ما هو الـ ping ؟؟ و ما هو الـ Lag ؟؟

[GENNI]

أخواني الأعزاء ...
بس انا كنت عايز اعرف ايه هو الping ... و كل لما يكون كتير احسن ولا لا ؟؟؟؟؟؟؟؟
لقد طالعت هذا الاستفسار في موضوع على منتدى الألعاب ...
و فضلت أن أخصص موضوع منفصل للإجابة لأن الإجابة ليست صغيرة ... و أردت تقديم معلومات أرجو أن تكون جديدة عليكم ... حتى نكون كلنا على دراية بمصطلحات اللعب على الشبكة (Online Gaming) إذا ما طالعنا أي موقع أجنبي ...

∞ معنى الكلمة ∞

كلمة Ping هي اختصار لعبارة Packet Information Graper ... و هي تعني حرفيا "بيانات الرسالة التي تتلمس طريق الوصول" ...

إذا ظهر مصطلح الـ Ping ، فلابد من وجود Network ...
تقوم فكرة الـ Ping على أن هناك جهازين يكلمان بعضهما ... يقوم أحد الأجهزة (المرسل) بإرسال رسالة صغيرة (و التي تسمى Packet) إلى الجهاز الآخر (المستقبل) ، فتقوم هذه الرسالة بتلمس طريقها (و من هنا أتت كلمة Graper) حتى تصل للمستقبل ، ثم تعاود الرجوع للمرسل لتعطيه بيانات الرحلة (و من هنا جاء استخدام Information) ... و من أهم هذه البيانات هو زمن الرحلة ذهابا و إيابا ...

∞ معنى الرقم ∞

و هذا الرقم الذي يظهر بجانب الـ Ping هو هذا الزمن مقدرا بالمللي ثانية (ping مقداره 1000 = ثانية واحدة) ...

و لذلك معنى أن تقوم بلعب لعبة Medal على سيرفر الـ Ping بينك و بينه 10000 مثلا (و هو قيمة عالية جدا جدا جدا) أنك لو أطلقت طلقة من سلاح الـ Sniper ستنتظر 5 ثواني كاملة قبل أن تنطلق فعليا على السيرفر ثم 5 ثواني أخرى كي تظهر النتيجة على جهازك !!!!!!
و معناه أيضا أنه لو أطلق أحد اللاعبين الذين الـ ping الخاص بهم صفر رصاصة عليك ... ستموت على السيرفر حالا ، بينما ستظل حيا ترزق على جهازك لمدة 5 ثواني بعدها !!

∞ المشكلة ∞

موضوع الـ ping هذا يسبب واحدة من أكبر مشاكل الـ Online Gaming إن لم تكن أكبرها فعلا ... و هي ما تسمى بالـ "تأخير" أو الـ (Lag) ... و هي ما تعني أن مجريات اللعبة عندك ستكون متأخرة عن مجريات اللعبة على السيرفر ...

∞ تجربة عملية ظريفة ∞

- يمكنك معرفة الـ ping بينك و بين سيرفرات المواقع العالمية مثل www.yahoo.com (http://www.yahoo.com/) مثلا ... بالطريقة الآتية :

اضغط على start ثم اضغط على run ...
اكتب cmd ثم اضغط enter ...
اكتب ping ثم اترك مسافة ، ثم اسم الموقع مثلا www.yahoo.com (http://www.yahoo.com/) ثم اضغط Enter ...
- يمكنك أيضا استخدام الأمر ping لمعرفة أي الأجهزة الموجودين على الـ Network الخاصة بك يعمل و أيهما مطفأ الآن ، و أيضا لمعرفة سرعة اتصالك به ... بالطريقة الآتية :

اضغط على start ثم اضغط على run ...
اكتب cmd ثم اضغط enter ...
اكتب ping ثم اترك مسافة ، ثم رقم الـ IP الخاص بالجهاز الآخر ثم اضغط Enter ...
على حسب القيمة الموجودة أمام كلمة Time :

إذا كانت أقل من 1 ... معنى هذا أن الـ Network تعمل بكفاءة ...
إذا كانت رقم أكبر من 50 ... معنى هذا أن الـ Network بها مشاكل ...
إذا كتب Requested Timed Out فمعنى هذا أن الجهاز لا يعمل الآن ...

تحياتي ... و أرجو أن أكون قد أفدت ...

