المساعد الشخصي الرقمي

مشاهدة النسخة كاملة : من فضلكم محتاج مساعدة بخصوص تفريخ الفايتر

tarekmohamd
29-09-2005, 04:57 AM
من فضلك أنا كنت عايز أسئل على حاجات معينة وياريت ترد عليا فيها
أنا مره فرخت الفيتر والحمد الله قدرت أعمل بس طبعاً قابلتى مشاكل كتير جداً وغلطت غلطات كتير جداً منها غلطه أنا مش عارفلها سبب لحد دلوقتى وهيا إنى لما فرخت الفيتر على مرتين أول مره لما حطيت الذكر والأنثى مع بعضيهم مسيبتهمشى فترة طويله لحد مالذكر خلص كل البيض إلى فى الأنثى ، لا أنا خليتهم مع بعض يدوبك بس الذكر عصر الأنثى مرتين أو ثلاثه وبعدين قمت شايل الأنثى وأستنيت لما البيض الأول يفقس وبعدين سيبتهم أسبوع وبعدين حطيتهم مع بعض تانى وفى نفس الوقت كنت براعى أول جزء ده والحمد الله عملت نفس الحكاية فى تانى مره بس كانت قابلتنى مشكله وهيا إزاى أحافظ على الولده ، أنا عايز اقولك إنى روحت لمحل بتاع سمك كبير فى إسكندرية فقالى وادانى أنواع أكل هيا فعلاً كويسه بس أنا حاسيت إن السمك مبيعرفشى يستفيد منها وهيا إنه ادانى مسحوق كده أحط منه كل يوم نسبه صغيره لمده أسبوع بعد مالسمك الصغير يبتدى يعوم فى الحوض وبعد الأسبوع ده أبتدى أأكله حاجه كده عبارة عن بيض للجنبرى بستناه لما يفقس وبعدين أخد منه وأحطلهم يكله فهل ده صحيح ياريت ترد عليا وياريت كمان لو عندك نصائص تانية تقولى عليها وعايز أعرف كمان هل لو الطريقة إلى أنا استعملتها ديت صح وهل فى أنواع أكل تانية ممكن تفيد السمك فى الوقت ده أو نصائص تانية زى مثلاً حجم الحوض أو أنواع غزاء حى وياريت كمان لو تعرف معلومات عن طريقة تفريخ سمكة الألجيتر وياريت لو نلاقى كمان معلومات عن أنواع اسمك تانية زى مثلاً البوتيا والجرامى والشركات والجرين اسكاد تبقا فعلاً افادتنى وياريت كمان تقولى على حاجه أنا عايز أفهمها وهيا بالنسبة لكسر السيرميك إلى بيربى بكتريا نافعة فى الحوض والفحم هل دولت فعلاً مهمين فى الحوض وهل فعلاً البكتيريا ديت بتقضى على أمراض كتير أو بتعمل إيه بالظبط وشكراً على مساعدتكم مقدماً
ninja911
29-09-2005, 06:02 AM
من فضلك أنا كنت عايز أسئل على حاجات معينة وياريت ترد عليا فيها
أنا مره فرخت الفيتر والحمد الله قدرت أعمل بس طبعاً قابلتى مشاكل كتير جداً وغلطت غلطات كتير جداً منها غلطه أنا مش عارفلها سبب لحد دلوقتى وهيا إنى لما فرخت الفيتر على مرتين أول مره لما حطيت الذكر والأنثى مع بعضيهم مسيبتهمشى فترة طويله لحد مالذكر خلص كل البيض إلى فى الأنثى ، لا أنا خليتهم مع بعض يدوبك بس الذكر عصر الأنثى مرتين أو ثلاثه وبعدين قمت شايل الأنثى وأستنيت لما البيض الأول يفقس وبعدين سيبتهم أسبوع وبعدين حطيتهم مع بعض تانى وفى نفس الوقت كنت براعى أول جزء ده والحمد الله عملت نفس الحكاية فى تانى مره بس كانت قابلتنى مشكله وهيا إزاى أحافظ على الولده ، أنا عايز اقولك إنى روحت لمحل بتاع سمك كبير فى إسكندرية فقالى وادانى أنواع أكل هيا فعلاً كويسه بس أنا حاسيت إن السمك مبيعرفشى يستفيد منها وهيا إنه ادانى مسحوق كده أحط منه كل يوم نسبه صغيره لمده أسبوع بعد مالسمك الصغير يبتدى يعوم فى الحوض وبعد الأسبوع ده أبتدى أأكله حاجه كده عبارة عن بيض للجنبرى بستناه لما يفقس وبعدين أخد منه وأحطلهم يكله فهل ده صحيح ياريت ترد عليا وياريت كمان لو عندك نصائص تانية تقولى عليها وعايز أعرف كمان هل لو الطريقة إلى أنا استعملتها ديت صح وهل فى أنواع أكل تانية ممكن تفيد السمك فى الوقت ده أو نصائص تانية زى مثلاً حجم الحوض أو أنواع غزاء حى وياريت كمان لو تعرف معلومات عن طريقة تفريخ سمكة الألجيتر وياريت لو نلاقى كمان معلومات عن أنواع اسمك تانية زى مثلاً البوتيا والجرامى والشركات والجرين اسكاد تبقا فعلاً افادتنى وياريت كمان تقولى على حاجه أنا عايز أفهمها وهيا بالنسبة لكسر السيرميك إلى بيربى بكتريا نافعة فى الحوض والفحم هل دولت فعلاً مهمين فى الحوض وهل فعلاً البكتيريا ديت بتقضى على أمراض كتير أو بتعمل إيه بالظبط وشكراً على مساعدتكم مقدماً

