تحبى حماتك تسكن معاكى فى نفس الشقة؟

[medacca]

بسم الله الرحمن الرحيم:
فى البدايه احب ان تقبولونى صديقه جديدة , فى الحقيقه سبب كتابتى للموضوع هو انى محتارة اوافق على زواجى من الشخص اللى مالك قلبى ,بس فى الحقيقه فى نفس الوقت يراودنى شعور بفشل الزواج بسبب والدته احيانا اشعر انها فى غايه الحنيه و احيانا اخرى اشعر انها فى غايه القسوة منتهى التناقض , بس انا مش ممكن اتخيل ان اتجوز حد تانى , فى الحقيقه يا جماعه مش عارفه اعمل ايه خايفه من فشل الجواز , يا ريت حد ينصحنى و يقولى رايه بكل امانه اذا كان ولد او بنت ارجو افادتى.....

[romanza]

بصي هو في الأول وفي الآخر اللي بيحكم حاجة زي دي شخصية الزوج نفسه

هل هييجي عليكي مع مامته لو عملت مشكلة؟؟

هل هييجي على مامته أوي؟؟

هل هيقدر يكون حكيم في المعاملة معاكوا انتوا الاتنين؟؟

وبرضه شخصية الأم هل هي طيب وكويسة كده وللا زي الحموات اللي بنشوفهم

بصراحة أكدب عليكي لو قلتلك موضوع نفس الشقة ده سهل

لأنه بجد ساعات بيعمل مشاكل كتير

ولو جوزك قابل مشكلة فيهم من غير حكمة ممكن تبقى مشكلة يعني

حاولي تشوفي معاه طريقة تانية

لو مافيش شوفي هو هيقدر يكون حكيم وللا سوري في اللفظ (ابن مامته)

لو في نفس العمارة مافيش مشكلة نعديها بس نفس الشقة عايزة وقفة شوية

صللي استخارة واستشيري أهلك

وربنا يعملك اللي فيه الخير ان شاء الله

[medacca]

شكرا على ردك الجميل, بس حبيت اوضحلك حاجه , هو شخص حكيم و متزن جدا بس فى الاول و الاخر دى والدته و كتير قالولى ان هيبقى فى مشاكل كتيرة من قعادى فى البيت مع والدته بس هو اقنعنى ان باذن لله مش هيبقى فى اى مشاكل بس الحقيقه حصل موضوع ممكن يكون صغير بس مش عارفه اثر فيا , هو انهم اتخنقو هو و مامتو فاخدت التليفون منه مع انها عارفه اننا بنتكلم على طول , فى الحقيقه مش عارفه هى قصدها تضايقنى و تضايقو ولا ايه المفروض ميحصلش منها كدة فانا تصورت لما حصل فى موضوع صغير رد الفعل دا منها يبقى فى موضوع كبير شويه هيبقى ايه رد الفعل, ولا ايه.

[romanza]

اه فعلا عندك حق

عشان كده بقولك صللي استخارة واستشيري أهلك برضه

وشوفي هل ممكن رد الفعل ده يختلف لو هو راجل متجوز؟؟

[medacca]

شكرا على ردك مرة تانيه وعلى اهتمامك و ربنا يكرمك

[romanza]

العفو يا جميلة وبالتوفيق ان شاء الله
ربنا يقدرلك اللي فيه الخير يارب ان شاء الله