∞ حقوق النشر ∞

الموضوع غير منقول من أي منتدى عربي أو أجنبي ... و لكن تم الاستعانة بموقع Yahoo للحصول على معلومة واحدة و باقي الكلام من خبرات شخصية ... و لذلك ممنوع نقله إلا بإذن شخصي مني و بشرط التعرض بالذكر لمصدر الموضوع ...

[المستطيل]

سلااااااااام

شرح جميل لهذه الكلمة

وانا ايضا كنت متحير من هالأمر

شكرا لك مرة آخرى

تحياتي

[GENNI]

سلااااااااام ... شرح جميل لهذه الكلمة ... وانا ايضا كنت متحير من هالأمر ... شكرا لك مرة آخرى ... تحياتيلا شكر على واجب أخي العزيز ...
فالمنتدى هو مكان لتبادل الخبرات ... و أنا لم أفعل أكثر من واجبي كعضو فيه ...
تحياتي ... وأنا سعيد لأنني استطعت الإجابة على تساؤل لك :) ...
تحياتي ...

[Mohammed Lotfy]

فعلا تقرير كامل عن الكلمة يا باشا
ألف شكر يا غالى على المعلومات القيمة
لأن أنا عن نفسى كنت بعملها لأختبار الشبكة فقط دون علمى بباقى المعلومات
شكرا ثانى مرة لأفاتدنا جميعا من خبراتك يا Geeni باشا
بالتوفيق دائما

[GENNI]

فعلا تقرير كامل عن الكلمة يا باشا ... ألف شكر يا غالى على المعلومات القيمة لأن أنا عن نفسى كنت بعملها لأختبار الشبكة فقط دون علمى بباقى المعلومات ... شكرا ثانى مرة لأفاتدنا جميعا من خبراتك يا Geeni باشا ... بالتوفيق دائماالله يخليك يا محمد ...
و تحت أمرك و أمر الأعضاء كلهم في أي وقت ...

[MaSTeR_740]

جزاك الله خيرا على هذا الموضوع الرئع

[half_life003]

شكرا على الشرح الخطير

[medo84]

معلومات مفيدة جدا
جزاك الله خيرا يا GENNI
بس لي تعليق
اقتباس من كلامك
إذا كتب Requested Timed Out فمعنى هذا أن الجهاز لا يعمل الآن

هذه الرسالة تظهر ايضا عندما يكون بينك وبين الجهاز الاخر مسافة كبيرة او هناك مشكلة في كارت الشبكة او البنج عالي جدا لدرجة انه لا يستطيع توصيل الـ Packets

[MOHAMED YUSEF]

السلام عليكم
الف شكر اخى العزيز على الشرح الاكثر من رائع و المميز.
و لكن احب اضيف حاجه بسيطه جدا و هى عن تجربه طويله جدا مع كل انواع العاب الاون لاين:
1: البينج او اللاج يتحدد ارتفاعه او تأثيره على العب على اساس نوع العبه الى بتلعها....
مثلا لو انت بتلعب كونتر سترايك سورس و هى من نظام العب ال FPS يجب الا يزيد البينج عن 100
لان هذا النوع من الالعاب يطلق عليه لاعبوا الاونلاين العب اللحظى اى فرق جزء من الثانيه يؤثر و مثال الاستاذ جينى وضح ان البينج لو 1000 يكون الفرق بينك و بين السرفر ثانيه ..... و ما ادراك ما فرق
الثانيه فى لعبه مثل كونتر يعنى لو انت بينجك 500 يكون خصمك شافك قبل ما انت تشوفه ب نصف ثانيه و طبعا هتكون خلاص فى عداد الموتى .......... ده غير ما ان مسؤل السرفر هيكون طردك من السرفر.لان البينج مثل ما يؤثر عليك يأثر على السرفر كله.

لكن لو لعبه مثلا MORPG زى ورلد اوف وار كرافت او جايلد وار هذه الالعاب البينج لو تحت 300 بيكون كويس ليه؟؟؟؟
لان الالعاب ديه انت مش بتكون ضد لاعب بعينه و لكن ضد السرفر و يسمى PVE .... بمعنى ان الوحوش و المهمات الى انت بتلعبها فى العب ديه سرفر العبه هو الى عملها لذلك بيكون فى مرونه مع الاعب و السرفر لان السرفر بيوفر حلول ... مثل لو انت متأخر مثلا نصف ثانيه السرفر تلقائيا يأخر نفسه نصف ثانيه لعمل التوازن بينك و بين البيئه التى تتعامل معها. لكن لو السرفر PVP او لاعبين ضد بعض هنا الوضع يختلف .يعنى كلما قل البينج كلما كان العب اكثر راحه.