شوف يا طارق باشا

بالنسبة للولدة وبالذات ولدة السمك البياض زى الفايتر فأهم حاجة بالنسبة لها عدم نقلها من الماء المولودة فيه لماء أخر قبل شهر....وطبعاً ده عشان إختلاف القلوية والحموضة ودرجة الحرارة اللى ممكن تسببلك خسائر جسمية فى الولدة

يوجد أنواع أكل مستورد زى منتجات شركة سييرا وخاصة نوع قشر إسمه vipan ده يعتبر من أجمل الأنواع عالمياً....تطحنه فى الخلاط أو بإيدك إلى أن يصل لأقصى نعومة....وتضع منه للولدة وعمرها أسبوع فما فوق....بجانب طبعاً فقس الجمبرى اللى إنت بتستخدمه

فى عمر شهر تبدأ تديلهم دود حى بعد تقطيعه أجزاء صغيرة جداً بالسكين....أو بالخلاط مع إضافة ماء وتنقيته بالمصاة من ماءه بعد الفرم...

تجنب الأعلاف أو أى نوع غير القشر فى أول شهر من عمر الولدة عشان بيبقى صعب الهضم...

فى أول ولادة صغار السمك بتحضرلهم الأنفيزوريا وتضيفها للحوض ولو مش عارفها قولى وأنا أقولك طريقتها...

حجم الحوض مش مشكلة أهم حاجة إرتفاع المياة فى أول أسبوع يبقى من 15 لعشرين سنتيمتر كحد أقصى لسهولة صعود الولدة لملئ الحوصلة الهوائية بالهواء...

درجة الحرارة 25 مثالية لولدة السمك البياض...

عدم وضع أى فلتر فى المياة لمنع التيارات المائية المسببة لموت السمك الصغير

ياريت لو عندك طحالب فى الحوض سيبها عشان دى غذاء رائع للولدة

والألجا إيتر صعب تفريخها فى أحواض وخاصة أنها نادرة فى مصر....وبتحتاج بره حوض كبير أكبر من 80 سنتيمتر وظروف خاصة صعب توفيرها بدقة....يمكن قصدك عالبلاكستومس

البوتيا والجرامى والشركات والجرين اسكاد....الأنواع دى ما عدا الجرامى صعب تفريخها أيضاً فى أحواض ولو عايز تجرب تفريخهم إنت وحظك...

والجرامى هأقولك طريقته بالتفصيل فى موضوع منفصل مع الصور..

وبالنسبة لكسر السيراميك هو بيربى طحالب لكن بكتيريا نافعة مظنش....وعن تجربة مش فارق حاجة فى الحوض

وبالنسبة للفحم المخصص للسمك من المحل مفيد جداً فى أخذ أى روائح من الحوض...

