تحذير من شركه أسمها it house net لكل الأسكندرانيه

[REDCAR]

الشركه دى نصابه وبتضحك على المشتركين ب 200 جنيه تقديمه و30 جنيه كل شهر مع أنها نصبت على شركه t-data بربع مليون جنيه ولما بيجوا يركبوا النت يقعدوا يقولولك أنهم مش بيكسبوا منك وخسرانين ودافعين كتير فى الروترات والسويتشات مع انهم بياجروا كل ده من t-data ولذلك بعد النصب هناك قضيه فى المحاكم مع t-data والسنترال مطالبي بالتعويض وكل الى أشترك معاهم اخلع بسرعه وحول لشركه مباشره كلينك او t-data بسرعه ودى الحايه بالتفصيل على هيئه مسرحيه:
مسرحيه ADSL FOR FREE
شخصيات المسرحيه:
-السنترال
-T-DATA
- LINK
- IT HOUSE NET

الفصل رقم 1
البدايه :
اعلانات لشركه جديده تسمى IT HOUSE NETتقدم أنترنت ADSL للمنازل باسعار معقوله ب 30 جنيه شهريا
وذلك بعد ان كانت اسعار ADSL غاليه جدا تصل ل150 شهريا من الشركا ت الأم مثل LINK-T-DATA وغيرها فتظهر تلك الشركه على انها الأمل فى توصيل ADSL بأسعار معقوله للجماهير فيقبل الناس على الأشتراك فورا ويسارعون ليكونوا من أصحاب ADSL فى منازلهم ويتم تخييرهم بين شركتين كبرى مثل LINK-TDATA

الفصل الثانى
تركيب النت للمنازل:
بعد انا تعاقد الأف مع تلك الشركه الوسيط حان وقت التركيب فيقولون فى الشركه أنتظر لمده 10 او 20يوم ليدخل لك النت فى منزلك فيفرح المشترك لذلك وينتظر بفارغ الصبر ذلك اليوم والذى سيكون مشهودا فى حياته حينما تدخل خدمه ADSL فى منزله بعد ان دفع 200 جنيه فى البدايه وسيدفع 30 جنيه شهريا وقول المشترك لايهم المقدمه امام دخول ADSL فى المنزل ثم يجىء عامل التركيب ويركب له راوتر خاص به ويفرح المشترك ويبدأ فى التصفح ويجد النت سريع ويعمل شات ودانلود براحته.


الفصل الثالث
بدايه النصب:
تقول لك الشركه ان مشتركين دخلوا معك فى الشبكه بعد شهر او شهرين من أستخدامك له لوحدك وبعد فرحتك بالسرعه تجد النت بطىء وبيفصل وتتصل بالشركه مئات المرات ولا تجد رد مفيد
ثم فجأه تقول لك الشركه الخطوط توقفت وسيتم تحويلك لخط تانى
فى هذه الحاله اذا كان معك مشتركين كتير يوصلك خط تانى مباشره ولو ممعكش ميوصلكش ويقولك أتصرف مع الشركه
وكانت تلك الشركه التى أغلى عقدها هى T-DATA التى هى مشهوره جدا حول العالم ومع ذلك تكذب عليك الشركه والفنيين بها ويقولك الشركه دى بتنهار وخدمتها وحشه وعلشان كده حولناك لشركه أسرع وأحسن وخدمتها مش بتفصل ومع أن الشركه دى أسعارها هىهى الشركه التنايه وخدمتها يمكن أحسن مليون مره وللعلم T-DATA هى المسؤله عن توصيل ADSL فى مصر كلها ومع ذلك الشرمه بتكذب ليه؟
لازم فى سبب .
الفصل الرابع
الحقيقه والتفاصيل:
فى نهايه المطاف نكتشف أن هناك تلاعب واضح جدا من تلك الشركه النصابه IT-HOUSE لتشويه سمعه T-DATA والتفاصيل كالأتى:
1-من شروط العقد ان تلك الشركه الوسيط والعقد للعلم كان بين IT-HOUSE و السنترال و T-DATA لتوصيل ADSL للمنازل بأسعار مخفضه عن الخط العادى 60 بدل 150 جنيه فى الشهر وبدون مقدم مش 200 مقدم و30 كل شهر وحنفهم ليه بقه فى مقدم و30 بدل 60 كل دى مخالفات للعقد الى بيقول كل فرد يوصله راوتر لواحده والفكره هى ببساطه بورت يضعه السنترال لشركه T-DATA يتوصل منه الفروع للمشتركين و IT HOUSE تحصل من المشتركين على أساس انه كل فرد عنده راوترو 60جنيه فى الشهر ومفيش مقدم و كمان ايه الراوتر بتأجره IT HOUSE من T-DATA ومع ذلك بيأخدوا مقدم بدون سبب وده نصب وأحتيال والسرعه مش بتوصل 256 زى مابيقولوا لكن أقل بكتير وبنلاحظها فى الداونلود مش التصفح وده راجع لآن الشبكه الى أنت فيها البورت الى فى السنترال متفرع منه مش ليك لوحدك زى مبيقولوا وده فعلا بيبطأ السرعه وبيخلى النت يفصل وبكده حيبقى 10 على 256 مش 7 وده نصب أخر على السنترال ده غير أنها ناصبه عل T-DATA بربع مليون جنيه ومش بتوصل بشكل صحيح ومخالف للعقد وبتتربح من المشتركين بغير وجه حق وده مخالف للعقد طبعا اللا بيقول كل مشترك وله راوتر لوحده بس كل المشتركين على نفس البورت وبسرعه واحده 256 بس ميزيدوش عن 3 فى الشبكه الواحده
وخالفت الشركه النصابه العقد ووزعت لأكتر لحسابها والسرعه 1ميجا بقت ل30 واحد بدل 20 وبل أكتر بلا حساب للسرعه
بل للمال والى عايز يتأكد يروح شركه T-DATA ويسأل ودلوقتى السنترال وشركه T-DATA رافعين قضيه على IT-HOUSE
لأسترداد اموالهم ودفع تعويض لأنه لم يكن هناك ألتزام بالعقد ولم تصل المبالغ للشركه التى حصلت والسنترال كذلك وهذه هى قصه الشركه النصابه ووهم ADSL FOR FREE والذى أنكشف مبكرا مع العلم أن الشركه لم يمر عليها سنه منذ الأفتتاح ونصبت على الكل المشتركين والسنترال و T-DATA وهى أكبر متضرر
ولكم الحكم.
توقيع: مشترك