2:ليس دائما سبب ارتفاع البينج سوء الاتصال لكن هناك عوامل اخرى تؤثر و ترفع البينج مثل وجود فيروسات او برامج تجسس او تقوم بعمل داونلود اثناء العب او فتح احد برامج المحادثه اثناء العب.

لذلك يجب البحث عن الفيروسات و برامج الجسس .

اتمنى ان اكون اضفت شيئ ولو قليل للعضاء
و شكرا.

[™MαFiα]

الله عليك يا GENNI ياموسوعه
افادتنا افادك الله
ومن تميز الى تميز ان شاء الله
تقبل خالص تحياتى

[GENNI]

شكرا أخواني الأعزاء جميعا على التفاعل مع الموضوع ... و هذا هو معنى كلمة منتدى فعلا ...

جزاك الله خيرا على هذا الموضوع الرئعجزانا و إياكم أخي العزيز ...

شكرا على الشرح الخطير العفو أخي العزيز ... و شكرا على المرور ...

الله عليك يا GENNI ياموسوعه ... افادتنا افادك الله ... ومن تميز الى تميز ان شاء الله .. تقبل خالص تحياتى ألف شكر يا درش على كلامك الجميل ... و أنا في الخدمة دايما ...

إذا كتب Requested Timed Out فمعنى هذا أن الجهاز لا يعمل الآن ... هذه الرسالة تظهر ايضا عندما يكون بينك وبين الجهاز الاخر مسافة كبيرة او هناك مشكلة في كارت الشبكة او البنج عالي جدا لدرجة انه لا يستطيع توصيل الـ Packets فعلا أخي العزيز ميدو ... لقد خانني التعبير ...
إن كون الجهاز لا يعمل هو أحد حالات هذه الرسالة ... و المعنى الدقيق لها هو - كما تفضلت و قلت - أن الـ Packet لا تستطيع الوصول لهدفها ... و من الأسباب أيضا :

الـ IP الذي كتبته خاطئ ... قد يكون نتيجة خطأ منك في الكتابة أو أنه لا يوجد فعلا جهاز بهذا الـ IP ...
الـ IP سليم ... و لكن التوصيل ما بين الجهازين به مشكلة ...
الـ IP سليم و التوصيل سليم ... و لكن الجهاز مغلق الآن ...
الـ IP سليم و التوصيل سليم و الجهاز مفتوح ... و لكنه مشغول جدا لدرجة لا يستطيع معها استقبال الـ Packet ...
الوقت الذي أخذته الـ Packet للذهاب و الإياب يتعدى الحدود المسموح بها ... و هو في الأول و الآخر لن ينتظر مدى الحياة :D
و شكرا على مرورك مرة أخرى ... و ألف شكر على التصحيح ...

البينج او اللاج يتحدد ارتفاعه او تأثيره على العب على اساس نوع العبه الى بتلعها.... مثلا لو انت بتلعب كونتر سترايك سورس و هى من نظام العب ال FPS يجب الا يزيد البينج عن 100 ... لان هذا النوع من الالعاب يطلق عليه لاعبوا الاونلاين العب اللحظى اى فرق جزء من الثانيه يؤثر و مثال الاستاذ جينى وضح ان البينج لو 1000 يكون الفرق بينك و بين السرفر ثانيه ..... و ما ادراك ما فرق الثانيه فى لعبه مثل كونتر يعنى لو انت بينجك 500 يكون خصمك شافك قبل ما انت تشوفه ب نصف ثانيه و طبعا هتكون خلاص فى عداد الموتى .......... ده غير ما ان مسؤل السرفر هيكون طردك من السرفر.لان البينج مثل ما يؤثر عليك يأثر على السرفر كله.
لكن لو لعبه مثلا MORPG زى ورلد اوف وار كرافت او جايلد وار هذه الالعاب البينج لو تحت 300 بيكون كويس ليه؟؟؟؟ لان الالعاب ديه انت مش بتكون ضد لاعب بعينه و لكن ضد السرفر و يسمى PVE .... بمعنى ان الوحوش و المهمات الى انت بتلعبها فى العب ديه سرفر العبه هو الى عملها لذلك بيكون فى مرونه مع الاعب و السرفر لان السرفر بيوفر حلول ... مثل لو انت متأخر مثلا نصف ثانيه السرفر تلقائيا يأخر نفسه نصف ثانيه لعمل التوازن بينك و بين البيئه التى تتعامل معها. لكن لو السرفر PVP او لاعبين ضد بعض هنا الوضع يختلف .يعنى كلما قل البينج كلما كان العب اكثر راحه. ألف شكر على المعلومات الجميلة ... و أنا شخصيا استفدت منها جدا ...
و أرجو منك التوضيح لنا أكثر ما معنى PVE و PVP ...
ليس دائما سبب ارتفاع البينج سوء الاتصال لكن هناك عوامل اخرى تؤثر و ترفع البينج مثل وجود فيروسات او برامج تجسس او تقوم بعمل داونلود اثناء العب او فتح احد برامج المحادثه اثناء العب. لذلك يجب البحث عن الفيروسات و برامج الجسس . بالفعل ... هذه معلومة قد نسيت قولها أيضا ...

ففي الأول و الآخر الاتصال بأي شبكة (سواء كان الاتصال بالإنترنت بـ DSL أو Dial-Up أو الاتصال بشبكة داخلية LAN) هو أشبه ما يكون بماسورة مياه ... و سرعة الاتصال أشبه ما تكون بقطر الماسورة ... و البيانات المتدفقة من / إلى جهازك هي المياه ... فلو أنك أردت إرسال قطرة مياه معينة (و هي هنا تمثل الـ Packet محل الدراسة) فستتوقف سرعة وصلها و رجوعها على حسب كمية الضغط الحالي على الماسورة ...
أي أنك - بلغة الكمبيوتر - لو أردت إرسال Packet عبر أي اتصال ... فسيتحدد سرعة انطلاقها من عندك و استقبالها مرة أخرى بكمية الضغط على الاتصال ...

و هذا يدعونا إلى تساؤل مهم جدا ...
هل تؤثر سرعة الاتصال على الـ Ping ؟؟!
و للإجابة على هذا الاتصال ... دعونا نسأل أنفسنا سؤالا أسهل ... ما الذي يحدث منذ أن نضغط Enter بعد أمر الـ Ping و حتى يظهر الرقم ؟؟
سنأخذ الإنترنت كمثال ...

يقوم الـ Operating System (و هو الـ Windows في حالتنا هذه) بتكوين الـ Packet ثم إرسالها إلى المنفذ الخاص بها ... و هو الـ Modem في حالة الإنترنت ... ثم يقوم الـ OS بفتح Timer ليحسب الوقت ... و هذه العملية لا تأخذ وقتا مذكورا ...
يقوم الـ Modem بإرسالها عبر وسيلة الاتصال (السلك في حالة الاتصالات السلكية - الهواء في حالة الاتصالات اللاسلكية) و من ثم تذهب لأقرب نقطة تالية لها (الـ Router) حتى تعرف ما إذا كانت ستسير على الشبكة الداخلية أم الخارجية (و من هنا جاء استخدام اللفظ Routing بمعنى "معرفة الطريق" ... كما تصف الطريق لزميل لك قائلا "امشي يمين و بعدين من تالت شارع اكسر شمال ......" فهو فعليا ما يحدث) ... و معدل تدفق البيانات التي تنطلق من الـ Modem الخاص بك إلى شركة الإنترنت الخاصة بك هي "سرعة الإتصال لديك" ...
تقطع الـ Packet التي أرسلتها رحلة شاقة جدا ... من Router إلى Router ... و تقطع جبالا و تخوض صحاري و تغوص بحارا :D ... إلى أن تصل لسيرفر اللعبة ... و هو عبارة عن كمبيوتر ضخم ...
يقوم الـ Modem الموجود على الـ Server بالتقاط رسالتك ثم فكها و معرفة ما بها ... ثم يقوم بالرد تلقائيا (بدون المرور على الـ Operating System الموجود بالـ Server)و إرجاع الرد (و الذي يكون بمثابة كلمة "وصلِت" :D و الذي يسمى بلغة الكمبيوتر "Acknowledgment") ... و هذه الـ Ack ما هي إلا Packet أخرى تفيد بأن الـ Packet الأصلية قد وصلت ... مثلما ترسل لصديقك خطابا فيرد عليك بخطاب يقول فيه "خطابك قد وصل" :D ... و بالطبع لأن السيرفر هذا هو كمبيوتر عملاق ... فهذه العملية لا تأخذ أي وقت يذكر ...
تخوض الـ Ack نفس الرحلة التي خاضتها الـ Packet و لكن بالطريق العكسي ... حتى تصل الـ Modem الخاص بجهازك ... فيقوم الـ Modem بفكها و يكتشف أنها Ack للـ Packet التي أرسلها ... فيرسلها إلى الـ OS ...
يقوم الـ OS باستقبال الرسالة ... و من ثم إيقاف الـ Timer و حساب الوقت ... و هذه العملية لا تأخذ وقتا مذكورا ...
و يقوم الأمر ping بتكرار هذه الخطوات السابقة لعدد 4 مرات ... ثم يقوم بحساب متوسط طول الرحلة بالمللي ثانية ...

و من هنا يتوضح لنا أن :

وقت إرسال البيانات من جهازك للشبكة
+
الوقت داخل الشبكة * 2 "ذهابا و إيابا"
+
وقت إستقبال البيانات على جهازك من الشبكة
_______________________________________
وقت الرحلة

و تتحكم سرعة اتصالك بالإنترنت في (وقت إرسال البيانات من جهازك للشبكة) و (وقت إستقبال البيانات على جهازك من الشبكة) ...
و في معظم الحالات يكون هذا الوقت صغير جدا بالمقارنة بـ (الوقت داخل الشبكة * 2 "ذهابا و إيابا") ...
هذا بالطبع على افتراض أنك وقت إجراء الأمر ping كانت الماسورة فارغة و مستعدة للإرسال ...
و لذلك نستطيع القول أن سرعة اتصالك بالإنترنت تشكل عاملا بسيطا جدا في الـ Ping ...

و لكنها تشكل عاملا كبيرا في الـ Online Gaming بشكل عام ... حيث أنك في الـ Online Gaming تكون مضطرا لإرسال بيانات في المرة الواحدة أكبر بكثير جدا من حجم الـ Packet ...
فعلى سبيل المثال ... لو كان اتصالك بالإنترنت هو 256 DSL ... فكمية البيانات التي يمكنك إرسالها في الثانية الواحدة هي حوالي 31 ~ 32 كيلوبايت / الثانية ... و لكن لنفترض أن اللعبة تحتاج لإرسال حوالي 64 كيلوبايت / الثانية ... فستضطر لأن ترسل بيانات الثانية الواحدة في ثانيتين ... و بالتالي ستبدو اللعبة بطيئة بنسبة نصف السرعة على جهازك ... و هذا ليس له أي علاقة بالـ ping ...

أرجو أن تكون الفكرة قد وضحت قليلا ...
و آسف على الاختصار الرهيب ... و لكن الموضوع كبير جدااا ...

تحياتي ... وشكرا لجميع على المشاركة ...

[medo84]

يااااااااااااااه
والله شرحك جميل جدا ومتعوب فيه
جزاك الله خيرا
اضافة بسيطة بجانب شرحك الطويل والمفيد
قد يكون هناك مشاكل فنية بالشركة الي انت واخد منها النت فيكون البينج عالي
وبالنسبة لحكاية سرعة اللعب لا يتوقف فقط على الداونلود ولكن ايضا يتوقف على الابلود
واغلبنا عنده سرعة الابلود = سرعة الداونلود / 4
يعني لو بتنزل على 60 كيلو في الثانية يبقا هاترفع على 20 كيلو في الثانية
يبقا في مجال اللعب اون لاين اللي بيأثر على الموضوع ده اكثر هو البنج وسرعة الابلود وكمان قوة السيرفر اللي انت هاتلعب عليه وده عامل مهم جدا جدا
جرب تلعب على برنامج زي جيم سباي وجرب تلعب على الهاماشي ميدل
هاتلاقي سرعة الجيم سباي جيدة اما الهاماشي لان السيرفر بتاعه ضعيف فهاتلاقي اللعبة بتقطع جامد

[GENNI]

إضافات جميلة جدا مرة تانية ...
و أشكرك عليها جدا يا ميدو ...

[captinmasr]

اولا : اشكرك اخى GENNI على ردك عليا


وعمل موضوع خصيصا من اجلى :5flowerfa


اشكرك يا اخى كثيرااااااااااااا :)


ثانيا : انا المشكلة ان كل الناس اللى بتلعب معايا ميديل

البنج بتاعهم صغير :eek:


ولكن الPING الخاص بى بيوصل الى 400- 500


ويلا اهى ماشية


وبنلعب برضه :smiletest

[cracker]

شرح رائع استاذ Genni وربنا يوفقك وتفيدنا دايما
يارب يكون كل الناس كده دائما فى مشاركة للعلم مع الاخرين وخاصة العرب دا واجب وطنى ودينى ان لا تكتم معلومة
(علم ينتفع به )

