اقرأ قانون المرور الجديد !!!! [الأرشيف] - موقع الدي في دي العربي

مشاهدة النسخة كاملة : اقرأ قانون المرور الجديد !!!!

ELHDDAD

04-06-2008, 09:21 PM

http://img84.imageshack.us/img84/196/cpsmni10260208115540phokg2.jpg

بعد موافقه مجلس الشعب على قانون المرور الجديد كان لابد ان نعرف ماهى العواقب المترتبه على هذا القانون وكان يجب طرح سؤال
هل هذا القانون خطوه الى الامام ام رجوع ميل الى الخلف ؟؟

معلشى بقه هاتكلم عادى شويه لأنى بصراحه اول مره سمعت عن القانون ده قررت انى مش هاشترى عربيه والحمد لله العجله عندى سرعات وكله تمام

المهم لما قريت المقال اللى بيشرح التعديلات اللى اتعملت فى القانون ده اتأكدت اكتر انى فعلا ممكن ماشتريش عربيه خصوصاً فى وسط بعض السواقين الهمج اللى ممكن يدخلوا فيك حتى وانت واقف بعربيتك على العموم انا هانقلكم المقال بالكامل ولنا تعليق فى آخر المقال

اقرار تعديلات قانون المرور: 20 عاما اقصى عمر لسيارات الاجرة وصندوق اسود للحافلات وترخيص التوك توك..

القاهرة - وافق مجلس الشعب بصفة نهائية على مشروع قانون بتعديل بعض أحكام قانون المرور.

كما وافق المجلس على مادة فى هذه التعديلات تقضى بوضع جهاز لتسجيل المعلومات بتحركات المركبة وتصرفات السائق وتخزينها بطريقة ألية يستحيل التدخل اليدوى فيها وذلك فى سيارات الاتوبيسات العامة والمدارس والسياحة والرحلات والنقل وهى المادة التى كانت اللجنة المشتركة قد حذفتها أثناء مناقشتها.

وأقر مجلس الشعب - فى جلسته مساء السبت - مبدأ التدرج فى تركيب الجهاز وهو يشبه الصندوق الاسود فى الطائرات وأن تكون البداية بالحافلات.

وقال الدكتور أحمد فتحى سرور رئيس المجلس ان هذه المادة مهمة ويجب ايجاد تسهيلات لتركيب هذا الجهاز، حسبما ذكرت وكالة انباء الشرق الاوسط.

ودارت مناقشات مهمة حول تركيب الجهاز وأيد النواب ماذهب اليه الدكتور سرور من أهمية وضرورة الابقاء على هذه المادة وأن يكون التركيب تدريجيا وهو ما أشار اليه ايضا اللواء شريف جمعة مساعد وزير الداخلية للشرطة المتخصصة والذى قال " أن هذا الجهاز فى منتهى الاهمية وقد طالبنا بوضع هذا الجهاز الذى يجمع المعلومات من أول الرحلة الى آخرها" .

وأوضح اللواء شريف جمعة مساعد وزير الداخلية للشرطة المتخصصة ان هذا الجهاز يتكلف ألفى جنيه ومن الممكن التدرج فى تركيبه على أن نبدأ بحافلات نقل الركاب مشيرا الى أننا لانعرف سبب حادث اتوبيس السياح الذى وقع مؤخرا وهناك نوع حديث من هذه الاجهزة يصور السائق اذا نام وهو سائق ويصدر أصواتا توقظه .

وأقرت التعديلات وضع جهاز محدد السرعات بمركبات السياحة والنقل لا يتيح فنيا لقائدى تلك المركبات تجاوز السرعات المقررة وتزويد المركبة بمثلث عاكس للضوء لوضعه على أرضية الطريق خلف المركبة بمساحة لاتقل عن عشرة امتار حال توقفها لحدوث عطل وتزويد المركبة بحقيبة للاسعافات الاولية .

وأجبرت التعديلات ضرورة حصول قائد مركبة /التوك توك/ على رخصة تجيز لحاملها قيادتها.

وحظرت اضافة ملصقات أو معلقات أو وضع أية كتابة أو رسم اية رموز أو أية بيانات اخرى وأقرت عقوبة مالية على ذلك وفى جميع الاحوال تضاعف عقوبة الغرامة المالية عند ارتكاب اى من هذه الافعال خلال ستة أشهر من تاريخ الحكم النهائى بالادانة .

واشترطت التعديلات ضرورة اجادة القراءة والكتابة لاول مرة عند استخراج رخص القيادة واعادة اختبار كل قائد مركبة ارتكب حادثا ترتب عليه حدوث وفاة أو اصابة .

ووافق مجلس الشعب على مادة ترخص لضباط المرور بتقييد المركبات حال توقفها أو انتظارها فى الاماكن المحظور الوقوف فيها وذلك بوضع اقفال حديدية على اطارتها لمنع حركتها ولحين استكمال اجراءات سحبها .

ويعاقب بالحبس لمدة لاتزيد عن ستة أشهر وبغرامة لا تقل عن مائتى جنيه ولا تزيد عن الف أو باحدى هاتين العقوبتين كل من أزال أو فك أو احتفظ باى من تلك الاقفال .

ودارت مناقشات مهمة حول هذه المادة التى جاءت من الحكومة مختلفة تماما اذ اجازت لضباط الشرطة تقييد المركبات ولكن نواب الحزب الحاكم رفضوا ذلك وطالبوا بأن تكون سلطة التقييد لضابط المرور بدلا من أى ضابط شرطة .. اما الحبس فقد جاء بمدة لاتزيد عن سنة والغرامة لا تقل عن ثلاثمائة جنيه ولا تزيد عن الف جنيه .

ولكن الدكتور سرور أوضح ان جريمة فك الاختام الحد الاقصى في الحبس فيها ستة أشهر والغرامة لاتتجاوز مائتى جنيه فقط واقترحت الدكتورة امال عثمان رئيسة اللجنة التشريعية ان تكون الغرامة بحد أقصى الف جنيه نظر لان الوقوف بالممنوع سيؤدى الى عرقلة انسياب المرور ووافق المجلس على ذلك .

وعاقبت التعديلات كل من قاد مركبة من دون الحصول على رخصة قيادة بالحبس لمدة لاتزيد عن ستة أشهر وبغرامة لا تقل عن مائة جنيه ولاتزيد عن خمسمائة.

كما عاقبت التعديلات بالحبس وبغرامة لاتقل عن الف جنيه ولاتزيد عن ثلاثة الاف أو باحدى هاتين العقوبتين كل من تعمد السير عكس الاتجاه فى الطريق العام داخل المدن أو خارجها فاذا نجم عن ذلك حدوث اصابة أو وفاة للغير تضاعف عقوبة الغرامة.

وكان المشروع المقدم من الحكومة يضاعف مدة العقوبة السالبة للحرية ولكن الدكتور سرور أوضح ان مدة عقوبة جريمة القتل الخطأ فى قانون العقوبات من 24 ساعة الى ثلاث سنوات ومن ثم فان زيادة العقوبة السالبة للحرية لامبرر لها حتى تجىء اتساقا مع فقرة مع عدم الاخلال باية عقوبة اشد فى اى قانون اخر.

وعاقب المشروع قائدى المركبات التى تتسبب دون مقتضى فى تعطيل حركة المرور او تعويقها بغرامة لاتقل عن خمسمائة جنيه ولاتزيد عن الفى جنيه كما عاقب كل من اقام مطبا صناعيا دون ترخيص او اغلق مكانا او اقتطع أو احتجز أو منع استخدام جزء من نهر الطريق بشكل يؤدى الى تضييقه أو اعاقة المرور بالحبس مدة لاتقل عن سنة وبغرامة لاتقل عن الف جنيه ولاتزيد عن ثلاثة الاف أو باحدى هاتين العقوبتين وتضاعف العقوبة عند العود لارتكاب الفعل خلال سنة من تاريخ الحكم النهائى بالادانة.

وعاقب المشروع بنفس العقوبة السابقة كل من سمح بقيادة مركبة لمن دون الثامنة عشر أو لاى شخص غير مرخص له بالقيادة اذا نجم عن ذلك حدوث اصابة او وفاة او ضرر للغير كما عاقب المشروع بالحبس مدة لاتقل عن ستة اشهر وبغرامة لاتقل عن عشرين الف جنيه ولاتجاوز خمسين الفا أو باحدى هاتين العقوبتين كل من قاد مركبة لنقل مواد او سلع أو ادوات أو اشياء من المحظور تداولها أو نقلها.

ووافق المجلس وسط اعتراض المستقلين على احلال سيارات الاجرة وسيارات نقل الركاب مضى على صنعها عشرين عاما بسيارات حديثة.

ورفض نواب المعارضة والمستقلين ذلك واكدوا ان كل سيارات نقل الركاب بين المحافظات هى سيارات بيجو مضى على صنعها اكثر من اربعين عاما واكدوا ضرورة ان تكون الحالة الفنية للسيارة هى الفيصل.

ولكن المهندس احمد عز رئيس لجنة الخطة والموازنة وامين التنظيم بالحزب الوطنى قال اننا يجب ان ننظر للامام ونتخذ قرارات شجاعة لان السيارات القديمة معدل استهلاكها للوقود اكثر وحالتها اصبحت تشكل خطرا على المواطنين وهناك قلة فى قطع الغيار وصعوبة صيانتها واكد ان التحديث صعب ولكن يجب ان ننظر الى مصلحة المجتمع وهناك دول عربية كثيرة اخذت بهذا الاسلوب منذ عشر سنوات .

وشبه عز هذا الجدل حول هذه السيارات بالجدل الذى ثار منذ ربع قرن حول الغاء العربات الكارو.

وثار نواب المعارضة ثورة كبيرة ولكن الدكتور سرور رفض اعطاء الكلمة لاى نائب منهم فانسحبوا من الجلسة.

وأوضح ابراهيم الجوجرى وكيل اللجنة التشريعية بمجلس الشعب ان هناك احصائية تفيد بان عدد السيارات التى صنعت منذ عام 72 وحتى 1987 حوالى 253 الف سيارة ولكن نواب المعارضة اكدوا انها تصل الى اكثر من نصف مليون سيارة وهذا سيؤدى الى تضرر نحو نصف مليون اسرة.

ووافق المجلس على اعطاء مهلة لتوفيق الاوضاع ثلاث سنوات ورفضت الحكومة اقتراح المعارضة باتاحة سيارات اجرة معفاة من الجمارك بدلا من التى مر على صنعها عشرين عاما.

وأنشأ التعديل صندوقا يتبع وزير المالية له موازنة خاصة ويختص بتقديم قروض لتمويل شراء مركبات النقل البديلة وسيارات الاجرة وسيارات نقل الركاب.

وطالب الدكتور مصطفى السعيد رئيس اللجنة الاقتصادية المجتمع بتحمل احلال سيارات الاجرة القديمة بسيارات حديثة.

واعرب الدكتور سرور عن خشيته بعدم دستورية هذه المادة التى تقيد الملكية وقال انه تلقى رسالة من وزير البيئة تفيد بان مجلس الوزراء وافق على مشروع لاحلال سيارات الاجرة القديمة وقدم لاصحابها حوافز مالية لاحلالها.

واتفق المجلس على النص على وجود حوافز مالية مناسبة لاصحاب هذه السيارات.

مصدر المقال : الموقع الرسمى لوكالة انباء الشرق الاوسط
اعتقد انه فى نقاط ايجابيه واخرى اقل ما يقال عنها كارثيه مثل ادخال عقوبة الحبس الجبرى واعطاء ظباط الشرطه النظامين حق تطبيق قوانين المرور ( اصلها ناقصه الصراحه ) يعنى لو الظابط شكلك مش عاجبه - وبتحصل كتير جداً - هاترح كلابوش يا سيدى الفاضل
المشكله بقه فى هذا القرار ان اساسا الغرامات بقت خياليه يعنى سير عكس الاتجاه لا تقل عن 1000 جنيه ولا تذيد عن 3000 يعنى فى انتعاشه متوقعه فى سوق الرشاوى بتاعت الامناء والكومسطبلات واهو كله لخدمة المواطن
حاجه تانيه لفتت نظرى :
تخيل انت ماشى فى السلطان حسين عندنا او على كوبرى 5 اكتوبر فى القاهره وعربيتك عطلت مثلا تتغرم 500 جنيه على الاقل او 2000 جنيه على الاكثر انا عارف انه موجود كلمة ( دون مقتضى فى نص القانون ) بس برده مين اللى هايحكم الاخ الاستاذ الكومسطبل ييعنى برده حاطط روحك فى ايديه على اساس انه من حمات الوطن مش من مناشيرها
الكارثه بقه هى المحاوله الساذجه للاستاذ / ابراهيم الجوجرى وكيل اللجنة التشريعية بمجلس الشعببمحاولة اقناعنا بأن عدد السيارات التى تم انتاجها من عام 72 الى عام 87 هو 253 الف عربيه بس !!!!! اعتقد الناس اللى ساكنه فى القاهره خصوصا عارفين يعنى ايه الكلام ده ومدى السذاجه اللى فيه على فكره الكلام على الجمهوريه كلها يعنى العدد يشتمل جميع محافظات المحروسه وطبعا اكتر شئ يزعل هو عدم الترخيص لأى عربيه يذيد عمرها عن 20 سنه وعلى اد ما الواحد عايز يركب تاكسى محترم على اد ما بيفكر وسواقين التاكسى دول يعملوا ايه وهايجيبوا منين سعر عربيه حديثه لهم الله فعلا
على العموم ديه كانت وجهة نظرى فى القانون الجديد وطبعا تقبل المناقشه وطبعا برده كل واحد فينا ليه وجهة نظر
اعذرونى على الحديث باللغه العاميه ولكن اعتقد ان هذا الموضوع لا يحتمل اى فزلكه او انتقاء كلمات واعتذر بشده على الاطاله
اخيكم احمد الحداد

shary_asd

06-06-2008, 05:37 AM

shary_asd

06-06-2008, 05:38 AM

هنعمل ايه بس
البلد بتاعتهم
http://forums.myegy.com/referer/test.php?img=http://www.**************/vb/uploaded/4289_1203425525.gif

shary_asd

06-06-2008, 05:40 AM

اقروووووووووووووووو قانون المرور الجديد بعد البنزين

http://www.**************/vb/uploaded/4289_1203425525.gif

ELHDDAD

06-06-2008, 05:44 AM

اولا الخبر كنت سامع عنه
ومشكووووووووورررررررررررر حضرتك بجد بجد المفيد وضرت القانون كله وتسلم بجد
اماشرحك فهو بالظبط اللى حيحصل وربنا يستر خاصه فى المخالفات
نقدك للقانون فعلا من واقع الحياه وهو دا اللى حيحصل
كتر خيرك وشكرا ليك
وربنا يستر مبقاش فى ايدينا حاجه
دنيا خربانه
دنيا خربانه

http://forums.myegy.com/referer/test.php?img=http://www.**************/vb/uploaded/4289_1203425525.gif

هنعمل ايه بس
البلد بتاعتهم
http://forums.myegy.com/referer/test.php?img=http://www.**************/vb/uploaded/4289_1203425525.gif

اقروووووووووووووووو قانون المرور الجديد بعد البنزين

http://www.**************/vb/uploaded/4289_1203425525.gif

المشكله بقه انهم بيكدبوا على نفسهم ومتوقعين ان كوادر المرور من اصغرها لأكبرها عندهم ضمير طبعا الاغلبيه لا يتحلوا بهذه الصفه والناس المحترمه بجد قليله جدا ولنا الله ان شاء هو سبحانه وتعالى

مشكور يا shary_asd على مرورك وردك الكريم

lemo147

06-06-2008, 06:02 AM

شكرا يا باشا علي طرحك للقانون

ELHDDAD

06-06-2008, 05:54 PM

شكرا يا باشا علي طرحك للقانون

العفو يا ليمو ونورت الموضوع ياباشا

eng-mahmoud2008

08-06-2008, 07:53 PM

انتم عارفين ايه اللى هيترتب على القوانين الجديده ده
ان الرشاوى فى المرور هترتفع بشكل خيالى وهيبقى الساعى فى المرور دخلة الشهرى هيعدى دخل وكيل الوزارة

ELHDDAD

08-06-2008, 11:29 PM

انتم عارفين ايه اللى هيترتب على القوانين الجديده ده
ان الرشاوى فى المرور هترتفع بشكل خيالى وهيبقى الساعى فى المرور دخلة الشهرى هيعدى دخل وكيل الوزارة

ده اكيد طبعا ياباشا وهو ده اكتر حاجه واجعه قلبى

a_casper

08-06-2008, 11:40 PM

مشكور يا بوب على توضيح القانون ولنا الله يا مصريين

eagle_sniper200

09-06-2008, 06:50 AM

شكرااااااااااا ياباشا على القانون

ELHDDAD

09-06-2008, 07:23 AM

مشكور يا بوب على توضيح القانون ولنا الله يا مصريين

شكرااااااااااا ياباشا على القانون

مشكور يا شباب على مروركم وردكم على الموضوع

elkomanda2

09-06-2008, 10:36 AM

dead undertaker

09-06-2008, 03:33 PM

فى البداية أحب أشكر حضرتك على الموضوع الجميل ده
أنا مش موافق على حاجات كتير فى القانون ده
كده أعطى سلطات كتير أوى لاى فرد من أفراد الداخلية و بصراحة هى مش ناقصة أساسا
و بعدين بالنسبة للتوك توك ترخيص على أساس إيه
أنا مش ضد التكاتك اولا أنا عندى توك توك و انا اللى شغال بيه
لو هما رخصوه إزاى تضمن إن مفيش واحد هيسوقه و هو معهوش رخصة ؟؟؟
لإنه طبعا شغال فى مناطق خالية من المرور
أعتقد غن لازم يكون فيه ضوابط أكتر فى القانون ده

ELHDDAD

09-06-2008, 04:47 PM

بيقولك ضربوا الاعور على عينه قالك كده كده بايظه يعنى كل حاجه عندهم بقت مخلفات وحبس الحمد لله انهم مجوش جمب الناس اللى ماشيه على رجليهم فى الخطه الخمسيه الجايه هيدفعوهم غرامة عبور طريق وهيرخصوا العجله
بس حلوه اوى حكاية الصندوق الاسود دى ((يلا خلى الصين تشتغل ورجال الاعمال الوطنين بتعنا يشتغلوا ))
وعمار يبلادى

ومين عارف يا كوماندا مش يمكن صح يقولوا هانعمل نمر للمشاه قريب وكله مصلحه خلى المرور يقبض

فى البداية أحب أشكر حضرتك على الموضوع الجميل ده
أنا مش موافق على حاجات كتير فى القانون ده
كده أعطى سلطات كتير أوى لاى فرد من أفراد الداخلية و بصراحة هى مش ناقصة أساسا
و بعدين بالنسبة للتوك توك ترخيص على أساس إيه
أنا مش ضد التكاتك اولا أنا عندى توك توك و انا اللى شغال بيه
لو هما رخصوه إزاى تضمن إن مفيش واحد هيسوقه و هو معهوش رخصة ؟؟؟
لإنه طبعا شغال فى مناطق خالية من المرور
أعتقد غن لازم يكون فيه ضوابط أكتر فى القانون ده

اساسا الايجابيات اللى فى القانون ده اختفت بفضل اطنان السلبيات اللى فى القانون وفعلا لنا الله

turbocharger

09-06-2008, 04:55 PM

الف شكر يا حداد باشا على الموضوع الجامد دة وفعلا ربنا يكون فى عون اصحاب التاكسيات وربنا يستر والقانون بتاع ال 20 سنة دة لا يطبق على الملاكى

ELHDDAD

09-06-2008, 06:36 PM

الف شكر يا حداد باشا على الموضوع الجامد دة وفعلا ربنا يكون فى عون اصحاب التاكسيات وربنا يستر والقانون بتاع ال 20 سنة دة لا يطبق على الملاكى

الله يخليك يا تيربو
كارثه وتحدى صارخ للحريات لو القانون ده اطبق على الملاكى واعتقد انه استحاله انه يطبق على الملاكى لأنها ببساطه
ملاكى

™ ΛHM€D NΘUH

13-06-2008, 04:58 PM

والله انا من راى ان الموضوع ده سلاح ذو حدين

وعلشان نتفادى الحد اللى يأذينا منه فى خطوات تانيه كتير محتاجه تتعدل علشان القانون ده فعلا ينضف مصر مش مجرد يبقى كلبش جديد فى ايدينا

انا هتكلم الاول بس عن نقطه نقطه فى القانون الجديد وبعدين هقولك راى العام عنه

حته الصندوق الاسود دى كويسه جدا خصوصا ان اصلا اوتوبيسات السياحه السواقين يا جماعه والله مغصوبين على الجرى مش بمزاجهم يعنى

اما ان الشركه عاملاله جدول مزحوم جدا فى اليوم الواحد وطلوب منه انجازه والا هيقابل الغرامات والطرد وكده فالراجل زى كانه فى نيد فور سبيد بالظبط عايز يلحق يخلص المهمه قبل ما ينقص من مرتبه المتواضع

يا اما على حسب كلام بعضهم اللى قريته فى احد الجرائد مره ان دوريات الشرطه اللى معاهم واللى خلاص طبعا بقت تويوتا كامرى وعيشتهم ارتاحت بيجرو طول الطريق ولو السواق مجريش مع الظابط بتاع الدوريه بيقابل بكميه تهزيق وسفاله علشان اتاخر على معالى البيه اللى مستعجل ومش قادر يراعى ان فى وراه واحد باتوبيس فيه ارواح واظن انت يا حداد فى اسماعيليه عارف موضوع رحلات السياح اليوم الواحد بتاعت بورسعيد الاتوبيسات بياخدو طريق مصر على سرعات رهيبه ازاى علشان يلحق يخلص كل البرنامج فى يوم واحد
وكذلك رحلات الغردقه اللى فيها بيروحو اسوان فى زمن خيالى

والمنظر بتاع الدوريه اللى بتجرى وجرا وراها الاتوبيسات ده انا شوفته كتير

طيب ياترا الصندوق ده فعلا هيفى بالغرض

اه هيكون ليه تاثير كبير لو فعلا محدد السرعه القصوى للعربيه لكن الدور الاكبر فى الرقابه الحقيقيه عليه من اجهزه الدوله لان الشركات لو هى اللى بقت رقيب على الاتوبيسات دى كل عام وانت طيب بنفسهم هيضربو التقارير لان من مصلحتهم ان السواق يجرى ويطبق باليومين سواقه علشان يلحقو يعملو كميه شغل وافواج بالعبيط

كعاده بلدنا دايما الغلبان اللى فى النص اللى هو السواق هو الجانى والمستهتر اللى قتل السياح وكل الضغط اللى عليه من الشرطه والشركه اللى مشغلاه ظلم

------

التوك توك مع انى من اكبر المتغاظين بالاختراع المريض وبواقى التصنيع ده لكنه ممكن لو استغل صح يبقى فعلا حل لازمه المرور فى احياء شعبيه كبيره زى شبرا وضواحيها

الرقابه يا ناس هى الحل مش فرض القوانين علشان امناء الشرطه اصلا قانونهم الاساسى هو الدفع او الحبس

واقسم بربى انا قابلت امناء وظباط مرور كتير قوى قوى لا يفقهو شئ فى قانون المرور من الاصل

ممنوع ملصقات ومش عارف رخص وفيلم مين ماشى معاك بس انت عملت ايه الاول فى الشخص المطبق للعقوبات دى

زى ما هو ناهب سارق معدوم الزمه كل همه هيعمل حصيله بلطجه كام النهارده

مشكلتنا ما زالت فى مطبقين القانون يا حكومه مش فى القانون نفسه افهموها بقى

------

ويافرحتى بقال ايه يعاد اختبار الرخصه كل من عمل حادثه وقتل ناس

فعلا قرار سليم واحد قتل ناس فى حادثه من استهتاره او عدم خبرته الجيده فى السواقه اقوم عامله قرطاسين واقوله عدى بينهم من غير ما تخبطهم وبعد ما يعدى اقوله شاطر يا عينى يبقو الناس الوحشين هما اللى نطو على كبوت عربيتك وانت بتجرى مش غلطتك انت

احكيلكم عن موقف لصديق لى عايش فى امريكا فى اختبار رخصته مع انه كان بيسوق بقاله 7 سنين فى مصر قبل سفره هناك

اتحرم من الرخصه 6 شهور لسبب لو عرفه الناس فى مصر هيجيلهم سكته قلبيه

خرج معاه المختبر فى عربيه يلف فى شوارع المدينه معاه طبعا وبلاحظ سواقته فى الزحمه وعلى الطرق السريعه وكذا جلسه سواقه قبل ما ياخد التاكيد على اهليته للسواقه

الو غلطه له انه خرج من شارع جانبى على شارع عمومى وهو بيقسم بالله ان على مدى النظر فى الاتجاهين ما كانش فى جنس عربيه ولا عجله حتى وهو مع ذلك هدى جدا جدا وبص يمين وشمال وبعدين دخل الشارع

المختبر سقطه علشان موقفش تماما لان مينفعش يطلع على شارع الا اذا وقف خالص بدون اى سنتى حركه وبعدين يبص

الغلطه التانيه انه كان داخل على اشاره وكان فى واحد بيعدى الشارع وصاحبى شال رجله من على البنزين وهو على بعد حوالى 100 متر من الراجل بس محطهاش على الفرامل

الراجل قاله لازم تكون رجلك على الفارمل مستعده لفرمله قويه افرض ان اللى بيعدى ده مثلا وقع فجاه هتعمل ايه

وعلى الغلطتين دول اجل رخصته لمده 6 شهور يكون اتدرب تانى كويس

قولولى ايه فى امتحان الرخصه عندنا هنا يحاكى واقع الشارع

بره اللى بيعمل حادثه ويتعور فيها ناس ويثبت انه بسبب اهماله يحرم من السواقه على طول

واحنا مازلنا عايشين فى دنيا امتحان القارطيس المصرى اللى كمان بندخله بواسطه قال يعنى صعوبه خياليه

-------

وتعالى بقا وانت راكن جيه السيد المبجل امين الشرطه عمل قفل على عربيتك وانت واقف جنبها مستنيه يظهر جيه قالك انك لعبت فى القفل وكدا

اثبت يا معلم انك ملعبتش فى القفل وطبعا على حسب القانون انت معرض لغرامه 200 جنيه وحبس 6 شهور حد اقصى

يعنى وانت زى الباشا هتطلع ايدك بحته ب 50 جنيه للبيه الظابط علشان يعفيك من الحبس

والى المزيد من الحريه يا حكومه

-------

نقطه يتيمه اعجبتنى جدا وهى الحبس 3 شهور لكل قائد بدون رخصه

بس علشان تبقى صح يبقى لازم اصلا الامتحان يكون بدون كوسه يعنى اللى فعلا ينجح بدون واسطه ياخد رخصته

مواقف كتير اعرفها لناس دخلو وأدو الامتحان بدون غلطه وعلشان مفيش ليه واسطه ومعجبش السيد الممتحن سقط

منهم موقف معاى وانا بطلع الرخصه خلصت كل الامتحان زى الفل ولقيت الامين بيقولى هتعيد تانى

ليه يا عم الحاج هو انا خبطت حاجه قالى لا مخبطش حاجه بس هتعيده تانى الباشا عايزك تعيد تانى

وعلشان انا معايا واسطه تقيله قوى نزلت وسبت العربيه فى وسط المرور ومسحت بكرامه النقيب اللى كان قاعد الارض ورد الفعل الاسف وحاجه ساقعه للباشا وحتى الامين هو اللى دخل طلع العربيه وركنها من غير ما انا اتحرك وساعتها كنت انا اللى صممت انى ادخل امتحن من غير واسطه لانى الحمد لله مش محتاجه لكن لما حصل الموقف ده اضطريت انزل اشوف نفسى عليه علشان للاسف كالعاده طلع مبدأى انا اللى غلط ومواقف كتير مع ناس اعرفهم حصلت كدا قال ايه عايزك تعيد تانى كدا مزاجى او تعالى كمان شهر علشان مش ناجح طيب ليه كدا وخلاص

الحل ان العقوبه تتطبق فعلا وبحزم على اى حد سايق من غير رخصه لان لى واحد صاحبى يارب بس ميدخلش يشتمنى كمان شويه بيسوق اقسم بالله فى شوارع مصر كلها بقاله 3 سنين ونص بدون رخصه

من رمسيس لمدينه نصر وسفر وتنطيط فى كل حته وعمر ما شاف محضر ولا حبس ولا غرامه

--------
المطبات اللى الاهالى عاملينها وكدا طبعا كابوس فى شوارع المناطق الشعبيه زى منطقتى مثلا

اللى كل مره افكر ادخل فى الشوارع الجانبيه اندم على كدا

بس فى حاجه لو الحكومه اصلا بتعمل مطبات محترمه مكنش حد عمل مطب بأيده

طيب مهو كل دول العالم فيها مطبات يا جدعان وعندهم فيراريات ولمبورجينيات بتمشى فى المطبات دى عادى

بس مطب مش هضبه وتصميم محدب يخليه يهد اتخن عربيه تعدى عليه لو مسرعه ومهما كانت واطيه مش هيحك فيها ولا يكسر الدنيا تحتها

فين الكلام ده كله ؟ واول ما نشوف مطب محترم هوب تانى يوم يشيلوه علشان محسن باشا معدى من هنا بكره ومبيحبش يمشى فى مكان فيه مطبات اصله عنده الغضروف

-------

وعندى نقطه تانيه اعلق عليها من وجهه نظرى الشخصيه يعنى

عقوبات الحبس فعلا رادعه جدا وليها صدى عالى على الناس وبتأثر فعلا عليهم

بس ليه ميكونش فيه الدفع او الحبس وعلشان محدش يقولى هو علشان ناس معاها فلوس تدوس على الخلق ومش فارق معاه مخالفات

لا الدفع او الحبس بيكون حسب قيمه البنى ادم ده فى اهانته بالحبس

يعنى مثلا حبس شهر او دفع غرامه 5 الف جنيه كدا هيبقى الاتنين بيوجعو قوى

مثلا فى امريكا غرامه انك موسعتش لعربيه الاسعاف على طريق 600 دولار

متخيلين المبلغ الوهمى يا جدعان على مخالفه بتحصل 6 مليون مره عندنا هنا فى الشوارع يوميا

فى الاتحاد الاوروبى غرامه السرعه 10 يورو لكل كيلو متر فوق السرعه المقرره يعنى لو مثلا السرعه 100 وانت مشيت 140 يبقى عليك غير الضاريب بتاعت المخالفه 400 يورو مخالف على اخر ما اعلم يعنى مع ملاحظه انها تقريبا كمان بتتضاعف المخالفه كل ما تزيد قوى عن السرعه المقرره

بس مازلت بقول المهم ان يكون التطبيق صح للقانون مش كل المخالفات ياخدها بتوع المرور فى الاخر

-------

اهم نقطه بتاعت العربيات القديمه

بدون اعتراض يعنى هى وجهه نظرى غريبه شويه بس هوضح ليه

انا موافق تماما على اعدام كل العربيات اللى عدى عليها 20 سنه سواء ملاكى او اجره بس بشروط

طالما احنا عايزين نبقى عالم منظمه بقى ونعيش فى دور اصدقاء البيئه يبقى نعمل زى اوروبا فى كل القانون مش ناخد بس الجزئيه اللى هتنفع احمد عز ونسيب الباقى

هتاخد منى عربيتى القديمه بس ملزوم انك تدينى حق انى اشترى عربيه تانيه جديده معفيه تماما من الجمارك والضرايب وارد الخارج اتحرك بيها بدل اللى انت خدتها

يعنى مثلا واحد كان معاه عربيه والحكومه خدتها ب 10 الاف جنيه يبقى هجيب انا عربيه من بره معفيه تماما من اى غرامات او ضرايب او جمارك موديل مثلا 1998 وهتقف على بال 10 دول اكيد

كدا انت نظفت البلد وفى نفس الوقت ارتحت من عربيتى الكحيانه

نفس الكلام علشان طبعا مش هفضل طول عمرى استورد بقا عربيات بدون جمارك قانون الجمارك يعدل تماما ويبقى زى كل الدول المحترمه

العربيه تجمرك حسب سعر خروجها من مصنعها الاصلى يعنى ملهاش علاقه بسعه الموتور

يعنى مثلا عربيه 1600 سى سى ممكن تكون جماركها اعلى من عربيه 2000 سى سى لمجرد الرفاهيه

اللى عايز يركب عربيه بقى تكنولوجيا وامكانيات يدفع جماركها ويشتريها غاليه هو ربنا رزقه

واحد غلبان حوش له 35 الف مثلا بعد تعديل الجمرك ده هيجيب بيهم مثلا حته فيرنا زيرو وشكرا على كدا هو مش محتاج الكماليات بتاعت ال abs ووجع الدماغ ده ده راجل عايز يتمتع بتحويشه عمره

ساعتها تتطبق قانونك ويبقى العمر الافتراضى لاى عربيه 20 سنه وبعدين مصانع الحديد بقا تشتريها منك زى بره الا لو عملتلها تصريح اعاده بناء وكدا واعتبرتها كلاسيك وعايز تعيش بيها مع كشف وفحص تشددى جدا على اى عربيه عدت المده دى كل تجديد رخصه

وكمان على العربيات اللى موجوده فحص حقيقى للعربيه كل تجديد وتحديد لو فعلا تقدر تمشى تانى ولا خلاص

علشان متبقاش العربيه اتقسمت نصين فى حادثه وتتلحم وتمشى تانى

ساعه الكلام ده ما هيطبق هيبقى فى حدود 10 الاف جنيه تجيب عربيه تحترم مشاويرك ونادرا ما نشوف عربيه فى الشارع عطلانه والبلد تبقى نضيفه

الشوارع هتتزحم عربيات اه بس والله المشكله مش مشكله شوارع قليله كل العمليه تنظييييييم من الحكومه وعدم كوسه وربنا هتشمى زى الميه

-------

انا عارف انى رغيت كتير قوى بس فعلا حبيت اعرض راى كاملا فى كل القانون اللى ان شاء الله هيكون فتحه خير نتعرف كلنا على بعض فى سجن طره الاسمنت :whistle:

ELHDDAD

13-06-2008, 05:39 PM

يابنى ايه الدماغ ديه
رأيك ممتاز يا ابو حميد واخلى فقره عجبتنى جدا الفقره الاخيره بجد تفكير ممتاز جدا على الرغم من ان الخط صغير قوى بس انا فعلا استمتعت
( ودمعت من الخط الصغير ) بقراءة رأيك الى اخره بجد والله
شرفت الموضوع يابو حميد باشا

™ ΛHM€D NΘUH

13-06-2008, 06:20 PM

ELHDDAD

13-06-2008, 07:27 PM

ربنا يكرمك يا حداد والله دى افكار من افكار كتير قوى قوى ماليه البلد

على قد دماغى الصغيره قدرت اوصل حل تخيل بقا لو الخبرا اللى فى البلد اجتهدو فعلا فى الوصول لحل