[superdarsh]

يخرب عقلك جبت المعلومات دى كلها منين كلامك مظبوط 100%انا متعاقد معاهم بقالى شهرين ولسة مدخليش الخط
بحجة انى تبع سنترال العوايدواخر مازهقت طلبت سحب التعاقد ودة كان عربون 100 جنية من ال 200
قالولى منقدرش نرجعلك فلوسك دلوقتى وحددولى ميعاد بعدها بأكتر من اسبوعين كل دة عشان 100 جنية
وربنا يستر بعد اللى سمعتة منك دة
شكلى كدة مش حشم منهم جنية واحد
عليك العوض ومنك العوض يارب

[ahmed_fantastic]

[B]السلام عليكم
انت كلامك ده كله مظبوط 100% لأنى أحد مشتركين شركه IT House
وانت قلت بالتفصيل اللى حصل معايا
وكان اسم الراجل اللى جه ركب الراوتر عندى فى البيت - معتز - ويطلق على نفسه لقب مهندس وعندى رقم تليفونه المحمول
ولكن سؤالى الأن ما هو موقفى كمشترك وهل هناك ضرر واقع عليا بخلاف الـ 200 جنيه المقدمه
علما بأنى تم تركيب الراوتر عندى فى البيت و وقعت على إيصال امانه بإستلام الراوتر
لأنى اعتقد ان عمليه النصب هذه وقعت على شركه T-Data وليس المشتركين بخلاف الخسارة الماديه البسيطه لكل مشترك
ارجو الافادة جزاكم الله خيرا ....
والف شكر للأخ REDCAR

[hossen58]

صح الي انت بتقلوا بيتشغلو النا سمفكرينهم اخدين السرعة لوحدهم

[REDCAR]

بصوا يا جماعه كل الى عنده راوتر وسويتش ياخهم لنفسه ولو طلبته الشركه النصابه دى قولوا انه اتسرق ماشى وقدموا على خط جديد ليكوا من شركه لينك أو t-data وحسنوا سرعه النت عندكم بسرعات حقيقيه مش نصب زى الشركه النصابه it-house

ودايما حذروا الى حيشترك من الى حيحصله وابعدوه عنها

بس قولولى ايه رأيكم فى الموضوع على هيئه مسرحيه

[ahmed_fantastic]