[MOHAMED YUSEF]

السلام عليكم
شكرا اخى جينى على الرد الجميل و التشجيع :)

معنى كلمة pve : player vs enviroment
معنى كلمة pvp : player vs player

لذلك فى الاولى انت بتلعب ضد البيئه المحيطه التى يخلقها السرفر للاعبين و طبعا معاك لاعبين فى السرفر لكن لا يوجد احتكاك بهم غير فى تقديم مساعدات و مشاركة المهمات.
اما الثانيه و هى التى تعتمد على الاتصال تماما يكون لاعبين ضد بعض لذلك سرعة اتصالك لو بطيئه هتأثر عليك فى العب.

_______________________________________________

و بلنسبه لكلام اخى ميدو : انت لو اتصالك ممكن يعمل داون لود بسرعة 30 كيلو بايت مثلا السرفر تلقائى بيقسم السرعه الى النصف يعنى نصف In يعنى download و النصف الاخر out يعنى upload.
_______________________________________________

هناك عامل اخر الشباب مش وخدين بالهم منه و هو المسافه بينك و بين السرفر!
.
و الاهم من كل ده هو انت الشركه الى بتزودك بالنت واخده الاتصال منين بالضبط !
بمعنى ايضا انا مثلا الشركه بتاعتى من غير ذكر اسماء واخده النت من شركه من انجلترا اسمها eflag
لذلك انا لما اعمل بحث عن السرفرات التى توجد داخل انجلترا بلقى البينج لا يذيد فى اقصى الاحوال عن 80 لكن لو خرجت خارج قارة اوروبا بلاقى البينج اصبح اعلى.
و اكبر مثال على كده ان فى سرفرات فى دولة السعوديه خاصه بلعبة كونتر سورس و البينج فيها اكثر من 300 ! و إن السعوديه اقرب لى من انجلترا لكن لان الخطوط الربط الدوليه هى الاقرب لى من دولة السعوديه يعنى البيانات طريقها اقصر الى جهازى فى انجلترا منها عن السعوديه.
و طبعا فى شركات فى مصر و اخده الاتصال او زى ما احنا بنقول عليه الماسوره الرئيسيه من امريكا بالتالى البينج افضل فى امريكا عنه من اوروبا مع ان امريكا ابعد .
الخلاصه ان المسافه الفعليه مش هى المقياس للبينج لكن مسافة الخطوط الربط هى الفيصل و بتمر على كام محطه الى ان تصل اليك.
اسف على الاطاله و شكرا.

[GENNI]

اولا : اشكرك اخى GENNI على ردك عليا ... وعمل موضوع خصيصا من اجلى ... اشكرك يا اخى كثيرااااااااااااا :) ... ثانيا : انا المشكلة ان كل الناس اللى بتلعب معايا ميديل البنج بتاعهم صغير :eek: ... ولكن الPING الخاص بى بيوصل الى 400- 500 ... ويلا اهى ماشية وبنلعب برضه :) العفو أخي العزيز ... لا تشكرني فهذا هو واجبي بصفتي عضوا في المنتدى ... و الحمد لله أن الموضوع استقطب خبراء حقيقيين للرد فيه بمعلومات لم أكن أنا عن نفسي أعرفها ... و هذا هو الهدف من المنتدى ...
تحياتي ... و تحت أمرك دائما ...

شرح رائع استاذ Genni وربنا يوفقك وتفيدنا دايما ... يارب يكون كل الناس كده دائما فى مشاركة للعلم مع الاخرين وخاصة العرب دا واجب وطنى ودينى ان لا تكتم معلومة ... (علم ينتفع به ) العفو أخي العزيز ... هذا هو واجبي ...
و شكرا على مرورك و كلماتك الجميلة ...
و لا داعي لكلمة "أستاذ" هذه لأننا كلنا نتعلم من بعضنا :) ...

و أود أن أتقدم بخالص الشكر لأخي العزيز محمد يوسف على التعقيب الرائع كالعادة ... و أرجو من كل عضو لديه معلومة ألا يبخل بها علينا ... بشرط أن يكون متأكدا من صحتها ...

تحياتي للجميع ...

