البنات و شغل البيت !! نصائح

[د. عماد الدين]

بسم الله الرحمن الرحيم
شغل البيت بيتعبلى ظهرىhttp://www.haridy.com/ib/images/smilies/dntknw.gif

شكوى عامه متكرره من بنات كثيره خصوصا اللى بتشتغل شغل كثير فى بيتها

ومعهن حق

فشغل البيت عبء ثقيل يحتاج إلى همه و عزم و إصرار

ولكن هناك و جع الظهر الذى تشكو منه الكثيرات ....

فسوء إستخدام الظهرأو العمود الفقرى بصفه خاصه وراء ذلك الألم الذى تشكو منه البنات

فمنطقه الظهر عباره عن تشكيل معقد مكون من 24 عظمه مستقله (فقرات) تربطها بعض العضلات و عدد كبير من المفاصل و عظام الظهر التى تعمل على حمايه الحبل الشوكى و الأعصاب التى بين الفقرات و تلك الأعصاب مسؤله عن نقل الأشارات من المخ إلى باقى الجسم

وعند حدوث أى تمزق فى الغشاء الداخلى المغلف لهذه النطقه الحساسه من الظهر فقد يؤدى ذلك إلى الشعور بالآم من منطقه الظهر و حتى نهايه الساق وهو ما نطلق عليه عرق النسا

كما يمكن أن يتسبب ذلك فى العديد من المشاكل مع الساق و القدم و الذراع أو الأصابع بل يمكن أن تتداخل مع أعضاء الجسم الأخرى لتؤدى إلى مشاكل مع
التبول

علشان كده كان لازم ننبهكن يا بنات و نوجه لكن تلكما النصائح

يتبع http://www.haridy.com/ib/images/smilies/flowers.gif

[د. عماد الدين]

إزاى تشيلى حاجات السوق

طبعا الواحده من البنات تنزل السوق و هاتك يا شراء http://www.haridy.com/ib/images/smilies/pleasantry.gif و السوق و المولات مغريه خصوصا البوتيكات http://www.haridy.com/ib/images/smilies/ranting.gif

الستات فى عمليه الشراء متنوعات فيه اللى بتشترى خضار و فيه اللى بتشترى فاكهه و فيه ال .......

المهم أنها بتشترى حاجات كثير و الحاجت دى عبء ثقيل لابد له من حمال

طيب و الحل ؟؟ إزاى تقدر تشيلى حاجاتك من غير اللآم فى الظهر http://www.haridy.com/ib/images/smilies/thnk0001.gif

عليكى بالأتى :

1- جمعى حاجات السوق على مكان عالى بارتفاع مستوى الجسم

2- شيلى حاجاتك واحده واحده و ياريت تخليها ملاصقه لجسمك قدر الإمكان

إحذرى الأتى :

1- إياكى تشيلى أى شئ على الرأس طبعا دى هوايه للستات ( خصوصا شيل البلاليص http://www.haridy.com/ib/images/smilies/image5.gif ) لأن ده عبء و حمل ضخم على الرقبه و على الفقرات العنقيه و ممكن يسبب إنزلاق فى غضاريف الرقبه http://www.haridy.com/ib/images/smilies/cry.gif كذلك يسببلك اللآم فى منطقه الكتفين و كف اليد و تنميل فى أصابع اليدين http://www.haridy.com/ib/images/smilies/cry.gif

2- إياك أن تحنى ظهرك أثناء حمل أى ثقل


إزاى تشيلى الحاجات التقيله

ألد أعداء الظهر هو حمل الأشياء الثقيله

علشان كده عليكى بالأتى

إثنى الركبتين

إمسكى الحاجه الثقيله اللى هتشيليها بأيدك مع تقريبها من الجسم

إعدلى الساق و الركبتين المثنيتين ثم إرفعى الحمل بجسمك مع ملاحظه إنك لازم ترفعيه بهدوء يعنى مش بسرعه



http://www.haridy.com/ib/images/smilies/biggrin.gif

أكيد يتبع http://www.haridy.com/ib/images/smilies/flowers.gif

[د. عماد الدين]

إلتقاط الأشياء من على الأرض


لما تحتاجى تشيلى حاجه من على الأرض لاتثنى منطقه الوسط و تميلى عليها بجسمك لأ

الأول أثنى ركبتيك و لما تيجى تقومى إفردى الركبتين تانى يعنى تفردى الركبتين مش تفردى الجسم


أمام حوض الغسيل

طبعا الوقوف كثير ممكن يؤدى إلى ضغوط مستمره على العمود الفقرى

طيب تقفى ازاى و أنتى بتغسلى الحلل و الأطباق http://www.haridy.com/ib/images/smilies/image5.gif

ضعى أحد الساقين على علبه أو مسند للقدمين و الطريقه دى فى الوقوف بتساعد على أن يكون الظهر و الفخذ فى زاويه تقدر بحوالى 35 درجه وده بيساعد على تقليل الضغط على منطقه الظهر

برضه يتبع http://www.haridy.com/ib/images/smilies/flowers.gif

[د. عماد الدين]

قداااااااام المرايهhttp://www.haridy.com/ib/images/smilies/yahoo.gif

هههههه طبعا و أكيد و حتما و لابد البنات بتضيع تلتين عمرها قدام المرايه http://www.haridy.com/ib/images/smilies/image5.gif

طيب تقعدى قدام المرايه الكام ساعه دول ازاى http://www.haridy.com/ib/images/smilies/image5.gif ما هى أكيد القعده بتحلى و تتطول و علشان أحنا عاوزين صحتك فننصحك بالأتى :

1- أستخدمى كرسى بمسند للظهر

2- قربى المرايه من وشك http://www.haridy.com/ib/images/smilies/cool.gif

3- ما تتنيش جسمك للأمام أو بمعنى آخر لاتثنى جزعك للأمام لترين ملامح وجهك




تسويه الفراش



برضه شئ ضرورى فى شغل البيت خصوصات لو عند بيبيز http://www.haridy.com/ib/images/smilies/2.gif كل شويه يعملوها على الملايات

عليكى بالأتى

1- ما تسويش السرير و أنتى واقفه لأنك هتتطرى لثنى الجزع

2- إركعى على الأرض قريب من السرير ( يعنى أسندى بركبتك على الأرض )

3- لتسويه الأجزاء البعيده من السرير أثنى ركبه واحده على السرير مع فرد الساق الأخرى على الأرض



يتبع طبعا http://www.haridy.com/ib/images/smilies/flowers.gif

[د. عماد الدين]

ظهرك و النوم


من أخطر الأشياء على العمود الفقرى ..النوم على البطن

الأسلوب ده فى النوم يؤدى إلى حدوث تغيير فى انثناء العمود الفقرى عن خطه الطبيعى ... خصوصا اذا أستمر الوضع على هذا الحال لعده ساعات وهو ما يساعد على حدوث آلام الظهر

- إذا نمتى على ظهرك حطى مخده أسفل الركبتين ده هيحمى منحنى العمود الفقرى علشان يفضل فى مستواه الطبيعى

- النوم على أحد الجنبين (يمين أو شمال) يمنع الضغوط على منطقه الظهر

- طبعا لا ننسى أن النوم على الشق الأيمن سنه عن الرسول صلى الله عليه وسلم

يتبع http://www.haridy.com/ib/images/smilies/flowers.gif

[د. عماد الدين]

إزاى تقعدى صح على الكرسى

ننصح بان تكون القدمان فى وضع ثابت على الأرض

إذا كان الكرسى عاليا فينصح بوضع وساده تحت القدمين

يستحب أن يكون للمقعد ظهر صلب

يستحب أن تكون الجلسه فى وضع مستقيم

الجلوس فى وضع مترهل و الأنزلاق فى المقعد أو ثنى الجسم للأمام يساعد على الضغط على العمود الفقرى و إحداث الام الظهر

إذا طالت الجلسه على المقعد و تجاوزت النصف ساعه ينصح بالسير الخفيف فى المنزل لدقيقه ليسترد العمود الفقرى وضعه الطبيعى


إلى هنا و لكم تحياتى

المصادر http://www.haridy.com/ib/images/smilies/flowers.gif

Medical Journal Colorado University NY

و كتاب أسرار البنات د. عاطف لماضه ( بتصرف )

[dynameta]

أشكرك اخى الكريم على الموضوع الهائل .. وعلى النصائح المفيده

[ديفا]

شكرا فعلا موضوع مهم جدا شكرا على زوقك

[كليوباترا]

موضوعك جميل بس فى شوية سخرية


على العموم النصائح جميلة و تغطى على الشوية دول


ولمزيد من التوفيق :icon2600: