المساعد الشخصي الرقمي

مشاهدة النسخة كاملة : موضوع مهم جدااا ارجو الدخول والمشاركة

gorg_sa2000
05-06-2008, 02:55 PM
اهلا بيكم
فكرة الموضوع بسيطة وجميلة هى حوار بين الاولاد والبنات يعنى محاولة التعرف على طبيعة الاولاد و البنات قولولى ازاى طبعا عن طريق الاسئلة يعنى كل ولد وبنت يوجة سوال الى الطرف الاخر عن طبيعتة وما يدور بداخلة اتجاة الجنس الاخر يعنى حوار لفهم طبيعتناالحوار هيكون بادب واحترام وياريت للموجودين يهتمو بالموضوع وتحياتى ويالة نبدا مين اول واحد هيسال
romanza
08-06-2008, 04:51 AM
ميرسي جدا على الموضوع ولو ان الفكرة مكررة فأرجو الانتباه لهذ النقطة

لكن أتمنى أن يتفاعل الأعضاء معك

وهبدأ انا بأول سؤال

ايه اللي بيسد نفس الواحد في زوجته مثلا لو عملته؟؟

سؤال غريب معلش بس مش عايزين نسد نفس حد D :


بالتوفيق ان شاء الله

في رعاية الله
gorg_sa2000
06-07-2008, 12:07 PM
الى اختى العزيزة هل تريدين معرفة الاشياء التى تسد نفس الزوج من زوجتة لكى تفعلية ام تتجنبية:15:
دريم احمد
07-07-2008, 04:06 AM
موضوع جميل
وانا كراجل هسأل السؤال التانى
ليه دايما غيره الراجل بتعدى بابتسامه حلوه من حبيبته ولو طولت كتيرها ساعه وهو اللى بيتصل يصالحها وغيره البنت بتقلب بعركه ولازم ينام متنكد؟؟
سؤال رزل معلش
uonly
07-07-2008, 04:06 PM
موضوع حلو وفكرته رائعه
بس اهم شيء اننا نتناقش باسلوب كويس لعلنا نفهم بعض

بس ليا طلب لو نخلي مثلا يوم لاسئله البنات
وتانى يوم الاولاد يجاوبوا عليهم

وبعد كدا يوم للاولاد واسئلتهم
وتانى يوم البنات تجاوب عشان تبقي منظمه اكتر؟؟؟؟؟

فكره مش اكتر ولو عجبتكم يا ريت ننفذها

هرد بقي باعتباري بنت ع سؤال دريم احمد
ممكن داه يكون لطبيعه المراه هى عارفه ان زوجها ممكن يحب ويتزوج عليها واحده واتنين وتلاته
فبتخاف انها لو شافته باصص لوحده يكون بيحبها وممكن وممكن
داه لانها بتنكد عليه او لانها شكه في حبه ليها اصلا او شكه فيه ؟؟؟؟

انما هى لو واثقه فيه وانه بيحبها اعتقد انها هتغير عليه اااااااه بس بعقل وشم هتسيبه لنام متنكد عليه ابدا

انما الراجل لو غار ع زوجته فهو واثق ان زوجته مش بصت لحد لا داه حد هو اللي بص ليها
حد هو اللي كلمها كويس
وهي ملهاش ذنب
فبسامحها بسرعه

بس داه مش يبرر ابدا افعالها
وانها تنكد ع زوجها

بجد الحياه جميله اووووووى
مش مستهله ننكد ع بعض
يعنى انا شايفه الغيره تكون متوازنه وف حدود المعقول والثقه بالنفس

وارجع واقول لكل قاعده شواذ وداه مش يمشي ع كل البنات ولا كل الاولاد
ديه مجرد وجهه نظري
romanza
07-07-2008, 06:22 PM
أكيد عشان أتجنب أعمله مش عشان أعمله واسد نفسه يعني
ibrahim_m
07-07-2008, 06:34 PM
موضوع جميل و السؤال اللى نفسى اى بنت تجاوبنى بجد ايه اللذة اللى بتحس بيها البنت لما تتقل على واحد وهى يمكن تكون بتحبه