[amertx]

شكرا للمعلومات القيمة جدا انا فعلا المشكلة دي بتواجهني لما بلعب شطرنج اون لاين
بتظهر كلمة لاج ومعها فرق التوقيت لكن مش مرتبطة بنوع الشبكة او الاتصال علي ما اعتقد بالضغط علي السيرفر الخادم نفسه لانه احيانا العب مع ناس من جهات بعيدة جدا وعن طريق دايل اب ومافيش اي لاج
واحيانا مع ناس قريبين جدا ومن دي اس ال ويكون فيه لاج
واكرر شكري وتقديري للشرح
جزاك الله كل خير

[GENNI]

شكرا للمعلومات القيمة جدا انا فعلا المشكلة دي بتواجهني لما بلعب شطرنج اون لاين بتظهر كلمة لاج ومعها فرق التوقيت لكن مش مرتبطة بنوع الشبكة او الاتصال علي ما اعتقد بالضغط علي السيرفر الخادم نفسه لانه احيانا العب مع ناس من جهات بعيدة جدا وعن طريق دايل اب ومافيش اي لاج واحيانا مع ناس قريبين جدا ومن دي اس ال ويكون فيه لاج ... واكرر شكري وتقديري للشرح جزاك الله كل خيرجزانا و إياكم يا أخي العزيز ...
هو فعلا ... طول المسافة (المسافة الحقيقية ... اللي هي طول الاسلاك مش المسافة الظاهرية زي ما محمد يوسف شرح) هي أكبر عامل ... لكنها مش العامل الوحيد ...

شكرا على الإضافة ... و شكرا على المرور ...
تحياتي ... و أنا مبسوط قوي إن الموضوع لقى كل الإقبال ده :5bouncy: ...

[MOHAMED YUSEF]

شكرا اخى العزيز

و معلش احب اضيف حاجه اخيره تؤيد كلامى عن اهمية معرفة المنطقه او الدوله التى يوجد لسرفراتها اتصال جيد معك.

هذه الصوره لسه مسجلها من جهازى من دقيقه و احده و هى للعبة كونتر سترايك سورس
و زى ماانت شايف من الصوره ان السرفر اسمه jolt.co.uk يعنى سرفر من انجلترا.
و لو شايف الرقم فى اقصى اليمين هو ده البينج و الحمد لله ممتاز زى ماذكرت.

[medo84]

الف شكر ياجماعة على الشرح واخص بالشكر اخي محمد يوسف لكن لي استفسار

و بلنسبه لكلام اخى ميدو : انت لو اتصالك ممكن يعمل داون لود بسرعة 30 كيلو بايت مثلا السرفر تلقائى بيقسم السرعه الى النصف يعنى نصف In يعنى download و النصف الاخر out يعنى upload.


من المعلوم ان الشركة الخادمة تعطي لك سرعة للداونلود وسرعة للابلود يعني انت ليك حدود معينه وماينفعش الداونلود يبقا ابلود لان دي ليها طريق ودي ليها طريق تاني خالص في سلك النتورك
يعني انا مثلا سرعة الداونلود عندي 512 ومشترك في adsl وسرعة الابلود لا تتعدى الـ 20 كيلو بايت في الثانية
في ناس مشتركة في sdsl ( مش عارف الاسم ده صح والا لأ ) لكن سرعة الداونلود عندهم زي الابلود وده طبعا بيأثر في السعر
الاستفسار
كيف الداونلود يتقسم ويبقا منه ابلود وداونلود ؟

[Resident.Evil]

الف شكر على المعلومات الرائعة دى والى الأمام دائمآ
انا كنت بتدخل ميدل نت وكنت ببعد عن السيرفرات اللى بنجها عالى وانا مش عارف يعنى اية Ping
واخيرآ عرفت Ping

[cracker]

الف شكر ياجماعة على الشرح واخص بالشكر اخي محمد يوسف لكن لي استفسار


من المعلوم ان الشركة الخادمة تعطي لك سرعة للداونلود وسرعة للابلود يعني انت ليك حدود معينه وماينفعش الداونلود يبقا ابلود لان دي ليها طريق ودي ليها طريق تاني خالص في سلك النتورك
يعني انا مثلا سرعة الداونلود عندي 512 ومشترك في adsl وسرعة الابلود لا تتعدى الـ 20 كيلو بايت في الثانية
في ناس مشتركة في sdsl ( مش عارف الاسم ده صح والا لأ ) لكن سرعة الداونلود عندهم زي الابلود وده طبعا بيأثر في السعر
الاستفسار
كيف الداونلود يتقسم ويبقا منه ابلود وداونلود ؟
اعتقد كده يا medo84 باشا ان ال A اختصار ل Advanced وال S اختصار ل Super كنت قرأتها فى Article

