لو انت صريح .... طب قولنا ايه اللى مش عاجبك نفسك

[mao_salama]

مافيش حد خالى من العيوب

الكمال لله وحده ودى حاجه كلنا عارفنها

وكل واحد مننا ليه عيوب فى ناس بتبقى عارفه عيوبها وبتحاول تصلحها وفى ناس بتبقى عارفه ومنفضه وفى ناس مابتحاولش تعرف ايه هى عيوبها

عموما الموضوع ده محتاج جراة شويه وصراحه شويتين زى ماقولنا ماحدش خالى من العيوب وانا اولكم كل واحد يقول العيوب اللى هو شايفها فى نفسه يمكن مع بعض نقدر ننصح بعض ازاى نقدر نصلح العيوب دى

كل واحد شايف انه يقدر يقدم نصيحه لواحد ياريت مايتاخرش عليه


وانا اول واحد هبتدى اقول عيوبى ودى حاجه كده على ماقسم

اولا انا ندل اوووووى ممكن اقول واحد على حاجه وانفضله ويقعد هو يدور عليا بقى بس مش معنى كده لو فى مشكله بخلع لا والله هو بس انا بندل فى حاجات صغيرة مواعيد طلب لحد كده

ثانيا انى ساعات بحب اتفذلك يعنى لما حد يتكلم فى حاجه وانا مش فاهم فيها اوى بحشر نفسى فيها وبحاول اتكلم حتى لو مش عارف حاجه

ثالثا ان انا فضولى اوى اوى اوى وبكره ان فى حاجه تحصل ماعرفهاش حتى لو ماتخصنيش

دى كده كام حاجه ولو افتكرت حاجه تانى هقولكم اعتقد ان انا اتكلمت بصراحه واتمنى ان كل الناس تتكلم بصراحه ومن غير كسوف يلا ورونا جرأتكم وصراحتكم

[TORPIDO_X]

اولا الف شكر ليك ياسلامه على الموضوع الجامد ده

وده مش غريب عليك لانك طول عمرك جامد نخش فى الموضوع

بالنسبه للعيوب انا اعتقد ان العيب الرئيسى عندى هو انى من كتر ما انا مش بحب ازعل حد الناس

بتعتبرنى او بتفتكرنى منافق انت ممكن تقولى رأيك يامحمود فى الموضوع ده

[mao_salama]

اعتقد ان فى ناس كتير مابتقدرش الطيبه او ان الواحد يكون قلبه طيب ومايزعلش من حد او مايزعلش حد منه وفعلا ناس كتير بتفتكر ان ده نفاق بس انت لازم تبقى عارف ان دى حاجه كويسه بس حاول انك ماتخلهاش مع كل الناس اعمل كده مع اللى يستحق بس عشان احنا فى زمن زى مابيقولوا الطيبه فيه بقت عيبه وعموما يابخت الناس اللى بتتعامل معاك

[poisonivy_otety]

حلو أوى الموضوع يا سلامة وانا هاكون أول بنت تتكلم بصراحة:))
انا بحس ساعات كتيييييير أوى انى متسرعة فى قراراتى ومش دايما باخد القرار الصح, وأحيانا بحس انى بيبقى بينى وبين الصح خطوة واحدة انما التسرع بيمنعنى!!

يللا who is next(; ؟

[mao_salama]

ايه ياجماعه كل دى ناس دخلت ومافيش غير واحد بس تجرأ وقال عيوبه كل الناس خايفه تقول عيوبها ولا ايه عموما الاعتراف بالحق فضيله ورحم الله امرء عرف قدر نفسه
واعذرونى ده كده نوع من انواع الجبن انك ماتقدرش تواجهه نفسك وتقول عيوبك

[mao_salama]

حلو أوى الموضوع يا سلامة وانا هاكون أول بنت تتكلم بصراحة:))
انا بحس ساعات كتيييييير أوى انى متسرعة فى قراراتى ومش دايما باخد القرار الصح, وأحيانا بحس انى بيبقى بينى وبين الصح خطوة واحدة انما التسرع بيمنعنى!!

يللا who is next(; ؟

ايوه كده والله عيب على الرجاله انهم يخافوا يقولوا عيوبهم وبنوته شجاعه هى اللى تقول عموما ياقمر انتى مشكلتك بتوجهه ناس كتير اوى انتى لازم تعودى نفسك على انك تتمهلى فى اخطوه تاخديها حاولى كده تجربى فى حاجات صغيرة انك ماتتسرعيش وحاولى تفكرى قبل ماتعملى اى حاجه لان زى مابيقولوا فى العجله الندامه وفى التانى السلامه وبما انى سلامه فانا بقولك تأنى شويه فى تفكيرك وفى تصرفاتك حاولى تستشيرى اى حد من اللى بتحبيهم ويمكن ده يمنعك من التسرع شويه

[mao_salama]

يلا ياشباب ردوا عليا واثبتوا ان احنا رجاله وصرحا مين ياترى هيقدر يتجرأ ويقول عيوبه او حتى عيب واحد فيه يالا

[ahmedadelbasha]

انا حاسس ان عيوبى مش عيوب كلها احاسيسي يعنى بحس ان شكلى مش كويس ومش حلو ولبسى مش تمام اوى زى ما ببقا عاوز وان دمى تقيل وانى بكسف اوى من البنات نفسى الاقى سبب لده مش عارف وشى بيضرب ادامهم سبعميت لون ومبعرفش اكلم معاهم خالص ولسانى بيتعقد المشكلة انى وشى بيحمر ادامهم على فكرة انا مش احمد عادل انا اخوه

[alpha112]

انا بجد كش عارفه عيوبي اعرفها ازاي

[engmst]

يا خسارة الموضوع كان حلو اوي وانا كنت ناوي ادخل واكمل معاكوا بس لما شفت تاريخ اخر مشاركة قلت يا خشارة ليه يا جماعه مكملتوش ده انا كنت ناوي ادخلكوا افكار جديدة لما قريت الموضوع ده ياريت يا اخي يا صاحب الموضوع تبدا تنشط كده من تاني وانا هساعدك ان شاء الله بس يايرت ياجماعة بجد لموضوع فكرته حلوه ومش عايزين نخسرها ياااارريت