الحديثة؟؟ ومتى حدثت اخر مرة ومتى المرة القادمة؟؟
هل لها تأثير على الحياة في الكرة الارضية؟؟؟
ماذا تسمى هذه الظاهرة باللغة الانجليزية؟؟
من لديه معلومات دقيقة عنها؟؟؟

أرجو أن لا تبخلوا علي بها..
السلام عليكم ورحمه الله وبركاته
اخى الفاضل فى الحقيقه اننى لم اكن اعلم عن هذه الظاهرة شيئا
واعتقدت فى بادئ الامر انها على علاقه بالخسوف والكسوف
ولكن عندما تصفحت بعض المواقع اكتشفت او ما استطعت فهمه انها على علاقه
بالابراج وتاثيرها على الانسان ولكنى لااعرف مدى مصداقيتها
وبعض المواقع مدعمه موضوعاتها بأيات قرأنيه ولا اعلم غير ما استطعت معرفته
من خلال تلك المواقع وما تم تفسيره على مسئوليه مفسروها.
تسمى هذه الظاهرة بأسم تأثير الكواكب السياره القريبه كما ذكرت على هذا الرابط
http://www.falak.ae/k11.htm (http://www.falak.ae/k11.htm)
وذكر الموقع انها:
وهناك تأثير أخير قد يكون قليلاً إلا أنه لا بد من أخذه بنظر الاعتبار وهو تاثير اصطفاف كواكب المجموعة الشمسية , فإن الكواكب التسعة تصطف ( أي تكون على خط مستقيم ) مع الشمس كل 176 عاماً .
وقد شاهدنا في الخامس من آيارمن عام 2000م اصطفاف خمس كواكب مع القمر والشمس وهم عطارد والزهرة والمريخ والمشتري وزحل وبالرغم من أن تأثيرها كان قليلاً جداً يكاد لا يذكر إلا أنها ظاهرة فلكية مثيرة تستحق الدراسة وقد سبق وأن حدث مثل هذا الاصطفاف عام 1962 أما بالنسبة لتأثير كل كوكب على الكائنات الحية فيكاد ولا يذكر .
وايضا هذا الرابط يدعم نفس الموضوع
http://www.alraqi.org/?p=139 (http://www.alraqi.org/?p=139)

هل حدثت في عصورنا الحديثة؟؟ ومتى حدثت اخر مرة ومتى المرة القادمة؟؟
سنة 1982
حدثت ظاهرة فلكية خاصة تتمثل في اصطفاف كواكب المجموعة الشمسية التسعة جميعها في جانب واحد من الشمس.
من خلال هذا الرابط:
http://forum.egypt.com/arforum/showthread.php?t=13410&page=10 (http://forum.egypt.com/arforum/showthread.php?t=13410&page=10)

وهناك اقوال اخرى كما ذكر فيما سبق
اى حدثت عام 1962 وحدثت ايضا عام 2000
وهذا هى روابط المواقع التى تتحدث عن هذه الظاهرة
http://www.falak.ae/k11.htm
http://www.alraqi.org/?p=139 (http://www.alraqi.org/?p=139)
http://forum.egypt.com/arforum/showthread.php?t=13410&page=10 (http://forum.egypt.com/arforum/showthread.php?t=13410&page=10)
*******************************
ملحوظه :هذه المعلومات لا اعرف مدى صحتها ومدى عدم صدقها ولكن تلك المعلومات مذكوره من خلال هذه المواقع والتى هى تحت مسئوليتها وارجو من من يستطيع التوصل الى معلومات اكثر حولها او عن حقيقه تأثيرها على الانسان ان يتفضل شاكرا وذلك للتوضيح ولنرى مدى صدق التفسير لها.

[hani1ha]

أنا قرأت أنه ب 2012 ستحدث هذه الظاهرة ويمكن تحصل كوارث .. والله أعلم !!

