هل لعبت FIFA 06 ؟؟؟ ادخل وقول انطباعك>>>>

[madinmad]

هل لعبت FIFA 06????


ايه انطباعك عنها



فى رأى انها جااااااامده



مستنى الردود :bye10000: :bye10000: :bye10000:

[saadlovenoha]

انا مش عجباني خالص مش عارف ليه مفكارني بفيفا 99

[mohamed1984]

انا برضه لعبتها ولقيت ان فيها امكانيات كبيرة جدا وبالذات في الكارير
لكن طريقه لعبها قريبه شويه من ويننج اليفن وده في حد ذاته سلاح ذو حدين
ممكن ينجح اللعبه وممكن يخليها لعبه فاشله
وراي انا انها هتعمل زي فيفا 2004 يعني النتورك بتاعها مش هيبقي حلو لكن الكارير بتاعها هوا اللي جامد

[ahmedprodi]

بس كويسه وسريعه

[ahmedprodi]

وفي رايي ان النت وورك اهم حاجه

[madinmad]

يا جماعه هو بصراحه الكارير اهم حاجه

[medo84]

انطباعي انها لعبة خنيق وتحركات اللعيبة مش طبيعية والتحكم في الكورة صعب مش طبيعي ابدا
وكمان الباصات نظامها وحش جدا
مافهاش غير رفعات وشوت من بعيد بس
مع احترامي لكل الآراء

[™MIDO]

بالنسبه ياجماعه للفيفا فهيا احسن من 2005 شويه انما طبعا مفيش مقارنه بينها وبين الديمو حتى بتاع pes5 بصراحه مهما عملت ea-sport مش حتقدر تنافس شركه كونامى فى الكوره بالذات...ده راى

[mnbvcxzaq]

انا ياجماعه من وجهة نظرى ان اللعبه كويسه مش وحشه والكارير بتاعهاجميل بصراحه شديد بس برضه التحكم فى اللعيبه غريب وانا حاسس ان الea هتعمل زى ماعملت مع 2004 و2005 يعنى الإتنين زى بعض مع شوية تحسينات ل2005 علاوه على ان حركة الاعب افضل فى 2005 واعتقد ان بإذن الله ال2007 لما تطلع هتبقى زيها مع شوية تحسنات طبعاً زائد ان التحكم فى الاعب هيكون افضل اما كمقارنه بين الفيفا والويننج لا اعتقد انه يوجد وجه للمقارنه لأن الويننج لعبه قويه وتجتذب من يلعبها من اول مره

[mon_2035]

انا رايي ان الفيفا افضل مئه مره من الوينننج و ده رايي من زمان بس انتوا بتعملوا مقارنه مغلوطه لان قدره تشغيل الالعاب علي ps2 مش زي الكمبيوتر فبتالي الويننج بتبان احسن بس الي لعب فيففا علي ps2 صدقوني هيلاقيها احسن ميت مره و انا ده عن تجربه

[magic123]

انا حمللت اللعبة كاملة بس بدي كراك Exe اللي عندو يللحقني الله يجزيكم الخير

[a7med_]

اللعبه كويسه بس ال ea في السنه الي بتنزل فيها world cup مبتكونش الفيفا كويسه عشان بيشيلو المفاجات لل world cup

[محمد ®]

انا كنت بحملها لكن للاسف اللينكات اللى بحمل منها قفلت
فيسعدنى ان اتابع الاراء فقط بدون مشاركه ههههههه
بس انا عاوز اسال سؤال مهم
هى فيها نت ورك؟ و ايه اخباره لو موجود فعلا ؟

[haythuma]

el3ba gamda mooooooooot we 2mknyat faze3a gedenn we el3bba 27san men 2y fifaa nazlet we 3awzen na3mlhaa dawreee hena online we kada ;)

[waddaa_mohamed]

أنا رأي أنها أحسن لعبة كرة تم أنتاجها حتى الأن
أما بخصوص النت وورك فهيه رائعة لأني جربتها ببرنامج هماتشي مع واحد صحبي ومبطأتش خالص مع أن ألي بلعبه سرعة النت عنده 256 بس
وكمان رأي عكس رأي medo84 تماما
لأن الباص فيها والبينيات تعتمد على مهارة اللاعب ألي قاعد على pc مش زي الحجات القديمة تدوس على الزرار والكورة تروح وخلاص
وتحركات اللعيبة والتحكم في الكورة طبيعيةو سهلة خالص