وممكن يكون حد تانى جرب كسرالسيراميك فى الحوض وأفاده

بس خلى بالك إن كسر الرخام بيتفاعل مع الميه فبلاش منه

والخزف أمن ولا يتفاعل عشان كده كل أشكال البيوت بتبقى خزف مطلى لعدم تجريح السمك

وأى خدمة ياباشا
tarekmohamd
19-10-2005, 01:28 AM
أولاً أحب أشكرك على الرد
ثانياً أنا كمان بعتزرلك على التأخير فى الرد
ثالثاً ياريت تقولى طريقة عمل لأنفيزوريا وياريت تكون بدقه شديده علشان أنا سمعت إنها سلاح ذو حدين يعنى ممكن تكون نافعة جداً للسمك وممكن تأذى السمك جداً وفى حاجه كمان كنت عايز أسئل عليها وهيا هل لو أنا حطيت ولده لسمك فيتر عمرها مثلاً شهر مع والده تانية اصغر منها بحوالى أسبوعين ده ممكن يأذى السمك الصغير أو يكون السبب فى موته وكنت عايز اعرف هل الطحالب ديت أنا ممكن أخليها تبقا فى الحوض إزاى ده بالنسبة للسمك الفيتر
أما بقا بالنسبة لسمكة الألجيتر أنا جيبتها بالصدفه وعجبتى جداً يمكن أكتر كمان من البلاكستومس والحمد الله دلوقتى قدرت أحصل على جوز جاهز للتفريخ وكنت عايز اجرب لإنها فعلاً سمكه لذيذه جداً فياريت حضرتك تقولى على الطريقة وانا أجرب وربنا يسهل أما بقا بالنسبة للسمك التانى زى البوتيا والشركات والجرين إسكان والأنواع إلى قولتلك عليها قبل كده أنا لو مينفعشى افرخها ممكن لو إنت عندك معلومات عن عنها يعنى مثلاً بتحب إيه فى الأكل أو فى التربية أو أى معلومات عنها ياريت تفيدنا بيها
ومره تانية شكراً على المشاركة والمعلومات الجميلة جداً
ninja911
19-10-2005, 05:28 PM
بص ياباشا

بالنسبة للأنفيزوريا إنت هتغلى ميه وتحطها فى برطمان زجاج (شفاف لينفذ الضوء جيداً) وبعدين تحط فيها ورق خس مقطع لقطع صغيرة

وتسيبها تبرد مع الخس وتسيب البرطمان فى الشمس ل3 أو أربع أيام

وبعد كده تصفى المياه من قطع الخس وتضيف المياه لماء الحوض

ولازم تبقى محضر كام برطمان عشان الولدة محتاجة إتنين يومياً وده التأكيل الجيد للولدة

ولو قدرت تجيب بيض جمبرى يبقى أحسن وأروع بس إضافى مع الأنفيزوريا فى البداية

وأسبوعين فرق فى الولدة مش كتير بحيث يهاجموا بعض

بس خلى بالك إن الولدة اللى لسه مولودة يجب وضعها وحدها أسبوع على الأقل

والبلاكستومس محتاجة بركة طينية واسعة عشان تفرخها

عشان كده تفريخها صعب جداً ومعظمها أو كلها فى مصر إستيراد

ونادر جداً النجتح فى تفريخها فى حوض حتى لو كان 150 سم

وكل الأنواع اللى إنت قلتها بتحب الدوود الحى كأفضل غذاء لكل أنواع الأسماك بلا إستثناء

وجارى عمل مواضيع عنها بإذن الله
tarekmohamd
19-10-2005, 08:31 PM
أولاً مرسيه على الرد
وثانياً أنا عايز أعرف البرطمان إلى أحط فيه المياه ده قد إيه وأحط فيه كميه خس قد إيه وفى حاجه كمان هل البرطمان إلى أحط فيه المياه والخس ديت أسيبه مفتوح ولا أقفله وفى حاجه كمان هل لأنفيزوريا ديت أحط منها كميه قد إيه فى الحوض مش معقول طبعاً إذا كان مثلاً البرطمان نص أو ربع كليو أحطه كله وفى حاجه كمان هيا الأنفيزوريا ديت ممكن تعقد قد إيه بعد 3 أو 4 ايام وتكون لسه صالحه
وثالثاً أنا كنت أقصد مش تفريخ البلاك أستومس أنا كنت أقصد تفريج الألجيتر وشكراً على الرد