[mady505]

الظاهرة فعلا حقيقية و بتحصل كل 175 سنة

و بناء على الظاهرة دى تم ارسال المركبتين فويجر 1 و فويجر 2 بحيث انه يرسلو المركبتين للكوكب التالى للارض و بعد كده الكوكب يجذبهم ليه لحد ما يوصلوا و يصورة و يكملو هما بالقصور الذاتى لحد مايدخلو فى مجال جاذبية الكوكب التالى و هكذا




المصدر

حلقة للدكتور مصطفى محمود

[Nightwish ™]

انا اول مره اسمع عن الموضوع ده صراحه يعنى

بس مش فاهم لسه برضو يعنى الاخطار اللى ممكن تحصل دى زى ايه مثلا ؟؟

[ahmed dawod]

الظاهرة اسمها العلمى
Lining Up The Planets


احنا لو خدنا فى الاعتبار كواكب اورانوس و نبتون و بلوتو ( أيام ما كان كوكب ) فالعملية هتاخد وقت طويل جدا عشان عملية الاصططاف تتم لان التلات كواكب دول بياخدوا وقت طويل جدا عشان يدوروا حوالين الشمس
اما لو خدنا الكواكب لغاية الزهرة فالعملية هتتم فى فترة اقل
طيب هل الكواكب بتصطف فعلا ؟
عشان نعرف هنفترض ان الكواكب بتدور فى مسار دائرى مثالى و هنهمل الجاذبية بين الكواكب
طب يعنى ايه ان الكواكب تبقى على صف واحد ؟
تعالوا نبص على الصورة دى

http://www.quadibloc.com/science/images/pline.gif
فى الصورة عشان نعرف ابسط انواع الاصططاف هناخد الخط اللى خارج من الشمس للنقطة A مرورا بالمشترى
انما عشان نشوفهم احنا من على الارض كلهم فى نفس الصف يبقى فيه احتمالين تانيين اللى هما B و C
بالنسبة لكوكب عطارد فالمسافة بينه و بين الشمس تخليه بعيد عن حساباتنا لانه هيبقى موجود فى كل الاحتمالات
كوكب الزهرة ليه مكانين يتقاطع فيهم مع الخطين
الخط C بيمثل الاجسام اللى هتتشاف بالليل و الخط B بيتشاف قبل الغروب
فيه كواكب الدورات بتاعتها مش هتبقى متزامنة مع التوقيت المناسب لتشكيل الخط A و مع ذلك فيه 4 طرق لاصفاف الكواكب مش طريقة واحدة بس
و الطريقة الوحيدة لحل المشكلة دى ان احنا نبقى بابطأ كوكبين المشترى و زحل
زحل بياخد 30 سنة عشان يلف حول الشمس و المشترى بياخد 12
و بكده يبقى عشان يبقوا هما الاتنين على نفس الخط من الشمس يبقى هيعملوها كل 20 سنة تقريبا بحيث المشترى هيكون كمل لفة و يلحق بعطارد الابطأ منه
و لو عايزين الدقة هى بتحصل كل 7253.6281 يوم يعنى تقريبا زيادة بشوية عن 19 سنة و 10 شهور
و فى الوقت ده هيكونوا هما الاتنين مكانهم فى زاوية 242.7 درجة من مدارهم حوالين الشمس و خلى بالكم ان الرقم ده قريب من 240 درجة يعنى تلتين محيط الدائرة . و لو خدنا فى الاعتبار ان 5 سنين على المشترى بتساوى 3 سنين تقريبا على زحل يبقى 8 سنين على الزهرة بتساوى 5 سنين على الارض فده بيدى استحالة ان الاصطفاف يحصل و الكواكب تتزامن مع بعضها الا لو خدنا بالتقريب و ده زى ما قلنا هيحصل على فترات طويلة جدا
طيب عايزين بقى نحسب وقت لما المشترى و زحل يبقوا مع بعض على نفس الخط الكواكب التانية هتكون اتحركت اد ايه
الجدول ده بيبين
Mercury 164.3037 281.6 ( -78.4)
Venus 101.2589 218.5552 (-141.4448)
Earth 309.2363 66.5326
Mars 201.1495 318.4358 ( -41.5642)
Jupiter 242.7037
Saturn 242.7037