[محمد ®]

أما بخصوص النت وورك فهيه رائعة لأني جربتها ببرنامج هماتشي مع واحد صحبي ومبطأتش خالص مع أن ألي بلعبه سرعة النت عنده 256 بس


بجد كلامك جميل, لكن المشكله اننا لعبناها نت ورك لكنها بطيئه و احيانا تخنق, احنا عندنا سرعة 256 ايضا, لكن مش متأكد من موضوع الهماتشى ده حيكون اسرع من النت ورك ؟!!! :sadwalk0:

[waddaa_mohamed]

بجد كلامك جميل, لكن المشكله اننا لعبناها نت ورك لكنها بطيئه و احيانا تخنق, احنا عندنا سرعة 256 ايضا, لكن مش متأكد من موضوع الهماتشى ده حيكون اسرع من النت ورك ؟!!! :sadwalk0:

و الله أنا ما بكدب دي اللعبة كانت شغالة ولا كأنها شعالة على جهاز واحد

[محمد ®]

و الله أنا ما بكدب دي اللعبة كانت شغالة ولا كأنها شعالة على جهاز واحد

ليه بس يا اخى؟!! مين جاب سيرت كذب !!!

انا طبعا مصدق كلامك لكن كنت بستفسر او بتأكد لان ذى ما قلت لك اننا جربناها على النت ورك و كانت بطيئه بطريقه ملحوظه. فتعجبت انها سريعه على النت مثل ما تقول, لكن تعجبى هذا ليس تكذيب لمصدقية كلامك اطلاقا .

وعلى كل حال يا اخى انا ان شاء الله حجربها على الهامتشى و ربنا يسهل, و تكون مشكلتنا اتحلت بالطريقه دى :clap0000:
و لك الشكر على اهتمامك :bye10000: .

[waddaa_mohamed]

ليه بس يا اخى؟!! مين جاب سيرت كذب !!!

انا طبعا مصدق كلامك لكن كنت بستفسر او بتأكد لان ذى ما قلت لك اننا جربناها على النت ورك و كانت بطيئه بطريقه ملحوظه. فتعجبت انها سريعه على النت مثل ما تقول, لكن تعجبى هذا ليس تكذيب لمصدقية كلامك اطلاقا .

وعلى كل حال يا اخى انا ان شاء الله حجربها على الهامتشى و ربنا يسهل, و تكون مشكلتنا اتحلت بالطريقه دى :clap0000:
و لك الشكر على اهتمامك :bye10000: .

ممكن يكون النتورك ألي أنتو لعبتوا عليه هو ألي فيه المشكلة
دانا لحد دلوفتي لعبتها مرتين على النت و كانت شغالة ولا كأنها شعالة على جهاز واحد
ودي حاجة غريبة جداً أزاي يعني تبقى بطيئة في النتورك و أصلا هماتشي بيوهم الجهاز أنو عامل نتورك مع ألي بتلعبو يعني اللعب بهماتشي هوا في الأصل نتورك

[eyan200]

يـــــــا جدعـــــــــــان الفيفا جميلــــــــــة مقتبــــــسة من الفيفا 2005 و كورة البلاستيشن
وهى فى رأى أنهــــــــــــــــــا جميــــــــــــــــــــــــــــــــــــلة جـــــــــــــــــــــــــــــــــــــــــــــــــ ــــــــــــــدا

[waddaa_mohamed]

ممكن يكون النتورك ألي أنتو لعبتوا عليه هو ألي فيه المشكلة
دانا لحد دلوفتي لعبتها مرتين على النت و كانت شغالة ولا كأنها شعالة على جهاز واحد
ودي حاجة غريبة جداً أزاي يعني تبقى بطيئة في النتورك و أصلا هماتشي بيوهم الجهاز أنو عامل نتورك مع ألي بتلعبو يعني اللعب بهماتشي هوا في الأصل نتورك

ألي عاوز يجربها على برنامج هماتشي أنا مستعد
أسم الرووم:dvd4arab@fifa06
الباس وورد:123

[to_be_loved_1]

اللعبه جامده جداً صحييح فيها بعض العيوب زي الدفاع و المدافع لما بيأخذ من الكره لكنها على كلٍ جمده و عايزكوا تعرفوا حاجه ان مفيش لعبه كامله لان الكمالل لله وحده و شكراً

[محمد ®]

ألي عاوز يجربها على برنامج هماتشي أنا مستعد
أسم الرووم:dvd4arab@fifa06
الباس وورد:123

فكره رائعه جدا اخى :clap0000: , و لكم يشرفنى ان العب معك ان شاء الله, لكن انت عارف الوقت فى رمضان ضيق, فباذن الله فى اقرب وقت سنلتقى. و ان كنت موافق فسأبعت لك رساله على الخاصه عندما يتاح الوقت للاستعداد :bye10000: .

[moodyy25]

يا شباب انا نفسى اعبها اون لاين بس مش فاهم ايه حكاية الهماتشى ديه
ياريت حد يشرحلى ويفهمنى لو مفيهاش تعب يعنى
والف شكر

[moodyy25]

السلام عليكم
ازيكم يا شباب انا فهمت الهماتشى خلاص وعملت روم
الاسم moodyy25
كلمة السر 12345
ونفسى العب اون لاين مع حد وشكرا ومستنيكم

[ahmed_sherifi]

انا اساسا مالعبتش ويننج
بس مش مبسوط من فيفا 06

[hishamaw]

احب اقول قبل اى حاجه انى قريت ارأكم وعجبنى كتير منهم بس انا كمان لازم اقول رايى
انا من عشاق الفيفا وبلعبها من الفيفا 97 ومعداش عليه اى نسخه حتى الورلد كب واليورو , ومقارنتا بيهم ففيفا 06 استاذه وجامده موت, بس تيجى تقارنها بالويننج حتلاقى انك بتظلمها وانا مش هنا علشان اعمل مقارنه بس فى عيوب هنا وعيوب هناك, وعلشان احنا بنتكلم عن الفيفا06 فانا حتكلم عليها, التحكم بتاع العيبه رخم ولما بتلب بمهاجمين ادام بيبأه واحد معاه الكوره التانى بيجرى عليه مش بيجريله وكانه مدافع من الفريق الخصم, وبعدين مشكله الكريسمه اللى هو البار الاول فى الكارير موود انه صعب انك تزوده علشان تفرح لعيب حتنزله يلعب لو لعب وحش مش حيعلا المورال بتاعه ولو ابدع والمورال بتاعه زاد فاللاعب اللى انت خرجته مكانه حيزعل , وفى امكانبه تانبه انك تعلى الراتب بتاع اللاعب حتلاقيه اتبسط بس ده حيأدى الى خراب بيتك, الناس اللى بتلعب على السيمى برو مش حتقابلهم المشكله دى كله بيبان بعد كده وانا ان كنت طولت عليكم فأعذرونى بس فى الاخر لازم اقول ان الويننج برقبه الفيفه فى اللعب بس الفيفا برقبه الويننج فى تنظيم البطولات

[essawi]

الجرافكس زبالة مقارنة بpes5
لعبة مملة و غبية

[hishamaw]

بمناسبه الكلام عن الجرافيك فأنا لحد دلوقتى مش فاهم هما ليه مش عارفين يعملوا ودان بنى أدم مع انها مش بالصعوبه دى, اتفرج على صامويل اتو يتهيألك انك بتتفرج على اى.تى او كائن خرافى من المريخ, مش معقوله فى ظل التقدم فى الجرافيك ده ييبقوا مش عارفين يعملوا ودن

[adhamdakhs]

اسمعوا رأى واحد عجوز(46)انا طبعا مدمن كمبيوتر وماليش فى الالعاب خالص الا اول مشتريت كمبيوتر علشان من الالعاب اتعلمت الكتابة على الكى بورد اصل انا علمت نفسى الكمبيوتر بس لانى اهوى كرة القدم الحقيقية كنت العب الفيفا على فترات وكنت مش بستمتع لحد فيفا 2005 بدأت استمع وخصوصا بالدورى المصرى اما فيفا 2006 فحاجة تانية خالص لازم ياجماعة علشان تستمعوا بيها تعرفوا طريقة لعب الفريق اللى اخترتوة وتلعبوا زيها لان اللعبة مبترجمة زى الطريقة الحقيقية لكل فريق فيها يعنى لو فرقة فيها شويطة اغلب الاهداف تيجى من الشوط وهكذا الخلاصة ان سر الاستمتاع ب 2006 معرفة طريقة لعب كل فريق والشطارة فى كيفية تطبيقها واحراز الاهداف او الوصول للمرمى بفرص حقيقة

[mero00_2005]

thank you very match but from wher can i down load it?