بصراحه الوضوع على هيئه مسرحيه لذيذ جدا
ومشوق للقراءه وكمان ملفت للإنتباه
بس على فكره انا عايز اوضح ان الروترات دى ملك شركه T-Data و Link
يعنى قصدى ان الشركات دى مظلومه فى الوسط
بمعنى ان لو حد حب يلغى اشتراكه مع شركه IT-House المفروض عليه انه يسلم
الراوتر الى الشركه الاصليه التى تمده بالنت سواء كانت T-Data او Link
عشان يكون ريح ضميره ورجع الحقوق لأصحابها

[REDCAR]

طب و فلوس الناس اللى دفعوها يعملو اية تروح عليهم يعنى

[mohamed essa]

طب يا ريت اللى يعرف ارقام تيليفونات شركة link او t data يكتبها
لأنى أحد مشتركين شركه IT House و فعلا النت قطع عندى اكتر من شهر
ولما رجع لاحظت انه بطىء اوى
انصحونا ايه الحل
ربنا يستر

[Ahmed_yas]

على فكره يا جماعا انا روحت و اخدت معايا ضابط شرطى اعرفه لاسترداد مبلغ ال 100 جنبيه المقدم وكانوا مش موافقين انهم يدفعوا اى حاجا وقالولى ان مفيش فيلوس فى الشركة ولكن فى الاخر انا عرفت اخد الفلوس بطرقتى بس بجد من الاخر دى شركه نصب فى نصب .

[REDCAR]

الى عايز تليفونات شركات Dsl الأم البروفايدر سواء Link أو T-data أهى:

Link In Cairo:3311800

Link In Alex:4262611

العناوين:
فى القاهره: 3 شارع مصدق -الدقى
27 عمارات رابعه الأستثمارى-شارع النزهه-مصر الجديده
الأسكندريه:
37 شارع أسماعيل سرى (خلف مدرسه زهران) -سموحه
وعروضها:
256 سرعه 150 جنيه فى الشهر- تحصل على شهرين مجانا -50 ساعه ضعف السرعه الأساسيه -التركيب خلال 7أيام
شعارها:
Link Dsl أسرع من الخيال

[REDCAR]

أما شركه TE -DATA فهى الأفضل والأسرع والأحسن فى العالم لماذا ؟

لأنها تستعمل تكنولوجيا عاليه فى الخطوط
T-Data
حيث انها تستخدم اجهزه موحده على جميع السنترالات

و هناك جهاز فى السنترالات اسموا D-Slam
و نوعوا دسلام برادين الدسلامات بتدعم و كانك قاعد فى اوربا من الخطوط و اللياف الضوئيه الى عندك على طول
ليست مثل باقى الشركات الاخرى حتى LInk.NEt لا تدعم هذه الخاصيه حيث انها تحول النت الى كذا محمول فى الطريق و يصلك نت ضعيف بعض الشئ على عكس شركه TE-DATA التى كلمت صاحبها شخصيا وشرح لى موقفهم فى العالم وانهم لهم مكتب فى لندن وحرفق لكم صوره للشبكه فى مصر حاجه مهوله وهى من أدخل ADSL فى مصر وأى شركه تريد ان تبنى شبكه نت تستأذن من T-DATA

العنوان فى القاهره:
6 أكتوبر المنطقه التانيه -الجيزه بالأنجليزى: 6th of October City Zone 2 - Giza
Egypt
بس مفيش تليفون فى مصر مش كاتبين كده فى الموقع لكن فى أسكندريه فى
أسكندريه:
25 Vector Center Ame Nowel - Semoha [Infront KFC]
العنوان بالعربى: فى سنتر فيكتور فى سموحه عند سوق الكمبيوتر حتلاقى أسم الشركه
الشركه المصريه لنقل البيانات TE-DATA
التليفون:Tel.: +(20-3) 420-1845
Fax: +(20-3) 420-1846
وأكيد الشركه دى احسن من أى شركه عن ثقه خليك مع داتا

والنت زى الصاروخ

[REDCAR]

الشركه موصله لأماكن على مستوى مصر كلها وشوفوا بنفسكم

[superdarsh]

على فكره يا جماعا انا روحت و اخدت معايا ضابط شرطى اعرفه لاسترداد مبلغ ال 100 جنبيه المقدم وكانوا مش موافقين انهم يدفعوا اى حاجا وقالولى ان مفيش فيلوس فى الشركة ولكن فى الاخر انا عرفت اخد الفلوس بطرقتى بس بجد من الاخر دى شركه نصب فى نصب .

