سوال صغير ارجو المساعده

[nerazzurri4ever]

السلام عليكم

دلوقتى انا خريج كليه تجارة لسه متخرج من كام شهر للاسف الفترة اللى فاتت كنت مقضيها شويه او مش شويه زياده عن اللزوم :jap:

المهم دلوقتى الواحد فاق و انا محتار اخد كورسات ايه ؟ يعنى انا عاوز حاجه تفيدني فى الشغل و محتاج ناس تنصحني من الخبراء

يعنى مثلا الوورد و الاكسيل اعتقد هيفيدوني فا ياريت لو حد يعرف طريقه سريعه للتعلم و ياريت لو فيه كتاب الكتروني حد مجربه فيه شرح وافي و فى الانجاز

و غير كده فيه ايه تاني ؟ كورسات مثلا ؟

برجاء الافاده و شكرا مقدما

[tito_mizo]

ياسيدى حمد الله على السلامة من الاجازة الطويلة اولا

بس قولى انتا خريج قسم ايه اولا عشان نقرر على اساسه الكورسات المناسبة ليك

[nerazzurri4ever]

الف شكر على ردك يا tito_mizo

انا قسم محاسبه يا باشا

[loveme7448]

بص يا باشا

حمدالله على السلامه اولا


الكورسات على حسب امكانياتك الماديه واستعدادك

اولا / اللغه ودي بقت حاجه مهمه جدا وميزه كبير

ثانيا / التدريب او الخبره : هتقولي انا مقضيها هقولك بسيط عليك وعلى مكتب محاسبه كويس تتدرب في هيديلك خبره كويسه واوعى تبص للفلوس بالمره في المرحله دي

ثالثا/ شهاده مهنيه cia cma بس دي يا نجم مكلفه حبتين تقريبا 15 الف جنيه بس حاجه عظيمه جدا جدا


يا ريت نتواصل اكتر وتستفسر عن الي انت عايزه

[nerazzurri4ever]

اول حاجه الف شكر على ردك يا باشا

بالنسبه للغه انا كويس فى الانجليزي بس بالنسبه للمصطلحات التجاريه و كده معرفهاش الصراحه بس انا جبت قاموس كده فيه المصطلحات التجاريه دي فهل تنصحني اعرفها من القاموس ده ؟ ولا فيه كورس معين تنصحني بيه ؟

بالنسبه للتدريب انا مش باصص لفلوس خالص انا اللى يهمني اشوف مكان كويس اتدرب فيه صح و اخد خبرة كويسه و اتجهز صح للشغل و يا سلام لو حضرتك تنصحني بمكان كويس يا باشا اتدرب فيه سواء مكتب محاسبه او بنك او شركه مش هقول لا يبقى الف شكر ليك مع العلم انا من سكان القاهرة الهرم تحديدا

بالنسبه لل cma بقى هل مثلا انا لازم اخدها كلها ؟ ولا فيه مواد معينه بس هى اللى هتفيدني ؟ 3 او 4 مواد مثلا ؟

و شكرا لردك مرة تانيه يا باشا

[nerazzurri4ever]

باشا ؟؟؟؟؟

[mr_adham]

[QUOTE]
اول حاجه الف شكر على ردك يا باشا

بالنسبه للغه انا كويس فى الانجليزي بس بالنسبه للمصطلحات التجاريه و كده معرفهاش الصراحه بس انا جبت قاموس كده فيه المصطلحات التجاريه دي فهل تنصحني اعرفها من القاموس ده ؟ ولا فيه كورس معين تنصحني بيه ؟


هو مش شرط كورس
ممكن تذاكرها بنفسك
وان شاء الله هارفعلك بعض الملفات هاتفيدك في المصطلحات

بالنسبه للتدريب انا مش باصص لفلوس خالص انا اللى يهمني اشوف مكان كويس اتدرب فيه صح و اخد خبرة كويسه و اتجهز صح للشغل و يا سلام لو حضرتك تنصحني بمكان كويس يا باشا اتدرب فيه سواء مكتب محاسبه او بنك او شركه مش هقول لا يبقى الف شكر ليك مع العلم انا من سكان القاهرة الهرم تحديدا

بالنسبه لل cma بقى هل مثلا انا لازم اخدها كلها ؟ ولا فيه مواد معينه بس هى اللى هتفيدني ؟ 3 او 4 مواد مثلا ؟

الافاده الاكبر والاعظم انك تدرسها بالكامل

[nerazzurri4ever]

الف شكر على ردك يا باشا و فى انتظار الملفات

و ياريت يا باشا لو حضرتك تعرف اى مكتب من مكاتب المحاسبه للتدريب لانى بصراحه ضيعت وقت كتير و مش عاوز اضيع اكتر من كده

[mr_adham]

الف شكر على ردك يا باشا و فى انتظار الملفات

و ياريت يا باشا لو حضرتك تعرف اى مكتب من مكاتب المحاسبه للتدريب لانى بصراحه ضيعت وقت كتير و مش عاوز اضيع اكتر من كده
دي عناوين مكاتب المحاسبه علي مستوي الجمهوريه
شوف كده وربنا يوفقك
http://www.2shared.com/file/3398060/26aba0c/___doc.html

ودي شويه ملفات مصطلحات وكده
ذاكر منها
هاتفيدك كتير ان شاء الله
http://www.2shared.com/file/3398056/c0244cfa/__online.html

[nerazzurri4ever]

الف الف شكر يا باشا

[loveme7448]

اخي الغالي

معلش لو تاخرت في الرد شويه بس الاستاذ ادهم ربنا يبارك فيه عمل الواجب واحب اضيف

بخصوص الانجلش انت ممكن تذاكر اول 5 شباتر في كتاب الـintermediate accounting للكيسو وهو موجود في المنتدى هنا وده هيفيدك كتير


بخصوص الـ cma

انت مبتاخدش الشهاده الا لما تنجح في الفور بارتس يعني بارت واحد او 2 ممكن يفيدك انت كعلم او كلغه انما كشهاده لأ

واتنمى لو فيه حاجه تاني تبلغني وانا تحت امرك

[nerazzurri4ever]

ولا يهمك يا باشا

عملت سيرش على الكتاب و لقيته و ان شاء الله يفيدني مع الكتب اللى mr_adham حطها

و الف شكر على الرد

[loveme7448]

تحت امرك يا جميل