العمود الاول بيبين المسافة اللى الكواكب اتحركتها و التانى بيبين المسافة اللى الكواكب اتحركتها بالنسبة للمشترى و زحل
اذن بدءا من اى موضع مقارنة باخر كم عدد المرات اللى لازم المشترى و زحل يصطفوا فيها مع بعض على ما بقية الكواكب تحصلهم فى الاصطفاف
بعملية حسابية نقدر نستنتج الاتى
Mercury 4.5918
Venus 2.5452
Earth 5.4109
Mars 8.6613
يبقى لو قربنا الارقام دى الى 4.6 و 2.5 و 5.4 و 8 2/3 يبقى هنلاقى انهم لازم يكرروا الارتباطات دى بالنسبة للمشترى و زحل 23 و 5 27 و 26 مرة تقريبا و لما نضربهم فى بعض هيطلعلنا
80,730 و لما نضرب الرقم ده فى المدة الزمنية بتاعة اصطفاف المشترى و زحل اللى هى 7253.6281 يطلعلنا
1,603,279 سنة و 8 شهور
بس المدة الحقيقية هتبقى اكتر من كده بكتير لانها تتضمن اورانوس و نبتون و بلوتو
طيب ايه العلاقة بين مواضع الكواكب فى تاريخ معين و قبل التاريخ ده او بعده ب 4,809,839 ؟
عشان نعرف المدة الحقيقية لاصطفاف جميع الكواكب لازم نعمل عملية حسابية لكل كوكب على حدة
بعد 26 اصطفاف للمشترى و زحل هنلاقى الكواكب التانية اتحركت بمقدار
Mercury 121.6
Venus -77.5648
Earth -70.1524
Mars -0.6692
و بعد 3 مرات كمان عطارد هيبقى معاهم فى الصف اما المريخ فهيفضل مش منتظم بس بعد عدد كافى من المرات ال.669 درجة هيتضافوا و المريخ هيبقى معاهم بعد كده هنخلى هدفنا ان احنا نقرب اكتر بتكرار اصطفاف الكواكب لما نكرر ال26 اصطفاف بتوع المشترى و زحل 36 مرة هنلاقى زاوية الانحراف بتاعة المريخ بقت 24 درجة
و الفترة دى هتبقى 18,588 سنة و 9 شهور او 6,789,395.9 يوم بس حتى ال18,588 سنة اكتر بكتير من التاريخ المسجل اساسا لغاية دلوقتى
طيب احنا ممكن نعالج المشكلة بطريقة تانية ؟
ان احنا نعامل مواضع الكواكب بعشوائية و نشوف هما هيصطفوا كل اد ايه زى ما احنا عاوزين
هنبدا بابطأ الكواكب اللى معانا اللى هو زحل
بصوا على الشكل ده
http://www.quadibloc.com/science/images/pl3.gif
لما المشترى و زحل يبقوا فى نفس الصف من الشمس لازم نسال نفسنا الاسئلة دى ؟
- هل المريخ تقريبا هيبقى فى نفس الاتجاه ؟
- هل الارض هتبقى فى نفس الاتجاه و لا المعاكس ؟
لما نعرف مكان الارض هنقدر نحدد مكان عطارد و الزهرة
و بشوية حسابات نلاقى العملية بقت اوضح بحيث ان المريخ عشان يبقى مع المشترى و زحل فى نفس الاتجاه يلزمه 26 اصطفافة من المشترى و زحل او بمعنى ادق كل 516 سنة هيبقى عندنا فرصة ان الكواكب كلها تصطف
و بكده كل فترة المدة دى هتقل عشان التقريب اللى احنا عاملينه فى اصطفافة المشترى و زحل
و اول اصطفافة كانت فى 27 فبراير 1953 قبل الميلاد كانت كل الكواكب فى صف واحد بفرق 4.3 درجة و من ساعتها و ما فيش حاجة اكيدة ان فيه مشاهدات حصلت
و من المتوقع ان اصطفافة بميل 9.3 درجة تحصل فى 8 سبتمبر 2040

و اتمنى انى اكون وضحت الصورة و ما اكونش عقدتها عليكو زيادة بالحسابات دى اللى انا مش فاهم بعضها اصلا

http://www.quadibloc.com/science/cmeint.htm