هى المشكله كلها انى فكرتى دى مش هيبقى فى من وراها مصالح وبكده تبقى فكره فاشله

بس صحيح ايه موضوع الخط الصغير ده ؟

هو فى حد يا جماعه شايف خطى برده صغير ؟ لانى شايفه كبير زى الكلام اللى انت كاتبه عادى مش عارف اشمعنى انت يا حداد ؟

والله فى حاجه صغيره لو اتعلمت فى البلد بأذن الله حالها يتصلح وهى ان المسؤولين يضعوا الرجل المناسب فى المكان المناسب ويخلوا مصلحت البلد فى دماغهم واول اولياتهم
على فكره انا شايف الخط صغير بالفيرفوكس وعادى بالااوبيرا فعادى يعنى ولا يهمك

™ ΛHM€D NΘUH

13-06-2008, 07:35 PM

على فكره انا اصلا شغال فير فوكس الجديد :lol:

ELHDDAD

14-06-2008, 07:30 AM

على فكره انا اصلا شغال فير فوكس الجديد :lol:

والله يا ابو حميد مش عارف ايه الحوار ده بس انا شايف ردك دلوقتى كويس وعادى يلا مش مهم بقه

dialkm

14-06-2008, 03:33 PM

calimera

14-06-2008, 03:46 PM

قانون القانون الجديد في رأيي انه مش قانون اصلا ..

وخصوصا في حكاية الحبس دي .. لإنه كده وظّف كلمة المخالفات غلط , لإن ببساطة في القانون المصري ( المخالفة لا يجوز فيها الحبس ) وبالتالي كده المخالفات خرجت من وصف المخالفات , ودخلت في وصف جنح ..

ثانيا .. بالرغم من اننا كلنا عارفين ان السير عكس الاتجاه و الصف التاني والكلام ده كلة غلط , بس معتقدش انه من العدالة انه يتعاقب عليها بعقوبة سالبة للحرية

ثالثا .. في حالة تنفيذ العقوبة معتقدش انه من العدل ان الشخص المخالف , وهانقول عليه ( الجاني ) وفقا لقانون المرور الجديد .. كده الجاني ده هايتسجن او هايتحبس في سجن كل اللي فيه واخدين عقوبات من يوم حتى 3 سنوات , ودي عقوبة الجنح .. يعني هيلاقي نفسه وسط بلطجية وحرامية وغيرهم .. وعلى رأي الفنان محمد صبحي .. السجن الواحد بيدخلة بجنح , بيتعلم فيه الجنايات ..

رابعا .. القانون ده وانا بقولكو من دلوقت , مش هايتطبق بالتأكيد على كل فئات الشعب , فكل من ليه واسطة او قريبه ظابط او ذو شأن , اكيد هايتلحق قبل ما يتطبق عليه الحكم , وده بيحصل حاليا في موضوع تخفيض المخالفات و ازالتها تماما في بعض الاحيان , ولو عندك واسطة اسأل واتأكد

خامسا .. تخيل نفسك كده في يوم ناس بتخبط عليك الباب , وتفتح يقولولك انهم من شرطة تنفيذ الاحكام وان حضرتك عليك حكم بالحبس بسبب مخالفة مرور ..

انا رأيي ان قانون المرور الجديد فيه ظلم كبير جدا للناس .. مع العلم ان في موقف لسه حاصل معايا من اسبوع , اضطريت اني امشي عكس الاتجاه , وكان معايا 3 قرايبي , مع العلم اني الحمد لله مبحبش اخالف خالص , بس قلت اجرب وخصوصا وسط تشجيع منهم , ولقيت 3 من افرد المرور عبارة عن امين و 2 عساكر , بصراحة انا خفت , بس قرايبي قالولي ياعم ادخل وملكش دعوة .. وكل اللي حصل انهم اخدوا رقم العربية , وطبعا فيها مخالفة ..
ركنت ونزلت انا و اللي معايا , وراحو وقالولهم يشيلوا المخالفة , انا نسيت اني اقولكوا ان الجماعة اللي كانوا معايا دول واحد فيهم معاون مباحث برتبة رائد في المنطقة اللي احنا كنا فيها والاتنين التانيين نقباء شرطة من ضمنهم واحد في قسم تراخيص مرور في دائرة مشهوره اوي .. وكانت النتيجة .. لا مؤاخذه ياباشا , مكناش نعرف ان معاليكم اللي راكبين , شيل يابني النمرة .. اتفضل معاليك عدّي

يا جماعة احنا عاوزين تقنين للواسطة والرشوة وعلشان نضمن ان تنفيذ القانون هايبقى صح وعلى كل الناس , علشان على الاقل تبقى المساواه في الظلم عدل

لكن لما اشوف ان اللي قدامي اللي هو المفروض اللي بيطبق القانون وبيستمد سلطتة ونفوذه باحكام القانون ده , مبيحترمش القانون اصلا .. يبقى انا هاحترمه ليه ؟؟ ! !

وعموما كل دي اراء في الهواء , واللي هايحصل ان القانون هايتنفذ بس مش بحذافيرة , وشوية وهايتنسي , وخلاص على كدة , زي موضوع مخالفات الحزام والخوذة .. بتتطبق فعلا دلوقتي , بس مش بنفس الطريقة من ساعة ما نزل القانون ببداية تطبيق قانون وضع حزام الامان وارتداء الخوذة ..

ربنا يستر على البلد .. هاتودونا في داهية ياجماعة بالكلمتين اللي الواحد قالهم دول , بس بصراحة انا كان محروق دمي وكنت محتاج اني اقول الكلمتين دول

™ ΛHM€D NΘUH

18-06-2008, 07:20 PM

و الله يا جماعه - ااسف لمقاطعتكم - بس المفروض ان اللى يعمل قانون يبقى يفكر الاول هيقدر ينفذه و لا لأ

طبعا القانون هيتنفذ و اللى هيتحبس و يدفع الغرامات الناس اللى مش عارفه البلد ماشيه ازاى

تصدقوا ان عندى واحد زميلى (جراح) لما بيكون عنده شغل فى القصر بيركن العربيه فى شارع القصر العينى نفسه ب20 جنيه بالاتفاق مع امين الشرطه - متستغربوش الراجل بيكلبشها و يحاسبه بالساعه لما يتأخر - قانون برضه
يحاسبه بالساعه ؟

على اعتبار مثلا ان الكلبش ده وسبله للربح الشخصى البيه مستلمها من الداخليه

لا حول ولا قوه الا بالله بجد على قد ما هو موقف يموت من الضحك على قد ما يحزنا على حال البلد

مش بعيد نشوف قريب كروت شحن واسطه للتعامل مع امن الشرطه :2:

ويبقى عندك بقى واسطه كرت وواسطه فاتوره علشان تحدد احتياجك اليومى للرشاوى

قانون القانون الجديد في رأيي انه مش قانون اصلا ..

وخصوصا في حكاية الحبس دي .. لإنه كده وظّف كلمة المخالفات غلط , لإن ببساطة في القانون المصري ( المخالفة لا يجوز فيها الحبس ) وبالتالي كده المخالفات خرجت من وصف المخالفات , ودخلت في وصف جنح ..

ثانيا .. بالرغم من اننا كلنا عارفين ان السير عكس الاتجاه و الصف التاني والكلام ده كلة غلط , بس معتقدش انه من العدالة انه يتعاقب عليها بعقوبة سالبة للحرية

ثالثا .. في حالة تنفيذ العقوبة معتقدش انه من العدل ان الشخص المخالف , وهانقول عليه ( الجاني ) وفقا لقانون المرور الجديد .. كده الجاني ده هايتسجن او هايتحبس في سجن كل اللي فيه واخدين عقوبات من يوم حتى 3 سنوات , ودي عقوبة الجنح .. يعني هيلاقي نفسه وسط بلطجية وحرامية وغيرهم .. وعلى رأي الفنان محمد صبحي .. السجن الواحد بيدخلة بجنح , بيتعلم فيه الجنايات ..

رابعا .. القانون ده وانا بقولكو من دلوقت , مش هايتطبق بالتأكيد على كل فئات الشعب , فكل من ليه واسطة او قريبه ظابط او ذو شأن , اكيد هايتلحق قبل ما يتطبق عليه الحكم , وده بيحصل حاليا في موضوع تخفيض المخالفات و ازالتها تماما في بعض الاحيان , ولو عندك واسطة اسأل واتأكد

خامسا .. تخيل نفسك كده في يوم ناس بتخبط عليك الباب , وتفتح يقولولك انهم من شرطة تنفيذ الاحكام وان حضرتك عليك حكم بالحبس بسبب مخالفة مرور ..

انا رأيي ان قانون المرور الجديد فيه ظلم كبير جدا للناس .. مع العلم ان في موقف لسه حاصل معايا من اسبوع , اضطريت اني امشي عكس الاتجاه , وكان معايا 3 قرايبي , مع العلم اني الحمد لله مبحبش اخالف خالص , بس قلت اجرب وخصوصا وسط تشجيع منهم , ولقيت 3 من افرد المرور عبارة عن امين و 2 عساكر , بصراحة انا خفت , بس قرايبي قالولي ياعم ادخل وملكش دعوة .. وكل اللي حصل انهم اخدوا رقم العربية , وطبعا فيها مخالفة ..
ركنت ونزلت انا و اللي معايا , وراحو وقالولهم يشيلوا المخالفة , انا نسيت اني اقولكوا ان الجماعة اللي كانوا معايا دول واحد فيهم معاون مباحث برتبة رائد في المنطقة اللي احنا كنا فيها والاتنين التانيين نقباء شرطة من ضمنهم واحد في قسم تراخيص مرور في دائرة مشهوره اوي .. وكانت النتيجة .. لا مؤاخذه ياباشا , مكناش نعرف ان معاليكم اللي راكبين , شيل يابني النمرة .. اتفضل معاليك عدّي

يا جماعة احنا عاوزين تقنين للواسطة والرشوة وعلشان نضمن ان تنفيذ القانون هايبقى صح وعلى كل الناس , علشان على الاقل تبقى المساواه في الظلم عدل

لكن لما اشوف ان اللي قدامي اللي هو المفروض اللي بيطبق القانون وبيستمد سلطتة ونفوذه باحكام القانون ده , مبيحترمش القانون اصلا .. يبقى انا هاحترمه ليه ؟؟ ! !

وعموما كل دي اراء في الهواء , واللي هايحصل ان القانون هايتنفذ بس مش بحذافيرة , وشوية وهايتنسي , وخلاص على كدة , زي موضوع مخالفات الحزام والخوذة .. بتتطبق فعلا دلوقتي , بس مش بنفس الطريقة من ساعة ما نزل القانون ببداية تطبيق قانون وضع حزام الامان وارتداء الخوذة ..

ربنا يستر على البلد .. هاتودونا في داهية ياجماعة بالكلمتين اللي الواحد قالهم دول , بس بصراحة انا كان محروق دمي وكنت محتاج اني اقول الكلمتين دول

والله انا معاك ان حبس الحريه مرعب جدا

بس لو الموضوع اتطبق صح وعلى كل الناس هيربى الناس فى الشارع

مع احترامى لحضرتك وعلى فكره انا زيك وغيرنا كتير لو انت عارف انك هتمشى فى المخالف وتتمسك تتحبس هتعمل كدا ؟

زى ما مثلا ناس كتير مش بتسرق ولا تقتل خوفا من القانون

طيب مهو المشى فى المخالف هيعرض حياه ناس للخطر

نفس الفكره يعنى اننا نحافظ على قانون الشارع هو ان نحمى ارواح الناس من راى الحبس مش جنحه فى الحاله دى بس شرط التطبيق بدون مجامله

والحبس يكون طبعا فى مكان محترم زى السجن السياسى ويكون مكان لمجرد الناس اللى جايه فى مخالفات

انا اعتراضى على مده المخالفه 6 شهور حبس ليه يا جدعان هو انا عملت مخالفه بغواصه

مهو انا لو اتحبست بس اسبوعين هتربى يعنى مش مستاهله 6 شهور من عمرى

بس زى ما انت قولت كل اللى احنا بنقوله ده فى الهوا القانون هيطبق على شويه ناس كدا فى الاول والباقى يكش واللى معاه واسطه هيدوس فيها

متقلقش يا باشا من اى كلام تقوله هنا الدنيا لسه بخير

لو لينا عمر احتمال نتقابل فى سجن المرور الجديد :2:

ELHDDAD

19-06-2008, 07:15 AM

و الله يا جماعه - ااسف لمقاطعتكم - بس المفروض ان اللى يعمل قانون يبقى يفكر الاول هيقدر ينفذه و لا لأ

طبعا القانون هيتنفذ و اللى هيتحبس و يدفع الغرامات الناس اللى مش عارفه البلد ماشيه ازاى

تصدقوا ان عندى واحد زميلى (جراح) لما بيكون عنده شغل فى القصر بيركن العربيه فى شارع القصر العينى نفسه ب20 جنيه بالاتفاق مع امين الشرطه - متستغربوش الراجل بيكلبشها و يحاسبه بالساعه لما يتأخر - قانون برضه

ماهى هنا الكارثه انهم اعطوا امناء المرور وادخال امناء الشرطه النظامين ( مناشير تقيله برده ) الحق فى غرامات كبيره جدا وبالتالى الرشاوى هاتذيد يعنى صاحبك ان شاء الله بعد تطبيق هذا القانون اول اغسطس بدل ياهايدفع 20 جنيه اتوقع هاتذيد الرشوه الى 50جنيه على الاقل وهنا دليل على ان يأما الحكومة مش عارفه ان الامناء بسم الله ماشاء الله اساتذه فى علم الرشوى المتقدم وديه تبقى مصيبه يأما عارفين ومطنشين وديه بقه الكارثه الحقيقيه

قانون القانون الجديد في رأيي انه مش قانون اصلا ..

وخصوصا في حكاية الحبس دي .. لإنه كده وظّف كلمة المخالفات غلط , لإن ببساطة في القانون المصري ( المخالفة لا يجوز فيها الحبس ) وبالتالي كده المخالفات خرجت من وصف المخالفات , ودخلت في وصف جنح ..

ثانيا .. بالرغم من اننا كلنا عارفين ان السير عكس الاتجاه و الصف التاني والكلام ده كلة غلط , بس معتقدش انه من العدالة انه يتعاقب عليها بعقوبة سالبة للحرية

ثالثا .. في حالة تنفيذ العقوبة معتقدش انه من العدل ان الشخص المخالف , وهانقول عليه ( الجاني ) وفقا لقانون المرور الجديد .. كده الجاني ده هايتسجن او هايتحبس في سجن كل اللي فيه واخدين عقوبات من يوم حتى 3 سنوات , ودي عقوبة الجنح .. يعني هيلاقي نفسه وسط بلطجية وحرامية وغيرهم .. وعلى رأي الفنان محمد صبحي .. السجن الواحد بيدخلة بجنح , بيتعلم فيه الجنايات ..

رابعا .. القانون ده وانا بقولكو من دلوقت , مش هايتطبق بالتأكيد على كل فئات الشعب , فكل من ليه واسطة او قريبه ظابط او ذو شأن , اكيد هايتلحق قبل ما يتطبق عليه الحكم , وده بيحصل حاليا في موضوع تخفيض المخالفات و ازالتها تماما في بعض الاحيان , ولو عندك واسطة اسأل واتأكد

خامسا .. تخيل نفسك كده في يوم ناس بتخبط عليك الباب , وتفتح يقولولك انهم من شرطة تنفيذ الاحكام وان حضرتك عليك حكم بالحبس بسبب مخالفة مرور ..

انا رأيي ان قانون المرور الجديد فيه ظلم كبير جدا للناس .. مع العلم ان في موقف لسه حاصل معايا من اسبوع , اضطريت اني امشي عكس الاتجاه , وكان معايا 3 قرايبي , مع العلم اني الحمد لله مبحبش اخالف خالص , بس قلت اجرب وخصوصا وسط تشجيع منهم , ولقيت 3 من افرد المرور عبارة عن امين و 2 عساكر , بصراحة انا خفت , بس قرايبي قالولي ياعم ادخل وملكش دعوة .. وكل اللي حصل انهم اخدوا رقم العربية , وطبعا فيها مخالفة ..
ركنت ونزلت انا و اللي معايا , وراحو وقالولهم يشيلوا المخالفة , انا نسيت اني اقولكوا ان الجماعة اللي كانوا معايا دول واحد فيهم معاون مباحث برتبة رائد في المنطقة اللي احنا كنا فيها والاتنين التانيين نقباء شرطة من ضمنهم واحد في قسم تراخيص مرور في دائرة مشهوره اوي .. وكانت النتيجة .. لا مؤاخذه ياباشا , مكناش نعرف ان معاليكم اللي راكبين , شيل يابني النمرة .. اتفضل معاليك عدّي

يا جماعة احنا عاوزين تقنين للواسطة والرشوة وعلشان نضمن ان تنفيذ القانون هايبقى صح وعلى كل الناس , علشان على الاقل تبقى المساواه في الظلم عدل

لكن لما اشوف ان اللي قدامي اللي هو المفروض اللي بيطبق القانون وبيستمد سلطتة ونفوذه باحكام القانون ده , مبيحترمش القانون اصلا .. يبقى انا هاحترمه ليه ؟؟ ! !

وعموما كل دي اراء في الهواء , واللي هايحصل ان القانون هايتنفذ بس مش بحذافيرة , وشوية وهايتنسي , وخلاص على كدة , زي موضوع مخالفات الحزام والخوذة .. بتتطبق فعلا دلوقتي , بس مش بنفس الطريقة من ساعة ما نزل القانون ببداية تطبيق قانون وضع حزام الامان وارتداء الخوذة ..

ربنا يستر على البلد .. هاتودونا في داهية ياجماعة بالكلمتين اللي الواحد قالهم دول , بس بصراحة انا كان محروق دمي وكنت محتاج اني اقول الكلمتين دول

انا معاك فى كل كلمة انت قلتها وخصوصا حكاية الحبس
بس لازم نضع فى الحسبان كلمة احمد باشا نوح ان فعلا فى ناس عايزه تتعلم سواقه من جديد فى شوارعنا واخدنها عافية بس الكلام ده هايظبطهم بشرط مهم جدا جدا جدا وهو تطبيق القانون على جميع فئات الشعب وده اللى اكاد اجزم انه لن يحدث
بس برده انا شايف ان لازم العقوبه تبقى من صنف الذنب يعنى تكون مناسبه ليه يعنى ماشى غلط ادفع غرامه محترمه وتتوقف رخصتك شهر مثلا
يعنى حاجات زى كده مش حبس وتضيع مستقبل ناس ممكن تكون مشيت غلط غصب عنها بس اهم شرط هو ان القانون يمشى على الكل
نورتم ياشباب ومتشكر على ارائكم القيمه

youssef_00

19-06-2008, 08:20 AM

اولا : حسبى الله ونعم الوكيل ربنا ينتقم منهم يا رب بحق جاه النبى
ثانيا : الاول عشان تطلع رخصة قيادة كانت بخمسين جنيه بعد القانون اللى هما حاطوه بقت 350 غير الرشاوى
ثالثا: انا كان معايا ليجانزا 2000 سى سى بعتها وجبت سوزوكى التو عشان الضريبة والبنزين
مشكوووووووووورين يا احبابى على انتقاضقم للقانون

ELHDDAD

19-06-2008, 12:07 PM

™ MΘHΛMED SΛED

19-06-2008, 05:33 PM

شكرا ياحداد على القانون والمجهود الرائع ده

MR.MiDO™

19-06-2008, 06:55 PM

ELHDDAD

19-06-2008, 10:14 PM

شكرا يا حداد بس البلد دى مش هتتصلح الا اما يحكمها ناس تهمها مصلحة البلد مش مصلحتها يعنى حكاية ال20 سنة دول ممكن بس زى ما قال الاخ احمد نوح تجيب عربية غير ها معفية من الجمارك و الضرايب مش تاخد منى عربيتى و كمان تخلينى اضطر اجيب عربية بضعف تمنها

عندك حق يا ميدو فعلا
الناس الى شايلين مسؤلية البلد لو بس فكرو انهم بمراعة مصالح البلد والشعب فى الاخر كل المكاسب هاتجيلهم لغاية عندهم
وموضوع العربيه المعفيه انا شايفه ان حل مناسب بس لو عشاق الحداقه والفهلوه مالاقوش فيها ضغره يعرفوا يقلبوا مصالح منها

iu2999eg

21-06-2008, 05:21 AM

السلام عليكم
معلومات حاوة كنت بدور عليها

بس لما قريتها
كل اللي ائدر ائوله ان
ربنا يسترها معانا

ELHDDAD

21-06-2008, 09:20 PM

السلام عليكم
معلومات حاوة كنت بدور عليها

بس لما قريتها
كل اللي ائدر ائوله ان
ربنا يسترها معانا

امين ياباشا فعلا ربنا يسترها معانا ان شاء الله