على فكرة ياجماعة انا الميعاد اللى اختوا من الشركة دى عشان اروح استلم فلوسى كان امبارح وفعلا روحت
واستلمت فلوسى بدون اى مشاكل ولا بوليس ولا نيابة
انا بس حبيت اننا نقول اللى لينا واللى علينا بالنسبة للشركة دى وعشان نبقى محايدين

[Ahmed_yas]

الشركه دلوقتى بقى ليها سمعه سيئه و بقوا بيرجعوا المقدم بدون مشاكل لكن الاول كان صعب

[loveme7448]

احسن حاجه تتعامل مع الشركه الام



وتكونوا مثلا 3 او 4 اصحاب وتجيبوا خط ليكوا لوحدكوا

وده احسن

[massoudy_xp]

أنا الحمد لله اشتركت وفسخت العقد بعد شهرين و أخذت الفلوس بعد تهديد صغير بنظرة عين!!!!!!!!

[sekodialo]

السلام عليكم
يا جماعة ... كل سنة وانتم طيبين .... انا مبسوط قوى انكم عرفتم بنفسكم ان الشركة دية مش مضبوطة .
انا صاحب شركة كمبيوتر بالاسكندريه وكنت متوقع الكلام ده من زمان مش انا لوحدى ده السوق كله ... وعلشان كده انا فكرت ونفذت و عملت نظام المجموعات .. أى كل 4 افراد مع بعضهم بيدفعولى كل شهر قيمة الكونكشن فقط اى سرعة 256 يدفعوا 150 جنيه سواء كانوا 6 يعنى كل واحد 25 جنيه او 5 افراد يعنى كل فرد 30 جنيه .. وهكذا .. وبعمل الشبكة من الالف للياء ............***** وعلى فكرة انا وكيل لشركة تى داتا ولينك دوت نت ونيل اون لاين ...
المهم يا جماعة انا تحت امركم فى اى معلومات عاوزين تعرفوها فى الشبكات
cpu - 3584301 اسم وتليفون الشركة

[smsm061274]

السلام عليكم
يا جماعة ... كل سنة وانتم طيبين .... انا مبسوط قوى انكم عرفتم بنفسكم ان الشركة دية مش مضبوطة .
انا صاحب شركة كمبيوتر بالاسكندريه وكنت متوقع الكلام ده من زمان مش انا لوحدى ده السوق كله ... وعلشان كده انا فكرت ونفذت و عملت نظام المجموعات .. أى كل 4 افراد مع بعضهم بيدفعولى كل شهر قيمة الكونكشن فقط اى سرعة 256 يدفعوا 150 جنيه سواء كانوا 6 يعنى كل واحد 25 جنيه او 5 افراد يعنى كل فرد 30 جنيه .. وهكذا .. وبعمل الشبكة من الالف للياء ............***** وعلى فكرة انا وكيل لشركة تى داتا ولينك دوت نت ونيل اون لاين ...
المهم يا جماعة انا تحت امركم فى اى معلومات عاوزين تعرفوها فى الشبكات
cpu - 3584301 اسم وتليفون الشركة

هى ناقصه كمان اعلانات ثم انت بتكسب ايه الهوا؟

[PINK-TWEETY]

هاى يا جماعة انا فعلا سمعت الموضوع ده من ناس شغالة فى Te Data نفسها و اللى عايز نمرتهم هى 034240775 و الcall Center 19777 و ويا ريت اللى عرف يقول اللاى ميعرفش على الشركة دى عشان محدش يتنصب عليه تانى

[sekodialo]

[U][B]sms شكرا لمشاركتك . من فضلك اتصل بنا > لتعرف انها ليست اعلانات . او سأعطى اللينك لمشتركى اى تى هاوس اللذين قمت بعمل شبكات لهم ليرودوا عليك
cpu
3584301

[husseindent]

السلام عليكم
يا جماعة ... كل سنة وانتم طيبين .... انا مبسوط قوى انكم عرفتم بنفسكم ان الشركة دية مش مضبوطة .
انا صاحب شركة كمبيوتر بالاسكندريه وكنت متوقع الكلام ده من زمان مش انا لوحدى ده السوق كله ... وعلشان كده انا فكرت ونفذت و عملت نظام المجموعات .. أى كل 4 افراد مع بعضهم بيدفعولى كل شهر قيمة الكونكشن فقط اى سرعة 256 يدفعوا 150 جنيه سواء كانوا 6 يعنى كل واحد 25 جنيه او 5 افراد يعنى كل فرد 30 جنيه .. وهكذا .. وبعمل الشبكة من الالف للياء ............***** وعلى فكرة انا وكيل لشركة تى داتا ولينك دوت نت ونيل اون لاين ...
المهم يا جماعة انا تحت امركم فى اى معلومات عاوزين تعرفوها فى الشبكات
cpu - 3584301 اسم وتليفون الشركة

للمعلومية فقط :
شركة cpu - 3584301 من الشركات المحترمة جدا فى الأسكندرية و هى بالفعل وكيل معتمد لشركة T E Data , Link وانا عن نفسى أنصح بالتعامل معها لخبرة سابقة فى التعامل و شكرا

[hishamelprince]

اه صح ماهو باين من عدد المشاركات بتاعت سيادتك

[ahmed_fantastic]

ياريت يا جماعه بلاش نعمل دعايه لشركات تانيه - هى الحكايه اصلا مش ناقصه

[mohamed essa]

ان لااقول اسم الشركه ولكن محمد على صاحب انه حرامى حرامى نصاب من زمان وسرق الافكار


مع تحيات
سموحه السوق

[mohamed essa]

ح ر ام ى محمدعلى

[sekodialo]

شكرا لمشاركة الجميع فى الرد على الموضوع ... لكننا اغفلنا نقطة وهى بطل هذة المسرحيه كاتب الموضوع (المسرحيه) وبصراحة أود التعرف عليه وهذا رقم تليفونى 3584301 أحمد (cpu) ..
وكل عام وانتم بخير
*** رمضان كريم ***

[REDCAR]

الفصل قبل الأخير تكمله لما حدث :
المنظر العام :
أذهب انا وصديقى الى فرع الشركه فى وينجت فأجده مغلق وتترك الشركه ورقه معلقه على الباب بها ارقام التليفونات
الخاصه بالشركه والتى لايرد عليك منها احد وكتب فى الورقه ان الشركه أغلقت فى شهر رمضان وسستتواصل عن طريق التليفونات .
والحقيقه: ان القضيه التى رفعتها te-data والسنترال فى المحكمه ميعاد جلستها يوم 15 يعنى خلاص واخر الشهر تكون الخطوط قطعت

وانتظرونى فى المشهد القادم: بعنوان: أمام القاضى

[mohamed essa]

طب ال200 جنيه الي كانت في الاول بتاعت ايه بالظبط؟؟؟ وشكرا

[waw2x]

طبعا الف شكر على النصيحة
وانا مشترك معاهم من حوالى 3شهور واتقطع النت عندى بعديها بشهر واسبوع
ودخلولى النت بعديها بحوالى شهر
بس مش ممكن ارجع الفلوس تانى هى دجى المشكلة

[ahmed_fantastic]

ياريت دايما تبلغنا بالجديد فى القضيه
وربنا يستر علينا
وتيجى بسيطه

[REDCAR]

أخر التطورات: العملاء الفنيين للشركه كيف تحضرهم ان حدثت لك مشكله والنت فصل:

فى هذه المره حدث شىء مهم انقطع النت عندى ثم اتصلت بشركه لينك فوجدت عملاء الفنيين لشركه it-house

جاءوا ثم بعد ذلك استغربت كيف ترسلهم لينك وكيف وجدوهم مع ان كل تليفوناتهم مرفوعه من الخدمه

الجواب: افاجأ ان شركه لينك تعرف ان it-house لها مقر جديد فى رشدى وهم مثل اصحاب وصلات الدش الأن متهربين من الدوله والقضايا

و نهايتهم لم تعرف بعد والقضيه ماتزال مستمره والنصب مازال مستمر

[ahmed_fantastic]

كنت عايز أعرف
انت بتدفع الفاتوره كل شهر ولا لأ
ولو بتدفع معنى كده ان فيه مندوبين ليهم بيجوا يستلموا الفلوس
وبأى حال انت مازلت مستفيد من خدماتهم
وبتدفع مقابل الخدمه ....... يبقا مفيش مشكله انهم نصابين او غيره
ولو مش بتدفع ... ياترى هيطالبوك بالمبلغ المتأخر عليك
ولو حتى طالبوك بيه .. هتدفعه ؟
ولا هيكون ايه تصرفك
وكمان انا قلقان لو قطعوا النت عن المشتركين
المشتركين هتخسر ميزه الاشتراك الشهرى البسيط ابو سعر رمزى
وربنا يجعله عامر
وكل سنه وانتو طيبين

[sameh_xp]

أنا أتصلوا بيا النهارده بيقولولى أن الأشتراك حيبقى 40 جنيه من أول شهر 11 ولما قولتلهم أنى أشتراك سنوى قالولى أحنا لاغيناه كده منهم لنفسهم بس أنا لازم أوريهم