[ahmed_sherifi]

انا اساسا مالعبتش ويننج
بس مش مبسوط من فيفا 06




آسف استعجلت في الحكم عليها

اللعبة شديييييييييدة

[nouragamy]

يا جدعان الللعبة جميلة و كل شييء بس اللى احنا متفقين عليه ان كلنا بنموت فى فيفا 2005 و كلنا بنلعبها نت ورك و عن طريق النت كمان و بيتهيألى احنا كان فى كام ملحوظة عليها بس مش اكتر اسمحولى دى وجهة نظرى الشخصية
انتوا عارفين طبعا و لازم نكون متفقين على حاجه معينه و هى انهم استحالة ينزلوا لعبة Perfect يعنى كامله و مثالية فيفا 2005 جميلة و فيها كل حاجه بس مش مثالية فيها ثغرات و دى حاجه طبيعية جدا عشان التسويق امال الناس دى هتاكل عيش ازاى لازم يبقى فيها حاجه ناقصه عشان تكمل ان شاء الله فى 2007 ولا ايه يعنى انا كان نفسى فى شوية تجسيم لفيفا 2005 و يبقى فيها هاندبول و يبقى فيها حكم و حكام راية بيتهيألى كانت هتبقى جامده جدا بس ده اكل عيش الناس بتاعة الفيفا و لاا يه ههههههههههه
ده رايى مه احترام كل الاراء
Nour Agamy

[amr_mohy2001]

فى كل سنة بتنزل فيفا اصدار جديد وبالنسبة لفيفا 2006 انا شايف ان الجرافيك مختلفش كتير عن 2005 باستثناء طريقة اعادة عرض الاهداف اما طريقة اللعب فاختلفت تماما 2006 عشان تخطف الكرة من المنافس خاصة لو بتلعب ورد كلاس لازم يطلع عينك وتترقص وتجرى ورا المهاجم من الاخر بهدلة اما 2005 كانت سهلة وبالنسبة للترقيص فبقى صعب انك تعدى بالاسهم بس لازم تدوس على z وكمان ممكن تتقطع منك يعنى من الاخر 2006 لعبها اصعب من 2005 وبتعتمد على اللعب الجماعى بس 2006 ظهرت بشكل اقل من المتوقع فليه لغاية دلوقتى مفيش حكم راية ولا هاند بول خاصة وان برو سوكر وويننج ايلفن فيها كل ده من كام اصدار ثانيا الكارير بقى رخم قوى لانه بقى بشترط انك تخلى النادى معاه فلوس والا هتتطرد من النادى ويضيع موسم عليك وكمان انا لغاية دلوقتى ولامرة نجحت انى اشترى لاعب

[VIPAT3]

شكرا علي الموضوع الجميل ده

اللعبة متقدمة جدا وكمان واقعية اكثر من كل الالعاب اللي فاتت
وكمان الكونترول فيها صعب شوية وبيحتاج مهارة اكبر ومتهيألي ديه ميزة في اللعبة

[vip-007]

اسمعوا رأى واحد عجوز(46)انا طبعا مدمن كمبيوتر وماليش فى الالعاب خالص الا اول مشتريت كمبيوتر علشان من الالعاب اتعلمت الكتابة على الكى بورد اصل انا علمت نفسى الكمبيوتر بس لانى اهوى كرة القدم الحقيقية كنت العب الفيفا على فترات وكنت مش بستمتع لحد فيفا 2005 بدأت استمع وخصوصا بالدورى المصرى اما فيفا 2006 فحاجة تانية خالص لازم ياجماعة علشان تستمعوا بيها تعرفوا طريقة لعب الفريق اللى اخترتوة وتلعبوا زيها لان اللعبة مبترجمة زى الطريقة الحقيقية لكل فريق فيها يعنى لو فرقة فيها شويطة اغلب الاهداف تيجى من الشوط وهكذا الخلاصة ان سر الاستمتاع ب 2006 معرفة طريقة لعب كل فريق والشطارة فى كيفية تطبيقها واحراز الاهداف او الوصول للمرمى بفرص حقيقة
انا معاك فى كل كلمه قلتها انت راجل فاهم كرة صح اللعبة شديييييييييييييييييييييييييييييييدة جدا جدا جدا
وفعلا اللعبة بتعتمد على رؤيتك فى الملعب زى الحقيقة بالظبط يعنى من الاخر اللى بيفهم كورة صح هيستمتع باللعبة دى اوى ولازم تلعب بفكر زى اللاعب فى الملعب بالظبط:icon30:

[adhamdakhs]

شكرا للاخ الفاضل Vip-007

[kawaguchi2006]

فى كل سنة بتنزل فيفا اصدار جديد وبالنسبة لفيفا 2006 انا شايف ان الجرافيك مختلفش كتير عن 2005 باستثناء طريقة اعادة عرض الاهداف اما طريقة اللعب فاختلفت تماما 2006 عشان تخطف الكرة من المنافس خاصة لو بتلعب ورد كلاس لازم يطلع عينك وتترقص وتجرى ورا المهاجم من الاخر بهدلة اما 2005 كانت سهلة وبالنسبة للترقيص فبقى صعب انك تعدى بالاسهم بس لازم تدوس على z وكمان ممكن تتقطع منك يعنى من الاخر 2006 لعبها اصعب من 2005 وبتعتمد على اللعب الجماعى بس 2006 ظهرت بشكل اقل من المتوقع فليه لغاية دلوقتى مفيش حكم راية ولا هاند بول خاصة وان برو سوكر وويننج ايلفن فيها كل ده من كام اصدار ثانيا الكارير بقى رخم قوى لانه بقى بشترط انك تخلى النادى معاه فلوس والا هتتطرد من النادى ويضيع موسم عليك وكمان انا لغاية دلوقتى ولامرة نجحت انى اشترى لاعب

اول حاجة تحياتى ليك و لكن احب اوضحلك ان اللعبة فيها حكم راية و كمان فيها هاند بول
ثانى حاجة الكارير واقعى جدا و احسن من winning eleven و بالنسبة لشراء اللاعبين فهو سهل جدا لكن بعد ما يكون معاك فلوس و تكون بتدرب فريق كويس
و سلامى ايك يا اخ amr_mohy2001

[Remo Spy]

انا في راي فيفا 2005 احسن منها

[galloper]

ya gama3a ..ana shayef en elgame sahl awy awy ledaraget ene la3bt legendary level men talet yom..we ata3to bardo and win italian cup easilyyyyy..
ana 3ayez ata7adakom online

bezat wadaaa2]

galloper80@hotmail.com

room:fifamasters

pass:masters


salam

[malec]

السلام عليكم ورحمة الله رايي في فيفا 2006 انها لعبة رائعة ولكنها كغيرها فيها عيوب :
1- الجرافيكس ليس في المستوى
2- الملاعب كلها متشابهة
3- الحارس لا يقوم بدوره كما ينبغي اي انه يقلت الكرة في اغلب الهجمات والضربات حتى الضربات الضعيفة
المحاسن :
1- واقعية ليس لها حدود
2- متعة اللعب وذلك لصعوبة الوصول الى المرمى
fifa 2006 forever

[shady919]

حامل الرايه مبيعملش حاجه غير انه يجري وبس
والنيت ورك بتاعها بطئ اوي

[tahloka]

مع احترامى للجميع الفيفا افضل لعبة حتى الان وبعد صدور 9 WINNING فالفيفا من افضل الالعاب الكروية لانك بتحس انك فعلا بتلعب بلاعبين حقيقين عكس ال winning واضح جدا انها شغل جرافيك و الحركة فيها هى اللى مش حقيقية و بطيئة فى الحركات و المناورات و لذلك فالفيفا 2006 تعتبر افضل لعبة كرة قدم حتى الان

[drfox]

أنا رأي أنها أحسن لعبة كرة تم أنتاجها حتى الأن
أما بخصوص النت وورك فهيه رائعة لأني جربتها ببرنامج هماتشي مع واحد صحبي ومبطأتش خالص مع أن ألي بلعبه سرعة النت عنده 256 بس
وكمان رأي عكس رأي medo84 تماما
لأن الباص فيها والبينيات تعتمد على مهارة اللاعب ألي قاعد على pc مش زي الحجات القديمة تدوس على الزرار والكورة تروح وخلاص
وتحركات اللعيبة والتحكم في الكورة طبيعيةو سهلة خالص
انا ليه ملحوظه انا ما بدأتش اندمج فى الفيفا2005 او 2006 الا لما كنت لعبتلى بتاع70 ماتش علشان كده انا زعلت جدا لما فيفا2006- نزلت لأنى كنت قهرت 2005 وكنت مبهدل اصحابى و كنت توصلت لحركة الشمسيه او التفاحة بالshift كنت بعدى بيها من المدافعين و ساعات من الحارس كمان

على العموم 2005 افضل من بعيد-الكاميرا - لكن لما نقرب لوشوش اللعيبة بنشوفحاجات عجيبة
2006 أفضل من حيث التنظيم فالبطولات و حاجات كتير تانية

و ياريت الناس تلعب اللعبه الأول قبل ما تحكم عليها

[mido.elsheemy]

حاجه لازم كلنا نقتنع بيها انه علي الكمبيوتر ما فيش الا Fifa و علي البلاستيشن مافيش الا wninng elven و ده حاجه اكيده لاني جربت الاتنين وشكرا

[فتوح]

مش حقول اكتر انها لعبة زبالة وعقدتنى فى اى لعبة كورة لانى لعيب فى 2005 حاليا مش بعرف العبها لانها عقدتنى اية دا كل الماتش ضغط من الخصم بتاعك ولو عملت خطة برضوا زى ما هيا دى لعبة متخلفة وانا حزفتها من زماااان

[Dark_House]

انا كنت ذيك مبعلبش 2006 ولكن لما تعلمتها حسيتها احسن بكتير من 2005 انا لما بلعب 2005 بحسها لعبه اطفال مفيهاش مهارات ولا طرق جديده للاهداف حاول تتعلم 2006 حتحس بفرق كبير عن 2005

[amerkyata]

انا برأيي اللعبة روعة لعدة اسباب
1- هي لعبة سريعة بالحركات
2-حركات الاعبين واقعية
3- مستوى الصعوبة الاخير فيها قوي يعني لازم تلعب كتير عشان تقدر تربح الوورد كلاس وده برأيي افضل حاجة فيها عشان لما توصل لمرحلة تقدر تخسر فيها الكومبيوتر بشكل متكرر حتمل اللعبة ومش حتلعب فيها

[أدولف هتلر]

الفيفا ورد كاب 2006
هي رائعة جدا جدا
والله لما رحت لعند صديقي وكان عم يلعب فيفا 2005 ما صدقت إنو هي نفسها الفيفا 2005 إلي لعبت فيها أكتر من 800 مبارة
لأن الفيفا 2006 راااااااااااااااااااااااااااااااااااااااااااااااائ عة جدا

[m.adels]

هي اللعبه حلوه :icon30: بس فيها مشكله واحده بس عقدتني في عيشتي :crazy000: الكرات العرضيه من على خط المرمى دايما بتدخل جون و اللي لعبها اون لاين اكيد واجه المشكله دي ... كل اللي الناس بتعمله تجري بالكوره لغاية الخط ... عرضيه ... جووووووووووووون ... لكن الكاريير جامده جدا و طريقة اللعب نفسها حلوه

[jakana]

السلام عليكم ورحمة لله وبركاتة

هى فيفا 2006 روعة على الاقل كانت احسن من فيفا 2005 و عايز اقول ان فيفا 2006 مفيهاش اختلاف كبير عن 2005 هو بس فى طريقة اللعب و طريقة التحكم فى اللعيب

[moodyy25]

ياريت اللى لعب 2007 يقول لنا رايه ايه