للخبراء المساعده نوكيا 6280 بيعمل ريستارت علي طول

[alaa-spider]

السلام عليكم اخواني
لدي مشكله الموبيل نوكيا 6280 الموبيل كان شغال كويس بس دلوقتي بيعمل ريستارت علي طول
اول ما بدوس علي زرار البور عشان يشتغل بيحمل ويجيب اللوجو بتاع نوكيا واول ما يبتدي يخش يقوم عامل ريستارت :sadwalk:
ويفضل علي كدة يجيب اللوجو ويعمل ريستارت :15:

يا ريت لو حد عندة فكرة ايه اللي ممكن اعمله يقولي

[♥Fi®eDa®k♥]

نزل سوفوير
من اي وكيل جمبك
او روح الي i2

[alaa-spider]

شكرا علي الرد السريع يا اخي
انا نسيت اني اقول اني روحت توكيل رايه بس ما عرفوش يعملوة بس اظن بسبب انهم ما بيفهموش الصراحه
عشان قالولي العيب في المذر بورد وتغيرها ب 1000 جنيه ؟؟؟؟
دورت شوية في النت ولقيت ان الموضوع دة فعلا بيتحل بتنزيل سوفت وير بس مش عارف انزله ازاي بس مش مشكله في الهردويسر اللي في الموبيل نفسه بس انا ثقافتي في الموبيلات ضعيفه عشان افهم اجيب الفلاش ازاي وانهي برنامج اجربه فياريت لو اي حد يعرف يقولي
معلش لو كنت طولت عليكم بس بجد نفسي تشتغل تاني :)

[™AlprincE_B@seM]

طب قبل ماتعمل فلاش للموبيل ... هل جرربت تعمل فورمات ؟
انا عارف ان انت وديته للتوكيل والمفروض هما حاولو يعملوه بس بردو ماتعرفش يمكن معملوش حاجة فيه خالص اصلا
لو مكنتش جربت تعمل فورمات ... أدى الطريقة
اطفى الموبيل و اضغط التلت زراير دول مع بعض
* و 3 و زرار الاتصال الاخضر
وانت لسه دايس على الزراير دى اضغط مع استمرار الضغط على زرار ال power
افضل ضاغط على الاربع زراير دول لحد ما ال logo بتاع نوكيا يظهر
الفورمات خلص .. والمفروض هيسألك على ال location والوقت والتاريخ
كمان بردو نسيت اقولك تشيل ال memory card خالص من الجهاز لحد ما نلاقى حل للمشكله
------------
لو الفورمات مجبش نتيجة .. ان شاء الله هشرحلك ازاى تعمل فلاش للموبيل ببرنامج phoenix
تحيتى لك

[alaa-spider]

اخي العزيز انا جربت الخطوات اللي قولتلي عليها بس برضة زي ما هوة
بيعمل ريستارت :31:

ولو ينفع تقولي ازاي انزله سوفت وير او فلاش للموبيل ببرنامج phoenix
اللي قولتلي عليه
هوة طبعا موبيلي نوكيا 6280
_____________
بس ياريت تديني روابط الملفات والبرنامج اللي هاستعمله عشان طبعا مش عارف هاجبهم منين :sadwalk:


والف الف شكر علي المساعده

[™AlprincE_B@seM]

طبعا عشان الجهاز يعتبر مبيشتغلش ... مش هنعرف نستخدم nokia software updater
وهنعتبرة dead phone ...
فا دلوقت هنستخدم برنامج اسمه phoenix Service Software
عايز اقول حاجة قبل ما نبتدى .. انا معملتش فلاش ل dead phone قبل كدة .. يعنى الخطوات اللى انا هقولهاك مجربتهاش قبل كدة ومضمنش انها هتنجح معاك .. يعنى من الاخر الموضوع على ضمانتك :glasses:

دى لينكات تحميل البرنامج ودة احدث اصدار:
الجزء الاول (http://rapidshare.com/files/116303028/Phoenix_Service_Software_2008_4_7_32837.part1.rar)
الجزء التانى (http://rapidshare.com/files/116303949/Phoenix_Service_Software_2008_4_7_32837.part2.rar)
بعد ما ينزل ... فك الضغط وسطب البرنامج وساعة لما يسألك على ال pass .. دخل ال pass دة
pass:088B4CE1ADE7DFC94070B2FC053CC94E
وافضل ماشى معاه لحد ما يخلص
متشغلش البرنامج دلوقت ..
نزل الملف دة
لينك التحميل (http://www.anonym.to/?http://www.megaupload.com/pl/?d=BGZM8SX8)
فك الضغط عنه وحط الملف اللى اتفك فى ملفات البرنامج
C:\Program Files\Nokia\Phoenix
وشغل الملف دة واضغط patch ... واستنى لحد ما يسالك لو عايز تعمل search عن الملف .. اضغط no واستنى تانى لحد ما يسألك تانى نفس السؤال .. اضغط no ... المفروض هيقولك patching done ..
دلوقت المفروض البرنامج هيكون جاهز للاستخدام
ناقص تنزل ال software اللى عايز تحطة على الموبيل
Nokia 6280 & Nokia 6288
RM-78_dp_v_348.0_mcusw06.43_Global
لينك التنزيل (http://www.megaupload.com/?d=ZZ3LEFO0)
بعد ما ينزل الملف فك الضغط وسطبه ..
بعد ما يخلص .. هنخش بقة على برنامج ال phoenix
فى صفحة البرنامج اضغط على file بعد كدة manage connection
علم على usb بعد كدة next واستنى لحد ما يخلص scanning بعد كدة next بعد كدة finish
فى ال priority list خللى ال no connection هى اللى فوق عن طريق الاسهم اللى على اليمين بعد كدة apply ثم close ..
من file افتح open product
ال 6280 هو ال RM-78 ..... فى type filler اكتب RM-78 ..
هتلاقى واحدة بس RM-78 ... اختارها ثم ok
طبعا قبل ما تعمل اى حاجة تكون متأكد ان انت شلت ال sim card وال memory card من الجهاز ويكون مشحون كويس ... كمان عايزك تسجل ال product code بتاع الموبيل فى ورقة عشان هنحتاجة بعد كدة
هتلاقيه تحت البطارية تحت اسم code او product code ...
اطفى الجهاز ووصله على كابل ال usb وتحاول تفصل كل ال usb devices التانية .. يعنى يكون الموبيل هو الوحيد اللى متوصل على الكمبيوتر من ال usb .. وطبعا على windows يكون ال phoenix بس هو اللى شغال ... يعنى اقفل كل البرامج اللى شغاله على قد ما تقدر وخصوصا nokia pc suite ويستحسن تشيله خالص قبل ما تبتدى ..
نرجع بقة للبرنامج ..
من قائمة flashing اختار firmware update ... جنب ال product code هتلاقى زرار علية 3 نقط
اضغط علية ...
دلوقت دى كل ال product codes لل 6280 و ال 6288 ... حاول تدور على ال product code بتاعك ما بينهم اللى انت اخدته من تحت البطارية... هتلاقيه ان شاء الله بسهوله لانهم مترتبين
بعد ما تلاقيه اختارة واضغط ok ... رجعنا تانى لل firmware update
اضغط على Dead phone USB flashing
بعد كدة اضغط refurbish .. دلوقت البرنامج بيستطب ال software على ال flash memory بتاع الجهاز ...
المفروض فى النص هيطلب منك انك تشغل الجهاز ... هتضغط على زرار ال power وتسيبة يكمل

[alaa-spider]

بجد مش عارف اشكرك ازاي يعني ما هما شكرت مش هاقدر اوفيك حقك الف الف الف الف شكر علي الشرح الوافي والتليفون اشتغل 100/100
وانا بعت صورة من البرنامج بعد ما خلص عشان الناس برضه تستفيد




http://img160.imageshack.us/img160/8338/34318174rh7.th.jpg (http://img160.imageshack.us/my.php?image=34318174rh7.jpg)

[™AlprincE_B@seM]

تمام جدا .. الف مبروك ان الموبيل رجع زى مكان ..
كدة بقة دة يدل فعلا ان التوكيلات بقت حرمية هى كمان .. حاجة فعلا تحزن :(
ياريت بس تأكدلى ان كل حاجة تمام ..ولو فى اى مشاكل قابلتك فى السوفت وير دة .. ممكن تستخدم ال nokia software updater عشان تنزل سوفت وير الاصلى من نوكيا ...
تحيتى لك اخى العزيز