[medo84]

شكرا على الاضافة ولكني بحثت في النت ووجدت
ADSL = asymmetric digital subscriber line
SDSL = symmetric digital subscriber line

معنى SYMMETRIC يعني متناسق او متعادل يعني الداخل زي الخارج UPLOAD=DOWNLOAD
معنى ASYMMETRIC معرفهاش بحثت في قاموس عندي وماطلعهاش بس الواضح انها معناها عكس الاولى

[GENNI]

شكرا على الاضافة ولكني بحثت في النت ووجدت
ADSL = asymmetric digital subscriber line
SDSL = symmetric digital subscriber line

معنى SYMMETRIC يعني متناسق او متعادل يعني الداخل زي الخارج UPLOAD=DOWNLOAD
معنى ASYMMETRIC معرفهاش بحثت في قاموس عندي وماطلعهاش بس الواضح انها معناها عكس الاولىفعلا يا كراكر ... الـ S هي Symmetric (و مهناها "متماثل" ... يعني زي أي شكل نصفه اليمين زي نصفه الشمال ... و معناها فعلا زي ما قال ميدو إن الداونلود زي الأبلود) ... و الـ A هي Asymmetric (و مهناها "غير متماثل" ... يعني زي أي شكل نصفه اليمين مختلف عن نصفه الشمال ... و معناها فعلا إن الداونلود مش زي الأبلود) ...

و الـ ADSL فيه منه 1/4 (يعني الأبلود ربع الداونلود ... و ده المنتشر) و 1/2 (يعني الأبلود نصف الداونلود) ...

و شكرا لكل من شارك في الموضوع ...
تحياتي ...

[M.Rgb]

1000 يامان حاجة عظيمة والله
بس انا كنت عاوز شرح النافذة اللى بتطلع لما بكتب cmd و ping www.yahoo.com
بيتكتب قيم كتيرة وحجات كتير اوى مش فاهم معظمها
ياريت شرحها

[cracker]

متشكر يا جماعة معلومة رائعة ومصطلح جديد فعلاً اول مرة اسمعو
فعلاً اول مرة اسمع عكس Symmetric كنت دايماً فاكرو unSymmetric

[GENNI]

1000 يامان حاجة عظيمة والله
بس انا كنت عاوز شرح النافذة اللى بتطلع لما بكتب cmd و ping www.yahoo.com (http://www.yahoo.com/)
بيتكتب قيم كتيرة وحجات كتير اوى مش فاهم معظمها
ياريت شرحهاقريب جدا بإذن الله .... ممكن بكره بالكتير ... لأن فيه حاجات أنا مش عارفها فهادور عليها الأول ...
و شكرا يا باشا على المرور ...

متشكر يا جماعة معلومة رائعة ومصطلح جديد فعلاً اول مرة اسمعو ... فعلاً اول مرة اسمع عكس Symmetric كنت دايماً فاكرو unSymmetric هاهاهاهاها ... العفو يا كراكر باشا ... و احنا في الخدمة دايما ...

[solghof]

مشكووووووووور اخي علي هذه المعلومة

[N_M_S]

فعلا شرح رائع

[N_M_S]

وتشكر عليه

[barleeny]

ياسلام عليك ياجيني شرح ولا اروع من ذلك

[GENNI]

قمت بنقل هذا الموضوع القديم جدا إلى قسم ألعاب الأونلاين لأنه يناقش مشكلة هامة جدا في كل ألعاب الأونلاين تقريبا ...

أرجو أن يكون ذا فائدة ...

[superher0]

مشكوور اخي العزيز
هذه المعلومات اكثر من مهمه

لانها احد اساسيات اللعب الاونلاين

تحياتي

[menalooka_2010]

الف شكر يا مان علي المعلومات القيمة دي

[ziwa]

thaaaaaaaaaanks 3al ael ma3lomat el gamila di
we 3ala maghoodak el kebeer

[mr_bambino_dent]

شكرا يا باشا علي المعلومات الرائعة . . .

[ايس مان2]

شكرا ياباشا

[samsom43]

allah 3alik ya gamed
alf shokr

[fifa818]

الف الف مشكور

[trishh]

شكراا على التوبيك

[shabab2go]

الف شكررررررررررررر

[Anti_Tricks]

شرح اكثر من رائع
ربنا يزيدك كمان وكمان

[S__A__S__A]

أيه الجمال ده

و الله شرح ولا اجمل ولا اروع

الف شكر يا معلم يا كبير