[sekodialo]

اللى عاوز يعرف عنوان اى تى هاوس يروح لينك دوت نت وهما حيوصلوه بيهم

[ahmed_fantastic]

شكرا على المعلومه

[sekodialo]

السلام عليكم
يا جماعة ادخلوا على اللينك ده . فيه فضيحة شركة لينك دوت نت التى هى شريكة اى تى هاوس فى مساعدته على النصب على المزيد من الناس بدل ما تقف له خطوطه ذى ما الشركات المحترمة عملت ..... (لكن كونى اعرف ان هذا الشخص نصاب واتعامل معه فأنا مثله )

Please open this links

http://www.dvd4arab.com/forums/showthread.php?t=65248

http://www.dvd4arab.com/forums/showthread.php?t=35799


الله المستعان

[socopolos]

احب اقولوكو خبر وحش
اى حد اشترك مع it house اكيد طبعا لانت قطع من عندة و كمان الخط بتاعو ماينفعش يوصل علية نت فى الفترة دية عشان الخط بتاعة يعتبر دليل اثبات فى القضية
بس ممكن يوصل نت مع نفس الشركة ال كانت it house مشتركالو فيها ده لو اتفقت معاهم طبعا

[thuggish_ayman]

walahy ya gma3a it house kolhom nasabin we 7ramya ana bashta3'al fe sherka kbera fe smo7a we kan byt3amelo m3na be7'do menna bed3a credit we ady wesh eldef mashofnash menhom el bla le7ad delwa2ty we rbnea yoster 3ala ba2y el sherekat

AymaN

[sekodialo]

**** الكل ينتبه *****
الرجاء الانتباه من الاخوة المغفلين اللى اى تى هاوس ضحكت عليهم ...... اليكم هذا الخبر العاجل
*** شركة اى تى هاوس اشتغلت فى قصة النصب من جديد باسم جديد وهو netcom cable ورقم تليفونه الجديد بالشركة الجديدة المسماه netcom cable هو 5824952 ..... واللى عنده الوسيط الاسبوع ده واللى فات حيتأكد من كلامى حيلاقى اعلانه بالاسم الجديد ...
وكما قال سامى البارودى
يا قوم هبوا انما العمر فرصة ولكم فى الدهر طرق جمة ومنافع
اهبت فعاد الصوت لم يقضى حاجة الى ولبانى الصدى وهو طائع

شوفوا حقوقكم فين يا بنى أدمين يا مغفلين

[ahmed_fantastic]

**** الكل ينتبه *****
الرجاء الانتباه من الاخوة المغفلين اللى اى تى هاوس ضحكت عليهم ...... اليكم هذا الخبر العاجل
*** شركة اى تى هاوس اشتغلت فى قصة النصب من جديد باسم جديد وهو netcom cable ورقم تليفونه الجديد بالشركة الجديدة المسماه netcom cable هو 5824952 ..... واللى عنده الوسيط الاسبوع ده واللى فات حيتأكد من كلامى حيلاقى اعلانه بالاسم الجديد ...
وكما قال سامى البارودى
يا قوم هبوا انما العمر فرصة ولكم فى الدهر طرق جمة ومنافع
اهبت فعاد الصوت لم يقضى حاجة الى ولبانى الصدى وهو طائع

شوفوا حقوقكم فين يا بنى أدمين يا مغفلين


مغفلين مغفلين
ايــــــــــــــــــــــــــــــــــــــــــه :icon2800:
خلاص الدنيا انقلبت يعنى
الناس اللى انت بتقولهم يا مغفلين يمكن يكونوا اكبر منك فى السن :surrende:
مع احترامى لمجهودك ومشاركتك - بس ياريت يعنى تراعى اداب الحوار :no000000:
مع خالص آسفى ليك لو كنت ضايقتك

[REDCAR]

رجعتلكم من جديد والخبر بتاع تعاون لينك وأى تى هاوس مضبوط ده نصب على نطاق واسع

[msaadm]

شكرا على النصيحة

أنا كنت حاتورطط واشترك معاهم

[sekodialo]

ana assef le Enfally

[lovly man]

الحمد لله اني موصل من السيبر اللي جنبنا :shiny000: :shiny000:

مشتركين في واحد ميجا لاكن السرعة بتوصلني متوسط 400 :icon30:

والتحميل ببرامج الميرور متوسط 50 كيلو يعني تمام وب 30 جنيه بس :smoke100: