Grid لعبة حلوة و لا وحشة ؟؟؟؟؟ أدخل و قول رأيك ضروري .

[mfab]

GRID لعبة حلوة و لا وحشة ؟؟؟؟؟ أدخل و قول رأيك
أنا ها بد بمواصفات جهازي من برنامج EVEREST Ultimate Edition : زي ماأنتوا شفتوا المواصفات مش سوبر يعني على الأد .
CPU Type Intel Pentium 4 530J, 3000 MHz (15 x 200)
Motherboard Name Gigabyte GA-8I945P-G, Audio, Gigabit LAN)
Motherboard Chipset Intel Lakeport i945P
System Memory 1536 MB (DDR2 SDRAM)
Display
Video Adapter NVIDIA GeForce 7300 GT (256 MBDDR 3 )
3D Accelerator nVIDIA GeForce 7300 GT

Disk Drive WDC WD2500JS-00NCB1 (232 GB, IDE)
نيجي للعبة :
1. الجرافيك :
يكفي اني مشغل اللعبة على resolution 1280*768 و معلي كل الخيارات " منها الدخان و اللي هاجيله بعد شوية " و العبة شغالة بدون اي تقطيع لكن معرفش FRAME RATE كام علشان انا مش عندي أي برنامج للتسجيل . المهم نرجع تاني للجرافيك : تجسيم العربيات جاااااااااااااااااااامد جداااااااااا و التفاصيل بتاعة الجمهور فظيعة موووت .
2. اللعبة :
الGame Play بتاع اللعبة بصراحة مش أوي بمعنى انك اساسا بتلاقي صعوبة في سواقة العربية في خط مستقيم و العربية هاتلاقيها عمالة بتحدف يمين في شمال مع أي لف و ده في كل السباقات ما عدا ال Drift و ده بقى حكاية حكاية مبدأيا العربية مبتمشيش في خط مستقيم الا لما تقف تماما و حتى كده برضه في احتمال ان العربية تبرم معاك لو انت واقف في بداية ملف .
3. المؤثرات :
و انا اقصدي هنا بالذات الدخان فهو فظييييييييييييع " بالناحيتن " الايجابية و السلبية :
أ‌. الايجابية : تحس انك بتسوق في الحقيقة .
ب‌. السلبية : انك مش هاتشوف اي حاجة نهائي ادامك بتاتا بتاتا نهائي , و ده ينطبق على عربيتك أو العربيات اللي معاك .

4. أنماط السباقات :
كلها حلوة جدا لولا مشاكل التحكم في العربية " في النقطة 2 " بصراحة الحاجة الوحيدة اللي عرفت العبها هي الDrift برغم مشاكل التحكم و لكنها لما بتظبط فالزحلقة بتكون جامدة جدا .
5. السيارات :
دي بقه النقطة اللي مش عارف لها أي حل فأنا من بداية اللعبة و أنا معايا عربيات أد اللي كانت عندي في
NFS pro street & carbon مع بعض و لكن أنا شايف أن عدد العربيات نحو 40 عربية أنها شوية على لعبة المفترض أنها تكون خليط بين NFS & GT “ GranTorismo” يعني العربيات الكتيييييييييييير بتاع GT و التظبيط المتين بتاع NFS و على فكرة GT من روائع الـ PS1 & 2 . و كمان أنا مش عارف أزاي أظبط في العربي خلاف اللون و الأرقام و الزخرفة وبس على كده .

و علشان أكون خلصت رأي فيها أديكوا تقييمي لها 6/10 للأسف ....

[osama122]

اللعبه حلوه في كل حاجه ماعدا اهم حاجه (التحكم ) وعشان كده need for speed اجمد

[osama122]

اللعبه حلوه في كل حاجه ماعدا اهم حاجه (التحكم ) وعشان كده need for speed اجمد

[tahatalal2006]

التحكم في اللعبة يجيب الظغط تكه بسيطه السيارة تروح فيها لكن من الجرافيكس فهي ممتازة لكن ول الشركة تنزل باتش تعدل طريقة التحكم بتكون اللعبة 100%

[negro wolf]

اللعبة انا كنت مستنيها تنزل و عملت تقرير عنها
و لما لعبتها
اللعبة يا جماعة شلل اطفال
منظرها جميل
جرافيكس روعه
صوت يطرب الاذان
سيارات لا غبار عليها
لكن التحكم اسوا ما في الامر
حاولت جاهدا انى اظبط التحكم من الاوبشن بلا جدوي
السيارة ف المنحنيات قد تصطدم بنسبة كبيرة اوى
و صعبة التحكم فى الخط المستقيم و لكنها ليست المشكله الكبري
مشكلتى ف المنحنيات
اللعبة شلل
5/10

[joker_totti42]

مشكووور س فعلا التحكم وحشة جدا جدا جدا جدا

[mooroo250]

انا معجبنيش التحكم فيها

علشان مع كل ملف العربيه كانت بتحدف يمين او شمال وبعدين يكون ضهرها للطريق فأضطر الف علشان اعرف اكمل

السباق ...... بس بصراحه ده كان في الديمو بتاعها اما النسخه الكامله فأنا مانزلتهاش

[theevil100]

طبعا مع احترامي لكل ألاراء اللي فاتت.انا شايف ان اللعبة دي أجمد لعبة عربيات لحد دلوقتي جرافيكس لا غبار علية جيم بلاي صعب شوية بس هيبقي سهل وممتع مع التعود واللعب الكتير انا كنت في الأول مش عارف ألعبها انما بعد كده اتعودت عليها والموضوع بقي عادي.وبعدين الناس اللي بتشتكي من صعوبة التحكم في العربية ممكن يظبطوا الموضوع دة اللي شايف ان العربية بتعوم منة كتير يخش علي Option وبعد كدة Advanced ويحرك أول مؤشر ناحية اليمين لحد ما يحس ان العربية ظبطت معاة جربوا كده الحركة دي وكل حاجة هتبقي تمام.صدقوني أول ما تتعودا علي اللعبة وتتحكموا في العربية صح هتحبوا اللعبة دي قوي قوي.

[mfab]

طبعا مع احترامي لكل ألاراء اللي فاتت.انا شايف ان اللعبة دي أجمد لعبة عربيات لحد دلوقتي جرافيكس لا غبار علية جيم بلاي صعب شوية بس هيبقي سهل وممتع مع التعود واللعب الكتير انا كنت في الأول مش عارف ألعبها انما بعد كده اتعودت عليها والموضوع بقي عادي.وبعدين الناس اللي بتشتكي من صعوبة التحكم في العربية ممكن يظبطوا الموضوع دة اللي شايف ان العربية بتعوم منة كتير يخش علي Option وبعد كدة Advanced ويحرك أول مؤشر ناحية اليمين لحد ما يحس ان العربية ظبطت معاة جربوا كده الحركة دي وكل حاجة هتبقي تمام.صدقوني أول ما تتعودا علي اللعبة وتتحكموا في العربية صح هتحبوا اللعبة دي قوي قوي.





أخي اللي بتقول عليه ده مظبوط 100% و أنا جربته ....

لكن برضه لسه التحكم زبالة ليه أقولك ليه علشان الأوبشن ده بتاع حاجة أسمها ]Dead Zone على ما افتكر هو فعلا بيظبط العربية و لن بيخلها متلفش يعني مثلا لو خليته في أقصى اليمين أنسى أن العربية تلف /عاك نهائي و هتقضي بقيت السباق بطريقة ( سابق و لآحق ) " كرتون " .

[negro wolf]

أخي اللي بتقول عليه ده مظبوط 100% و أنا جربته ....

لكن برضه لسه التحكم زبالة ليه أقولك ليه علشان الأوبشن ده بتاع حاجة أسمها ]Dead Zone على ما افتكر هو فعلا بيظبط العربية و لن بيخلها متلفش يعني مثلا لو خليته في أقصى اليمين أنسى أن العربية تلف /عاك نهائي و هتقضي بقيت السباق بطريقة ( سابق و لآحق ) " كرتون " .

كلامك صح
انا جربت

[kokoeffect]

فعلا الموضوع ده في مكانة الصح .. لان اكبر مشكلة في اللعبة دي هي التحكم .. وكان لازم حد يتكلم فيها .. بالنسبالي انا مدي الللعبة دي 9.4 /10 .. وده لانها اجمد لعبة سيارات لعبتها من ساعت ما قولت يا GAMES .. بس الحقيقه اللعبة فيها عيوب .. يعني مثلا انا سعات بعتبر الواقعية اللي اكثر من اللازم عيب .. والحقيقه اللعبة دي واقعية لاقصي درجة .. يكفي موضوع السباق بتاع اليوم الكامل اللي بتلعبة في 24 دقيقة .. ولو حصلت لعربيتك اي مشكلة في الاخر يبقي بالسلامة يا معلم ... كان في عيب صغير تاني .. وهو ان بداية اللعبة تتوه شوية يعني متبقاش عارف انت فين ومفروض تعمل اية .. بس انا عايز اقولكم بعد ما مشيت فيها شوية ان اسلوب تدرج السباقات ولعبك للمراحل .. فعلا اكثر من رائع ...

اخر نقطة بقي واللي عليها كلام كتير .. وهي التحكم .. انا عايز اقولكم اني اول ما سطبت اللعبة ولعبت اول طريق .. انا مكملتش اول دقيقة وكنت هعملها UNINSTALL .. لولا ان الجرافك صعب عليا وقلت اديها فرصة تانية ..

وفعلا اكتشفت ان اللعبة مجسمة طريقة السواقه زيها ذي االحقيقة بالظبط .. وانها عايزة تحكم كويس منك وانك تسوق بعقل مش مجرد بتجري بالعربية وخلاص .. وانا عايز اقولكم دلوقتي اني بقفل طرق علي NORMALL من غير ما العربية بتلف مني مرة واحدة .. فدة بيأكد انك لازم تتعود علي اسلوبها .. ذي ما حصل مع DIRT في الاول .. وكان في نفس المشكلة .. لحد ما تعودنا عليها ..

وفي النهاية بشكر اخي mfab علي الموضوع والمناقشة ...

[sub_zero2100]

اللعبة تفصيليا قمة فى الروعة.........
ومعظم الاشخاص يتكلمون عن عيوب التحكم انا شخصيا ايضا اتضايق منه ومن واقعيته....
لكن اعتقد محبين العااب Rally يستمتعون بها ويعتادون عليها...

[MAST3R]

بصراحة لعبة ولا فى الخيال وياسلام لما تلعب مالتىبلير هو فرى يعنى مش لازم تشترى الاصلى وهى افضل من لعبة نيد فور سبيد الطفولية اللى بتجرى العربية وخلاص اعطيها 9.5/10

[sh3waza]

انا هاديها فرصة تانية بكرة علشان انا فشلت فيها اول مرة لكن لو ماظبتش معايا يبقى وأفاه على الجيرافك بفى

[alzawee]

مش عارف يا جماعة ليه التحكم مشكله للكتير مع اني اشوف تحكمها احترافي وواقعي بس حافظ على السيارة من الصدمات لان لو فرقع عندك الكاوتش اليمين مثلا فالعربيه حا تحذف على نا حية اليمين ويسبب مشكله ليك وحاول تلعب بدراع لان الكيبورد شلل بجد انا بلعبها بدراع وزي الفل ومتنساش اولا ضبط اعدادت الدراع من الاوبشن

[Foaad2015]

أنا مستعد ألعب نيد فور سبيد أي جزء ألف مرة ولا أنزل هاللعبة على الجهاز .. اللعبة دي فعلاً زي ما قالوا فوق "شلل أطفال"
حنستنى نيد فور سبيد الجديدة ونشوف حيحصل ايه .

[mido-ghost]

اجمد وافضل واحسن واضخم و اقوي و ... و ... و ... لعبة في تاريخ العاب السيارات من حيس الجرافيك واسلوب اللعب والواقعية ..
وعيب التحكم في السيارة ده محتاج تعود مش اكتر ..
يعني محتاجه واحد لاعيييب ..
بس اللعبه لا غبار عليها تاخد 9.5 / 10 في تقديري الشخصي

[betengan]

احب اقول حاجة عن need for speed
كل اجزائها بلا استئناء وحتى most wanted
فاشلين بمعنى الكلمة والسبب ان مفيش امامنا اختيارات عشان نقول هى كويسة ولا لأ...
لما نزلت dirt سحقتها ونفس الكلام grid
وللأسف اسوأ لعبة اشوفها فى حياتى pro street
لو grid واقعية زيادة عن اللزوم فاللعبة دى فعلا لا تستحق تقييم 1/10
الطريق صغير جدا ولو انكم قولتوا ملاحظتكم عن حكاية التحكم فى grid ف pro street التحكم فيها اسوأ تحكم اشوفه فى لعبة فى حياتى ولم ارى مثله عشان اقدر اعمل سباق عدل فى اللعبة دى قعدت شهر كامل عشان اتعود عليها
وايضا التحكم فى طريق مستقيم بالنسبة ل pro street شوفوا التحكم عامل ازاى
اول ما تعمل نيتروز العربية تطلع لقدام ومتشوفهاش اساسا ولا تعرف تتحكم وكمان متعرفش توقفه إلا لما يخلص
يعنى لو هنقارن بين الاتنين المفروض منقولش اى عيوب فى grid وهى بردوا لعبة
وعلى فكرة انا مش شايف فيها عيوب كل الحكاية اننا اتعودنا على التحكم العقيييييييييييييييييييييم جدا من جهة need for speed وعلى فكرة بعد يوم بالظبط من لعب grid وجربتها اون لاين اللعبة روعة جدا والتحكم فى العربية ظبطه من ال option وبقى رائع لدرجة لا توصف

[osama aly 14]

اللعبه فعلا من حيث الجرافيك والصوت ليس عليها غبار
لكن فعلا زى ما قال الكثير من الاعضاء التحكم فى العربيه صعب جدا
والعربيه بتعوم منك كتير وحتى لو الواحد ركز وساق العربيه كويس
ومعملش حوادث كتير مصيره هيكون الاخير فى ترتيب السباق لان الكمبيوتر
حريف جدا وحتى لو حاولت تدخل فى منافسه معاهم بيكون مصير عربيتك محسوم
وهو انها هتخرب ولو مساعد او كاوتش واحد باز السباق كله باز
بس الشئ الوحيد الذى يشفع لها انك بتحس بصعوبه فى سواقة العربيه
الشئ اللى يخليك تحاول مرارا وتكرارا لحد اما تبقى استاذ فى التحكم فى العربيه
يعنى من الاخر لازم يكون عندك صبر

[alzawee]

يا جماعة كفاية ان الاون لاين فيها روعة والتحكم ينحل باستخدام دراع والعب بالستك وشوف النتيجة وياريت نلاقي لعيبة منكم على الاون لاين والي عاوز يلاعبني ياريت لو يبعتلي رساله

[warid01]

انا معجبنيش التحكم فيها

[chisikola]

بصراحة رغم صعوبتها فى البداية من افضل العاب السيارات

[lovedody_a1]

ياجماعة التحك ف اللعبة جامد جدا ومش صعب بس احنا متعودين مثلا ف برو ستريت ان احنا نهرى
الزرار ضغط لا
هنا فى عقل وتحكم بمعنى الكلمة
مش تدوس بنزين وتجرى تخبط ف اى اتجاه
لا الفرامل هنا لازم تستخدمها استخدام جيد
وفى الاخر اللعبة جااااااااامده
ياجماعه وتستحق التجربة
وفى راى اعلى من برو ستريت الشلللللل
بمراحل رهيبة